28-nji awgustda Pakistanyň Karaçi şäherinde ýurduň Söwda-senagat edaralarynyň federasiýasy we Yslam söwda we ösüş palatasy (ICCD) tarapyndan guralýan «AgriTech: Feeding the Future» atly halkara konferensiýa we sergi geçiriler.
Oňa türkmen wekiliýeti bilen bir hatarda Owganystanyň, Azerbaýjanyň, Bruneýiň, Indoneziýanyň, Eýranyň, Malaýziýanyň, Taýlandyň, Gyrgyz Respublikasynyň, Gazagystanyň, Özbegistanyň, Täjigistanyň wekilleri gatnaşarlar. Bu iri forumyň çäklerinde gatnaşyjylar sebitde agrotehniki mümkinçilikleri ösdürmek, iş gatnaşyklaryny ýola goýmak, tejribe alyşmak bilen bagly meseleleri ara alyp maslahatlaşarlar.
