Türkmenmetbugat

Türkmeniň nusgalyk alabaýy

Esaslandyryjysy: Halkara "Türkmen alabaý itleri" assosiasiýasy
Salgysy: Aşgabat şäheri, Bitarap Türkmenistan şaýoly 553/2 jaýy.
Telefon belgileri: 39-00-72

Gazeti PDF görnüşinde ýükläp almak

Habarlar

Ykbala öwrülen sungat ýodasy

Ýürekde şineläp, kalpda kemala gelen islendik iş sungat derejesine ýetirilip biler. Eýsem, biziň döredýän eserlerimiziň isle saz, isle şygyr ýa aýdym bolsun, parhy ýok, hemmejesi-de ýüreklere barýan inçe ýodalary yzarlaýandyr. Ýöne bizi saz älemine aralaşdyrýan ajaýyp mukamlary diňläp, olardan lezzet alýarkak, şol jadyly owazyň döreýiş çuňluklarynyň nirelerden gözbaş alyp gaýdýandygy welin, iňňän az oýlandyrýar. Saz döretmegiň ilkinji basgançagyny goýmaga çagyrýan solfejio dersi barada eşideniňde, «Munça ýyllap bihal ýaşapdyryn, bar gören-eşidenlerimi bir gyra süýşüräýmeli boldum» diýip, içiňden pikir ýüwürdeniňi-de duýman galýarsyň. Aýratynam, solfejio sapagynda nazary bilimleri tutuş barlygy bilen öwredip, okuwçylarynyň saz äleminiň ilkinji basgançaklaryna aralaşmagynda yhlasyny gaýgyrmaýan tejribeli mugallym Dilarom Karýagdyýewa bilen bolan duşuşykdan soň, bu ugurda kän zatlara göz ýetirmek bolýar. Orta boýludan ak ýüzli, inçemik göwresi güler ýüzüne gelşik berip duran, mähirliden hoştap häsiýetli zenan bilen söhbedimiz bizi saz äleminiň çuňluklaryna aralaşdyrdy...

21 Ýanwar 2021

Şekillerde — Watan waspy

«Türkmenistan — parahatçylygyň we ynanyşmagyň Watany» ýylynyň şygarynyň şanyna Türkmenistanyň Şekillendiriş sungaty muzeýinde «Diýarym asuda, ýurdum parahat» ady bilen sergi guraldy. Onda ussat nakgaşlaryň, heýkeltaraşlaryň ýerine ýetiren sungat eserleri görkezildi. Serginiň dowamynda Türkmenistanyň halk suratkeşleri Aýhan Hajyýewiň, Ýewgeniýa Adamowanyň, Annadurdy Almämmedowyň, Öwezmuhammet Mämmetnurowyň, şeýle-de ussat suratkeşler Rustam Abdullaýewiň, Şemşat Mämmedowanyň, Mekan Nurýagdyýewiň, Dmitriý Filipçenkonyň dürli ýyllarda ýerine ýetiren nakgaş eserleri görkezildi.

21 Ýanwar 2021

Ruhubelentlige beslenen dabara

«Türkmenistan — parahatçylygyň we ynanyşmagyň Watany» ýylynyň ilkinji günlerinde baýram edilýän Watan goragçylarynyň güni mynasybetli Türkmenistanyň Goranmak ministrliginiň Beýik Saparmyrat Türkmenbaşy adyndaky Harby institutynda ýokary derejeli maslahatlar, aýdym-sazly dabaralar giňden ýaýbaňlandyryldy. Ýokary harby okuw mekdebimiziň harby talyplarynyň gatnaşmaklarynda şanly senä bagyşlanyp, Türkmenistanyň Magtymguly adyndaky Ýaşlar guramasynyň Merkezi Geňeşi we Türkmenistanyň Parahatçylyk gaznasynyň müdiriýeti bilen bilelikde «Watan goragy — mukaddes borç» atly maslahat we aýdym-sazly, şowhunly baýramçylyk dabarasy geçirildi. Watan goragynyň mukaddesligini giňden wagyz eden bu dabaranyň dowamyda baýramçylyk mynasybetli has tapawutlanan harby talyplaryň birnäçesi Hormat hatlary we ýadygärlik sowgatlary bilen sylaglanyldy. «Hemişelik Bitarap Türkmenistan häzirki wagtda parahatçylygy baýdak edinip, dostana goňşuçylyk we ynanyşmak syýasatyny alyp barýar. Şeýle hem ýurdumyz Garaşsyz döwlet hökmünde öz Ýaragly Güýçleriniň ýokary goranyş kuwwatyny saklamaga, onuň maddy-enjamlaýyn binýadyny pugtalandyrmaga, ýokary hünärli harby hünärmenleri taýýarlamaga gönükdirilen maksatnamalary durmuşa geçirýär. Milli goşunymyz parahatçylygyň, ýurdumyzyň howpsuzlygynyň bähbidine halkymyzyň abadan durmuşyny, erkin döredijilikli zähmetini goramaga hyzmat edýär. Bu ýörelgeler oňyn Bitaraplyk derejes

20 Ýanwar 2021

Ömrüň manysy

Hormatly Prezidentimiziň halkymyza peşgeş beren «Türkmeniň döwletlilik ýörelgesi» atly kitabynyň «Zeminiň abatlygy — ýaşaýşyň ebediligi» atly bölüminde «Ömrüň manysy — Watanyň parahatçylygynda» diýlen jümle bar. Diňe bir şu jümläniň özi hem ata Watanymyzda asudalygyň, abadançylygyň, parahatçylygyň höküm sürmeginiň ýurdumyzyň ähli raýatlary üçin bahasyny hiç bir gymmatlyk bilen deňäp bolmajak egsilmez baýlykdygyny aňladýar. Şeýle hem bu kitaby eline alyp, okap başlan islendik okyjynyň bar ünsüni özüne çekýän bu ajaýyp eserde beýan edilýän rowaýatlar, öwüt-nesihatlar diňe bir halkymyz üçin däl-de, tutuş dünýä ýüzüniň halklaryny agzybirlige, dost-doganlyga, abadan durmuşda ýaşamaga çagyryşdyr. Her bir ynsanyň dünýä inip, göbek ganynyň daman topragy, howasyndan dem alyp kemala gelen mekany hasaplanýan Watanynyň öňünde öz perzentlik borjuny ödemegi ata-babalarymyzyň döredip giden mukaddes ýörelgeleriniň özenidir. Şol mukaddes ýörelgeleri häzirki bagtyýarlyk eýýamymyzda ýaşlarymyzyň arasynda giňden wagyz etmekde, ertirki günümiziň eýeleri bolan ýaş nesli watançylyk ruhunda terbiýelemekde Gahryman Arkadagymyzyň jöwher paýhasyndan dörän bu ajaýyp eser gymmatly gollanmadyr. Kitabyň ady agzalan bölüminde ata Watanyň gymmatlygy, ene topragyň keramatlydygy baradaky rowaýatlaryň ençemesi yzygiderlikde ýerleşdirilipdir. Şeýle alyp göreniňde, bu rowaýatlar bir-biriniň dowamy ýaly görünse-de,

20 Ýanwar 2021

Ata-babalaryň wesýeti — merdanalyk mekdebi

Berkarar döwletimiziň bagtyýarlyk döwründe Gahryman Arkadagymyzyň baştutanlygynda ýurdumyzyň giň halkara hyzmatdaşlyk, ynanyşmak we dostluk ýörelgelerine esaslanýan içeri we daşary syýasaty üstünliklere beslenýär. Türkmenistanyň Mejlisiniň karary bilen 2021-nji ýylyň «Türkmenistan — parahatçylygyň we ynanyşmagyň Watany» diýlip yglan edilmegi guwandyryjydyr, çünki taryhy taýdan gysga möhletiň içinde Garaşsyz döwletimiz hemişelik Bitaraplyk hukuk ýagdaýyna eýe bolup, dünýäniň köp döwletleri, abraýly iri halkara guramalary bilen parahatçylygyň, ählumumy howpsuzlygyň we durnukly ösüşiň hatyrasyna dostlukly hyzmatdaşlygyň köprüsini guran döwlet hökmünde özüni tanatdy. Türkmenistanyň teklibi bilen, BMG-niň Baş Assambleýasy tarapyndan «2021-nji ýyl — Halkara parahatçylyk we ynanyşmak ýyly» diýen Kararnamanyň kabul edilmegi ýurdumyzyň parahatçylyksöýüjilikli syýasatynyň dabaralanýandygynyň ýene-de bir aýdyň mysalydyr.

20 Ýanwar 2021

Şygryýet älemi

Arkadag! Bitaraplyk taglymatyň çuňdandyr,Hoş niýetiň ýürekdendir, Arkadag!Danalygyň pederlerden gaýdandyr,Sahawatyň aňyrdandyr, Arkadag!

20 Ýanwar 2021

Nepis sungatyň ussady

Milli gymmatlyklarymyz müňýyllyklaryň dowamynda kämilleşip, täzeden-täze öwüşginlere beslenip, ata-babalarymyzyň ruhuna ýakynlaşdyrýan dürdäneleri, milli pelsepäni we ynançlary özünde jemleýän kerem-gudrat görnüşinde biziň günlerimize gelip ýetipdir. Halkymyzyň baý mirasynda aýratyn orun eýeleýän ugurlaryň biri-de şekillendiriş sungatydyr. Şekillendiriş sungatynyň iň nepis ugurlarynyň biri bolan suratkeşlik hem türkmen halkynyň durmuşynda görnükli orun tutýar. Türkmen suratkeşlik sungatyndan söz açylanda, ilki bilen, belli suratkeşler Nazar Ýomudskiniň we Bäşim Nuralynyň döreden ajaýyp surat eserleri göz öňüňde janlanýar. XIX asyryň ikinji ýarymynda — XX asyryň birinji ýarymynda naýbaşy eserleri döreden sungat ussatlarynyň çeken suratlary milli suratkeşlik mekdebimiziň döreýiş we ösüş ýolunda nusgalyk eserler hökmünde hemişelik orun aldy. Berkarar döwletimiziň bagtyýarlyk döwründe alnyp barylýan düýpli ylmy-barlag işleri türkmen suratkeşlik mekdebiniň köklerini has alyslardan — XV asyrdan alyp gaýdýandygyny anyklamaga mümkinçilik berdi. XVI — XVII asyrlaryň sepgidinde Töwrizde ýaşap geçen meşhur türkmen suratkeşi Sadyk beg Awşaryň döredijiligi munuň aýdyň mysalydyr.

20 Ýanwar 2021

Ýürekde ýaşaýan ýatlamalar

Bir gezek meşhur aýdymçy, Türkmenistanyň halk artisti Annaberdi Atdanow ýörite konsert bermäge geldi. Onuň balkanabatly şahyr hem-de kompozitor Ýemreli Tuwakowyň sözlerine «Öz ilimiň gojalary» diýen aýdymy ürç edip aýdýan döwürleridi. Ol haýallyk bilen ädimläp, gezelenç etmegi gowy görerdi. Konsertiň öňüsyrasynda biz telewideniýäniň giň howlusynda gezelenç edip ýördük. A.Atdanow howalanyp duran Uly Balkan dagyna nazar aýlady-da: «Bilýärmiň näme, biziň gözel tebigatymyz bar. Ýaradan beripdir. Dag ýerinde dagymyz, çöl ýerinde çölümiz, deňiz ýerinde deňzimiz bar» diýip, buýsanç bilen aýtdy. «Şeýle ajaýyp mekanymyzyň bardygy sebäpli, zehinler bizde döreýär ahyry!» diýip, men hem söze goşuldym. Şonda ol: «Nesip bolsa, zehinli nesiller dowamly bolar» diýip, özüne mahsus sadalyk bilen mylaýym ýylgyrdy. *  *  *

20 Ýanwar 2021

Heýkeller dünýäsinde

Berkarar döwletimiziň bagtyýarlyk döwründe hormatly Prezidentimiziň parasatly ýolbaşçylygynda heýkeltaraşlyk sungaty hem pajarlap ösýär. Ýurdumyzyň çar künjüni Garaşsyz Watanymyzyň şöhratly geçmişinden, bagtyýar şu gününden söhbet edýän ajaýyp heýkeller bezeýär. Olaryň arasynda Türkmenistanyň halk suratkeşi Babasary Annamyradowyň zehininden dörän heýkeller hem görnükli orun tutýar. Heýkel diýmek gaýrat diýmek bolsa gerek. Heýkeli döredilýäniňem, ony döredijiniň hem gujur-gaýratynyň artyk bolmagy, megerem, bu sungatda ilkinji şert bolsa gerek. Olar hem özünden öňki halypalardan görelde alandyrlar. Elbetde, ýene olaryň gaýratyndan! Bu pikirler halypa heýkeltaraş Babasary Annamyradow bilen söhbetdeşlikden soň döredi. Elbetde, bilşimiz ýaly, gaýrat düşünjesine bolsa erjelligem, zähmetsöýerligem, sungata wepalylygam — ählisi girýär.

20 Ýanwar 2021

Türkmenistan — Owganystan dostlugyň medeni kökleri

Şanly ýylymyzyň ilkinji günlerinde Gahryman Arkadagymyzyň ak pata bermegi bilen gojaman Jeýhunyň boýuny bezäp oturan gadymy Lebapda Owganystan Yslam Respublikasynyň Akina — Andhoý beketleriniň aralygyndaky 30 kilometr demir ýolunyň, Ymamnazar — Akina, Serhetabat — Turgundy optiki-süýümli halkara aragatnaşyk ulgamynyň, Kerki — Şibirgan ugry boýunça güýjenmesi 500 kilowolt elektrik geçirijisiniň we «Malaý» gaz ýatagynda gaz gysyjy desganyň işe girizilmegi parahatçylygy, ynanyşmagy, dost-doganlygy, ynsanperwerligi ýüreginde aýdym, dilinde dessan, kalbynda bossan edip ýaşaýan bagtyýar watandaşlarymyzyň buýsanjyny püre pürledi. Çünki goňşy Owganystan Yslam Respublikasynyň ak asmanyny türkmen energetikasynyň nurlandyryp başlamagy, Beýik Ýüpek ýolunyň sakasyndaky Çynma-Çyna türkmen gazynyň iberilmegi diňe bir bu dostlukly ýurtlaryň däl, eýsem, tutuş Gündogar sebitiniň taryhy üçin şanly waka öwrüldi. Munuň özi, Garaşsyz, baky Bitarap döwletimizde milli Liderimiziň baştutanlygynda aragatnaşyk, ýol, energetika we nebit-gaz ulgamlaryndaky özgerişleriň üstünlikli amala aşyrylýandygynyň aýdyň subutnamasydyr. Täze elektrik geçiriji we optiki-süýümli aragatnaşyk ulgamlarynyň hem-de demir ýolunyň ulanylmaga berilmegi Türkmenistan bilen Owganystan Yslam Respublikasynyň arasynda giň gerimli özara hyzmatdaşlyk etmek üçin täze mümkinçilikleri açdy, durmuş-ykdysady ösüş derejesini ýokarlandyrmak,

19 Ýanwar 2021

Bu türkmeniň goşa-goşa täji bar

Asyrlaryň dowamynda halkymyzyň aýdym-saz sungatynyň kämilleşdirilip, şu günlerimize gelip ýetmeginde bagşy-sazandalarymyzyň bitiren hyzmatlary örän uludyr. Aýdym-saz barada Gahryman Arkadagymyz «Türkmen medeniýeti» atly kitabynda şeýle belleýär: «Aýdym-saz sungaty — täzelenişiň we döredijiligiň çeşmesi. Bu gün türkmen toýlarynyň sahnasynda halk aýdymlary, häzirkizaman türkmen kompozitorlarynyň ata Watanymyzy, türkmen halkyny, onuň köp asyrlyk şöhratly taryhyny, tebigatymyzyň gözelligini we Berkarar döwletimiziň bagtyýarlyk döwründe gazanylýan üstünlikleri wasp edýän kämil, şowhunly eserler aýratyn joşgunlylyk we özüne çekijilik bilen ýerine ýetirilýär. «Jeýhun bilen bahry Hazar arasynda» — keremli Watanymyzda bagtyýarlyga gowşan halkym bu gün bagşy tutup, at çapdyryp, altyn gabak atdyryp, göreş tutduryp uludan toý tutýar». Türkmen aýdym-saz sungatynyň ägirtleri, beýik ýerine ýetirijilik ussatlyklary bilen öçmejek yz galdyran bagşylar Sahy Jepbarow, Magtymguly Garlyýew, Nurberdi Gulow, Ödenýaz Nobatow, Aşyrmämmet Dawudow ýaly halypalar şirin owazlary bilen ýüreklerde ömürlik orun aldylar.

19 Ýanwar 2021

Ýylyň şygarynyň şanyna

Düýn Türkmenistanyň Döwlet medeniýet merkeziniň Döwlet muzeýinde täze ýylyň «Türkmenistan — parahatçylygyň we ynanyşmagyň Watany» şygaryna bagyşlanan sergi geçirildi. Oňa muzeý işgärleri, ýokary okuw mekdepleriniň professor-mugallymlary, jemgyýetçilik guramalarynyň, kitaphana ulgamynyň, köpçülikleýin habar beriş serişdeleriniň wekilleri gatnaşdylar. Giň gerimde ýaýbaňlandyrylan sergide ýurdumyzyň taryhy ýadygärlikleriniň fotosuratlary, milli gymmatlyklarymyzyň şekilleri, sünnälenip çitilen türkmen halylary, özboluşly nusga eýe bolan milli lybaslarymyz, ussat zergärlerimiziň zenanlara hem-de halkymyzyň buýsanjyna we şöhratyna öwrülen bedewlere niýetläp ýasan şaý-sepleri görkezildi we olar sergä gatnaşanlarda uly gyzyklanma döretdi.

19 Ýanwar 2021

Hünär kämilliginiň köşgi

«Jahan» döredijilik merkezinde myhmançylykda bolanymyzda, ýaş zehinlerimiziň ençemesiniň öz höwes edýän ugurlaryndan başlangyç hünär öwrenýändiklerine, ukyp-başarnyklaryny kämilleşdirýändiklerine şaýat bolduk. Aýdyň ertirlerimiziň eýeleri bolan balalarymyzyň bagtyýarlygy üçin döredilýän mümkinçilikler ýurdumyzyň röwşen geljegine bolan ynamyňy has-da artdyrýar. Arzuwlary ganatly ýaşlarymyzyň ajaýyp döwrümize bolan buýsançlary, kalp joşgunlary, Gahryman Arkadagymyza aýdýan alkyş sözleri bagt mukamy bolup ýaňlanýar.

19 Ýanwar 2021

Türkmenistanyň Prezidentiniň «Türkmeniň Altyn asyry» atly bäsleşigine

ASYRLARYŇ ŞAÝADY Berkarar döwletimiziň bagtyýarlyk döwründe Gahryman Arkadagymyzyň parasatly baştutanlygynda ähli ugurlarda ösüşlere beslenýän ata Watanymyzda halkymyzyň milli medeniýetini we sungatyny ösdürmäge, geçmiş taryhyny çuňňur öwrenmäge ýokary derejede üns berilýär. Şöhratly geçmişimiziň sahypalaryna nazar salanymyzda taryhyň dürli döwürlerinde ýurdumyzyň çäklerinde uly-uly şäherleriň, bilim ojaklarynyň bolandygyna we bu toprakda dünýä medeniýetine we sungatyna, ylymlaryň dürli ugurlaryna saldamly goşant goşan alymlaryň, beýik şahsyýetleriň ýaşap geçendiklerine göz ýetirýäris. Şol döwürlerden habar berýän gadymy ýadygärlikleriň köpüsi hem-de geçmişde öçmez yz goýan beýik şahsyýetlerimiz baradaky gymmatly maglumatlar asyrlar aşyp, nesilden-nesle geçip, özüniň baý taryhy gymmatlygyny ýitirmän, biziň günlerimize hem ýetip gelipdir.

18 Ýanwar 2021

Sungatda taplanýan zehin

Mähriban çagalar, siz «Nejep oglan» dessany barada nämeler bilýärsiňiz? Belki, ony okansyňyz, ol boýunça sahnalaşdyrylan oýna tomaşa edensiňiz. Dessanyň wakalary göz öňüňize gelýändir. Oýnuň gahrymanlary ýadyňyza düşdümi? Mümkin, dessan barada ýene-de bilmek isleýänsiňiz. Oguz han adyndaky «Türkmenfilm» birleşiginde «Nejep oglan» çeper filmi surata düşürildi. Dessan boýunça filmiň edebi esasyny Türkmenistanyň halk ýazyjysy Gowşutgeldi Daňatarow ýazdy. Filmiň režissýory Wepa Işangulyýew, operatory Nurmuhammet Borjakow, suratkeşi Baýram Patyşagulyýew, kompozitory Türkmenistanyň at gazanan artisti Omar Igamow hem-de filmiň gurnaýjysy Allamyrat Kerimow. Tomaşaçylar tarapyndan gyzgyn garşylanan bu filmi teleýaýlym arkaly köpiňiz görensiňiz. Filmde Nejebiň keşbinde Türkmenistanyň Döwlet medeniýet merkeziniň Mukamlar köşgüniň milli saz gurallary orkestriniň artisti, solisti Söhbet Annamyradow, Nejebiň çagalyk keşbinde deň-duşuňyz Mekan Amanow surata düşdi. Kino sungatymyzyň täze zehinleriniň ýüze çykmagy, olaryň başlangyç ädimlerde şowly çykyşlary bilen tanalmaklary, milli sungatymyzyň ösmegi, bu ugurdan ýaşlar üçin döredilýän mümkinçilikleriň netijesidir. Ýaşajyk kino artistimiz bilen ýakyndan tanyşdyrmagy makul bildik.

18 Ýanwar 2021

Gözelligiň gözleginde

Berkarar döwletimiziň bagtyýarlyk döwründe ýaş nesilleriň sagdyn hem erkana ösüp ulalmaklary, göreldeli okamaklary we dürli ugurlar boýunça zehindir başarnyklaryny ösdürmekleri üçin giň mümkinçilikler döredilendir. Şeýle mümkinçilikleriň netijesinde ylham-zehininden gözellik döredýän jigilerimiziň biri-de Aşgabat şäherindäki 53-nji orta mekdebiň 7-nji synp okuwçysy Şanazar Eminowdyr. Žurnalymyzyň şu sahypasynda Şanazaryň çeken suratlarynyň käbiri bilen tanyş edýäris.

18 Ýanwar 2021

Gurjakgoş

Nesil terbiýesinde milli däp-dessurlaryň ähmiýeti barada söhbet Ýaş nesillerde ýokary ahlaklylyk, ruhubelentlik, bilesigelijilik, bilimlere ymtylmak ýaly düýpli häsiýetleri kemala getirmek döwrüň möhüm wezipesi. Bu barada hormatly Prezidentimiz 8-nji ýanwarda sanly wideoaragatnaşyk arkaly geçiren Türkmenistanyň Ministrler Kabinetiniň ilkinji mejlisinde aýratyn durup geçdi. Ata-babalarymyzdan gelýän milli däp-dessurlary, türkmençilik ýoluny ýaşlaryň arasynda giňden wagyz etmegiň wajypdygyny aýtdy. «Türkmenistan ― parahatçylygyň we ynanyşmagyň Watany» ýylynda geçiriljek ähli çärelere ýaşlaryň işjeň gatnaşmalydygyny aýratyn nygtady. Bu möhüm işde bilim-terbiýeçilik edaralarynyň işgärleriniň, mugallymdyr terbiýeçileriň paýyna aýratyn jogapkärçilik düşýär. Yhlasly zähmeti, ugurtapyjylygy, ýeterlik bilim-tejribesi bolan şeýle ynsanlar ýaş nesilleriň kalbynda milli ýörelgelerimize bolan çäksiz söýginiň çyragyny ýakýarlar. Gyşyň sowujak howasynda ýylyjak pejiň gapdalynda oturan Nabat daýza ik egirýärdi. Onuň arzuwly kalby bireýýäm inçelik bilen tow berlen ýüpünden jorap örüp, balalarynyň aýagyny ýyladýardy. Gözi-gulagy bolsa, «Gurjakgoş» oýnaýan gyzjagazlaryň şowhunyndady. Bu wagt Ogulnurdyr Güljemal gyýkyndy matalardan tikilen naşyja ýorgan-ýassyklary kiçijek «guty öýleriň» törüne ýerleşdirýärdi. Aýjemaldyr Orazgül bolsa, toýa geljek daýzalaryň «çaý-naharynyň» ugrundady.

18 Ýanwar 2021

Bagtyýar günleriň bagtly ýaşlary

Berkarar döwletimiziň bagtyýarlyk döwründe Gahryman Arkadagymyzyň başda durmagynda ýurdumyzda ösüp gelýän ýaş nesle uly üns berilýär. Hormatly Prezidentimiziň döwlet syýasatynda ýaş nesil babatdaky aladanyň möhüm orun eýeleýändigi bizi ýokary ruhubelentlikde döwrebap ylym-bilim almaga borçlandyrýar. Ýurdumyzyň ýaşlar baradaky döwlet syýasatynyň esasy wezipesi adamyň we jemgyýetiň ösmegine ýardam etmekden, onuň intellektual hem-de zähmet mümkinçiliklerini kemala getirmekden, ýaşlara döwrebap bilim bermekden ybaratdyr. «Türkmenistan — parahatçylygyň we ynanyşmagyň Watany» ýylynyň ilkinji günlerinde Arkadag Prezidentimiz «Türkmenistanda ýaşlar baradaky döwlet syýasatynyň 2021 — 2025-nji ýyllar üçin Döwlet maksatnamasyny» tassyklamak hakynda Karara gol çekdi. Ýurdumyzda Gahryman Arkadagymyzyň parasatly baştutanlygynda ýaşlar barada döwlet derejesinde maksatnamanyň kabul edilmegi we ony üstünlikli durmuşa geçirmek üçin Diýarymyzyň ähli ulgamlary bilen agzybirlikde işleriň alnyp barylmagy hem bizi — ýaşlary guwandyrýar.

18 Ýanwar 2021

«Ylham» seýilgähi — ylham eçilýär

Agşamara gyzym bilen paýtagtymyzyň ajaýyp we çeper keşpde bina edilen «Ylham» seýilgähine gezelenje çykypdyk. Howanyň ýakymlylygy, töwerek-daşyň gözellikleri täsin sazlaşygy emele getirip, ruhuňy galkyndyrýardy. Çaganyň bilesigelijiliginiň artyp berýän sowallarynyň we gyzyklanmalarynyň has ýiti duýulýan döwri hasaplanýan çagyna ýaňy aýak basan bäş ýaşlaryndaky gyzym bu ajaýyp seýilgähe bir göz aýlady-da, ep-esli oýlanyp durdy. Esli ädim ädensoň, bilesigelijilik bilen:

18 Ýanwar 2021

Milli medeniýet we döwür

Milli medeniýetiň ata-baba gelýän kämil mekdebini geçen, türkmeniň şirin dessanlaryndan, «Görogly» şadessanynyň gahrymançylykly sahypalaryndan, hoşowaz bagşylaryň börňüldäp duran mukamlaryndan ruhy dünýäsi kemsiz ganan hormatly Prezidentimiz çagalykda gursagynda şinelän söýgi-hormatynyň nyşany hökmünde turuwbaşdan medeniýete we sungata, bagşyçylyk kimin sungat akabalaryna täzeden badalga berdi. Sungat ussatlaryna serpaý ýapýar, derejeleýär. Milli medeniýetimize, sungatymyza, däp-dessurdyr ýörelgelerimize bagyşlanan «Türkmen medeniýeti», «Medeniýet halkyň kalbydyr», «Ile döwlet geler bolsa...», «Parahatçylyk sazy, dostluk, doganlyk sazy» we «Türkmeniň döwletlilik ýörelgesi» atly kitaplaryny peşgeş berdi. Medeniýeti öwreniş ylmynda: “Medeniýetleşmek — munuň özi, birinjiden, medeniýetiň gurallary tarapyndan tebigy ýagdaýda üpjün edilip bilner, ikinjiden, adamyň ahlak we döredijilik tagallalaryny talap edýän şahsy iş hem bolup biler” diýlip aýdylýar.

16 Ýanwar 2021

‹
1
2
...
285
286
287
288
289
290
291
292
293
›