Aral — döwrüň derwaýys meselesi
Hormatly Prezidentimiz şu ýylyň 15-nji sentýabrynda Täjigistan Respublikasynyň paýtagty Duşenbe şäherinde Araly halas etmegiň halkara gaznasyny esaslandyryjy döwletleriň Baştutanlarynyň Geňeşiniň mejlisinde çykyş edip, Aral deňziniň guramagy zerarly daşky gurşawa ýetirýän oňaýsyz täsirini peseltmek, çölleşmä we ýeriň ýaramazlaşmagyna garşy göreşmek, bu sebitiň arassaçylyk-epidemiologik ýagdaýyny gowulandyrmak, durmuş we ynsanperwer häsiýetli birnäçe meseleleri çözmek bilen bagly öz tekliplerini öňe sürdi. Sebit döwletleriniň ählisiniň bähbidini nazarlaýan ol teklipler döwlet Baştutanlary tarapyndan giň goldaw tapdy. Suw diňe bir köp bolanda däl, hatda az bolanda hem daşky gurşawa ýaramaz täsirini ýetirip bilýär. Muny biz soňky ýyllarda suwy barha azalýan Aral deňziniň mysalynda görüp ýörüs. Alymlar ýigriminji ýüzýyllygyň altmyşynjy ýyllarynyň ahyrlarynda suw serişdeleriniň hasabyna suwarymly ýerleriň iri möçberli taslamalarynyň durmuşa geçirilip başlanmagyny, oba hojalygy üçin Amyderýanyň we Syrderýanyň suwunyň aşa köp alynmagyny Aralyň suwunyň azalmagynyň esasy sebäbi hökmünde düşündirýärler. Netijede, Aral deňziniň suwunyň çekilmegi, sebitde käbir ekologiýa meseleleriň ýüze çykmagyna getirdi. Akademik Agajan Babaýewiň Türkmen döwlet neşirýat gullugy tarapyndan 2012-nji ýylda neşir edilen «Çölleriň we çölleşmegiň meseleleri» atly kitabynda berýän maglumatyna görä, Aral
