Ýaponiýada 2004-nji ýyldan bäri ilkinji gezek täze banknotlar dolanyşyga goýberildi. Ýurduň Merkezi banky täze banknotlary köpçülige görkezdi. Merkezi bankyň başlygy Ueda Kazuonyň gatnaşmagynda geçirilen tanyşdyrylyş dabarasynda 1000, 5000 we 10 000 ýapon ýeni görkezildi.
Ueda beýleki Aziýa ýurtlaryna garanyňda Ýaponiýada nagt däl hasaplaşygyň pes derejededigini belläp, nagt puluň ygtybarly töleg serişdesi hökmünde ýurduň geljeginde ähmiýetiniň uludygyny aýtdy. Merkezi bank, ilkinji nobatda, umumy gymmaty 1,6 trillion ýen (9,9 milliard dollar) bolan banknotlary dolanyşyga goýbermegi meýilleşdirýär.