Tomus paslynyň gelmegi bilen ak bazarlaryň bezegine öwrülýän garpyz jana şypaly bakja önümleriniň biridir. Garpyzyň dünýäde 1 müň 200-den gowrak görnüşi bolup, ata Watany Afrika hasaplanýar. 96-dan gowrak ýurtda ösdürilip ýetişdirilýän garpyzyň suwsuzlygy gandyrmakdan başlap, saglyk üçin birnäçe peýdasy bar. 90 göterimden gowragy suwdan ybarat bolan bu bakja önüminiň düzüminde A, C, B6 witamini, natriý, kaliý, belok, şeker we uglewodlar saklanýar.
Garpyz ýürek-damar ulgamynyň işini sazlamak bilen, myşsalardaky agyryny azaltmaga, bedeniň agramyny kadaly derejede saklamaga, iýmiti ýeňil siňdirmäge we Gün şöhlesinden derini goramaga ýardam edýär. Howanyň gyzgyn günlerinde ýeterlik derejede garpyz iýlende beden üçin zerur bolan suwuklygyň öwezini dolup bolýar.