"Türkmenistanyň Prezidentiniň Metbugat çapary" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-09, 38-61-11, 38-61-12
Email: metbugatchapary-gazeti@online.tm

Gazeti PDF görnüşinde ýükläp almak

Habarlar

Goňşa uzaýan ýol – döwletlilik

Türkmen-eýran gatnaşyklarynyň taryhynda täze sahypa açylýar Türkmençilikde «Goňşa uzaýan ýolda rysgal-bereket bar» diýilýär. Paýhasly pederlerimiziň goňşuçylyk bilen bagly döreden «Öý alma – goňşy al», «Uzakdaky garyndaşyňdan ýakyndaky goňşyň», «Kyýamat güni goňşudan», «Aýrylmaz goňşyňa unudylmaz söz aýtma» diýen nakyllarynda-da halkymyzyň hoşmeýilli, dostana gatnaşyklara ygrarlydygyny görmek bolýar. Türkmen-eýran dost-doganlyk goňşuçylyk gatnaşyklarynyň uzak taryhy-da bu pikirimizi tassyklaýar.

30 Maý 2023

Hyzmatdaşlyk

Türkmen – koreý hyzmatdaşlygy: geljekki ösüşlere aýgytly ädim

29-njy maýda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň «Daewoo Engineering & Сonstruсtion Сo., Ltd» kompaniýasynyň esaslandyryjysy we müdiriýetiniň başlygy Jong Won-ju bilen geçiren duşuşygynda özara bähbitli hyzmatdaşlygy giňeltmegiň geljekki ugurlary ara alnyp maslahatlaşyldy. Iri koreý kompaniýasynyň ýolbaşçysy duşuşmaga döredilen mümkinçilik üçin hoşallyk bildirip, Türkmenistanda bolýandygyna we ýurduň soňky ýyllarda ýeten derejesi bilen tanyşmaga şatdygyny nygtady. Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hoşniýetli sözler üçin minnetdarlyk bildirip, ikitaraplaýyn hyzmatdaşlygy ösdürmek boýunça alyp barýan işlerinde oňa üstünlikler arzuw etdi we bu gezekki saparyň özara gatnaşyklaryň mundan beýläk-de ösdürilmegine itergi berjekdigine ynam bildirdi we dostlukly ýurduň Prezidenti Ýun Sok Ýola iň gowy arzuwlaryny aýdyp, Türkmenistanyň Koreýa Respublikasy bilen ýola goýulýan netijeli gatnaşyklaryna ýokary baha berýändigini aýtdy. Şunda hyzmatdaşlyk birek-birege hormat goýmak, ynanyşmak, özara düşünişmek esasynda yzygiderli ösdürilýär.

30 Maý 2023

Hyzmatdaşlyk

ÝUNESKO: gymmatlyklarymyz adamzadyň genji-hazynasynda

Berkarar döwletiň täze eýýamynyň Galkynyşy döwründe hormatly Prezidentimiz ýurdumyzyň durmuş-ykdysady, jemgyýetçilik-syýasy meseleleri bilen birlikde milli medeniýetimiziň ýokary depginde ösmeginde hem döwlet bähbitli, milli ähmiýetli asylly işleri amala aşyrýar. Ýurdumyzda «Ýaňlan, Diýarym!», «Çalsana, bagşy!» döredijilik bäsleşikleriniň jemleýji tapgyrlary geçirilip, olarda ýeňiji bolanlaryň hem-de Türkmenistanyň Prezidentiniň «Türkmeniň Altyn asyry» atly döredijilik bäsleşiginiň ýeňijileriniň Şa serpaýlary bilen sylaglanmagy-da, Arkadagly Serdarymyzyň zehinleri öňe çykarmak, milli medeniýetimizi ösdürmek, dünýä ýaýmak babatdaky aladasyndan aýdyň mysallardyr.

30 Maý 2023

Hyzmatdaşlyk

Goňşa uzaýan ýollar

Ol dostlukly ýollar bu gün eýran topragyna tarap ugur aldy. Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Eýran Yslam Respublikasyna nobatdaky iş sapary asyrlardan gözbaş alyp, dowamat-dowam bolup gelýän türkmen-eýran hyzmatdaşlygyny mundan beýläk-de üstünlikli ösdürmekde täze ädim bolup, goňşy ýurtlaryň taryhyna altyn harplar bilen ýazylar. Saparyň dowamynda ikitaraplaýyn duşuşyklar geçirilip, olarda söwda-ykdysady we medeni-ynsanperwer ugurlarda ýetilen sepgitler, täze mümkinçilikler ara alnyp maslahatlaşylýar. Tähranda geçirilen ikitaraplaýyn duşuşykda doganlyk ýurtlaryň arasyndaky netijeli gatnaşyklaryň möhüm ugurlaryny işjeňleşdirmek üçin mundan beýläk-de zerur tagallalaryň ediljekdigi bellenildi.

30 Maý 2023

Hyzmatdaşlyk

TÜRKMENISTAN—EÝRAN HYZMATDAŞLYGY: TÄZE SEPGITLER

Türkmenistanyň iň ýakyn goňşusy bolan we umumy taryhy kökleri müňýyllyklaryň jümmüşinden gözbaş alýan  dostlukly döwletleriniň biri hem Eýran Yslam Respublikasydyr. Goňşy ýurtlaryň arasynda diplomatik gatnaşyklar 1992-nji ýylyň 18-nji fewralynda ýola goýuldy.  Netijeli ikitaraplaýyn hyzmatdaşlyk ýyllary içinde iki dostlukly ýurtlar döwletara, hökümetara we pudagara derejelerinde baglaşylan halkara resminamalaryndan ybarat bolan berk şertnama-hukuk binýadyny döretdiler.  2022-nji ýylyň 14-15-nji iýunynda hormatly Prezidentimiz Serdar Berdimuhamedowyň Eýran Yslam Respublikasyna amala aşyran resmi sapary türkmen-eýran gatnaşyklarynyň ösüşine kuwwatly itergi berdi. Saparyň barşynda ikitaraplaýyn gatnaşyklaryň dürli ugurlaryna degişli hyzmatdaşlygyň ýetilen sepgitleri we täze mümkinçilikleri ara alnyp maslahatlaşyldy. Munuň özi türkmen-eýran  gatnaşyklarynyň taryhynda täze sahypany açdy. Saparyň netijeleri boýunça 10-a golaý hökümetara resminamalaryna gol çekildi.

30 Maý 2023

Hyzmatdaşlyk

Latwiýada ulag ulgamynda hyzmatdaşlyk boýunça türkmen-latwiýa iş toparynyň nobatdaky mejlisi geçiriler

12 — 16-njy iýun aralygynda Latwiýa Respublikasynda geçiriljek Ulag ulgamynda hyzmatdaşlyk boýunça türkmen-latwiýa iş toparynyň nobatdaky mejlisine gatnaşmak üçin taýýarlyk işleri alnyp barylýar. Bu barada 26-njy maýda geçirilen Hökümet mejlisinde Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýewiň hasabatynda aýdyldy. Nygtalyşy ýaly, duşuşygyň dowamynda Ýewropa bilen Merkezi Aziýanyň arasynda durnukly ulag ulgamyny kemala getirmek, TRACECA halkara üstaşyr ulag geçelgesini ösdürmegiň mümkinçiliklerine degişli meseleleriň giň toplumyna garamak göz öňünde tutulýar.

30 Maý 2023

Hyzmatdaşlyk

“Açyk gapylar” syýasatyna eýerip

Aşgabat, 29-njy maý (TDH). Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň «Daewoo Engineering & Сonstruсtion Сo., Ltd» kompaniýasynyň esaslandyryjysy we müdiriýetiniň başlygy Jong Won-ju bilen geçiren duşuşygynda özara bähbitli hyzmatdaşlygy giňeltmegiň geljekki ugurlary ara alnyp maslahatlaşyldy. Iri koreý kompaniýasynyň ýolbaşçysy duşuşmaga döredilen mümkinçilik üçin hoşallyk bildirip, Türkmenistanda bolýandygyna we ýurduň soňky ýyllarda ýeten derejesi bilen tanyşmaga şatdygyny nygtady. Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hoşniýetli sözler üçin minnetdarlyk bildirip, ikitaraplaýyn hyzmatdaşlygy ösdürmek boýunça alyp barýan işlerinde oňa üstünlikler arzuw etdi we bu gezekki saparyň özara gatnaşyklaryň mundan beýläk-de ösdürilmegine itergi berjekdigine ynam bildirdi.

30 Maý 2023

Hyzmatdaşlyk

Nazarmämmet MUHAMMEDI (Aba işan), Eýranyň Demirgazyk Horasan welaýatynyň Jergelan etrabynyň Gerkez obasyndaky dini medresäniň ýolbaşçysy. Magtymguly Pyragynyň ýedinji arkasy:

— Magtymguly diňe biziň aňrymyzyň meşhur kişisi däl. Ol — bütin türkmenistanlylaryň, külli türkmensähralylaryň arka direýän adamy. Onuň terjimehaly goşgularynda-da bar. Men onuň ýedinji arkasy. Kakam Ata işan Döwletmämmet mollanyň we Magtymguly işanyň özünden galan mirasy aýawly saklamaga çalyşdy. Elinden geldigiçe, olary saklap galmak üçin, zähmet baryny edipdi. Ol 2005-nji ýylda dünýesini täzeledi. Biziň neberämiz Garry mollanyň Kahyrguly diýen dördünji oglundan gaýdýar. Neslimizde goluna galam almadygy-da, alnyny namazlyga goýmadygy-da ýok. Maşgalamyza ata Watanymyz Türkmenistanda hem, Türkmensährada hem uly hormat edýärler. Biz — dört dogan. Özümden uly doganym Gara işan hem gowy şahyrdy. Ol 1992-nji ýylda aramyzdan gitdi. Gerkezliler oňa «ýöreýän taryh» hem diýerdiler. Magtymguly iliň öňüne düşen Çowdur han, Ýazyrhan pir, Buzpolat serdar ýaly şahsyýetlere aýratyn gadyr eder eken. Olara goýýan hormatyny goşgularynda hem ýazypdyr. Garry molla bilen ogly Magtymguly işanyň galdyran mirasy biziň baýlygymyz. Eýran türkmenleri, ahunlardyr alymlar gymmatly eserleri öwrenýärler, metjitlerdäki wagyz-ündewlerde mysallar getirýärler. Hezreti Magtymguly türkmen aryflaryndan iň beýikleriniň biridir. Atamyz hem türkmeniň welileriniň içinde ulugydyr. Molla Döwletmämmet Allatagala ýetişen, pygambere gowşan, ahyrýet işine mäkäm ýapyşan ynsandyr...

30 Maý 2023

Hyzmatdaşlyk

Döwrebap bank hyzmatlary

Berkarar döwletiň täze eýýamynyň Galkynyşy döwründe ilata hödürlenilýän bank hyzmatlarynyň hili has-da ýokarlandyrylýar, elýeterliligi üpjün edilýär. Bank ulgamynyň kanunçylyk-hukuk binýady yzygiderli kämilleşdirilýär. Hormatly Prezidentimiziň parasatly ýolbaşçylygynda «Türkmenistanyň ykdysady, maliýe we bank ulgamlaryny ösdürmegiň 2019 — 2025-nji ýyllar üçin Döwlet maksatnamasyna» hem-de «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasyna» laýyklykda, milli bank ulgamyna sanly tehnologiýalaryň işjeň ornaşdyrylmagyna aýratyn ähmiýet berilýär. Sanly tehnologiýalaryň giňden peýdalanylmagy ýurdumyzyň karz edaralarynyň bäsdeşlige ukyplylygyny ýokarlandyrmaga we müşderilere bökdençsiz bank hyzmatlaryny hödürlemäge mümkinçilik berýär. Mälim bolşy ýaly, ýurdumyzyň karz edaralary tarapyndan ýurduň pul aýlanyşygyny kämilleşdirmek we nagt däl hasaplaşyklaryň gerimini has-da giňeltmek maksady bilen täzeçil çözgütler durmuşa ornaşdyrylýar. Olaryň arasynda milli kartly töleg ulgamy boýunça elektron tölegleri geçirmekligi ýola goýmak aýratyn orny eýeleýär. Bu bolsa öz gezeginde ýurduň pul-karz ulgamyny kämilleşdirmäge, nagt däl hasaplaşygy ösdürmäge, milli ykdysadyýetimizde pul serişdeleriniň dolanyşygynyň netijeliligini ýokarlandyrmaga, hasaplaşyk dolanyşygyny tizleşdirmäge, ýagny töleg iberijiniň bankyndan tölegi kabul edijiniň bankyna geçirm

29 Maý 2023

Hyzmatdaşlyk

Ýewropa-Kawkaz-Aziýa ulag geçelgesi sanlylaşdyrylar

TRASEKA-nyň 13 agza-ýurdy Ýewropa-Kawkaz-Aziýa ulag geçelgesini sanlylaşdyrmak meseleleri boýunça iş toparynyň mejlisiniň Düzgünnamasyny we işiniň meýilnamasyny makulladylar – diýip, TRASEKA hökümetara toparyna salgylanyp, Trend habar berýär. Taraplar şeýle hem ýurtlaryň arasynda elektron rugsadyny ulanmagyň geljegini ara alyp maslahatlaşmak üçin ýörite mejlisi guramak barada ylalaşdylar.

29 Maý 2023

Hyzmatdaşlyk

Türkmenistan Leýpsigde geçirilen Halkara ulag forumynyň sammitine gatnaşdy

Türkmenistan, 24-nji maýdan 26-njy maý aralygynda Germaniýanyň Leýpsig şäherinde geçirilýän Halkara ulag forumynyň (ITF) ýyllyk sammitine gatnaşdy. Global ulag syýasaty pudagynda möhüm waka Beýik Britaniýa «Ulag durnukly ykdysadyýete goşant goşýar» şygary bilen ýolbaşçylyk edýär. Bu garaýyşdan ulag pudagynyň ýolbaşçylary, işewür liderler, halkara guramalaryň ýolbaşçylary, parlamentariler we syýasatçylar, 80 töweregi ýurtdan gelen hünärmenler howanyň üýtgemegi we üpjünçilik zynjyrynyň durnuklylygyndan işjeň herekete çenli köp sanly meseläni ara alyp maslahatlaşdylar.

29 Maý 2023

Hyzmatdaşlyk

Magtymgulynyň golýazmalar toplumy “Dünýäniň hakydasy” halkara sanawyna girizildi

Ýurdumyza Birleşen Milletler Guramasynyň Bilim, ylym we medeniýet meseleleri boýunça guramasyndan (ÝUNESKO) hoş habar gelip gowuşdy. Şu ýylyň 10 — 24-nji maýy aralygynda bu düzümiň Pariž şäherindäki ştab-kwartirasynda ÝUNESKO-nyň Ýerine ýetiriji geňeşiniň 216-njy mejlisi geçirildi. Onuň dowamynda Magtymguly Pyragynyň golýazmalar toplumyny bu guramanyň «Dünýäniň hakydasy» maksatnamasynyň halkara sanawyna girizmek hakyndaky çözgüt biragyzdan kabul edildi. Şeýle hem mejlisde ÝUNESKO agza döwletleriň 2024-2025-nji ýyllarda şanly seneleriň 46-synyň baýramçylyk dabaralaryna bu halkara düzümiň gatnaşmagy bilen baglanyşykly teklip goldanyldy. Şolaryň hatarynda Türkmenistanyň başlangyjy bilen Azerbaýjanyň, Belarus Respublikasynyň, Gazagystanyň, Gyrgyz Respublikasynyň, Türkiýäniň, Özbegistanyň we Ukrainanyň goldaw bermeginde ÝUNESKO-nyň Şanly seneler sanawyna türkmen halkynyň beýik şahyry Magtymguly Pyragynyň doglan gününiň 300 ýyllyk baýramçylygyny goşmak hakyndaky teklip hem bar. Bu çözgütler hormatly Prezidentimiz Serdar Berdimuhamedowyň baştutanlygynda üstünlikli durmuşa geçirilýän medeni diplomatiýanyň, şol sanda görnükli nusgawy şahyrymyz Magtymguly Pyragynyň umumadamzat medeni hazynasynyň aýrylmaz bölegi hasaplanýan gymmatly mirasyny saklamak, öwrenmek we wagyz etmek boýunça alnyp barylýan işleriň üstünliklere beslenýändiginiň aýdyň beýanydyr.

29 Maý 2023

Hyzmatdaşlyk

BSG-niň wekilleri sapar bilen Türkmenistana gelerler

29-31-nji maýy ara­ly­gyn­da Bü­tin­dün­ýä Söw­da Gu­ra­ma­sy­nyň (BSG) we­kil­le­ri sa­par bi­len Türk­me­nis­ta­nyň paý­tag­ty Aş­ga­bat şä­he­ri­ne ge­ler­ler. Bu ba­ra­da BMG-niň Že­ne­wa­da­ky eda­ra­sy­nyň ýa­nyn­da­ky Türk­me­nis­ta­nyň He­mi­şe­lik we­ki­li Ata­gel­di Hal­ja­no­wyň an­na gü­ni BSG-niň go­şul­mak bo­ýun­ça bö­lü­mi­niň mü­di­ri Mai­ka Oşi­ka­wa bi­len ge­çi­ren du­şu­şy­gyn­da aý­dyl­dy.

28 Maý 2023

Hyzmatdaşlyk

Hytaý Merkezi Aziýa ýurtlary bilen sanly söwdany giňeldýär

Hy­taý Mer­ke­zi Azi­ýa ýurt­la­ry bi­len san­ly söw­da pu­da­gyn­da söw­da gat­na­şyk­la­ry­ny gi­ňelt­me­gi mak­sat edin­ýär. Hy­ta­ýyň Söw­da mi­nistr­li­gi­niň res­mi we­ki­li Şu Jue­tin­giň sözlerine görä, Hy­taý öz kär­ha­na­la­ry­na Mer­ke­zi Azi­ýada am­mar­la­ry dö­ret­mek bo­ýun­ça amal­la­ry­ny gol­damaga, Hy­ta­ýyň elekt­ron söw­da plat­for­ma­la­ryn­da ha­sa­ba al­nan ýurt­la­ryň kom­pa­ni­ýa­la­ry­na ýar­dam bermäge, şeýle-de ösen san­ly teh­no­lo­gi­ýa­la­ry ös­dür­mek­de tej­ri­be alyş­ma­ga taý­ýar. Mun­dan baş­ga-da, Söw­da mi­nistr­li­gi­niň res­mi we­ki­li Azi­ýa ýurt­la­ryn­dan goş­ma­ça önüm­le­riň möç­be­ri­niň Hy­ta­ýyň ba­za­ry­na gir­me­gi­ni gol­da­ýan­dy­gy­ny aýt­dy. Hy­taý ser­he­ta­ra inf­rastruk­tu­ra­nyň gur­lu­şy­gy­na, ne­bit-gaz pu­da­gyn­da hyz­mat­daş­ly­gy pug­ta­lan­dyr­ma­ga, ser­he­ta­ra tur­ba­ge­çi­ri­ji­le­riň gur­lu­şy­gy­ny ös­dür­mä­ge, oba ho­ja­ly­gyn­da­ky hyz­mat­daş­ly­gy çuň­laş­dyr­ma­ga we Mer­ke­zi Azi­ýa ýurt­la­ryn­dan ýo­ka­ry hil­li oba ho­ja­lyk önüm­le­ri­niň im­por­ty­ny ýo­kar­lan­dyr­ma­ga ýar­dam ed­ýär. Şeý­le hem Hy­taý Mer­ke­zi Azi­ýa ýurt­la­ry bi­len köp­ta­rap­la­ýyn gör­nüş­de hyz­mat­daş­ly­gy ber­kit­me­gi me­ýil­leş­dir­ýär we Türk­me­nis­tan bi­len Öz­be­gis­ta­nyň Bü­tin­dün­ýä Söw­da Gu­ra­ma­sy­na ti­za­ra ag­za bol­ma­gy­ny gol­da­ýar.

28 Maý 2023

Hyzmatdaşlyk

Birža söwdalary

Türk­me­nis­ta­nyň Döw­let ha­ryt-çig mal bir­ža­sy­nyň ge­çen hep­de­dä­ki söw­da­la­ryn­da ge­le­şik­le­riň 38 sa­ny­sy ha­sa­ba alyn­dy. Tür­ki­ýe­den, Er­me­nis­tan­dan, BAE-den, Gyr­gyz Res­pub­li­ka­syn­dan, Azer­baý­jan­dan, Şweý­sa­ri­ýa­dan we Be­ýik Bri­ta­ni­ýa­dan ge­len te­le­ke­çi­ler da­şa­ry ýurt wal­ýu­ta­sy­na teh­ni­ki kü­kür­di we po­lip­ro­pi­le­ni sa­tyn al­dy­lar. Şeý­le-de dür­li gör­nüş­li do­kma önüm­le­ri sa­tyl­dy. Ge­le­şik­le­riň je­mi ba­ha­sy 12 mil­li­on 638 müň 800 ame­ri­kan dol­la­ry­ndan gow­rak bol­dy.

28 Maý 2023

Hyzmatdaşlyk

Ulag kom­mu­ni­ka­si­ýa­la­ry ul­ga­myn­da hal­ka­ra hyz­mat­daş­lyk ýaý­baň­lan­dy­ryl­ýar

Häzirki wagtda halkara hyzmat­daşlygyny ösdürmegiň esasy guraly hökmünde transmilli ulag geçelgele­rini döretmäge aý­ra­tyn ähmiýet berilýär. Döwletimizde multimodal gatnawlaryň netijeliligini üpjün edýän iri ulag-lo­gis­ti­ki merkezleri döredilip, ýurdu­myz halkara ulag kommunikasiýasyna işjeň goşulýar. Ýol-ulag düzüm­leri döwrebaplaşdyrylyp, ulag görnüşleriniň her biriniň artykmaçlyk­laryndan ýerlikli peýdalanmaga mümkinçilik berýän sazlaşykly ulgam kemala gelýär. Berkarar döwletiň täze eýýamynyň Galkynyşy döwründe Merkezi Aziýanyň, Ýewro­panyň, şeýle hem dünýäniň beýleki ýurtlary bilen özara bähbitli strategik gatnaşyk­la­r ilerleýär. Şeýle gatnaşyklar ýurdumy­zyň durnukly ykdysady we durmuş taýdan ösüşine iter­gi ber­ýär.

28 Maý 2023

Hyzmatdaşlyk

Owganystanly demirýolçular Türkmenabatda okuw geçdiler

Ýakynda owganystanly ýaş demirýolçularyň birnäçesi «Türkmendemirýollary» agentliginiň Türkmenabat şäherindäki hünär okuw mekdebini tamamlap, Türkmenistanyň Bilim ministrliginiň şahadatnamalaryna mynasyp boldy. Mundan dört aý ozal başlanan okuwlar «Türkmendemirýollary» agentligi bilen Owganystanyň demir ýol edarasynyň arasynda gol çekilen özara düşünişmek hakynda Ähtnama we Türkmenistanyň Bilim ministrligi tarapyndan tassyklanan okuw meýilnamasyna laýyklykda alnyp baryldy. Demir ýollaryň gurluşygy, wagonlary düzmek we dolandyrmak hünäri boýunça geçirilen okuwyň dowamynda amaly-tejribe önümçilik sapaklary hem guraldy. Owganystanly ýaşlar önümçilik sapaklarynda Türkmenabat şäherindäki «Demirýollary» açyk görnüşli paýdarlar jemgyýetiniň şahamçalarynda önümçilik-tejribe sapaklaryny geçdiler.

27 Maý 2023

Hyzmatdaşlyk

Türkmenistan — Russiýa Federasiýasy: däp bolan gatnaşyklara ygrarlylyk

24-nji maýda döwlet Baştutanymyz Serdar Berdimuhamedow Russiýa Federasiýasynyň Türkmenistanda täze bellenen Adatdan daşary we Doly ygtyýarly ilçisi Iwan Wolynkini kabul etdi. Ol hormatly Prezidentimize ynanç hatyny gowşurdy. Ilkinji nobatda, döwlet Baştutanymyz Prezident Wladimir Putine mähirli salamyny beýan edip, ýurtlarymyzyň arasyndaky dostluk, ynanyşmak, özara düşünişmek ýörelgelerine esaslanýan gatnaşyklaryň häzirki wagtda dürli ugurlar boýunça üstünlikli ösdürilýändigini nygtady. Şoňa görä-de, türkmen-rus syýasy dialogynyň okgunly ösdürilýändigi, ýokary derejedäki özara saparlaryň amala aşyrylýandygy, ministrlikleriň, pudaklaýyn dolandyryş edaralarynyň ugry boýunça yzygiderli gatnaşyklaryň alnyp barylýandygy bellenildi. Parlament ugry boýunça hyzmatdaşlyk giňeldilýär, Daşary işler ministrlikleriniň arasynda yzygiderli esasda geňeşmeler geçirilýär.

26 Maý 2023

Hyzmatdaşlyk

Türkmenistan — Beýik Britaniýa: köpugurly hyzmatdaşlyk — oňyn netijelilik

24-nji maýda hormatly Prezidentimiz Serdar Berdimuhamedow Beýik Britaniýanyň we Demirgazyk Irlandiýanyň Birleşen Patyşalygynyň Türkmenistanda täze bellenen Adatdan daşary we Doly ygtyýarly ilçisi Stiwen Konlony kabul etdi. Ol döwlet Baştutanymyza ynanç hatyny gowşurdy. Ýakynda Onuň Alyjenaby Karl III-ä we Şa aýalyna täç geýdirmek dabarasyna gatnaşmak maksady bilen, Londona iş saparyny amala aşyrandygyny belläp, hormatly Prezidentimiz saparyň dowamynda görkezilen myhmansöýerlik üçin Beýik Britaniýanyň Hökümetine minnetdarlyk bildirdi. Duşuşygyň çäklerinde köpugurly türkmen-britan dialogynyň häzirki ýagdaýy we geljegi baradaky pikir alyşmalaryň dowamynda taraplar umumy bähbitlere, döwlet ösüşiniň ileri tutulýan ugurlaryna laýyk gelýän özara bähbitli hyzmatdaşlygyň soňky ýyllarda gazanylan ýokary derejesini kanagatlanma bilen nygtadylar.

26 Maý 2023

Hyzmatdaşlyk

Özara gatnaşyklaryň täze gözýetimi

Darýa APUŞKINSKAÝA, Russiýa Federasiýasynyň Halklaryň dostlugy uniwersitetiniň mugallymy. — Aziýanyň merjen şäheri hasaplanýan Aşgabada myhman bolandygymyza begenjimiziň çägi ýok. Halkara ynsanperwer ylymlary we ösüş uniwersitetinde III Açyk halkara matematika olimpiadasynyň geçirilmegi we onuň üstünlikli jemlenmegi ýene bir gezek bir hakykaty — döwrebap bilimli we giň gözýetimli ýaşlaryň ösüp gelýändigini açyp görkezdi. Ýokary guramaçylyk derejesinde geçen halkara olimpiadasynyň dowamynda 283 talybyň bilim derejesi bilen ýakyndan tanyşmaga mümkinçilik boldy. Olaryň arasynda Türkmenistanyň, Russiýanyň, Germaniýanyň, Wengriýanyň, Meksikanyň, Eýranyň, Saud Arabystanynyň, Özbegistanyň, Azerbaýjanyň ýokary okuw mekdepleriniň talyplary bar. Türkmen talyplarynyň üstünlikleri milli bilim ulgamynda gazanylýan üstünlikleriň belent derejelere çykandygyny görkezýär. Türkmenistanda şeýle bäsleşikleriň ilkinji gezek geçirilýändigine garamazdan, munuň juda guramaçylykly geçendigini bellemelidiris.

26 Maý 2023

Hyzmatdaşlyk