Türkmenmetbugat

"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Ýüwrük aýlawda belli

Türkmen halysynyň baýramy bu ýyl Mary welaýatynyň bagtyýar raýatlary üçin goşa toý, goşa şatlyk bolup geldi. Şol gün Mary atçylyk sport toplumynda at çapyşyklarynyň ýazky möwsüminiň tamamlaýjy tapgyrynyň geçirilmegi welaýatyň bagtyýar ýaşaýjylarynyň, köp sanly atşynaslaryň hem-de janköýerleriň toý şatlygyny has-da artdyrdy. Bu ýere gelen ildeşlerimizi, ilki, welaýatyň medeniýet, sungat, kitaphana we muzeý işgärleri, amaly-haşamdyr şekillendiriş sungatynyň ussatlary özleriniň ýörite taýýarlan baýramçylyk çykyşlarydyr sergileri bilen garşyladylar.

31 Maý 2021

Bilegi — zor, zehini — zer

Okamak, öwrenmek we döretmek üçin ajaýyp şertler döredilip berlen eziz Diýarymyzda ähli ugurlar babatynda ukyp-başarnyklaryny we zehinini açmagy başarýan ýaşlar özleriniň köptaraplylygy bilen tapawutlanýarlar. Sportda üstünlik gazanýan ýaş türgenleriň arasynda döredijilik ukyplylary hem az däl. Mekdeplerde hereket edýän dürli ugurly gurnaklar bolsa Ahal welaýatynyň Ak bugdaý etrabyndaky 16-njy orta mekdebiň 11-nji synp okuwçysy Muhammetnur Annamuhammedow ýaly zehinli ýaşlaryň kämilleşmegi üçin goldaw merkezi bolup durýar. Ýedi ýyl bäri sportuň karate-do görnüşinden birnäçe ýaryşlara gatnaşyp, ýokary netijeleri görkezmegi başaran Muhammetnuruň gazanýan üstünliklerinde onuň tälimçisi «Gara guşak» 1-nji danyň eýesi Amangeldi Bäşimowyň hyzmaty uludyr. Ýaş türgen 2015-nji ýylda welaýat derejesinde 12-13 ýaşly türgenleriň arasynda geçirilen ýaryşda 1-nji orny eýelemegi başardy. 2016-njy ýylda bolsa Türkmenistanyň açyk çempionatynda «şahsy kata» boýunça 3-nji orna, şol ýylda ýene-de ýetginjekleriň arasynda welaýat derejesinde geçirilen şahsy tutluşykda 2-nji orna eýe boldy. 2017-nji ýylda Türkmenistanyň açyk çempionatynda görkezen tehniki taýýarlygy, gowy emelleri we ýeňşe bolan erki üçin Kuboga mynasyp boldy. Ýokarda agzalan üstünlikli netijelerden başga-da, ýurdumyzyň ähli welaýatlarynda geçirilen açyk çempionatlaryň ýeňijisi bolan Muhammetnuruň iň esasy üstünligi Türk

29 Maý 2021

Küştçi doganlar

Garşydaşyň hüjümini öňünden bilmek, çalt we takyk pikirlenmek ýaly häsiýetleri terbiýeleýän küşt oýnuna höwesleriniň bardygyny aňan ene-atasy perzentleriniň ýörite hünärmenlerden tälim almaklaryny makul bilýärler. Höweslendiriji ýaryşlarda baýrakly orunlara mynasyp bolup başlan doganlar sportuň bu görnüşi bilen içgin gyzyklanyp, türgenleşiklere uly höwes bilen gatnaýarlar. Ussat tälimçi Aýnur Isaýewadan bu oýnuň inçe usullaryny öwrenip başlaýarlar. Doganlar öýlerine gelenlerinde-de küşt göçümleri barada pikir alşyp, bilýänlerini bir-birine öwredýärler. Şeýdip, başarjaňlyk basgançaklaryny külterleýän doganlar Perwana, Nurana we Ybraýym Serdarowlar dürli ýaryşlarda baýrakly orunlara mynasyp bolýarlar.

29 Maý 2021

Arzyly ýaryşyň ýeňijisi

Hepdäniň çarşenbe güni Polşanyň Gdansk şäherinde abraýly futbol ýaryşlarynyň biri bolan Ýewropa Ligasynyň final oýny geçirildi. Aýgytlaýjy ýaryşda Ispaniýanyň «Wilýarreal» topary bilen Angliýanyň «Mançester Ýunaýted» topary duşuşdy. Gyzykly hem çekeleşikli geçen duşuşykda ispanlaryň topary ilki bolup hasaby açdy. Oýnuň 29-njy minutynda Žerar Moreno tapawutlandy. Duşuşygyň 55-nji minutynda «Mançester Ýunaýted» toparynyň urugwaýly hüjümçisi Edinson Kawani hasaby deňlemegi başardy. Bu deň hasap duşuşygyň esasy wagtyna çenli saklanyp galdy. Goşmaça berlen wagtda hem hasap üýtgemänsoň, emin ýeňijini belli etmek üçin oýundan soňky jerime urgularyny yglan etdi.

27 Maý 2021

Ezber hem erjel pälwan

Hormatly Prezidentimiziň baştutanlygynda ýaşlary ruhubelentligiň we sagdynlygyň çeşmesi bolan sporta çekmäge çynlakaý üns berilýär. Munuň üçin ýurdumyzda giň mümkinçilikler hem-de amatly şertler döredilýär. Biz hem döwlet Baştutanymyzyň öňde goýan jogapkärli wezipelerinden ugur alyp, ussat türgenleri taýýarlamak ugrunda yhlasly zähmet çekýäris. Edýän tagallalarymyzyň netijesinde ussatlyga dalaş edýän türgenleriň sany barha artýar. Şeýle türgenleriň arasynda Seýit Begmyradow hem bar. Ol geljegine uly umyt bildirilýän ýaş pälwanlaryň biridir. Seýit etrabymyzdaky 24-nji orta mekdepde okamak bilen birlikde 2015-nji ýyldan bäri biziň sport mekdebimiziň milli göreş toparyna gatnaýar. Ýaş türgenlere birinji derejeli ussat tälimçi Jumamyrat Ereşow tälimçilik edýär. Onuň şägirtleriniň arasynda Seýit aýratyn tapawutlanýar. Ol geçen ýyllarda 62 kilogram agram derejesinde milli göreş, şeýle-de guşakly göreş boýunça welaýatymyzyň çempiony boldy. Seýit Begmyradow 2019-njy ýylda guşakly göreş boýunça ýetginjekleriň arasynda geçirilen ýurt birinjiliginde ýeňiş gazanyp, Türkmenistanyň çempiony boldy.

26 Maý 2021

Sport – parahatçylygyň ilçisi

Hormatly Prezidentimiziň tagallasy bilen, ýurdumyzda bedenterbiýäniň we sportuň ösdürilmegi döwlet syýasatynyň ileri tutulýan möhüm ugurlarynyň birine öwrüldi. Ýurdumyzda sport hereketini işjeňleşdirmek, şonuň esasynda raýatlaryň saglygyny berkitmegiň we ýaş nesillerimizi ata Watanymyza wepalylyk ruhunda terbiýelemegiň bitewi ulgamyny kemala getirmek maksady bilen, «Türkmenistanda 2021 — 2025-nji ýyllarda bedenterbiýäni we sporty goldamagyň hem-de ösdürmegiň Maksatnamasy» kabul edildi. Şeýle hem maksatnamada milli sporty dünýä derejesinde ýokary götermegiň ygtybarly hukuk, guramaçylyk we maddy-tehniki esaslaryny kämilleşdirmeklik hem göz öňünde tutulýar. Ýurdumyzda bedenterbiýäni we sporty goldamagyň hem-de ösdürmegiň kanunçylyk binýadyny kämilleşdirmek, daşary ýurtlaryň degişli sport guramalary bilen hyzmatdaşlygy ösdürmek, ýaşlaryň arasynda bedenterbiýäni we sporty wagyz etmek, halkara derejeli ussat türgenleri taýýarlamak hem-de beýleki wajyp çäreler maksatnamanyň esasy wezipesi hökmünde kesgitlenildi.

26 Maý 2021

Ýaş tennisçileriň üstünligi

AK BUGDAÝ. Etrapdaky takyk we iňlis dili derslerini çuňlaşdyryp öwredýän ýöriteleşdirilen 27-nji orta mekdebiň sport zalynda stoluň üstünde oýnalýan tennis boýunça ýaryş geçirildi. «Türkmenistan» Ýaşlar bedenterbiýe-sport guramasynyň welaýat bölüminiň, welaýat Baş bilim müdirliginiň bilelikde kabul eden meýilnamasynyň çäginde guralan ýaryşa etrapdaky orta mekdepleriň ýokary synp okuwçy oglan-gyzlaryndan düzülen toparlar gatnaşdy. Ýaşlarda sportuň stoluň üstünde oýnalýan tennis görnüşine bolan isleg örän ýokarydyr. Sportuň bu görnüşi bilen meşgullanyp, barha taplanýan ýaşlaryň arasynda mekdep okuwçylarynyň hem sany az däldir. Bu hakykaty okuwçy ýaşlaryň arasyndaky nobatdaky ýaryş aýdyňlygy bilen görkezdi.

25 Maý 2021

Sagdyn bedende — sagdyn ruh

Jemgyýetimizde sagdyn durmuş ýörelgelerini ornaşdyrmak babatda alnyp barylýan işleriň netijesinde sporty söýýän, bedenterbiýäni özüniň gündelik durmuşynyň aýrylmaz bölegine öwren ýaşlaryň kemala gelmegi her birimizi guwandyrýan ýagdaýdyr. Berkarar döwletimiziň bagtyýarlyk döwründe sport bilen meşgullanmak üçin uly mümkinçilikler bar. Ýurdumyzyň ähli künjeklerinde gurlup, ulanylmaga berlen döwrebap bedenterbiýe we sagaldyş toplumlarynda, beýleki sport desgalarynda her bir adamyň özüni beden taýdan taplamagy üçin ähli şertler üpjün edilen. Aýratynam, sport mekdepleri ösüp gelýän ýaş nesillerimizi beden we ruhy taýdan terbiýelemekde, olaryň kalbynda maksada okgunlylygy, ýeňşe ynamy kemala getirmekde uly hyzmaty bitirýär. Bu bolsa sagdyn durmuş ýörelgelerini rowaçlandyryp, sport äleminde gazanyljak geljekki üstünlikleriň mäkäm binýadyny üpjün edýär.

24 Maý 2021

Sport syýasatynyň gadamlary

Ruhubelentligiň ýörelgesi Ajap eýýamymyzda ýurt Baştutanymyzyň yglan eden sport syýasatynyň gadamynyň batlanýandygy guwandyrýar. Häzirki wagtda ýurdumyzyň çar künjeginde Arkadag Prezidentimiziň gurduryp, ulanmaga berlen döwrebap stadionlary, sport mekdepleridir desgalary hereket edýär. Olarda sportuň dürli görnüşleri bilen höwesli meşgullanýan ýaşlary synlanyňda Diýarymyzda sportuň köpçülikleýin häsiýete eýe bolýandygyna buýsanýarsyň. Sebäbi bu ýörelge il-günümiziň sagdynlygynyň, ruhubelentliginiň ýörelgesidir.

24 Maý 2021

Ösen sportuň merkezi

Bu gün mähriban halkymyz hormatly Prezidentimiziň parasatly baştutanlygynda Watanymyzyň paýtagty Aşgabadyň esaslandyrylmagynyň 140 ýyllygyny uludan baýram edýär. Hormatly Prezidentimiziň çuň parasatynyň ajaýyp miwesi, Berkarar döwletimiziň bagtyýarlyk döwrüniň ägirt uly özgertmeleriniň özboluşly nyşanyna öwrülen, gözelligi bilen görenleri haýrana goýýan Aşgabat beýik ösüşler bilen dabaralanýar. Aşgabat häzirki wagtda işjeň syýasy, işewür, medeni we jemgyýetçilik durmuşynyň ösen, dünýä sportunyň iri merkezine öwrüldi. Tutuş ýurdumyzda bolşy ýaly, paýtagtymyzda hem milli Liderimiziň başyny başlan täzeçil şähergurluşyk strategiýasy netijesinde, ýokary halkara ölçeglerine laýyk derejede enjamlaşdyrylan sport we atçylyk sport toplumlary, döwrebap awtodromlar, ýöriteleşdirilen sport mekdepleri guruldy.

24 Maý 2021

Täze ýeňişlere badalga

Täze taryhy eýýamda Gahryman Arkadagymyzyň taýsyz tagallalary netijesinde güneşli Diýarymyzda bedenterbiýäni we sporty ösdürmäge aýratyn üns berilýär. Ýurdumyzyň çar künjeginde halkara ölçeglerine laýyk gelýän häzirki zaman sport toplumlarynyň, sport mekdepleriniň gurlup, ulanmaga berilmegi hem ýokardaky aýdanlarymyza aýdyň şaýatlyk edýär. Döredilýän şeýle giň mümkinçiliklerden ýerlikli peýdalanýan ýaşlarymyz özleriniň saýlap alan sport görnüşi bilen meşgullanyp, dünýä we halkara ýaryşlarynda üstünlikli çykyş edip, ýurdumyzyň sport abraýynyň artmagyna özleriniň mynasyp goşantlaryny goşýarlar. Şeýle türgenleriň biri hem Türkmen döwlet bedenterbiýe we sport institutynyň 3-nji ýyl talyby Selim Myratdurdyýewdir. Paýtagtymyz gözel Aşgabadyň goýnunda önüp ösen Selim 2013-nji ýylda 13 ýaşynda sportuň adaty karate görnüşi bilen meşgullanyp başlady. Geçilen hysyrdyly türgenleşikler ýuwaş-ýuwaşdan öz miwesini berip başlady. Ilki paýtagtymyz Aşgabadyň birinjiliginde, soňra ýurdumyzyň çempionatynda öz deň-duşlaryndan tapawutlanmagy başaran Selim halkara ýaryşlaryna gatnaşmaga hem hukuk gazandy. 2014-nji ýylda Türkiýäniň Stambul şäherinde geçirilen halkara ýaryşynda Selim Myratdurdyýew 14 — 15 ýaşly türgenleriň arasynda adaty karateniň şahsy tutluşyk görnüşinden çykyş edip tejribesini artdyrdy. Şol ýylyň oktýabr aýynda Şweýsariýanyň Ženewa şäherinde adaty karate boýunça geçirilen 17-nji Dü

24 Maý 2021

Golf ezberligi we erkliligi talap edýär

Diýarymyzda bilime, sporta ýurduň ösüşiniň röwşen geljeginiň, jemgyýetiň ykdysady, medeni hem-de ruhy taýdan sazlaşykly ösmeginiň esasy ugurlaryny kesgitleýän ulgamlar hökmünde aýratyn ähmiýet berilmegi hormatly Prezidentimiziň parasatly döwlet syýasatynyň netijesidir. Gahryman Arkadagymyzyň paýhasly baştutanlygynda bilim hem-de sport ulgamlarynyň dünýä derejesi bilen sazlaşýan we ata-babalarymyzyň ruhy-ahlak gymmatlyklaryna daýanýan aýdyň ýörelgesi kemala geldi. Ata-babalarymyz şahsyýeti hemmetaraplaýyn ösdürmek maksady bilen çagalar üçin köp sanly oýunlary oýlap tapypdyrlar. Dürli ýerlerde ugur tapmak, çakgan bolmak, güýjüňi we çalasynlygyňy artdyrmak ýaly adaty endiklerden başga-da, oýunlar çagalarda zehini hem-de ruhy-ahlak häsiýetleri, erk-islegi, maksada ýetmekde tutanýerliligi, üşükliligi döretmäge, toparyň düzüminde umumy dil tapmak hem-de sazlaşykly hereket etmek başarnygyny kemala getirmäge gönükdirilendir. Halk oýunlary milletimiziň döreýşiniň şaýady bolup, onuň taryhy bäş müň ýyla barabar döwri öz içine alýar. Milli oýunlarymyzyň köpüsiniň sportuň häzirki görnüşleri bilen örän meňzeşdigini bellemek gerek. Mysal üçin, «çilik-hekgal» oýny häzir tutuş dünýäde meşhur bolan golf oýnuny, «çilik» — otuň üstündäki hokkeýi we beýleki oýunlary ýadyňa salýar. Gadymy döwürde olar çagalara taýaga erk etmegi öwredipdir, çünki taýak başarnykly ellerde gorag guralyna öwrülipdir. Tü

24 Maý 2021

Ýüwrügi menzil saýlar

Düýn Aşgabat atçylyk-sport toplumynda paýtagtymyzyň esaslandyrylmagynyň 140 ýyllygy mynasybetli baýramçylyk at çapyşygy geçirildi. Medeniýet we sungat ussatlarynyň joşgunly çykyşlary, el işleriniňdir nakgaşlyk eserleriniň sergisi bu ýere ýygnananlarda ýakymly täsir galdyrdy.

24 Maý 2021

Milli sportumyzyň ösüşi

Hormatly Prezidentimiziň tagallasy bilen, ýurdumyzyň sport we bedenterbiýe ulgamynda uly ösüşleriň gazanylmagy ildeşlerimiziň her birini buýsandyrýar. Bu ugurda ýurdumyzyň mukaddes Garaşsyzlygynyň geçen 30 ýyllyk döwründe gazananlary barada oýlananyňda, Gahryman Arkadagymyzyň Berkarar döwletimiziň bagtyýarlyk döwründe amala aşyrýan beýik işleri göz öňünde janlanýar. Täze taryhy döwrümizde bilim ojaklarynda bedenterbiýe okuw sapaklarynyň girizilmegi aýratyn uly ähmiýete eýedir. Orta mekdeplerde geçilýän bedenterbiýe sapaklarynda ýaşlar beden hem-de ruhy taýdan sagdyn bolmagyň fiziki endiklerini ele almak bilen bir hatarda, sportuň we bedenterbiýäniň düýp maksady, onuň ynsan saglygy, sagdyn ösüşi, dostlugy, agzybirligi berkitmekde peýdasy barada ilkinji başlangyç düşünjeleri ele alyp bilýärler. Şeýle-de sportuň, bedenterbiýäniň aýrylmaz bölegi bolan bäsleşik, ýeňşe ymtylmak, ýeňiji bolmak ýaly durmuşda gazanylýan ösüş basgançaklary barada giň gözýetime eýe bolýarlar.

24 Maý 2021

Sport habarlary

Hazar şäheriniň sport we ýaşlar syýasaty bölüminiň hem-de Türkmenistanyň Kärdeşler arkalaşyklarynyň şäher birleşmesiniň edara-kärhanalaryň, daşary ýurt kompaniýalarynyň işgärleriniň gatnaşmaklarynda geçiren ýaryşy sportuň stoluň üstünde oýnalýan tennis görnüşine höwesekleriň barha köpelýändigini görkezdi. «Shlumberger» kompaniýasynyň uly operatory Wýaçeslaw Podolskiniň birinji orny eýelemegi bilen jemlenen ýaryşda ikinji orun Hazar şäher kazyýetiniň kazysy Farhad Ýuldaşewiň, üçünji orun «Dragon Oil» kompaniýasynyň işgäri Rahmet Burhanowyň paýlaryna düşdi.

21 Maý 2021

Onlaýn bäsleşiginiň ýeňijileri

Golaýda Aşgabat şäher häkimliginiň, Türkmenistanyň Sport we ýaşlar syýasaty ministrliginiň, Aşgabat şäheriniň sport we ýaşlar syýasaty Baş müdirliginiň Ýöriteleşdirilen küşt we şaşka mekdebiniň guramagynda Aşgabadyň esaslandyrylmagynyň 140 ýyllygy mynasybetli küşt oýny boýunça geçirilen Aşgabadyň açyk çempionaty tamamlandy. Küşt oýnunyň çalasyn (blitz) görnüşi boýunça geçirilen bu açyk onlaýn çempionatyna jemi 140 türgen gatnaşdy. Ýaryşa paýtagtymyzdan we welaýatlardan küştçüler, şol sanda Türkiýe Respublikasy, Russiýa Federasiýasy, Belarus Respublikasy we Birleşen Arap Emirlikleri ýaly daşary ýurtlardaky ildeşlerimiz hem işjeň gatnaşdylar. Ýaryşa gatnaşan 16 ýaşa çenli we ondan ýokary ýaşdaky türgenler jemi 4 toparda bäsleşdiler. Onlaýn çempionatyň jemlerine görä, erkekleriň arasynda birinji orny Türkmen döwlet bedenterbiýe we sport institutynyň talyby S.Atabaýew, zenanlaryň arasynda birinji orny hem bu institutyň talyby J.Öwezdurdyýewa eýelediler. 16 ýaşa çenli oglanlaryň arasynda A.Hommadow, 16 ýaşa çenli gyzlaryň arasynda bolsa E.Arazmedowa birinji orny eýeledi. Ýaryşda baýrakly orunlary eýelän türgenler Aşgabat şäher häkimliginiň ýadygärlik sowgatlary, Aşgabat şäheriniň sport we ýaşlar syýasaty Baş müdirliginiň Hormat hatlary bilen sylaglanyldy. Bu ýaryşa gatnaşan iň ýaşuly türgen hökmünde 68 ýaşly M.Ýakubowa, iň ýaş türgen hökmünde bolsa 5 ýaşly S.Agamämmedowa, mümkinçil

21 Maý 2021

At syryny seýis biler

Onuň bilen iş ýerinde, has takygy, Aşgabat atçylyk sport toplumynyň 6-njy athanasynda duşuşmagy gürleşdik. Athana baranymyzda, ol atlaryny gezime çykaran eken. Ussat seýis şägirtleri bilen münüp gelen atlaryny athananyň ýanynda saklady. Olaryň hersi atlarynyň çekilerini ýazdyryp, eýerlerini aýyrdylar. Atlar diýseň düşbi eken. Olar diňe atlarynyň jylawyndan tutdular. Atlaryň özleri çägeli meýdana bardylar. Baryşlaryna-da iki-baka agynap başladylar. Şondan soň geljekki seýisler olary athana alyp gitdiler. Gezimden soň atlara edilýän hyzmat onuň bilen tamamlanmady. Ýaş seýisler gezimden gelen atlary gaýtadan birlaý gözden geçirdiler.

20 Maý 2021

«Ahal» — sebitleýin finalda!

«Türkmennebitönümleri» baş müdirliginiň «Ahal» futbol topary AFK-nyň kubogy ugrundaky halkara ýaryşyň sebitleýin finalyna çykdy. Topar taryhynda ilkinji gezek şeýle üstünlik gazandy. Yklymyň ikinji derejeli klublaýyn ýaryşynyň toparçalary biri-birine ýakyn ýerleşýän döwletleriň wekillerinden düzülýär. Şeýlelikde, Merkezi Aziýa döwletlerinden gatnaşjak toparlar «E» we «F» toparçany düzdi. Bije çekişligiň netijesinde ýurdumyzyň wise-çempiony «Ahal» Gyrgyz Respublikasynyň «Dordoý» we Täjigistanyň «Rawşan» toparlary bilen bilelikde «E» toparçada çykyş etdi. «F» toparça bolsa ýurdumyzyň çempiony «Altyn asyr», Özbegistanyň «Nasaf», Täjigistanyň «Hujand» we Gyrgyz Respublikasynyň «Alaý» toparlary wekilçilik etdi.

20 Maý 2021

«Ahal» sebitleýin finalda, «Altyn asyr» bir ädim bärde

Bir ýyl arakesmeden soňra ýurdumyzyň futbol toparlarynyň halkara ýaryşda çykyş etmegi her bir janköýer üçin ýakymly. Millionlaryň söýgüli oýnunyň şowly pursatlarynda begenjiňe çaga ýaly bökjeklemek, şowsuzlyklarda bolsa onki süňňüň bilen ahmyr etmek, megerem, başga hiç zat bilen çalşylmaýan duýgular. Türkmen futbolynyň janköýerleri bu duýgulary şu günler hem başdan geçirýärler. Çünki ýurdumyzyň iň güýçli futbol toparlarynyň ikisi ― geçen möwsümiň çempiony «Altyn asyr» we wise-çempiony «Ahal» yklym ýaryşyna ― AFK-nyň kubogy ugrundaky ýaryşa gatnaşýarlar. Şolardan «Ahalyň» ýaryşyň sebitleýin finalyna çykyp bilendigini guwanç bilen habar berýäris. MERKEZLEŞDIRILEN DUŞUŞYKLAR

19 Maý 2021

Sporty hemra edinip

Harby bölümimizde çagyryş boýunça gulluk edýän esgerleri watançylyk ruhunda terbiýelemek, olaryň beden we ruhy taýdan sagdyn bolmaklaryny gazanmak ugrunda maksada laýyk işler alnyp barylýar. Tagallalarymyzy esgerleriň hakyky watansöýüji, hormatly Prezidentimize wepaly, üstüne ýüklenilen wezipeleri birkemsiz berjaý etmäge ukyply, syýasy we harby taýdan sowatly bolup ýetişmeklerine gönükdirýäris. Olaryň okuw-türgenleşiklerinden boş wagtlaryny peýdaly sarp etmeklerini gazanýarys. Şonda syýasy we medeni häsiýetli çärelere aýratyn orun berýäris. Esgerler bilen dürli wagyz-nesihat işlerini, edebiýat agşamlaryny, ýaşulular, meşhur adamlar bilen duşuşyklary, sport çärelerini hem geçirýäris. Welaýat Taryhy we ülkäni öwreniş, Beýik Watançylyk urşy muzeýlerine, sebitiň çagindäki taryhy ýadygärliklere syýahatlary guraýarys we türkmen halkynyň geçmişi, ata-babalarymyzyň gahrymançylykly ýoly barada gyzykly gürrüňleri berýäris. Ýakynda hem şeýle çäreleriň biri geçirildi. Oňa «Kemally kesp» hususy kärhanasynyň işgärleri hem gatnaşdylar. Myhmanlar esgerlere baýramçylyk sowgatlaryny gowşurdylar. Türkmenistanyň Konstitusiýasy we Türkmenistanyň Döwlet baýdagy, olaryň ähmiýeti, esasy Kanunymyza girizilen üýtgetmeler we goşmaçalar barada edilen gürrüňlerden soň woleýbol, küşt, şaşka, estafeta we tanap çekmek boýunça ýaryşlara badalga berildi. Hususy kärhananyň hünärmenleri bilen guralan ýoldaşlyk d

19 Maý 2021

‹
1
2
...
334
335
336
337
338
339
340
...
351
352
›