Türkmenmetbugat

"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Obasenagat toplumy: maksatlar aýdyň, wezipeler anyk

1-nji fewralda hormatly Prezidentimiz Ministrler Kabinetiniň Başlygynyň obasenagat toplumyna gözegçilik edýän orunbasarynyň hem-de ýurdumyzyň welaýatlarynyň häkimleriniň gatnaşmagynda sanly wideoaragatnaşyk arkaly iş maslahatyny geçirdi. Iş maslahatynda welaýatlary durmuş-ykdysady taýdan ösdürmek, geçiriljek ekiş möwsümine taýýarlyk görmek meselelerine, möwsümleýin oba hojalyk işleriniň barşyna garaldy hem-de welaýatlaryň ýolbaşçylarynyň hepdäniň dowamynda alnyp barlan işler baradaky hasabatlary diňlenildi. Milli Liderimiz iş maslahatynyň gün tertibindäki meselelerine geçip, degişli yzygiderlilikde ýurdumyzyň welaýatlarynyň häkimleriniň hasabatlaryny diňledi. Häkimler alnyp barylýan işler barada hasabat berdiler. Hasabatyň çäklerinde ýurdumyzy 2019 — 2025-nji ýyllarda durmuş-ykdysady taýdan ösdürmegiň maksatnamasynda hem-de Oba milli maksatnamasynda şu ýyl üçin bellenilen işleriň öz wagtynda ýokary hilli ýerine ýetirilmegini gazanmak ugrunda yzygiderli tagallalaryň görülýändigi habar berildi.

3 Fewral 2021

Toprak berekede beslener

Ene ýere eýelik edýän janypkeş daýhanlarymyz üçin gyzgalaňly günler başlandy. Olar kemsiz ideg edilip, ekişe taýýar edilen topraga ilimiziň desterhanlaryna naz-nygmat, rysgal bolup doljak bereket tohumlaryny ekmäge girişýärler. Ýurdumyzyň ähli ýerinde bolşy ýaly, lebaply babadaýhanlar hem häzirki pursatda aýratyn ruhubelentlik ýagdaýyny başdan geçirýärler. Olar hormatly Prezidentimiziň gol çeken Karary bilen tassyklanylan welaýatlar boýunça üstümizdäki ýylda oba hojalyk ekinlerini ýerleşdirmegiň meýilnamasynda bellenilenleri üstünlikli ýerine ýetirmek, ekin dolanyşygyny ylmy esasda alyp barmak, ekinleriň hasyllylygyny ýokarlandyrmak arkaly oba hojalyk önümleriniň öndürilýän möçberlerini artdyrmak ýaly il-ýurt bähbitli wajyp işe saldamly goşant goşmak hyjuwy bilen joşýarlar. Hormatly Prezidentimiz döwlet berkararlygynyň, ýurt abadançylygynyň sarsmaz sütünleriniň biri bolan azyk bolçulygyny ygtybarly üpjün etmek meselesine ilkinji derejeli ähmiýet bermek bilen, oba hojalyk işgärleriniň öňünde jogapkärli wezipeleri goýdy. Şunuň bilen birlikde öňden bellenilenleri abraý bilen berjaý etmek üçin önüm öndürijilere giň goldawyň berilýändigini, olaryň öndürijilikli zähmet çekmekleri üçin amatly şertleriň döredilýändigini bellemek ýakymlydyr. Şeýle goldaw-hemaýaty ene ýere hyzmat edýän, oňa ukyp-başarnygyny, mähir-yhlasyny bagyş edýän adamlar ýakyndan duýýarlar. Şol sebäpli olar uly höwe

3 Fewral 2021

Zeminiň zynaty

Gürrüňiň bag we bagbançylyk barada boljakdygyny meşhur nakylyň bir böleginden ybarat sözbaşydan hem aňansyňyz. Hakykatdan-da, «Bag ― zeminiň zynaty». Şonuň üçin goýry baglygyň deňinden ýylyň hiç bir paslynda-da biparh geçip bolanok. Ululary kiçilerini, kiçilerem topragy penalap duran baglar kalbyňda söze sygmaz duýgulary oýarýar. Şu gezek hem şeýle boldy. Aslynda, ümzügimiz Çärjew etrabynyň «Watan» daýhan birleşigine sarydy. Ýöne fotohabarçymyzyň: «Ine, saňa ýene bir makalalyk sebäp. Bu baglary synla!» diýen sözi özüm ulagyň içinde bolsamam, nirädir bir ýerlere sumat bolan pikirlerimi yzyna dolap getirdi. Hakykatdanam, «Jeýhundan» «Watana» sary uzan ýoluň sag kenary durşuna baglyk bolup durdy. Özem «eýesiniň gözünden suw içýän» baglyk. Ähli zat tertipli, ähli zat endigan, garaz, işlenilýäni daşyndan hem bildirip dur.

3 Fewral 2021

Obasenagat toplumyndaky möhüm wezipeler

Ýurdumyzyň sebitlerini durmuş-ykdysady taýdan ösdürmek, obasenagat toplumynyň netijeliligini ýokarlandyrmak we azyk bolçulygyny üpjün etmek hormatly Prezidentimiziň durmuşa geçirýän özgertmeleriniň möhüm ugurlarynyň hatarynda durýar. Döwlet Baştutanymyzyň 1-nji fewralda Ministrler Kabinetiniň Başlygynyň obasenagat toplumyna gözegçilik edýän orunbasarynyň hem-de ýurdumyzyň welaýatlarynyň häkimleriniň gatnaşmagynda geçiren sanly wideoaragatnaşyk arkaly iş maslahatynda hem welaýatlary durmuş-ykdysady taýdan ösdürmek, geçiriljek ekiş möwsümine taýýarlyk görmek meselelerine, möwsümleýin oba hojalyk işleriniň barşyna garaldy hem-de welaýatlaryň ýolbaşçylarynyň hasabatlary diňlenildi. Döwlet Baştutanymyz iş maslahatynyň gün tertibindäki meselelere geçip, ilki bilen ýurdumyzyň welaýatlarynyň häkimleriniň hasabatlaryny diňledi. Häkimler öz gözegçilik edýän sebitlerinde alnyp barylýan işler barada hasabat berip, welaýatlaryň gowaça ekiljek meýdanlarynyň ekiş möwsümine taýýarlanylyşy, sürüm we tekizleýiş işleriniň bellenen möhletlerde geçirilmegi babatda durmuşa geçirilýän işler hem-de gowaça ekişini geçirmekde ulanyljak oba hojalyk tehnikalaryny we gurallaryny abatlap, möwsüme doly taýýar etmek, pagta öndürijileri ekiş möwsümine çenli zerur mukdarda tohum bilen üpjün etmek ugrunda görülýän çäreler barada habar berdiler. Şeýle hem hormatly Prezidentimize welaýatlarda ýeralmanyň, soganyň w

3 Fewral 2021

Obasenagat toplumynyň ösüşine goşant

Hormatly Prezidentimiziň parasatly we öňdengörüjilikli baştutanlygynda beýleki ulgamlar bilen bir hatarda ýurdumyzyň obasenagat toplumyny döwrebap derejede ösdürmäge uly ähmiýet berilýär. Ekerançylyk ýerlerinden bol hasyl alynmagy üçin suwaryş suwy zerur bolup durýar. Hormatly Prezidentimiziň suw serişdelerini aýawly we netijeli peýdalanmak baradaky tabşyryklaryndan ugur alnyp, döwrebap tehnologiýalary önümçilige ornaşdyrmak işleri giňden durmuşa geçirilýär. Bugdaý we gowaça meýdanlaryny emeli ýagyş ýagdyrmak arkaly we damjalaýyn suwarmak usullary önümçilige ornaşdyrylýar, bu bolsa suwy tygşytly peýdalanmakda özüniň ýokary netijesini berýär. Bu möhüm işleri göwnejaý ýerine ýetirmek maksady bilen, ýurdumyzda köp sanly desgalardyr howdanlar, suw göterijiler, paýlaýjylar gurulýar. Şeýle hem dünýäniň iň uly çölleriniň biri hasaplanýan Garagumda ägirt uly gidrotehniki desga öwrülen «Altyn asyr» Türkmen köli döredildi. Bu kölüň ýurdumyzyň ykdysady kuwwatyny artdyrmakda, oba hojalygynyň ekerançylyk we maldarçylyk pudaklaryny ösdürmekde, azyk önümleriniň öndürilişini artdyrmakda we azyk howpsuzlygyny üpjün etmekde, halkyň ýaşaýyş hal-ýagdaýyny gowulandyrmakda, täze iş orunlaryny döretmekde ähmiýeti örän uludyr. «Altyn asyr» Türkmen kölüniň gurluşygyna we onuň ähmiýetine dünýä ýurtlarynyň gyzyklanmasy artýar. 2010-njy ýylyň 24-nji martynda «Awaza» milli syýahatçylyk zolagy

1 Fewral 2021

Asal nygmat — saçaklaryň bezegi

Ýurdumyzda oba hojalyk ekinleriniň we topragyň hasyllylygyny artdyrmak, tarp ýerleri işjeň özleşdirmek, ekerançylyk ýerleri suw bilen üpjün etmek meselelerini çözmek boýunça yzygiderli işler alnyp barylýar. Edilýän aladalaryň, daýhanlarymyzyň arman-ýadaman zähmet çekmekleri netijesinde, bazar bolçulygy döredilýär. Hormatly Prezidentimiziň daşary ýurtlardan getirilýän önümleriň möçberini azaltmak, özümizde öndürilýän önümleri artdyrmak barada öňde goýan wezipelerinden, berýän tabşyryklaryndan ugur alnyp, azyk bolçulygyny üpjün etmek boýunça netijeli işler alnyp barylýar. Şol hatarda öz topragymyzda ýetişdirilýän gök-bakja, miwe önümleri hem döwrebap söwda merkezleriniň üsti bilen halka ýetirilip, olaryň islegi kanagatlandyrylýar. Şunuň bilen baglylykda, telekeçilik hem sazlaşykly ösdürilýär. Milli ykdysadyýetimiziň döwlete dahylsyz pudagynyň işiniň netijeliligini artdyrmak üçin oňaýly şertleriň döredilmegi netijesinde, halkymyz ýylyň ähli paslynda gök önümler bilen doly üpjün edilýär. Gök-bakja ekinleriniň bolçulygynyň döredilmeginde daýhanlaryň hem zähmeti, paýy bar. Welaýatymyzda şunuň ýaly tejribeli daýhanlar sanardan köp.

1 Fewral 2021

Ýuwuş suwy we onuň ähmiýeti

Suwarymly ekerançylykda peýdalanylýan ýerleriň ählisi diýen ýaly şorlama hadysasyna sezewar bolýar. Ösümlikler üçin zyýanly duzlaryň ýeriň üstki gatlaklarynda toplanmagy netijesinde toprak şorlaşýar. Şoruň düzümindäki dürli duzlar we beýleki himiki birleşmeler ösümliklere zyýanly täsir edýär. Olar ösümligiň öýjüginiň sitoplazmasynyň düzümindäki suwy gysyp çykarýarlar. Sitoplazmada suwuň ýetmezçiliginiň ýüze çykmagy zerarly azot çalşygy bozulyp, belogyň emele gelmegi togtaýar ýa-da dargamasy güýçlenýär. Netijede emele gelýän ammiak gazy ösümlikleriň öýjüklerine zäherleýji täsirini ýetirýär. Geçirilen ylmy barlaglar gowşak şorlaşan ýerlerde gowaçanyň hasyllylygynyň 15, orta şorlaşan ýerlerde bolsa 30 göterime çenli peselýändigini görkezdi. Şeýle zyýanly täsiriň öňüni almak üçin ýerleriň şorlaşmagyna garşy göreş çärelerini netijeli geçirmek talap edilýär. Bu babatda ekerançylyk ýerlerine ýuwuş suwuny tutmak we şor suw akabalaryny gyrmançalardan arassalamak möhüm ähmiýete eýedir. Bu çäräniň maksady topragyň düzümindäki suwda ereýän zyýanly duzlary topragyň aşaky — ekinleriň kök ulgamynyň ýaýramaýan gatlagyna düşürmekdir.

1 Fewral 2021

Mellek ýeriniň hasyly

Ýer eýesi Atageldi Berdiýew Baýramaly etrabynyň “Parahat” daýhan birleşiginiň ekerançylyk meýdanyndaky bir gektar ýerini ekin dolanşygynda ulanýar. Ol bugdaý eken ýyllary gallanyň, gowaça ekende bolsa pagtanyň bereketli hasylyny ýetişdirýär we döwlete tabşyrýar. Topragyň berýän baýlygyny ýylsaýyn artdyrmakda dökünlerdenem oňat peýdalanýar. Dökün, bejergi, suw, ýeri zyýankeşlerden, haşal otlardan goramak esasy wezipeler bolup durýar. Agrotehniki talaplara laýyk gelýän şeýle işler wagtly-wagtynda berjaý edilýär. Tejribeli ekerançy hormatly Prezidentimiziň uly goldawlaryndan hoşal bolup, ýylyň bütin dowamynda gök önümleri ýetişdirmegiň aladasyny hem edýär. Atageldi Berdiýew öz mellek ýerinde çaklaňrak ýyladyşhana gurdy. Onda ýetişdirýän gök önümi maşgalanyň azyk üpjünçiligine uly goldaw bolýar. Ekerançy bereketli önümi söwda nokatlarynyň üsti bilen ilata-da ýetirýär. Türkmenistan — parahatçylygyň we ynanyşmagyň Watany ýylynda ýetişdirilen hyýarlar bereketli saçaklarymyzyň rysgalyny artdyrýar. Gyş paslynyň häzirki günlerinde Täze güýç obasynyň ýaşaýjylary ynsan saglygyna peýdaly, ekologiýa taýdan arassa bolan gök önümi bu ýerden alýarlar. Ýyladyşhanada ekine oňat ideg edilensoň, hyýarlaryň bol hasyly ýetişýär. Munuň özi mellek ýeriniň gyş aýlarynda hem boş durmazlygyna şert döredýär.

1 Fewral 2021

Meýdan işleri gyzgalaňly barýar

Bäherden etrabynyň edermen hasyl ussatlary häzirki wagtda şu ýyl üçin meýilnama boýunça 12550 gektar meýdana gowaça ekmegi meýilleşdirip, meýdan işleriniň gerimini has ýaýbaňlandyrýarlar. Etrap tehniki hyzmat ediş kärhanasynyň kuwwatly tehnikalary bilen meýdanlarda sürüm işini geçirmekde traktorlaryň 27-si doly güýjünde işledilýär. Olaryň güýji bilen şu güne çenli sürüm işleri tamamlanyp barýar. Bu işler etrabyň Magtymguly adyndaky hem-de «Mürçe», «Ýeňiş» daýhan birleşiklerinde has-da guramaçylykly geçirildi. Pagtaçy kärendeçiler agrotehniki çäreleriň öz wagtynda geçirilmegini gazanmak bilen şu ýylyň hasylynyň düýbüni göwnejaý tutmakda ähli meýdan işleriniň depginini gowşatmaýarlar.

31 Ýanwar 2021

Baglaryň gyşky idegi

Lebap welaýatynyň Halaç etrabynyň «Ärsarybaba» daýhan birleşigi miweleriň dürli görnüşini öndürmekde welaýatda iri hojalyklaryň biridir. Daýhan birleşigiň bag agronomy Allaberdi Jomartowyň aýtmagyna görä, daýhan birleşikde bagbanlar bereketli hasyl almak üçin yhlasly zähmet çekýärler. Daýhan birleşiginiň başarjaň bagbanlary hakynda gürrüň edilende, Berdimyrat Öwezowyň, Atageldi Ýaraşowyň, Perhat Babageldiýewiň, Jumamyrat Meredowyň atlaryny ilki tutmak bolar. Tejribeli ýaşuly bagban Berdimyrat Öwezow bilen gürrüňdeş bolanymyzda, ol: «Ilki bilen, ekinleri ösdürip ýetişdirmegiň agrotehnikasy bitewi zynjyr mysalydyr, eger onuň ýekeje halkasy gowşasa, ösümligiň daýhanyň islegini ödemek mümkinçiligi peselýär.

31 Ýanwar 2021

Toprak bejergisi — bol hasylyň özeni

(Hünärmeniň maslahaty) Ekerançylyk meýdanlarynyň medeniýetini gowulandyrmak, ekin dolanyşygyny ylmy esasda ýola goýmak, gowaça ekininden ýokary hilli bol hasyly almak üçin geçirilýän agrotehniki çäreleriň has kämil usullaryny ornaşdyrmak boýunça ýurdumyzda uly işler alnyp barylýar. Pagtaçylykda alynýan girdejini artdyrmagy bir gektardan alynýan hasyllylygy ýokarlandyrmagyň hasabyna gazanmak gerekdir. Munuň üçin gowaça ekinini ösdürip ýetişdirmekde ulanylýan çäreleriň her birini öz möhletinde we bildirilýän talaba görä geçirmegi gazanmaly. Her bir geçirilýän agrotehniki çäräniň gowaçanyň hasyllylygyny artdyrmakda belli bir goşandy bardyr. Her ýylky hasylyň düýbi gyş aýlaryndan tutulyp başlanýar. Şol döwürde geçirilýän her bir çäräniň talabalaýyk kadada geçirilmegi geljekki hasylyň ykbalyny çözýär.

31 Ýanwar 2021

Gowaçanyň täze sortunyň üstünde işleýäris

Pagtaçylyk — düşewüntli pudak. Ylaýta-da, inçe süýümli pagta gymmatlylygy bilen tapawutlanýar. Inçe süýümli gowaça süýümi dokma senagaty kärhanalary üçin gymmatly çig mal hasaplanýar. Ýüpek pagtanyň döwlet tarapyndan satyn alnyş nyrhy orta süýümli (nah) pagtanyňkydan ep-esli ýokarydyr. Inçe süýümli gowaçanyň süýüminden iň nepis ýüpek matalar dokalýar. Ýüpek pagtany ekmegiň daýhana-da, döwlete-de ykdysady taýdan örän ähmiýetlidigini aýratyn belläp geçmek gerek. Inçe süýümli pagtadan orta süýümli pagta garanyňda, matany tas 2 essä golaý köp alyp bolýar.

31 Ýanwar 2021

Dolanyşyk donuna dolanan

«Köňül köle sary» hekaýalar toplumyndan Topraga tagzym edip, onuň bilen dil tapyşýan daýhan ýeri ýerlikli ulanmagyň ussady. Azaby abraý, deri dür. Yhlas eder her işde, gazanýany bol serişde. Alkyşly işleriň aňyrsy ahyrlamaýar. Topraga hyzmat, ekine ideg etmek onuň baş çelgisi. Ekin dolanyşygy usulyny ulanmak topragyň talaby, ekiniň islegi, daýhanyň daýanjy. Ýer bozurgar, hasyl eçiler, daýhanyň bagty açylar.

31 Ýanwar 2021

Oba hojalygy: täze hasylyň aladasy

Ýer rysgal eçilýär Hormatly Prezidentimiziň obasenagat toplumyny çalt depginlerde ösdürmek, daýhany ýerden alýan bereketli hasylyna görä barha gurplandyrmak hakyndaky görkezmelerinden ugur alyp işleýän oba hojalykçylar ýeriň hasyllylygyny artdyrmak üçin tutanýerli zähmet çekýärler. Tejribeli ekerançy Hakmyrat Halmyradow hem indi köp ýyllardan bäri Baýramaly etrabynyň “Merw” daýhan birleşiginiň çägindäki alty gektar ýerden bugdaýyň we pagtanyň bol hasylyny alyp gelýär. Ýeriň eçilýän rysgal-döwleti maşgalanyň ähli agzalarynyň ruhuny belende göterýär. Şonuň üçinem topraga zähmet derini siňdirmeli bolanda halypanyň aýaly Amangözel Halmyradowa, ogullary Şamyrat, Baýmyrat, gelni Ogulnyýaz uly höwes bilen işleýärler. Olar agzybirlikde zähmet çekip, ýeriň talabalaýyk bolmagyny gazanýarlar. Topragyň endiganlygy, onuň dürli dökünler bilen yzygiderli gurplandyrylmagy, tehnikanyň hyzmatynyň dowamly ýola goýulmagy ýeriň göwün diýen hasyly eçilmegine mümkinçilik döretdi.

30 Ýanwar 2021

Möwsümiň bosagasynda

Golaýda Türkmenistanyň Oba hojalyk we tebigaty goramak ministrliginiň hem-de welaýat häkimliginiň bilelikde guramagynda okuw maslahaty geçirildi. Dört ýerde — Çärjew, Dänew, Kerki, Döwletli etraplarynda guralan tutumly çärä etrap häkimlikleriniň jogapkär işgärleri, daýhan birleşikleriniň baş agronomlary, pagta arassalaýjy zawodlaryň, galla kabul ediş nokatlarynyň agronomlary, ösümlikleri goramak gullugynyň işgärleri gatnaşdylar. Okuw maslahaty gowaça we güýzlük bugdaýy ösdürip ýetişdirmek, ekinlerden bol hasyl almak, tehnikalary ekişe göreldeli taýýarlamak, ösümliklere zyýan berýän mör-möjeklere garşy göreşmek boýunça öňde durýan jogapkärli wezipelere bagyşlandy.

29 Ýanwar 2021

«Sary altyn»

Adamzat jemgyýeti özüniň ösüş taryhynda oba hojalyk ekinleriniň müňlerçe görnüşlerini ösdüripdir. Olaryň arasynda has gymmatly görnüşiniñ biri-de şalydyr. Däneli ekinleriñ arasynda şaly iñ ýokary mukdarda krahmaly saklaýşy we ýokary kaloriýalylygy bilen tapawutlanýar. Şalynyñ dänesindäki krahmal örän ýokumlylygy, aňsat özleşdirilýändigi bilen hem beýleki dänelilerden tapawutlanýar Şaly ekininiň duza çydamlylygynyň ýokary bolmagy ony şor ýerleriň duzuny ýuwup özleşdirmekde giňden ulanmaga mümkinçilik berýär. Şalynyň basdyrylyp suwarylmagy netĳesinde, şol topragyň duzy ilkinji gününden başlap ýuwlup başlaýar. Şonuň üçin ony täze özleşdirilýän şor ýerlerde ösdürip ýetişdirmek has peýdalydyr. Şeýle edilende, şor ýeriň duzy gowy ýuwulýar we ony ekin dolanyşygynda has netijeli ulanyp bolýar. Şor ýerleri şaly ekmek bilen özleşdirmek suwy rejeli peýdalanmaga hem ýardam edýär. Belli bolşy ýaly, ýurdumyzda dürli derejede şorlaşan ýeriň duzuny ýuwmak güýz-gyş aýlary geçirilýär. Şorlaşan ýerleri ýuwmak üçin köp mukdarda suw gerek bolýar. Şeýle köp suwy meýdana bir wagtda berip bolmaýar. Şeýle hem ýuwuş suwunyň howanyň salkyn we sowuk döwri geçirilýändigi zerarly, eremesi kyn bolan käbir duzlary toprakdan ýuwup aýryp bolmaýar. Şaly ekilmegi bilen şorlaşan ýerleri ýuwmagyň yssy döwründe geçirilýändigi zerarly duzlaryň eremesi we ýuwulmagy aňsat bolýar.

29 Ýanwar 2021

Maýsalar boý alýar

Bäherden etrabynda ak ekinlere ideg etmek işleri ekerançylygyň talaplaryna laýyklykda alnyp barylýar. Etrap boýunça däne ýetişdirilýän 21 müň 100 gektardaky ýaşajyk maýsalar kadaly boý alýar. Ösüş suwlarynyň agrotehniki möhletlerde tutulmagy bu babatda uly ähmiýete eýedir. Häzirki günlerde 3-nji ösüş suwy tutulýar. Gallaçy kärendeçiler ak ekinleri ösüşi kadalaşdyryjy dökünler bilen hem kadaly iýmitlendirýärler. Bu işler etrabyň Şaja Batyrow, S.A.Nyýazow adyndaky, şeýle-de «Zähmet» daýhan birleşiklerinde ýokary guramaçylykda alnyp barylýar.

28 Ýanwar 2021

Ylym we tejribe

Mallaryň önüm berijiligini artdyrmak ugrunda Milli Liderimiziň görkezmelerinden ugur alyp, ýurdumyzyň maldarlary mallaryň baş sanyny we olardan alynýan önümleriň mukdaryny artdyrmak, maldarçylykda tohumçylyk işini kämilleşdirmek ugrunda uly tagalla edýärler. Türkmen oba hojalyk institutynyň okuw-tejribe hojalygynda hem mallaryň kesellerini anyklamak we bejermek kafedrasynyň mugallymy Meretmät Meretmädowyň ýolbaşçylygynda gara mallaryň saglygyny gorap saklamak, önüm berijiligini ýokarlandyrmak we ýokary önüm berýän mal sürülerini döretmek maksady bilen «Çydamly, kesellere durnukly ýokary önümli gara mallaryň gatyşyk toparyny döretmek» atly ylmy iş alnyp barylýar. Onuň çäklerinde ilkinji gezek ýerli gara mallaryň garyşyk tohumlaryny ýokary önüm berýän iri şahly mallaryň gara-ala golştin tohumly öküzleri bilen tohumlandyryp, olaryň tohum hilini gowulandyrmak işleri, mallaryň fiziologik, önüm berijilik, iýmitlendiriş we saklanyş aýratynlyklary, kesellere durnuklylygy, daşky gurşawyň täsirleri öwrenilýär.

28 Ýanwar 2021

Jogapkärli möwsüme taýýarlyk

Gowşamaýan depgindeBoldumsaz etrabynyň tehniki hyzmat ediş kärhanasynda şu günler oba hojalyk tehnikalaryny, gurallaryny abatlamak, olary degişli möwsüme taýýarlamak işleri gowşamaýan depginde alnyp barylýar. Kärhananyň garamagynda sürüm traktorlarynyň 32, bejergi traktorlaryň 27, däne ýygýan kombaýnlaryň 35, pagta ýygýan kombaýnlaryň bolsa 26 sanysy bolup, olaryň ählisi taýýarlyk hataryna çykaryldy. Şeýle hem bu ýerde daýhan birleşikleriniň tehnikalaryny, borona-malalaryny abatlamak işleri amala aşyrylýar. — Kärhanamyzyň işçileri ekerançylykda tehnikanyň ähmiýetiniň juda uludygyna oňat düşünýärler. Şonuň üçin hem olaryň abatlanylyşynda aýratyn yhlaslylyk görkezýärler. Bu işiň abyny-tabyny kemsiz ele alan Artyk Nurbaýew, Otuzbaý Zarybaýew, Rejep Ýegenmedow we beýlekiler abatlaýşyň ýokary hilli bolmagyny hemişe üns merkezinde saklaýarlar. Biz ýakynlaşyp gelýän ýaz ekişi möwsümini hemmetaraplaýyn taýýarlyk bilen garşylamagy maksat edinýäris — diýip, tehniki hyzmat ediş kärhanasynyň baş inženeri Begenç Täçgeldiýew gürrüň berýär.Jumamyrat REJEPOW,TAP-niň Boldumsaz etrap komitetiniň hünärmeni.

28 Ýanwar 2021

Maldarlaryň gyş aladalary

Mallar dok gyşladylýar Welaýat oba hojalyk önümçilik birleşigine degişli “Maldar” maldarçylyk hojalygynyň bu ugurdan baý iş tejribeli adamlary Türkmenistan — parahatçylygyň we ynanyşmagyň Watany ýylynda mallary talaba laýyk gyşladýarlar. Olar öz wagtynda taýýarlanylan 38 müň tonna ätiýaçlyk otdan netijeli we tygşytly peýdalanýarlar. Dowarlaryň gyşladylýan ýerlerinde ýerleşdirilen ot mallaryň dok gyşladylmagyna uly goldaw bolýar. Bu babatda aýratyn hem Serhetabat, Tagtabazar, Sakarçäge, Wekilbazar “Maldar” maldarçylyk hojalyklarynda görelde alarlykly işler durmuşa geçirilýär. Welaýatymyzyň maldarlarynyň jogapkärli döwürdäki alyp barýan işleri örän abraýly. Olaryň dowardarlary we beýleki mallarynyň zähmetsöýer eýeleri howanyň amatly günlerinde ýaýlalarda sürüleri aga-ýana bakýarlar. Munuň şeýledigine aýratyn hem düýedarçylyga ýöriteleşdirilen Sakarçäge “Maldar” maldarçylyk hojalygynda oňat göz ýetirilýär.

27 Ýanwar 2021

‹
1
2
...
184
185
186
187
188
189
190
191
192
›