"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Ga­raş­syz­lyk – ba­ky bag­ty­myz

San­ly­ja gün­ler­den ýur­du­my­zyň äh­li kün­je­gin­de uly ru­hu­be­lent­lik bi­len toý­la­nyl­jak mu­kad­des Ga­raş­syz­ly­gy­my­zyň şan­ly 33 ýyl­lyk baý­ra­my­na mer­jen şä­he­ri­miz Aş­ga­bat­da hem ulu­dan taý­ýar­lyk gö­rül­ýär. Paý­tag­ty­my­zyň aja­ýyp keş­bin­de mu­kad­des Ga­raş­syz­ly­gy­my­zyň hal­ky­my­za peş­geş be­ren bag­ty­ýar­ly­gy aý­dyň şöh­le­len­ýär. Hor­mat­ly Pre­zi­den­ti­mi­ziň, Gah­ry­man Ar­ka­da­gy­my­zyň taý­syz ta­gal­la­la­ry bi­len ro­waç­lan­ýan ak mer­mer­li paý­tag­ty­myz döw­rüň kä­mil bi­na­gär­lik sun­ga­ty­na öw­rül­di. Üs­tün­lik­le­re we ro­waç­lyk­la­ra bes­le­nip do­wam ed­ýän «Pä­him-paý­has um­ma­ny Mag­tym­gu­ly Py­ra­gy» ýy­ly­nyň her bir gü­ni şan­ly se­ne­le­re, toý­dur baý­ram­la­ra, ýat­dan çyk­ma­jak ta­ry­hy wa­ka­la­ra ulaş­ýar. Bil­şi­miz ýa­ly, şu gün­ler ag­zy­bir hem-de zäh­met­sö­ýer hal­ky­myz ýurt Ga­raş­syz­ly­gy­my­zyň şan­ly 33 ýyl­lyk to­ýu­na bar­ýar. Ata-ba­ba­la­ry­my­zyň asyr­lar­bo­ýy eden ar­zu­wy­nyň ha­syl bo­lup, mil­li se­ne­na­ma­myz­da mü­di­mi­lik orun alan Ga­raş­syz­lyk baý­ra­my äh­li ra­ýat­la­ry­my­zyň kalp­la­ry­na eg­sil­mez buý­sanç, göz­le­ri­ne çäk­siz gu­wanç duý­gu­la­ry­ny çaý­ýar.

20 Sentýabr 2024

Jemgyýet

Eser şekilli eserler

Berkarar döwletiň täze eýýamynyň Galkynyşy döwründe türkmen şekillendiriş sungaty has ösýär we täze öwüşginler bilen baýlaşýar. Halkymyzyň baý milli mirasyny dünýä ýaýmakda, medeniýeti we sungaty ösdürmekde taryhda yz galdyran şahsyýetlerimize aýratyn sarpa goýulýar. Köp ýyllaryň dowamynda sungatda taplanyp, ussatlyga ýetenleriň biri-de Türkmenistanyň halk suratkeşi Işanguly Işangulyýewdir. Türkmenistanyň Prezidentiniň «Türkmeniň Altyn asyry» atly bäsleşiginiň iki gezek ýeňijisi, «Türkmenistanyň Garaşsyzlygynyň XX ýyllygyna» atly ýubileý medalynyň eýesi Işanguly Işangulyýewiň eserleri çylşyrymly tapmaça ýaly, göçme manyly pikirleri özünde jemleýär. Suratkeşiň her bir eseriniň öz owazy, öz reňki, gahrymanlarynyň öz häsiýeti, taryhy ýerleriň öz manysy bar. «Togrul beg», «Mälik şa», «Baýram han», «Awçy», «Gorgan baba», «Köne gala», «Kutup minar», «Şapak», «Güýç we kuwwat», «Düýş», «Owaz», «Üç gelin» atly eserleri ýurdumyzda hem-de daşary ýurtlarda geçirilen sergilerde halk köpçüligine ýetirilýär we uly hormata mynasyp bolýar. Suratkeşiň işleri Türkiýäniň, Hindistanyň, Hytaýyň, Russiýanyň, Ukrainanyň, Beýik Britaniýanyň, Fransiýanyň, Germaniýanyň we ABŞ-nyň şahsy ýygyndylaryna girizildi.

20 Sentýabr 2024

Jemgyýet

Pyýadalara maslahat

Döwletimiz tarapyndan köçeýol hereketiniň howpsuzlygyny üpjün etmek babatda geçirilýän bir aýlyk çäreler ilatymyzyň rahat, asuda ýaşamagy, saglygyny goramagy üçin ähmiýetlidir. Ýörite düzülen meýilnamalar esasynda biz lukmanlar hem çagalar baglarynda, mekdeplerde, kärhanalarda bolup, ýol hereketiniň kadalaryny düşündirýäris, söhbetdeşlikler geçirýäris. Ýol hereketiniň düzgünlerini dogry ýerine ýetirmek diňe sürüjä degişli däldir. Pyýada ýolagçylar hem köçede örän ünsli bolmaly.

19 Sentýabr 2024

Jemgyýet

Ýaş gözegçiler bäsleşdiler

Gahryman Arkadagymyzyň öňdengörüjilikli syýasatyndan gözbaş alyp, indi asylly däbe öwrülen, ýurdumyzda her ýylyň sentýabr aýynda geçirilýän «Ýol hereketiniň howpsuzlygy — ömrümiziň rahatlygy» atly biraýlygyň süňňündäki çäreler toplumy hem hormatly Belent Serkerdebaşymyzyň aýdyşy ýaly, döwletimiziň adam hakyndaky aladalarynyň aýdyň netijeleriniň biridir. Milli Liderimiz «Mert ýigitler gaýrat üçin dogulýar» atly kitabynda: «Türkmenistanyň Içeri işler ministrliginiň Polisiýanyň ýol gözegçiligi gullugy bu ulgamyň iň iri düzüm bölegi bolup durýar. Bu gullugyň işiniň barşynda «Ýol hereketiniň howpsuzlygy — ömrümiziň rahatlygy» atly biraýlygyň çäklerinde geçirilýän çäreleriň ähmiýetlidigi aýratyn bellenilmelidir. Onuň dowamynda ýol hereketine gatnaşyjylaryň her biriniň onuň howpsuzlygy üçin şahsy jogapkärçiligine düşünmegine degişli maksatnamalaýyn çäreler durmuşa geçirilýär. Munuň özi ýol hereketiniň howpsuzlygyny üpjün etmek, ýol-ulag hadysalarynyň öňüni almak boýunça amala aşyrylýan işleriň aýdyň miwesidir» diýip, örän dogry belleýär.

19 Sentýabr 2024

Jemgyýet

Maliýe hukugy

Barha ösýän döwrümizde ykdysadyýetimiziň sanly ulgama geçmegi, halk hojalygynyň pudaklaryna täzeçil tehnologiýalaryň ornaşdyrylmagy maliýe babatda-da işjeňligi artdyrýar. Munuň özi halkyň maliýe sowatlylygynyň ýokarlanmagyny hem zerurlyk hökmünde orta çykarýar. Şu nukdaýnazardan maliýe hukugy barada gysgaça düşünje bermegi makul bildik. Maliýe hukugy — bu döwlet maliýesiniň emele gelmegi, bölünişi we ulanylyşy bilen baglanyşykly gatnaşyklary düzgünleşdirýän hukuk kadalarynyň jemidir. Ol biziň durmuşymyzyň ähli taraplaryna, salgyt tölemekden başlap, döwlet hyzmatlaryny almak ýaly meselelere täsir edýär.  Maliýe hukugy döwlet edaralary, banklar we beýleki maliýe guramalary bilen aragatnaşykda öz hukuklaryny goramaga mümkinçilik berýär. 

19 Sentýabr 2024

Jemgyýet

Ot hakynda

Häzirki döwürde ylmyň ösmegi bilen, döwrebap tilsimat usullary arkaly önümçiliklerde, gurluşyklarda, durmuşymyzda täze önümleriň, serişdeleriň öndürilmegi barha artdyrylýar. Önümçilikde tebigydyr emeli gazlar, nebitdir nebit önümleri giňden ulanylýar.  Durmuşda ulanylýan himiýa serişdeleriniň düzüminde şeýle ýangyn howply  kömürturşy gazynyň bardygyny diňe çagalar däl, eýsem, ulular hem känbir göz öňüne getirip bilmeýärler. «Ot astynda bela galmaz» diýen atalar sözüniň çuň manysy bar. Çünki irki döwürlerde dürli ýokanç keselleriň döremeginiň we ýaýramagynyň öňüni almakda, ylmyň häzirki ösen döwründäki ýaly dürli-dürli zyýansyzlandyryjy serişdeleriň deregine, otdan we üzärlik tüssesinden giňden peýdalanypdyrlar. Hatda halk lukmançylygynda-da otdan peýdalanylyp, käbir keselleriň bejerilendigini mälim edýän taryhy çeşmelere gabat gelmek bolýar. Türkmenler adamyň düýşünde ot görmegini hem «Ot — oraz» diýip, gowulyga ýorupdyrlar. Bu atalar sözündäki «oraz» sözi «bagt» diýen manyny aňladypdyr. Ata-babalarymyz göze görner-görünmez belalaryň içinde aýratyn gorkulysy ot belasy, suw belasy, töhmet belasy diýip hasap edipdirler. Ot belasy haýwany-ynsany, ýagşyny-ýamany seljermän, küle öwürýär. Ynsana berlen eşretleriň ählisinden hem dogry peýdalanylmasa, olaryň hözir bermäge derek, betbagtçylyga eltjekdigi ikuçsuzdyr.

19 Sentýabr 2024

Jemgyýet

Garaşsyzlykdan galkynan Watan

Şeýle şygar bilen Köneürgenç etrabyndaky 58-nji orta mekdepde wagyz-nesihat çäresi geçirildi. Etrabyň jemgyýetçilik guramalarynyň guramagynda geçirilen bu çärä orta mekdepleriň ilkinji ýaşlar guramalarynyň başlyklary, işjeň agzalary gatnaşdylar. «Pähim-paýhas ummany Magtymguly Pyragy» ýylynda mukaddes Garaşsyzlygymyzyň 33 ýyllyk toýunyň öňüsyrasynda geçirilen Dünýä türkmenleriniň ynsanperwer birleşiginiň XXV maslahatynyň taryhy ähmiýetini wagyz etmek maksadyna gönükdirilen bu çärede TDP-niň etrap komitetiniň başlygy Gurbanmyrat Muhammedow, TKA-nyň etrap birleşmesiniň esasy hünärmeni Şöhrat Söýungylyjow, TMÝG-niň etrap geňeşiniň guramaçylyk bölüminiň esasy hünärmeni Gülnahal Dädebaýewa, etrapdaky 2-nji orta mekdebiň mugallymy Abdymyrat Ahmedow, 51-nji orta mekdebiň mugallymy Dünýä Gaýypgulyýewa, 57-nji orta mekdebiň mugallymy Annabeg Aýmakowa dagy çykyş etdiler. Olar öz çykyşlarynda 1991-nji ýylyň maý aýynda döredilen Dünýä türkmenleriniň ynsanperwer birleşiginiň daşary ýurtlarda ýaşaýan ildeşlerimizi jebisleşdirmek ugrunda tagalla edýän abraýly guramadygy, guramanyň agzalarynyň ýurdumyzda geçirilýän köpsanly çärelere işjeň gatnaşýandygy, Watanymyzda ýaýbaňlaşdyrylan giň gerimli özgertmeleriň şaýady bolýandyklary barada aýratyn belläp geçdiler. Maslahatyň dowamynda halkara hyzmatdaşlygy berkitmek, türkmen halkynyň baý medeniýetini, özboluşly däp-dessuryny, taryhyny dünýä ýaýmak

19 Sentýabr 2024

Jemgyýet

Dabara geçirildi

Golaýda maýor Şöhrat Muhyýewiň serkerdelik edýän harby bölüminde Gorag polklarynyň döredilen güni mynasybetli dabara geçirildi. Ýaşyl Tugumyzyň belende galdyrylmagy we Döwlet senasynyň ýaňlanmagy bilen badalga berlen dabara şahsy düzümiň nyzamly ýörişi bilen dowam etdi. Soňra baýramçylyk mynasybetli harby gullukda tapawutlananlara ýadygärlik sowgatlar we Hormat hatlary gowşuryldy. Dabaranyň çäginde guralan sergi has-da täsirli boldy. Köpçülikleýin bedenterbiýe çäreleri we gyzgalaňly sport ýaryşlary dabaranyň şowhunyny artdyrdy. Harby bölümiň orkestriniň taýýarlan aýdym-sazly çykyşlarynda Berkarar döwletiň täze eýýamynyň Galkynyşy döwründe ýetilen belent sepgitler, ata Watanyň mukaddesligi, harby gullukçylaryň mertligi we edermenligi wasp edildi.

19 Sentýabr 2024

Jemgyýet

«Ýol hereketiniň howpsuzlygy — ömrümiziň rahatlygy»

Wagyz – nesihat çäreleri geçirilýär Daşoguz agrosenagat orta hünär okuw mekdebinde TDP-niň Daşoguz şäher komitetiniň guramagynda «Ýol hereketiniň howpsuzlygy — ömrümiziň rahatlygy»psuzlygy – ömrümiziň rahatlygy” atly biraýlyga bagyşlanan wagyz-nesihat çäresi geçirildi. Çykyş edenler ýurdumyzda raýatlaryň, esasan hem, ýaşlaryň we ýetginjekleriň arasynda ýol hereketiniň howpsuzlygy barada düşündiriş işlerini geçirmegiň ähmiýeti dogrusynda aýratyn belläp geçdiler. Ýollarda özüňi alyp barmagyň medeniýetini, ýol hereketiniň kadalaryny dürs berjaý etmegiň ömrümiziň rahatlygyny, ýollarymyzyň abadanlygyny gazanmakda möhüm ähmiýete eýedigi hakyndaky söhbet wagyz-nesihat çäresiniň esasy mowzugyna öwrüldi.

19 Sentýabr 2024

Jemgyýet

Kanunçylyk namalary düşündirilýär

Türkmenistanyň Ministrler Kabinetiniň geçen hepdäniň anna gününde geçirilen mejlisinde habar berlişi ýaly, häzirki wagtda ýurdumyzda amala aşyrylýan giň möçberli özgertmeleriň hukuk binýadyny berkitmek maksady bilen, kanunçylyk namalarynyň birnäçesine, hususan-da, raýat-hukuk gatnaşyklaryny pugtalandyrmak, administratiw hukuk bozulmalary, salgytlar, awtomobil ulagy bilen baglanyşykly hereket edýän kanunlara üýtgetmeler hem-de goşmaçalar girizilýär. Milli parlamentimiz tarapyndan ýylyň dowamynda kabul edilen kanunçylyk namalary bolsa ýerlerde giňişleýin düşündirilýär. Şu maksat bilen geçirilýän duşuşyklara etrap prokuraturasynyň işgärleri işjeň gatnaşýarlar. Olarda raýatlarymyzyň kanuny bähbitleri, hak-hukuklary babatyndaky sowallaryna doly düşündiriş berilýär. Etrap prokuraturasy tarapyndan şeýle işleri Türkmenistanyň Halk Maslahatynyň bosagada duran mejlisinden soň has giň gerimde ýaýbaňlandyrmak meýilleşdirilýär. Çünki taryhy mejlisde kabul ediljek çözgütleri ilatyň arasynda düşündirmek we wagyz etmek gönüden-göni borjumyzdyr. Biz mundan beýläk hem Gahryman Arkadagymyzyň we hormatly Belent Serkerdebaşymyz, Arkadagly Gahryman Serdarymyzyň aýdyň ýoly bilen eziz Watanymyzyň asudalygyny goramak üçin gijämizi gündiz edip zähmet çekeris.

19 Sentýabr 2024

Jemgyýet

Netijeli duşuşyklar

Türkmen halkynyň Milli Lideri Gahryman Arkadagymyzyň başlangyjy bilen her ýylyň sentýabr aýynda geçirilýän «Ýol hereketiniň howpsuzlygy — ömrümiziň rahatlygy» atly biraýlyk «Pähim-paýhas ummany Magtymguly Pyragy» ýylynda hem giň gerimde ýaýbaňlandyrylýar. Türkmenabat garnizonynyň harby awtomobil gözegçiligi tarapyndan şu mynasybetli wagyz-nesihat çäreleri yzygiderli geçirilýär. Wagyz-nesihat çärelerinde, köçeleriň we ýollaryň degişli düzgünleri, ýörite geçelgeleriň ulanylmagy ýaly möhüm meseleler gozgalýar. Ýaş nesle ýol hereketiniň düzgünlerini doly berjaý etmegiň zerurdygy barada maglumat berilýär we ýol hereketiniň kadalary baradaky düşünjeleri artdyrmak üçin amaly okuwlar geçirilýär. Bu çäreler ýol hereketiniň howpsuzlygyny üpjün etmek maksady bilen giň gerimde geçýär.

19 Sentýabr 2024

Jemgyýet

Möhüm meselä bagyşlanan maslahat

Ýurdumyzyň gymmatly baýlygy bolan pagtany abat saklamak möhüm meseleleriň biridir. Bu işe biz hem işjeň gatnaşýarys. Müdirligimiziň ýangyn howpsuzlygy bölüminde guralan maslahat bu meselä bagyşlandy. Oňa welaýatymyzyň çägindäki pagta arassalaýjy kärhanalaryň we pagta kabul ediş harmanhanalarynyň jogapkär işgärleri gatnaşdylar. Hormatly Prezidentimiziň ak pata bermegi bilen başlanan we guramaçylykly dowam edýän pagta ýygymynda, hasyly daşamakda, saklamakda hem-de gaýtadan işlemekde kuwwatly tehnikalaryň güýjünden giňden peýdalanylýar. Munuň özi işiň her bir pursadynda ýangyn howpsuzlygynyň düzgünlerini berk berjaý etmegi talap edýär. Maslahatda bölümimiziň hünärmenleri çykyş edip, gymmatly çig maly ýangyndan ygtybarly goramagyň ýollary, berjaý edilmeli kadalar barada giňden durup geçdiler. Pagta arassalaýjy kärhanalaryň işgärleri, öz gezeginde, önümçilik bölümlerinde ýangyn howpsuzlygynyň düzgünlerini berjaý etmek boýunça alnyp barylýan işler barada özara pikir alyşdylar. Çärä gatnaşyjylar soňra bölümimiziň ýangyn-tehniki merkezine gezelenç etdiler.

19 Sentýabr 2024

Jemgyýet

Garaşsyzlyk — bagtymyzyň açary

Berkarar döwletiň täze eýýamynyň Galkynyşy döwrüniň her güni şanly senelere, taryhy wakalara, uly şatlyk-şowhuna beslenýär. Ynha, şu günler agzybir türkmen halky zähmet üstünlikleri bilen ýene bir şanly senäni — mukaddes Garaşsyzlygymyzyň 33 ýyllygyny baýram etmäge uludan taýýarlyk görýär. Ýurdumyzyň özygtyýarlylygy halkymyzyň bagtyýarlygynyň, röwşen ertirlere bolan beýik ynamynyň beýanydyr. Çünki Garaşsyzlyk — halkymyzyň erkinliginiň, parahatçylygynyň mukamydyr, ykbalynyň göterilmesidir, şan-şöhratynyň dabaralanmasydyr. Çünki Garaşsyzlyk ýyllarynda merdana ata-babalarymyzyň asyrlarboýy ýüreklerinde beslän arzuw-umytlary täze ruhda, täze öwüşginde hasyl boldy. Şu günler welaýatymyzda bu şanly sene mynasybetli geçirilýän maslahatlardyr baýramçylyk çäreleri giň gerime eýe bolýar. Maslahatlarda edilýän çykyşlarda nygtalyşy ýaly, eziz Diýarymyzda Garaşsyzlyk ýyllary içinde asyrlara barabar özgertmeler, ägirt uly taslamalar üstünlikli durmuşa geçirildi. Berkarar döwletiň täze eýýamynyň Galkynyşy döwrüniň ýyl ýazgysyny bezeýän bu maksatnamalaýyn özgerişlikler, ilkinji nobatda, halkymyzyň nurana şu güni, bagtyýar geljegi hakynda edilýän aladalardan ugur alýar. Bu bolsa ýurdumyzda adamyň jemgyýetiň we döwletiň iň ýokary gymmatlygydygyny ýene bir gezek görkezýär.

19 Sentýabr 2024

Jemgyýet

Röwşen geljegiň binýady

Ata Watanymyzda ýaşlar baradaky alada birjik-de ünsden düşürilmeýär. Hut şonuň üçin ýaşlaryň bilimleri kämil ele almaklary, hünär eýeleri bolmaklary bilen birlik-de olaryň watansöýüji, milli gymmatlyklarymyza ygrarly şahsyýetler bolup ýetişmeklerini gazanmak döwletimiziň baş aladasydyr. Bu ugurda öňde durýan wezipeleri üstünlikli durmuşa geçirmek maksady bilen ýaşlaryň arasynda wagyz-nesihat duşuşyklaryny, maslahatlary yzygiderli geçirýäris. Şeýle ähmiýetli çärelerde pederlerimiziň beden we ruhy taýdan sagdyn nesilleri terbiýeläp ýetişdirmek babatdaky durmuş tejribelerine, halkymyzyň milli ýörelgelerine salgylanylýar. Çünki ata-babalarymyzyň wesýetlerine, pähim-paýhasyna eýermek, olary ýol-ýörelgesini dowam etdirmek biziň her birimiz üçin mukaddes borçdur. Bagtyýar ýaşlar hem özleri hakynda edilýän aladalara ylymda, bilimde, medeniýetde, sungatda we sportda gazanýan uly ýeňişleri bilen jogap berýärler. Döwletimiziň ykdysady, syýasy kuwwatynyň beýgelmegine mynasyp goşant goşýan, bu ugurda yhlas-tagallalaryny gaýgyrmaýan ýaşlarymyzyň beýik üstünlikleri, guwandyryjy netijeleri Arkadagly Gahryman Serdarymyzyň «Ýaşlar — Watanyň daýanjy» atly eserinde hem öz beýanyny tapýar.

19 Sentýabr 2024

Jemgyýet

Taryhy wakalar wagyz edilýär

Gökdepe etrabynyň Yzgant şäherçesiniň sport mekdebinde “tegelek stoluň” başynda geçen söhbetdeşlik Türkmenistanyň Magtymguly adyndaky Ýaşlar guramasynyň welaýat we etrap Geňeşleri tarapyndan bilelikde guraldy. Watanymyzyň beýik ösüşdir özgertmelerini, Türkmenistanyň Halk Maslahatynyň alyp barýan işleriniň jemgyýetçilik-syýasy ähmiýetini wagyz etmek maksady bilen bolan söhbetdeşlige Ýaşlar guramasynyň işgärleri we işjeň agzalary gatnaşdy. Türkmenistanyň Halk Maslahatynyň Prezidiumynyň «Türkmenistanyň Halk Maslahatynyň mejlisini çagyrmak we guramaçylykly geçirmek hakynda» Kararyna laýyklykda, “Pähim-paýhas ummany Magtymguly Pyragy” ýylynyň 24-nji sentýabrynda paýtagtymyzda Halk Maslahatynyň nobatdaky mejlisi geçiriler. Şonuň bilen baglylykda, söhbetdeşlige gatnaşanlar Halk Maslahatynyň nobatdaky mejlisiniň ähmiýeti barada gürrüň edip, umumymilli forumda kabul ediljek çözgütleriň möhüm ornuna ünsi çekdiler.

19 Sentýabr 2024

Jemgyýet

Toý ruhuna eýe boldy

Bäherden etrap sport mekdebinde etrabyň jemgyýetçilik guramalarynyň wekilleriniň, sport mekdebiniň halypa tälimçileridir türgenleriniň gatnaşmagynda “Garaşsyzlyk bilen galkynan türkmen sporty” ady bilen wagyz-nesihat duşuşygy geçirildi. Duşuşykda Garaşsyzlygymyzyň halkymyza beren tükeniksiz bagty, Watanymyzyň ösüşleri, sport ulgamynda gazanylýan üstünlikler, ýetilýän beýik sepgitler barada giňişleýin gürrüň edildi. Garaşsyzlygyň gadyr-gymmaty, ýaşlaryň sportda taplanmagy we dürli ýaryşlarda ukyp-başarnyklaryny görkezmegi ugrunda döredilen şertler hakda aýdylanlar hem uly täsirleri döretdi.

19 Sentýabr 2024

Jemgyýet

Ýol hereketiniň howpsuzlygy — ömrümiziň rahatlygy

Asuda ýollar — abadan ýollar TMÝG-niň etrap geňeşiniň, etrabyň polisiýa we etrap bilim bölümleriniň bilelikde guramagynda «Asuda ýollar — abadan ýollar» ady bilen wagyz-nesihat duşuşygy geçirildi. Duşuşyga TMÝG-niň etrap geňeşiniň işgärleri we işjeň agzalary, bilim ulgamynyň, polisiýa bölüminiň işgärleri, etrapdaky 20-nji, 22-nji orta mekdepleriň mugallymlarydyr okuwçylary gatnaşdylar.

19 Sentýabr 2024

Jemgyýet

Paýtagtymyzda Türkmenistanyň ykdysady üstünlikleriniň sergisi açyldy

Şu gün — 19-njy sentýabrda paýtagtymyzdaky «Garagum» myhmanhanasynyň arka tarapynda gurnalan sergi meýdançasynda ýurdumyzyň Garaşsyzlygynyň 33 ýyllygy mynasybetli Türkmenistanyň ykdysady üstünlikleriniň sergisi açyldy. Berkarar Watanymyzyň baş baýramynyň öňüsyrasynda geçirilmegi asylly däbe öwrülen sergi milli ykdysadyýetimiziň üstünliklerini şöhlelendirýär. Şu gezekki gözden geçirilişe ykdysadyýetiň döwlete dahylly böleginiň düzümleriniň, bilim, medeniýet, sport, syýahatçylyk ulgamlarynyň wekilleri, şeýle hem ýurdumyzyň telekeçileri gatnaşýar.

19 Sentýabr 2024

Jemgyýet

«Türkmen arhiwi» žurnalynyň nobatdaky sany çapdan çykdy

Türkmenistanyň Ministrler Kabinetiniň ýanyndaky Baş arhiw müdirligi tarapyndan türkmen we rus dillerinde neşir edilýän «Türkmen arhiwi» atly taryhy-resminamalaýyn, ylmy-usulyýet žurnalynyň nobatdaky sany çapdan çykdy. Neşiriň esasy maksady Berkarar döwletiň täze eýýamynyň Galkynyşy döwrüniň syýasy-jemgyýetçilik, ykdysady, medeni-durmuş wakalaryny beýan etmekden, milli arhiw gaznasynyň resminamalary esasynda türkmen edebiýatyna, ylmyna uly goşant goşan meşhur ýazyjylaryň, alymlaryň döredijilik ýoluny açyp görkezmekden hem-de milli arhiw işiniň gazananlaryny wagyz etmekden ybaratdyr. Žurnalyň nobatdaky sany Türkmenistanyň Halk Maslahatynyň Başlygy Gurbanguly Berdimuhamedowyň “Pähim paýhas ummany Magtymguly Pyragy” atly ajaýyp şygry, hormatly Prezidentimiz Serdar Berdimuhamedowyň gol çeken Permanlary hem-de Kararlary, döwlet Baştutanymyzyň we türkmen halkynyň Milli Lideriniň möhüm halkara forumlardaky, döwlet derejesindäki çärelerdäki çykyşlary, Mejlisiň resminamalary, kanunçylyk, kadalaşdyryjy hukuk namalary bilen açylýar. Neşirde täze taryhy döwrüň jemgyýetçilik-syýasy wakalary baradaky makalalara aýratyn orun berilýär.

19 Sentýabr 2024

Jemgyýet

Belent sepgitleri nazarlap

Düýn Türkmenistanyň Döwlet ösüş bankynda ýurdumyzyň ykdysady üstünliklerine hem-de geljekki iri halkara we döwlet çärelerine görülýän taýýarlyk işlerine, gender deňligi boýunça döwlet syýasatynyň ýerine ýetirilişine bagyşlanyp, «Garaşsyz Watanymyzyň ykdysady kuwwaty beýgelýär» ady bilen maslahat geçirildi. Türkmenistanyň Halk Maslahatynyň, Mejlisiniň, Zenanlar birleşiginiň Merkezi geňeşiniň, Merkezi bankyň bilelikde guramagynda geçirilen çärä jemgyýetçilik guramalarynyň wekilleri hem-de käbir ýokary okuw mekdepleriniň ilkinji zenanlar guramalarynyň işjeň agzalary gatnaşdylar. Maslahata gatnaşyjylar ilki bu ýerde guralan sergi bilen tanyşdylar. Onda milli gymmatlyklarymyzy, türkmen tebigatyny, owadan binalarymyzy şekillendirýän dürli sungat we zergärçilik eserleri ýerleşdirilipdir. Sergidäki eksponatlar barada Merkezi bankyň hünärmeni, ilkinji zenanlar guramasynyň başlygy Bägül Çerkezowa:

19 Sentýabr 2024

Jemgyýet