Super Kubogy hem «Baýer» eýeledi
Germaniýada geçen möwsümde taryhyndaky ilkinji çempionlygyny hem-de 2-nji gezek ýurduň kubogyny gazanan «Baýer» topary Super Kuboga hem mynasyp boldy. Bu ugurda wise-çempion «Ştutgart» bilen duşuşan lewerkuzenliler ýene-de soňky minutlarda hasaby deňlemegi başardylar. 11-nji minutda Bonifeýsiň goly bilen öňe geçen «Baýeriň» derwezesinden 15-nji minutda Millo hasaby deňlän goly girizdi. 37-nji minutda «Baýerden» Martin Terrie gyzyl kart aldy. 63-nji minutda Deniz Undaw «Ştutgart» toparyny 2-1 hasabynda öňe çykardy. 73-nji minutda oýna giren Patrik Şik 88-nji minutda hasaby deňledi. Goşmaça wagt berilmezden, ýerine ýetirilen penalti urgularynda «Baýer» 4-3 hasabynda üstün çykyp, ilkinji gezek Germaniýanyň Super Kubogyny eýeledi. Lewerkuzenliler bu kubogy gazanan 9-njy topar boldy. Germaniýanyň Super Kubogy duşuşygy ilkinji gezek 1987-nji ýylda geçirilip, «Bawariýa» 10, «Borussiýa Dortmund» 6, «Werder» 3 gezek ýeňiş gazanmagy başar