Laçynlary gorap saklamak boýunça maksatnamanyň çäklerinde soňky 30 ýylda iki müňden gowrak laçyn tebigy ýerlere goýberildi. Bu başlangyç Birleşen Arap Emirlikleriniň ilkinji Prezidenti Şeýh Zaid bin Sultan Al Nahaýýan tarapyndan 1995-nji ýylda ýola goýuldy. Bu ýyl maksatnama 30-njy möwsümini tamamlaýarka, 63 laçyn, şol sanda, 38 gök bähri, 25 ütelgi Gazagystanyň, Russiýanyň, Hytaýyň, Mongoliýanyň we goňşy ýurtlaryň käbir ýerlerini öz içine alýan sebitlerine goýberildi.
Bu sebitler laçynlar üçin amatly ýaşaýyş gurşawy hasaplanýar. Bu goýberiliş Gazagystanyň Oba hojalyk ministrliginiň Tokaý hojalygy we ýabany tebigat komitetiniň gözegçiligi astynda guraldy. Abu-Dabi we BAE tebigaty we ýabany jandarlary goramak, esasan hem, ekologik, medeni we taryhy ähmiýete eýe bolan laçynlaryň we beýleki ýabany jandarlaryň görnüşlerini gorap saklamak boýunça halkara derejesinde ykrar edilen tagallalarda öňdeligini dowam etdirýärler.