Gökderedäki «Beýik Serdar nesilleri» çagalar sagaldyş-dynç alyş merkezinde mekdep okuwçylarynyň gülki sesleri belentden ýaňlanyp, her güni göwün göteriji pursatlara beslenýär. Bu merkezde ýurdumyzyň ähli künjeginden gelen bagtyýar çagalaryň 325-si tomusky dynç alyş günlerini gyzykly we şadyýan geçirýärler.
Dynç alýan çagalardan düzülen aýdym-saz, folklor, çeper okaýyş toparlarynyň yzygiderli çykyşlary, sportuň dürli görnüşleri boýunça ýaryşlardyr beýleki çäreler çagalara egsilmez şatlyk paýlaýar.
