Türkmenmetbugat

"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Älemgoşar öwüşginli Baş arçanyň ýalkymy

Berkarar Diýarymyzyň çar künjünde bolşy ýaly, welaýatymyzda hem Täze ýyl arçasynyň yşyklaryny ýakmak çäresi geçirildi. Täze ýyl baýramynyň baş gahrymanlary bolan Aýazbabadyr Garpamyk Hazar giňişliklerini gulaçlap, bezemen gämili Balkan topragyna geldiler. Olar deňziň türkmen kenaryna bezeg berip oturan «Awaza» milli syýahatçylyk zolagynyň gözellikleri bilen tanyşdylar. Türkmenbaşy şäheriniň Halkara deňiz portuna baryp gördüler. Türkmenbaşy, Magtymguly etraplarynyň çäklerindäki dag gözelliklerini synladylar. Magtymguly Pyragy muzeýiniň taryhy gymmatlyklary, şeýle-de sebitiň bagtyýar durmuşynyň beýany bolup durýan medeni-durmuş maksatly binalaryň birnäçesiniň gözellikleri, mümkinçilikleri bilen tanyşdylar. Balkanabat şäheriniň binagärlik gözelligi hem olarda ýatdan çykmajak täsirleri galdyrdy.

16 Dekabr 2024

Ýurdumyzda Täze ýyl arçalarynyň yşyklary ýakyldy

Düýn ýurdumyzda ajaýyp sazlaryň ýaňlanmagynda şadyýan körpeleriň gatnaşmagynda Watanymyzyň ýaşajyk sungatsöýer nesliniň taýýarlan sahnalarynyň, aýdymdyr tanslarynyň ýerine ýetirilmeginde arzuwlaryň hasyl bolýan ülkesiniň baş arçasynyň yşyklary töwerege ýalkym saçdy. «Älem» medeni-dynç alyş merkeziniň öňündäki beýikligi 44 metre, ini bolsa 16 metre deň bolan beýik baş arçanyň yşyklary paýtagtymyza has-da gözellik çaýýar. Sekizburçly ýyldyz, «2025» ýazgy bilen bezelen, hem-de köp sanly dürli öwüşgindäki yşyklarda ýalkym saçýan Arça täze ýylyň ýetip gelýändiginiň alamaty bolup uzaklardan seleňläp görünýär.

16 Dekabr 2024

Türkmenistanyň Täze ýyl Baş arçasy yşyklaryny ýakdy

Aşgabat, 15-nji dekabr (TDH). Şu gün ýurdumyzyň Baş arçasy şadyýan aýdymlaryň, ajaýyp sazlaryň owazynyň astynda we ýaşajyk türkmenistanlylaryň ýerine ýetiren tansly kompozisiýalary bilen dürli yşyklarda ýalkym saçdy. Munuň özi uzak garaşylan, hemmeler üçin ýakymly Täze ýyl baýramynyň dabaralaryna özboluşly badalga boldy. Baş arçanyň yşyklaryny ýakmak dabarasy her ýyl “Älem” medeni-dynç alyş merkeziniň öňündäki meýdançada geçirilýär. Bu ýerde asylly däbe görä, giň gerimli dabaralar ýaýbaňlandyrylýar. Sekizburçly ýyldyz we “2025” ýazgy bilen bezelen, köp sanly kümüşsöw garjagazlarda, dürli öwüşgindäki yşyklarda ýalkym saçýan Baş arçanyň beýikligi 44 metre, ini bolsa 16 metre deňdir.

16 Dekabr 2024

Türkmenistanyň Täze ýyl Baş arçasy yşyklaryny ýakdy

15-nji dekabrda ýurdumyzyň Baş arçasy şadyýan aýdymlaryň, ajaýyp sazlaryň owazynyň astynda we ýaşajyk türkmenistanlylaryň ýerine ýetiren tansly kompozisiýalary bilen dürli yşyklarda ýalkym saçdy. Munuň özi uzak garaşylan, hemmeler üçin ýakymly Täze ýyl baýramynyň dabaralaryna özboluşly badalga boldy. Baş arçanyň yşyklaryny ýakmak dabarasy her ýyl “Älem” medeni-dynç alyş merkeziniň öňündäki meýdançada geçirilýär. Bu ýerde asylly däbe görä, giň gerimli dabaralar ýaýbaňlandyrylýar. Sekizburçly ýyldyz we “2025” ýazgy bilen bezelen, köp sanly kümüşsöw garjagazlarda, dürli öwüşgindäki yşyklarda ýalkym saçýan Baş arçanyň beýikligi 44 metre, ini bolsa 16 metre deňdir.

16 Dekabr 2024

Türkmenistanyň Täze ýyl Baş arçasy yşyklaryny ýakdy

Aşgabat, 15-nji dekabr (TDH). Şu gün ýurdumyzyň Baş arçasy şadyýan aýdymlaryň, ajaýyp sazlaryň owazynyň astynda we ýaşajyk türkmenistanlylaryň ýerine ýetiren tansly kompozisiýalary bilen dürli yşyklarda ýalkym saçdy. Munuň özi uzak garaşylan, hemmeler üçin ýakymly Täze ýyl baýramynyň dabaralaryna özboluşly badalga boldy. Baş arçanyň yşyklaryny ýakmak dabarasy her ýyl “Älem” medeni-dynç alyş merkeziniň öňündäki meýdançada geçirilýär. Bu ýerde asylly däbe görä, giň gerimli dabaralar ýaýbaňlandyrylýar. Sekizburçly ýyldyz we “2025” ýazgy bilen bezelen, köp sanly kümüşsöw garjagazlarda, dürli öwüşgindäki yşyklarda ýalkym saçýan Baş arçanyň beýikligi 44 metre, ini bolsa 16 metre deňdir.

16 Dekabr 2024

Her bir öýe şatlyk nuruny saçsyn!

Düýn paýtagtymyzda bolşy ýaly, ýurdumyzyň welaýatlarynda we Arkadag şäherinde hem Täze ýyl arçalarynyň yşyklaryny ýakmak dabaralary geçirildi. Baýramçylyk dabaralary täze taryhy eýýamyň şanly ýylynyň ösüşler bilen jemlenip, geljek ýyla uly ynam bilen gadam basyljak ajaýyp günleriniň toý şatlygyny has-da artdyrdy. Welaýatlaryň «Türkmeniň ak öýi» binalaryndaky we Arkadag şäheriniň «Arkadag Binasynyň» öňündäki baş arçalary yşyklandyrmak üçin ýola düşen Aýazbabadyr Garpamyk hem-de ertekileriň gahrymanlary Diýarymyzyň giňişliklerindäki taryhy ýadygärliklere seýran etdiler, medeni merkezlere, sungat ojaklaryna, bilim-terbiýeçilik edaralaryna, önümçilik desgalaryna baryp gördüler. Olary bu ýerlerde şadyýan çagalar gujak açyp, uly şatlyk-şowhun bilen garşyladylar. Täze ýylyň arzyly myhmanlary «Pähim-paýhas ummany Magtymguly Pyragy» ýylynda ýurdumyzyň çäginde açylyp ulanmaga berlen täze desgalarda myhman bolup, tamamlanyp barýan ýylda sebitlerde halk hojalygynyň ähli ugurlary boýunça gazanylan ösüşlere ýakyndan syn etmäge mümkinçilik aldylar. Olar Diýarymyzyň çar künjeginde giň gerimde amala aşyrylýan ajaýyp özgertmeler barada çagalara uly buýsanç bilen gürrüň berdiler. Soňra körpeleriň ýerine ýetiren goşgudyr aýdym-sazly çykyşlary diňlenildi, olara baýramçylyk sowgatlary gowşuryldy.

16 Dekabr 2024

Baýramçylyk mynasybetli täze binalar açyldy

Asylly däbe görä, şanly senäniň — Halkara Bitaraplyk gününiň öň ýanynda ýurdumyzyň dürli künjeklerinde täze binalaryň açylyş dabaralary boldy. Häzirki wagtda tutuş Diýarymyz boýunça giň gerimli gurluşyk işleri ýaýbaňlandyryldy. Munuň özi sebitleriň ösüşine täze depgin berýär, halkymyzyň ýaşaýyş-durmuş şertleriniň mundan beýläk-de gowulandyrylmagy üçin mümkinçilikleri döredýär. Täze binalaryň daş-töweregi baýramçylyk görnüşinde bezelip, Garaşsyz, hemişelik Bitarap Watanymyzy, hormatly Prezidentimiziň baştutanlygynda gazanylýan ägirt uly üstünlikleri wasp edýän aýdym-sazlar ýaňlandy. Türkmenbaşy şäherinde ähli amatlyklary özünde jemleýän ýaşaýyş jaýlarynyň 5-siniň açylyş dabarasy boldy.

15 Dekabr 2024

Ýurdumyzda Baş arçanyň yşyklary ýakyldy

Düýn hemmeler üçin uzak garaşylan, şatlykly we mähriban baýramyň — Täze ýylyň ýetip gelýändigini alamatlandyryp, ýurdumyzyň Baş arçasy nurana öwüşginde ýalkym saçdy. Köpetdagyň etegindäki gözel künjekleriň birinde ýerleşýän «Älem» medeni-dynç alyş merkeziniň öňündäki giň meýdança dabaralaryň geçirilýän merkezine öwrüldi. Bu ýerde iň owadan belent arça oturdylyp, ertekiler şäherjigi emele geldi.

15 Dekabr 2024

DÖWLET SYLAGLARY — BEÝIK YKRARNAMA

10-njy dekabrda Türkmenistanyň Söwda toplumynda Gündogaryň beýik akyldary we nusgawy şahyry Magtymguly Pyragynyň baý edebi we medeni mirasyny öwrenmekde, aýawly saklamakda hem-de wagyz etmekde uly hyzmatlary bitiren ýurdumyzyň raýatlaryny Türkmenistanyň «Magtymguly Pyragynyň 300 ýyllygyna» atly ýubileý medaly bilen sylaglamak dabarasy geçirildi. Oňa Ministrler Kabinetiniň Başlygynyň orunbasary, söwda toplumynyň garamagyndaky edara-kärhanalaryň ýolbaşçylary, bu ugurda zähmet çekýän hünärmenler, şeýle-de ýurdumyzyň medeniýet we sungat işgärleri gatnaşdylar. Ilki bilen, sylaglanyş dabarasyna gatnaşyjylar döwlet Baştutanymyzy Türkmenistanyň «Magtymguly Pyragynyň 300 ýyllygyna» atly ýubileý medaly hem-de ýadygärlik nyşanlar toplumy bilen sylaglanylmagy mynasybetli tüýs ýürekden gutladylar hem-de hormatly Prezidentimize berk jan saglyk, uzak ömür, halkymyzyň bähbidine gönükdirilen ähli başlangyçlarynda mundan beýläk-de üstünlikleri arzuw etdiler.

15 Dekabr 2024

BEREKEDIŇ TÄZE KEŞBI

Berkarar Watanymyzda hormatly Prezidentimiziň parasatly baştutanlygynda halkymyzyň ýaşaýyş-durmuş derejesini ýokarlandyrmak, ak bazarlarda haryt bolçulygyny döretmek we öz ýurdumyzda öndürilýän önümler bilen ildeşlerimiziň islegini kanagatlandyrmak ugrunda öwgä mynasyp işler durmuşa geçirilýär. Bu babatda alnyp barylýan işleriň tüýs ýerine düşýändigini bolsa bazarlardyr söwda nokatlaryna baranyňda, gözüňi dokundyrýan görnüş aňryýany bilen subut edýär. Ata Watanymyzda asudalyk owazy belentde ýaňlanyp, berekediň we bolçulygyň ýakymly görnüşi göwünleri joşdurýar. Bilşimiz ýaly, häzirki wagtda ýurdumyzda Täze ýyl baýramyny mynasyp garşylamaga görülýän taýýarlyk işleri gyzgalaňly dowam edýär. Ýurdumyzyň dürli künjegindäki bazarlardyr söwda merkezleriniň öňünde guralan göçme söwda nokatlarynda Täze ýyl sowgatlyklary, bu baýramyň bezegi bolan arçalar we her hili bezeg oýunjaklary bilen birlikde, ýokary hilli harytlaryň dürli görnüşi halka hödürlenilýär.

15 Dekabr 2024

Täze — 2025-nji ýyl baýramyna taýýarlyk işlerinde berjaý edilmeli düzgünler

Hormatly watandaşlar! Türkmenistanyň Içeri işler ministrliginiň Döwlet ýangyn howpsuzlygy gullugy sizi ýetip gelýän Täze ýyl baýramçylygy bilen tüýs ýürekden gutlap, siziň baýramçylyk dabaralaryny asuda geçirmegiňizi arzuw edip, şulary ýatladýarys. Täze ýyl arçasy gurnalanda, ýangyn howpsuzlyk düzgünleriniň berjaý edilişine edara-kärhanalaryň ýolbaşçylary jogapkärçilik çekip, köpçülikleýin çäreleriň geçirilýän ýerlerinde edara-kärhanalaryň ýolbaşçylary tarapyndan buýruk esasynda jogapkär nobatçylary belläp, bellenilen jogapkär nobatçylar baýramçylyk çäresinde hökmany ýagdaýda bolmalydyrlar. Jogapkär adamlar ýangyn howpsuzlyk düzgünleriniň çäreleri barada we ýangyn dörände, adamlary jaýdan guramaçylykly halas ediş işleri boýunça gönükdirme geçmelidirler.

15 Dekabr 2024

Täze ýylyň şatlygy – halkyň bagtyýarlygy

Hormatly Prezidentimiziň şu ýylyň 6-njy dekabrynda sanly ulgam arkaly geçiren Ministrler Kabinetiniň nobatdaky mejlisinde ýurdumyzyň bazarlaryny, söwda merkezlerini halkymyzyň isleg bildirýän harytlary bilen üpjün etmek, aýratyn-da, baýramçylyk günlerinde dürli harytlaryň bol we elýeterli bahalardan bolmagyny hemişe gözegçilikde saklamak barada nygtap geçmegi, Arkadagly Gahryman Serdarymyzyň halkymyzyň bagtyýar we abadan durmuşy hakynda yzygiderli aladalarynyň aýdyň hakykatydyr. Täze ýyl baýramçylygy halkymyzyň agzybirlikde, abadançylykda şatlyk-şowhunly belleýän toý-baýramlarynyň biri. Ajaýyp zamanamyzyň bagtyýar günlerinden göwünleri galkynan ildeşlerimiz bu baýramçylyga häzirki wagtdan taýýarlyk görýärler. Bagtyýar halkymyzyň döwletli ojaklarynda toý saçaklaryny giňden ýazyp, datly naz-nygmatlar, azyk önümleri bilen boldan bezemekleri üçin ýurdumyzda ähli şertler döredilýär.

15 Dekabr 2024

Azyk bolçulygy döredilýär

Her bir şanly senäniň, baýramçylygyň aýratyn öwüşgini bolýar. Her täze ýylda hormatly Prezidentimiziň hem-de Milli Liderimiziň tagallalary bilen ýurdumyzda döwlet derejesinde uly şatlyk-şowhun bilen bellenilip geçilýär. Halkymyzda toý-baýramlara, şanly senelere, dabaralara taýýarlykly barmak, baýramçylyk saçaklaryny dürli naz-nygmatlar bilen bezemek asyrlardan dowam edip gelýän asylly däbimizdir. Täze ýyl baýramçylygy mynasybetli ak bazalarymyzyň, söwda nokatlarynyň halkyň sarp edýän gündelik harytlary, täze ýyl sowgatlary we beýleki önümler bilen has-da baýlaşmagy bereketli türkmen saçaklarymyzyň bolçulygyny öňküden-de artdyrýar. Häzirki günlerde paýtagtymyzyň, Arkadag şäheriniň we ýurdumyzyň welaýatlarynyň ak bazarlarynda we söwda merkezlerinde baýramçylyk söwdasy has-da gyzgalaňly dowam edýär. Türkmen telekeçilerimiz tarapyndan öndürilen dürli önümler bilen baýlaşan bazarlaryň mähellesi häzirki günlerde has-da köpelýär. Bu görnüşler bolsa döwletimize we döwrümize bolan buýsanjymyzy artdyryp, şeýle ajaýyp zamanany peşgeş beren Arkadagly Gahryman Serdarymyza hem-de Gahryman Arkadagymyza bolan alkyşlarymyzy goşalandyrýar.

15 Dekabr 2024

«CZN — BURAK» TÜRK DESTERHANY TÜRKMEN PAÝTAGTYNDA

Dünýä belli türk tagamlarynyň restoranlar zynjyry «CZN — Burak» restoranlar zynjyry Hytaýda, Yrakda, Dubaý şäherinde, Müsürde, Katarda, Iordaniýada, şeýle-de Ýewropanyň birnäçe ýurdunda, Özbegistanda, Täjigistanda... bir söz bilen aýdylanda, jemi dünýäniň on dört ýurdunda özüniň milli türk aşhanasynyň tagamlary bilen şöhrat gazandy.

15 Dekabr 2024

Magtymguly, adyň arşa galandyr

Bu sözbaşy daşary ýurtly raýatlaryň birnäçesiniň döşüne «Magtymguly Pyragynyň 300 ýyllygyna» atly ýubileý medaly dakylandaky, joşgun-begenji görenimde döredi. Türki Döwletleriň Guramasynyň Aksakgallar geňeşiniň başlygy Binali Ýyldyrym, Germaniýa Federatiw Respublikasynyň Mýunhen şäheriniň Lýudwig Maksimilian uniwersitetiniň Grosshader kliniki müdiriýetiniň 4-nji klinikasynyň we poliklinikasynyň direktorynyň orunbasary Klaus Georg Dr. Parhoferi, Russiýa Federasiýasynyň Ylymlar akademiýasynyň N.N.Mikluho-Maklaý adyndaky Etnologiýa we antropologiýa institutynyň esasy ylmy işgäri Nadežda Dubowa, Gruziýanyň Ýazyjylar birleşmesiniň başlygy Makwala Gonaşwili, London uniwersitet kollejiniň Arheologiýa institutynyň professory Timotny Dawid Williams, garaz, dünýäniň dürli yklymlaryndan onlarça ýurtlaryň wekillerine bu sylag gowşurylanda, myhmanlaryň ýürekden syzdyryp, Türkmenistan, bu döwletiň hemişelik Bitaraplyk derejesiniň sebit we tutuş Älem üçin ähmiýeti, Magtymguly Pyragy ýaly beýik şahsyýetleri bagyşlan topragyň kerem-keramaty, jahan kartasynda parlak ýyldyz bolup lowurdaýan Türkmenistanyň syýasy-ykdysady giňişlikde ýeten derejesi, iň agzybir, jebis jemgyýet hökmündäki nusgalyk abraýy hakda aýdanlary Älem içindäki ykrarnamamyzdyr.

15 Dekabr 2024

Nusgawy şahyra nusgalyk sarpa

Milli Liderimiziň milli döwlet dolandyryşyndaky nusgawy ýörelgesini mynasyp dowam edýän Arkadagly Gahryman Serdarymyzyň taýsyz tagallasy bilen ylma, bilime, sungata we edebiýata, kitaba uly sarpa goýulýar. Gözbaşyny gadymyýetden, halk döredijiliginden alyp gaýdýan watançylyk, döwletlilik duýgusy nusgawy şahyrlarymyzyň döredijiliginde has-da rowaçlanyp, kämilleşdirilip, ol şu günlere ýetdi. Bu tema akyldar şahyr Magtymguly Pyragynyň ýaşan döwründe has hem uly meşhurlyga eýe bolýar. Nusgawy şahyrymyzyň döwründe durmuş hadysalarynyň has dartgynly bolandygy üçin, onuň şygyrlarynda watançylyk, harby-gahrymançylyk, şeýle-de beýleki halklar bilen dostlukly hyzmatdaşlygy saklamak temasy uly orun eýeleýär. Magtymguly Pyragy türkmen halkynyň ruhy ganaty, şamçyragy hasaplanýar. Çünki ol her bir ynsanyň kalbynda adamkärçiligiň belent nusgasyny dörediji hökmünde müdimi ýaşaýar. Magtymguly Pyragy ýiti zehini, akyl-paýhasy bilen dünýä tanalan, özüniň şygyrlary bilen adyny ýüreklere nagyşlan umumadamzat şahyrydyr. Berkarar döwletiň täze eýýamynyň Galkynyşy döwri hut Magtymguly Pyragynyň arzuwlan ajap zamany. Beýik söz ussadyMagtymguly Pyragy şygyrlarynda türkmen döwletini gurmak isleglerini giňişleýin beýan edýär. Halkyň islegini, arzuwyny şahyrana setirleriň üsti bilen wasp etmek arkaly tutuş türkmen halkynyň kalbyna giňlik, sabyrlylyk aralaşmagyna ýardam edipdir. Muňa mysal edip, «Türkmeniň

15 Dekabr 2024

Bill Geýtsiň gyşda okajak kitaplary

Dünýäniň iň täsirli şahsyýetleriniň her ýylky dynç alşynda nähili kitaplary okaýandygy her bir adam üçin gyzykly bolsa gerek. Şolaryň biri-de «Forbes» žurnalynyň maglumatlaryna görä, 1996 — 2007-nji ýyllar aralygynda dünýäniň iň baý adamlarynyň biri hökmünde meşhurlyk gazanan amerikaly milliarder Bill Geýtsdir. «Microsoft» kompaniýasyny esaslandyryjylaryň, şeýle hem dünýäde iň baý we jomart haýyr-sahawatçylaryň biri hökmünde tanalýan Bill Geýts özüniň «Geýtsiň bellikleri» atly websaýtynda gyşky dynç alşynda okajak kitaplary bilen tanyşdyrdy. Ol kitaplaryň başynda Doris Kerns Gudwiniň «Tamamlanmadyk söýgi hekaýasy» atly eseri ýer alýar. Adyndan hem belli bolşy ýaly, baş temasy söýgi wakalaryndan ybarat bolan eser ähli kitapsöýüjiler üçin gyzykly bolsa gerek.

15 Dekabr 2024

Marketing barada kitaplar

2024-nji ýylda dünýäde marketing bilen baglanyşykly onlarça kitapçap boldy. Biz siziň dykgatyňyza olaryň iň köp okalanlaryny ýetirmegi makul bildik: «Hemişelik müşderiler» (Karl Sýuel, Pol Brawun), «Býujetsiz marketing» (Igor Mann), «Çeňňekde» (Nir Eýal, Raýan Huwer), «Işjeň neýromarketing» (Dewid Lýuis), «Bir sahypalyk marketing meýilnamasy» (Allan Dib), «Marketing talaňy» (Fil Barden).

15 Dekabr 2024

Iň gymmat kitaplar

Ýer ýüzüniň çar künjünde ýaşaýan kitapsöýüjiler we kolleksionerler dürli ýyllarda ýazylan gadymy golýazmalardyr döwrebap kitaplary millionlarça amerikan dollaryna satyn alýarlar. Ine, häzire çenli satylan iň gymmat kitaplaryň käbirleri: Leonardo da Winçiniň «Lesteriň kodeksi» golýazmasy. Bill Geýts ony 1994-nji ýylda 30,8 million amerikan dollaryna satyn alypdy. Jon Jeýmsiň «Amerikanyň guşy» kitaby. Bu kitap 2010-njy ýylda 11,5 million amerikan dollaryna satylypdy. Sanawda Wilýam Şekspiriň ilkinji kitabyny hem ýatlaman geçip bolmaz. Ol 2020-nji ýylda 9,98 million amerikan dollaryna satylypdy.

15 Dekabr 2024

Baýlygy barha artýar

«Bloomberg» neşiriniň täze düzen sanawyna laýyklykda, Ilon Mask dünýäniň iň baý adamlarynyň sanawynda birinjiligini saklamagyny dowam edýär. Geçen hepdäniň çarşenbe güni «Tesla» kompaniýasynyň esaslandyryjysynyň baýlygy 400 milliard amerikan dollaryndan geçdi. Ýeri gelende bellesek, şu ýylyň dowamynda onuň baýlygy 170 milliard amerikan dollary möçberde artdy. Bu hadysa «Tesla» kompaniýasynyň paýnamalarynyň gymmatlamagy bilen baglanyşyklydyr. «Bloomberg» neşiriniň täze düzen sanawynda Ilon Maskdan soň Jeff Bezosyň (240 milliard amerikan dollary), Mark Sukerbergiň (215 milliard amerikan dollary), Larry Ellisonyň (202 milliard amerikan dollary), Bernard Arnonyň (174 milliard amerikan dollary), Bill Geýtsiň (166 milliard amerikan dollary) atlary gelýär.

15 Dekabr 2024

‹
1
2
...
15
16
17
18
19
20
21
...
1408
1409
›