"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Ýagşylyk (durmuş pursaty)

Heniz çaga wagtym ejem özümden kiçi jigilerim bilen gümra bolansoň, men hemişe enemiň ýanyndadym. Enem meni ezizlärdi, gujagyna alyp, başymdan sypalap, söýerdi. Ol hemişe öz ýanyna gelýän myhmanlar üçin ýygşyryp goýýan nohutdyr kişmişlerinden, hozdur maňyzlaryndan maňa-da bererdi. Ol nirä gitse menem yzyndan galmazdym. Soňabaka bir ýere ýolagçy bolsa enemiň özi meni gözlärdi. Ol golaý-goltumda maňa gözi düşmese: «Hany meniň tokarjam, buýra saçly guzym nirede, Akpamygyň kökejigi nirede?!» diýip, meni gözläp, çar ýanyna garanjaklardy. Men enemiň sesini eşidenimden ylgap onuň ýanyna barardym. Şol gün hem men onuň bilen obamyzyň çetindäki enemiň aýal dogany — Ajap ejäniň agtygynyň pişme toýuna gidipdim. Baranymyzda toý şatlyk bilen şowhuna beslenipdi. Märekeden ýaňa aşyk oklasaň ýere gaçarly däldi. Enem giň eýwanda saçak edip oturan daýzalaryň ýanyna bardy-da, olar bilen saglyk-amanlyk soraşdy. Soňra bolsa gujaklaşyp salamlaşyp aýal doganyna getiren saçagyny uzatdy. Ajap eje giň eýwanyň töründe ekiz bäbejikler üçin ýörite ýasalan sallançaga elini uzatdy-da, eneme: «Bar Bossan jan, agtyjaklarymy ýüzüňe syl, Hydyr gören goşa çynarymdyr olar, seniň perzentleriňe-de Hudaý ýetirsin!» diýip göwnühoşluk bilen ýylgyrdy.

24 Sentýabr 2024

Jemgyýet

Ak ýollaryň asudalygy

Gahryman Arkadagymyzyň parasatly başlangyjy, hormatly Prezidentimiziň taýsyz tagallalary bilen däbe öwrülip, her ýyl yglan edilýän «Ýol hereketiniň howpsuzlygy – ömrümiziň rahatlygy» atly biraýlyk ýurdumyzda täze okuw ýylynyň başlanmagyna gabat gelýär. Şonuň üçin hem biz – polisiýa bölüminiň işgärleri şu jogapkärli döwürde çagalar baglarynda, orta mekdeplerde dürli çäreleri geçirmäge aýratyn üns berýäris. Mekdep okuwçylarynyň aglabasy okuwa özbaşdak gatnaýarlar. Bu bolsa olaryň ýol hereketiniň kadalaryny bilmeklerini, olary berjaý etmek endiklerini ele almaklaryny talap edýär. Şonuň üçin Ýol gözegçilik gullugynyň wekilleri ýurdumyzyň dürli künjegindäki mekdeplerde bolup, okuwçylar bilen söhbetdeşlikleri guraýarlar. Biraýlygyň adyndan görnüşi ýaly, ýollardaky howpsuz hereket ömrümiziň rahatlygyny üpjün edýär. Şu nukdaýnazardan, ýol hereketiniň düzgünleri hemişe doly we dogry berjaý edilmelidir. Sürüjiler, ýolagçylar, pyýadalar hem hereketiň howpsuzlygyny gazanmakda özlerine düşýän jogapkärçiligi bilmelidirler we işjeň gatnaşmalydyrlar.

24 Sentýabr 2024

Jemgyýet

Täsin poçta gutulary

Tehnikanyň ösmegi netijesinde, aragatnaşyk ulgamynda birek-birek bilen hat alyşmak hem internet hyzmatynyň üsti bilen sanly enjamlar arkaly amala aşyrmak ýörgünli boldy. Ýöne adamlaryň arasynda haty adaty poçta bilen ugradýanlar hem az däl. 1999-njy ýylda Ýaponiýanyň Sumami şäherçesiniň golaýynda ýerleşýän Wakaýama adasyndaky suwasty poçta welin, her kimi geň galdyrdy. Bu suwasty poçta gutusy deňziň 10 metr çuňlugynda ýerleşip, «Iň çuň ýagdaýda ýerleşen suwasty poçta» hökmünde Ginnesiň rekordlar kitabyndan hem orun aldy. Aragatnaşygyň suwasty poçta görnüşi Wakaýamada bellenilip geçilýän baýramçylyklaryň birinde açylyp, onuň esasy maksady syýahatçylary şäherçä, ada gezelenje gelmäge çekmekdi. Suw astynda poçta gutusyny goýmak pikiri şäher aragatnaşyk ulgamynyň başlygyna gelipdi we ol üstünlikli amala aşyryldy. Çünki suwasty ýüzüş bilen meşgullanýan syýahatçylaryň we ada dynç almaga gelen jahankeşdeleriň bu poçta gutusynyň üsti bilen hat ýollamak usuly göwnünden turdy.

24 Sentýabr 2024

Jemgyýet

Maslahatly il myrada ýeter

Berkarar döwletimizde her ýyl Baş baýramymyzyň öňýany Halk Maslahatyny geçirmek asylly däbe öwrüldi. Bu däbe eýerip, mukaddes Garaşsyzlygymyzyň 33 ýyllyk toýunyň şatlyk-şagalaňly dabaralarynyň bütin ýurdumyzy gurşap alan ajaýyp günleriniň birinde, ýagny 24-nji sentýabrda gözel paýtagtymyzyň Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde, hormatly Prezidentimiz Serdar Berdimuhamedowyň gatnaşmagynda Türkmenistanyň Halk Maslahatynyň nobatdaky mejlisi geçirildi. Turuwbaşdan, Halk Maslahatynyň mejlisiniň örän netijeli hem üstünlikli geçendigini bellemek isleýäris. Döwletimiziň durmuşynda taryhy ähmiýetli waka öwrülen umumymilli forumda Gahryman Arkadagymyz çykyş edip, geçen döwürde Halk Maslahatynyň alyp baran işleri, döwletimiziň il-ýurt bähbitli içeri we hoşniýetli daşary syýasaty, daşary ýurtlara amala aşyrylan saparlar, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň işleri hakynda aýtdy. Döwletimizi has-da gülledip ösdürmek, halkymyzy mundan-da bagtyýar we eşretli durmuşda ýaşatmak maksady bilen öňde duran wezipeleri üstünlikli ýerine ýetirmek üçin hemmeleriň kalbynda Watana bolan beýik söýginiň, agzybirligiň, jebisligiň, zähmetsöýerligiň gaýnap-joşmalydygyny nygtady.

24 Sentýabr 2024

Jemgyýet

Soňky sütün

—1990-njy ýylyň 14-nji dekabrynda Birleşen Milletler Guramasynyň Baş Assambleýasy her ýylyň 1-nji oktýabryny «Ýaşulularyň Halkara güni» diýip yglan etdi. Berkarar döwletimizde hem indi birnäçe ýyldan bäri bu Halkara gün döwlet derejesinde bellenilýär. — Bütindünýä saglygy goraýyş guramasy 60-75 ýaşy — irki ýaşululyk; 75-90 ýaşy — giçki ýaşululyk; 90-dan ýokary ýaşy uzak ömür diýip üç basgançaga bölýär.

24 Sentýabr 2024

Jemgyýet

Kämil usullara daýanmak bilen

Ylmyň we tehnikanyň täze gazananlarynyň işimize ornaşdyrylmagy oňyn netijeleri gazanmagyň möhüm şertleriniň biridir. Hormatly Belent Serkerdebaşymyz bu meseläni mydama üns merkezinde saklaýar we degişli tabşyryklary berýär. Şolara laýyklykda biziň müdirligimiz hem döwrebap enjamlar bilen üpjün edilýär. Munuň özi welaýatymyzyň etraplaryndan zerur maglumatlary toplamak, saklamak we olary seljermek üçin giň mümkinçilikleri döredýär. Şeýle-de welaýatymyzyň çäginde döremegi mümkin bolan tebigy hem-de tehnogen häsiýetli adatdan daşary ýagdaýlaryň öňüni almak hem-de olaryň ýetirip biljek zyýanlaryny peseltmek maksady bilen, raýat goranyşynyň gulluklarynyň, edara-kärhanalaryň raýat goranyşynyň güýçleriniň bilelikdäki, özara sazlaşykly hereketlerini guramak üçin toplumlaýyn tälim beriş okuwlarynyň üstünlikli geçirilmeginde hem sanly ulgamyň ähmiýeti uludyr. Ýörite kompýuter enjamlary bilen enjamlaşdyrylan otaglarda wideo şekilleri ulanmak, aragatnaşygyň döwrebap enjamlary arkaly türgenleşik geçirilýän ýer bilen dolandyryş merkeziniň arasynda aragatnaşygy ýola goýmak has ýeňilleşdi. Sanly ulgamyň raýat goranyşy we halas ediş işlerinde giňden ulanylmagy harby gullukçylaryň öz wezipe borçlaryny birkemsiz ýerine ýetirmeklerine uly ýardam berýär. Şeýle mümkinçilikleri döredip berýän Gahryman Arkadagymyza, Arkadagly Serdarymyza köp-köp sagbolsun aýdýarys. Goý, Gahryman Arkadagymyzyň, Arkadagl

24 Sentýabr 2024

Jemgyýet

Geljege gönükdirilen işler

Ýaş nesliň sagdyn ösmegini üpjün etmek, olaryň ýol hereketiniň kadalaryny kämil bilmeklerini we köçede özüňi alyp barmagyň düzgünlerine eýermeklerini gazanmak işine ýakyndan gatnaşýarys. Häzirki günlerde guramaçylykly dowam edýän biraýlygyň çäginde bakja-bagymyzda terbiýelenilýän körpeleriň gatnaşmaklarynda bäsleşik guradyk. Bu çäräni guramakda we täsirli geçirmekde bize şäher polisiýa bölüminiň polisiýanyň ýol gözegçiligi bölümçesiniň wagyz-nesihaty boýunça uly gözegçisi, polisiýanyň maýory Döwran Jumaýew uly goldaw berdi. Bäsleşikde çagalar ýol hereketiniň kadalary boýunça berlen sowallara jogap berdiler, çatrykdan geçmegiň düzgünlerini oýunlaryň üsti bilen görkezdiler. Olar ýol hereketine degişli aýdymlary ýerine ýetirdiler we goşgulary labyzly okadylar.

24 Sentýabr 2024

Jemgyýet

Milli ýörelgelerimiz wagyz edilýär

Berkarar döwletiň täze eýýamynyň Galkynyşy döwründe ýaş nesliň ylymly-bilimli, giň dünýägaraýyşly adamlar bolup ýetişmekleri, milli ruhda terbiýelenmekleri üçin ähli mümkinçilikler döredilýär. Ýaşlary bilime höweslendirmek, halallyk, ahlaklylyk, ynsanperwerlik, adamkärçilik, watansöýüjilik ruhunda terbiýelemek ýurdumyzda alnyp barylýan ýaşlar syýasatynyň özeni bolup durýar. Şu belent maksatdan ugur alýan Şabat etrap polisiýa bölüminiň kämillik ýaşyna ýetmedikleriň işi boýunça bölümçesi etrabyň ähli bilim, terbiýeçilik edaralarynda «Ahlak arassalygy-zenan mertebesi» ady bilen wagyz-nesihat duşuşyklaryny geçirýär. Golaýda etrap häkimliginiň, polisiýa bölüminiň hem-de etrabyň jemgyýetçilik guramalarynyň bilelikde guramagynda geçirilen duşuşyklara etrabyň bilim ulgamynda zähmet çekýän zenanlar hem-de okuwçy gyzlar gatnaşdylar. Duşuşykda guralan çykyşlarda halkymyzyň baý ruhy-ahlak gymmatlyklary, zenan asyllylygy, gyz edebi, ata-babalarymyzdan miras galan edim-gylymlar wagyz edildi. Gymmatly öwüt-ündewler aýdyldy. Şonuň ýaly-da täze taryhy döwrümizde milli mirasymyza sarpa goýup, asylly ýörelgelerimiziň dowam etdirilmegi ugrunda tagallalar edýän Arkadagly Gahryman Serdarymyza alkyş sözleri aýdyldy.

24 Sentýabr 2024

Jemgyýet

Baş baýramyň şanyna

Döwlet berkararlygymyzyň şanly senesi mynasybetli golaýda Daşoguz şäheriniň «Bagtyýar zaman» medeniýet öýünde şäher medeniýet merkeziniň guramagynda «Ýaşyl tugum buýsanç bilen parlaýar! Watan Garaşsyzlyk toýun toýlaýar» atly şygar bilen baýramçylyk dabarasy geçirildi.

24 Sentýabr 2024

Jemgyýet

Wagyz-nesihat çäresi

Golaýda welaýat maliýe-ykdysady orta hünär okuw mekdebiniň mejlisler zalynda Türkmenistanyň Demokratik partiýasynyň welaýat komitetiniň şu okuw jaýy bilen bilelikde guramagynda şanly Garaşsyzlygymyzyň 33 ýyllyk baýramy mynasybetli «Garaşsyzlyk — baky bagtyň gözbaşy» atly şygar bilen wagyz-nesihat maslahaty geçirildi. Maslahatda  TDP-niň welaýat komitetiniň partiýa guramaçysy Ejebaý Akmädowa, sanly tehnologiýalar we maglumat howpsuzlygy boýunça hünärmeni Aýnagül Gulmuradowa, welaýat maliýe-ykdysady orta hünär okuw mekdebiniň mugallymlary Begmyrat Mätdurdyýew, Gülnur Baýramdurdyýewa, Täçnabat Annaýewa, Hojamyrat Kasymow dagy  çykyş etdiler. Çykyş edenler mukaddes Garaşsyzlygymyzyň ýyllary içinde ýurdumyzda amala aşyrylan beýik işler, gazanylan üstünlikler, ýetilen belent sepgitler dogrusynda belläp geçdiler.

24 Sentýabr 2024

Jemgyýet

Talyp ýaşlar bäsleşdiler

Türkmenistanyň Magtymguly adyndaky Ýaşlar guramasynyň Daşoguz şäher geňeşi Magtymguly Garlyýew adyndaky ýörite sungat mekdebi bilen bilelikde mukaddes Garaşsyzlygymyzyň 33 ýyllyk toýy mynasybetli «Beýik söz ussady Magtymguly Pyragy» atly şygar astynda 1-nji ýyl talyplaryň gatnaşmagynda bäsleşik geçirdi. Bäsleşik üç şertden ybarat bolup, onuň dowamynda talyplar hormatly Prezidentimiziň baştutanlygynda gazanylan ösüşleri, Garaşsyzlyk ýyllary içinde ýetilen beýik sepgitleri, abraý-mertebesi dünýä dolan ýurdumyzy şahyrana wasp etdiler. Bäsleşigiň 2-nji şertinde talyplar beýik söz ussady Magtymguly Pyragynyň şygyrlaryny labyzly, çeper okamak boýunça bäsleşdiler. 3-nji şertde talyplar toý-dabaralary, teleýaýlymlarda gepleşikleri alyp barmak boýunça bäsleşip, öz söz ussatlyklaryny, suhangöýlüklerini görkezdiler. Bäsleşikde 1-nji orna Şanur Atdaýew, Selbinyýaz Muhammedowa, 2-nji orna Aýnur Pollyýewa, Mekan Amangeldiýew, 3-nji orna Züleýha Klyçewa, Didar Muhammedow dagy mynasyp boldular. Ýeňijilere TMÝG-niň şäher geňeşiniň ýadygärlik  sowgatlary gowşuryldy.

24 Sentýabr 2024

Jemgyýet

Magtymguly Pyragynyň ýadygärligine gül goýmak dabarasy

Aşgabat, 23-nji sentýabr (TDH). Şu gün ir bilen Türkmenistanyň Halk Maslahatynyň mejlisine gatnaşjak wekiller ýurdumyzyň Garaşsyzlygynyň 33 ýyllygy mynasybetli, «Magtymguly Pyragy» medeni-seýilgäh toplumynda ýerleşýän Magtymguly Pyragynyň ýadygärligine gül goýdular. Garaşsyz döwletimizde watandaşlarymyzyň netijeli zähmet çekmegi, döretmegi, dünýäniň ähli ýurtlary we halklary bilen dostlukly gatnaşyklary pugtalandyrmak üçin ähli şertler döredilýär. Halkymyz bagtyýar durmuşy alamatlandyrýan bu Garaşsyzlyk gününe aýratyn hormat goýýar.

24 Sentýabr 2024

Jemgyýet

Wagyz-nesihat çäresi

Öwüt-ündew edildi Halkymyzyň baý medeni mirasyny aýawly saklamak, öwrenmek, milli gymmatlyklarymyzy, däp-dessurlarymyzy, maşgala edebini, şeýle-de, ýaşlar syýasatyny giňden wagyz etmek maksady bilen yzygiderli çäreler geçirilýär. Golaýda etrabyň medeniýet bölüminde TDP-niň etrap komitetiniň, TMÝG-niň etrap geňeşiniň hem-de etrap medeniýet bölüminiň, etrap merkezi kitaphanasynyň bilelikde guramagynda wagyz-nesihat çäresi geçirildi. Oňa etrapdaky edara-kärhanalarda zähmet çekýän ýaşlar gatnaşdylar.

24 Sentýabr 2024

Jemgyýet

Ýol hereketiniň howpsuzlygy — ömrümiziň rahatlygy

Asuda ýollar — röwşen ýollar Golaýda welaýat baş maliýe we ykdysadyýet müdirliginiň, welaýat salgyt bölüminiň bilelikde guramagynda «Asuda ýollar — röwşen ýollar» ady bilen wagyz-nesihat duşuşygy geçirildi. Duşuşyga welaýat baş maliýe we ykdysadyýet müdirliginiň, welaýat salgyt bölüminiň işgärleri, TMÝG-niň Mary etrap geňeşiniň işgärleri gatnaşdylar.

24 Sentýabr 2024

Jemgyýet

Arkadag şäheri täze halkara baýraklara mynasyp boldy

2024-nji ýylyň 4-nji sentýabrynda Arkadag şäheri Koreýa Respublikasynda geçirilen «World Smart City Expo 2024» atly «akylly» şäherleriň halkara sergisine gatnaşdy. Bu sergi dürli döwletleriň, daşary ýurt kompaniýalaryň jemi 116 sany pawilýonlaryny özünde jemledi. Arkadag şäheri — «Iň tapawutlanan «akylly» şäher» (bu baýrak bilen diňe Arkadag şäheri sylaglandy), «Daşary ýurt «akylly» şäheri», «World Smart City Expo 2024» halkara sergisine goşan uly goşandy üçin» halkara baýraklaryna mynasyp boldy. 

24 Sentýabr 2024

Jemgyýet

Peder ýoly dowamat-dowam

Gahryman Arkadagymyzyň açan röwşen ýoly Arkadagly Gahryman Serdarymyzyň parasady bilen geljege uzaýar. «Ýoly ýörän ýeňer». Ata-babalarymyzyň döreden çuň manyly nakylyndaky «ýol» düşünjesine biz bu ýerde arzuw-maksatlara alyp gidýän ýol, ýagny ýörelge hökmünde garaýarys. Öňe gitmek üçin, ozaly bilen, ýoluňy dogry saýlamaly. Onsoň bu ýoluň ýagtysyny artdyrmaly. Onuň hümmetine hümmet, hikmetine hikmet goşmaly... Görnüşi ýaly, milletiň döwletlilik ýoluny geljege alyp gitmek ýeňil iş däl. Bu uly yhlasy, berk ynamy talap edýär. Uly paýhasy, uly düşünjäni, är gaýratyny talap edýär. Şeýle yhlas, şeýle ynam, şeýle paýhas, şeýle düşünje, şeýle gaýrat hormatly Prezidentimiz Arkadagly Gahryman Serdarymyzda jemlenipdir. Allatagala bu milleti ýalkapdyr, bu topraga sahawat nazaryny aýlapdyr. Milletiň bagtyna halkyň saýlan perzendi peder ýoluny mynasyp dowam etdirýär. Berkarar döwletiň täze eýýamynyň Galkynyşy döwri ýurduň taryhy ösüşleri, halkyň bagtly durmuşy bilen şöhratlanýar. Edil öz Gahryman Arkadagyna belent söýgüsi hem ynamy ýaly, halkymyzyň ýüregi Arkadagly Gahryman Serdaryna belent söýgiden doly. Türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň başlyklygynda Garaşsyzlygymyzyň 33 ýyllyk senesiniň öňüsyrasynda geçiriljek Türkmenistanyň Halk Maslahatynyň mejlisiniň agzybirlige, joşguna, hyjuwa beslenjekdigine doly ynanýarys. Ýeri gelende, Ha

24 Sentýabr 2024

Jemgyýet

Halkyň alkyşy

Zamana saýlaýar gahrymanlary, Beýikleri beýik işler döredýär! Geçip Arkadagyň menzil-mekdebin,Asylzada peder ýolun ýöredýän Arkadagly Serdar!                                    Gahryman Serdar!  Dünýä ady bilen gelen Serdarsyň!Milletiň yrylmaz ynam-ygrary,  Päk umydy bilen gelen Serdarsyň!  Döwletli ojagyň,                                             halal ojagyňÖçmez ody bilen gelen Serdarsyň!Size jan ynanan iller hakyna,Ertelere barýan ýollar hakyna,Gül Watana,Giň jahana derkarsyň! «Döwlet gonsa, goç ýigidiň başynda,Hemaýatly ili gerek daşynda!».Dana Pyragynyň pendi berjaýdyr.Bu iller –                                dünýe deý gadymy iller Serwerine sagadatly türkmendir! Sahawatly, adalatly türkmendir!Gahrymany bolup bu beýik halkyň, Heňňam çarhyn ertirlere aýlamakMizemez ynamdan,                                    polat erkdendir!

24 Sentýabr 2024

Jemgyýet

Döwletli il ge­ňeş etse, toý bo­lar

Berkarar ýurdumyzda peder ýoluny mynasyp dowam etdirýän Arkadagly Gahryman Serdarymyzyň baştutanlygynda halkymyz eşretli durmuşda ýaşaýar. Ata-babalarymyz halkyň bähbidine amala aşyrylýan her bir işi ýaşululara geňeşip, halk bilen maslahatlaşyp çözmegiň tarapdary bolupdyr. Munuň şeýledigini «Maslahatly il myrada ýeter», «Geňeşene giň dünýä», «Döwletliniň başlan işi oň bolar» ýaly pähimli jümleler aýdyňlygy bilen tassyklaýar. Häzirki bagtyýar döwrümizde-de halkymyz gadymy däp-dessurlaryny, milli ýol-ýörelgesini ýitirmän, döwrebap röwüşde dowam etdirýär. Şonuň üçin hem «demokratiýa» düşünjesi türkmen taryhynyň has irki döwürlerinde-de bar bolan düşünjedir diýsek ýalňyşmarys. Hormatly Prezidentimiziň parasatly baştutanlygynda demokratik, hukuk we dünýewi döwlet bolan Garaşsyz, hemişelik Bitarap Türkmenistanyň hukuk esaslary yzygiderli kämilleşdirilýär. Her ýyl Garaşsyzlyk baýramynyň öňüsyrasynda halk demokratiýasynyň özboluşly nusgasy bolan Türkmenistanyň Halk Maslahatynyň mejlisiniň geçirilmegi asylly däbe öwrüldi. Onda ara alnyp maslahatlaşylýan, kabul edilýän döwlet, il-ýurt ähmiýetli çözgütler halkymyzy döredijilikli zähmete ruhlandyrýar. Bagtyýar halkymyz Garaşsyzlygy örän möhüm milli gymmatlyklarynyň biri hasaplaýar. Döwlet Garaşsyzlygymyzyň saýasynda demokratiýanyň we adam hukuklarynyň ösüşinde taryhy ähmiýetli üstünlikler gazanylýar.

24 Sentýabr 2024

Jemgyýet

Magtymguly Pyragynyň ýadygärligine gül goýmak dabarasy

Aşgabat, 23-nji sentýabr (TDH). Şu gün ir bilen Türkmenistanyň Halk Maslahatynyň mejlisine gatnaşjak wekiller ýurdumyzyň Garaşsyzlygynyň 33 ýyllygy mynasybetli, «Magtymguly Pyragy» medeni-seýilgäh toplumynda ýerleşýän Magtymguly Pyragynyň ýadygärligine gül goýdular. Garaşsyz döwletimizde watandaşlarymyzyň netijeli zähmet çekmegi, döretmegi, dünýäniň ähli ýurtlary we halklary bilen dostlukly gatnaşyklary pugtalandyrmak üçin ähli şertler döredilýär. Halkymyz bagtyýar durmuşy alamatlandyrýan bu Garaşsyzlyk gününe aýratyn hormat goýýar.

24 Sentýabr 2024

Jemgyýet

Gurbanguly Berdimuhamedow Arkadag şäherinde ulanylýan elektrobuslaryň aýratynlyklary bilen tanyşdy

Mälim bolşy ýaly, türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow 22-nji sentýabrda Arkadag şäherine nobatdaky iş saparyny amala aşyrdy. Gahryman Arkadag saparynyň barşynda täze şäherde ulanylýan elektrobuslaryň aýratynlyklary bilen hem tanyşdy. Türkmen halkynyň Milli Lideri elektrobuslaryň amatlylyk we tehniki görkezijiler babatda häzirki zamanyň ösen talaplaryna, ýokary halkara ülňülerine laýyk gelmelidigini belledi. Munuň üçin degişli düzümleriň hünärmenleri bilen bilelikdäki tagallalaryň edilmeginiň zerurdygy aýdyldy. Şeýle-de häzirki wagtda bar bolan we geljekde satyn alynjak elektrobuslaryň ýerli tebigy-howa şertlerine laýyk gelmegi, olarda ähli amatlyklaryň üpjün edilmegi we ilata ýokary derejede hyzmat edilmegi bilen baglanyşykly meselelere aýratyn ähmiýet berilmelidigi bellenildi.

24 Sentýabr 2024

Jemgyýet