"Türkmenistan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-60-88, 39-95-06, 39-95-67
Email: turkmenistan-gazeti@sanly.tm

Gazeti PDF görnüşinde ýükläp almak

Habarlar

Şanly ýylyň üstünlikleri

«Pähim-paýhas ummany Magtymguly Pyragy» ýyly milli sportumyzyň senenamasyna ähmiýetli wakalaryň ençemesini bagyşlady. Munuň özi Gahryman Arkadagymyzyň binýadyny goýan sport syýasatynyň hormatly Prezidentimiziň baştutanlygynda täze öwüşgin bilen ösdürilýändiginiň nyşanydyr. Tamamlanyp barýan ýylyň şu günlerine çenli türgenlerimiz iri halkara ýaryşlaryň, dünýä hem-de yklym çempionatlarynyň medallaryndan çemen baglamagyň hötdesinden geldiler. Bu ýyl Watanymyz iri sport merkezi hökmünde eýe bolan abraýyny has-da pugtalandyrdy. Şu ýylyň aprelinde türkmen paýtagtynda geçirilen hokkeý boýunça halkara ýaryşyň diýseň ýokary guramaçylygy bilen tapawutlanmagy bu hakykatyň beýanyna öwrüldi. Bu ýaryşda türgenlerimiziň gazanan üstünligi bolsa ýurdumyzda sportuň gyşky görnüşleriniň hem uly ösüşlere eýe bolýandygyny görkezdi. Şeýle sport baýramçylyklaryna we Watanymyzda geçirilýän beýleki ähmiýetli forumlara myhman hökmünde gatnaşmak üçin gelýän hünärmenleriň Diýarymyzyň sport mümkinçiliklerine berýän ýokary bahasy her birimiziň buýsanjymyzy goşalandyrýar.

25 Oktýabr 2024

Garaşsyzlyk

Mertlik mekdebi

Geçen asyryň 60-70-nji ýyllarynda Aşgabadyň «Stroitel» futbol topary oýnanda janköýerlerden ýaňa stadionda ýer tapylmazdy. Olar Aşgabat şäheriniň töweregindäki obalardan üýşüp gelerdiler. Men şol wagtlar mekdep okuwçysydym. Kakam hem futbol janköýerleriniň biridi. Futbol toparymyzyň şol ýyllardaky oýunlaryna tomaşa etmek meniň hem nesibämde bar eken. Toparyň düzüminde ussat oýunçylar az däldi. Öňki Soýuzyň 1-nji ligasynda çykyş edýän futbol toparlarynyň arasyndan saýlanyp, biziň toparymyz öz meýdanyndaky duşuşyklarda ýeňiş gazanardy. Ine, şonda märekäniň ör turup, toparymyzyň üstünligini gutlaýşy häzir hem göz öňümden gidenok. Şonuň bilen birlikde, futbol oýnuny radioýaýlymda alyp barýan uruş weterany Işan Garaýewiň şowhunly sesi heniz-henizlerem gulagymda ýaňlanyp dur. Işan Garaýew 1925-nji ýylyň 28-nji awgustynda gadymy Aşgabat obasynda daýhan maşgalasynda dünýä inýär. Işan doganlary Öwlüýaguly, Pirguly, Pygamberguly, Hydyrguly we Gülsoltan dagy bilen önüp-ösüp kemala gelýär. Ýumşa ýarap ugranyndan, öý we kolhoz hojalygynda ata-enesine ýardam berýär. Obalaryndaky ýediýyllyk mekdebi tamamlap, kolhozçy bolup zähmet çekýär. 1941-nji ýylda Beýik Watançylyk urşy başlanýar. Oba adamlary tapgyr-tapgyr bolup söweşe gidýärler. Olaryň ornuny obanyň aýal-gyzlary bilen Işan ýaly ýetginjek oglanlar tutup, gije-gündiz tylda zähmet çekýärler.

25 Oktýabr 2024

Garaşsyzlyk

Welaýatlardan habarlar

«Türkmenistan» Ýaşlar bedenterbiýe-sport guramasynyň Balkan welaýat bölüminiň hem-de Türkmenbaşy şäheriniň bedenterbiýe we sport bölüminiň bilelikde guramagynda «Türkmenistan – ruhubelentligiň we sagdynlygyň ýurdy» atly XIV spartakiadanyň çäklerinde şäheriň orta mekdepleriniň okuwçy oglanlarynyň arasynda woleýbol ýaryşy geçirildi. Gyzykly geçen ýaryşda 15-nji, 5-nji, 14-nji orta mekdepleriň toparlary degişlilikde 1-nji, 2-nji, 3-nji orunlara mynasyp boldular. Gyzylarbat etrabynyň bedenterbiýe we sport bölüminiň guramagynda mekdep okuwçylarynyň arasynda türkmen göreşi boýunça geçirilen etrabyň çempionaty hem gyzykly häsiýete eýe bolup, onda Pena Rejepow, Täçmyrat Gulmämmedow, Azim Nazarow, Ýakup Aşyrow, Seýdulla Nurýagdyýew, Ýunus Nobatow, Bäşim Orazberdiýew, Yslam Nazarow, Döwlet Sarymyradow, Arazdurdy Nazardurdyýew, Kerwen Hojaýew, Maksat Merdanmyradow dagy öz agram derejelerinde çempion bolmagy başardy.

25 Oktýabr 2024

Garaşsyzlyk

Döwrebap lukmançylyk merkezi

Ýurdumyzda saglygy goraýyş ulgamyny yzygiderli kämilleşdirmek döwlet syýasatynyň ileri tutulýan ugurlarynyň biridir. Şu ýylyň 9-njy oktýabrynda paýtagtymyzda türkmen halkynyň Milli Lideri Gahryman Arkadagymyzyň gatnaşmagynda Türkmenistanyň saglygy goraýyş we derman senagaty işgärleriniň güni mynasybetli Halkara sagaldyş-dikeldiş merkeziniň hem-de Halkara fiziologiýa ylmy-kliniki merkeziniň açylyp ulanylmaga berilmegi hem munuň aýdyň subutnamasydyr. Ýakynda Myrat Garryýew adyndaky Türkmenistanyň Döwlet lukmançylyk uniwersitetiniň hem-de Türkmen döwlet bedenterbiýe we sport institutynyň professor-mugallymlarydyr talyp ýaşlary ýurdumyzdaky ilkinji Halkara sagaldyş-dikeldiş merkezinde döredilen mümkinçilikler bilen tanyşdyryldy. Merkezde zähmet çekýän hünärmenler talyp ýaşlara täze lukmançylyk düzümlerinde döredilen mümkinçilikler, bu ýerde ornaşdyrylan enjamlaryň aýratynlyklary barada giňişleýin düşünje berdiler. ABŞ-nyň, GFR-iň, Italiýanyň, Niderlandlar Patyşalygynyň, Beýik Britaniýanyň belli kompaniýalarynyň ýokary derejeli enjamlary ornaşdyrylan merkez şikeslerden, kesellerden soň näsaglaryň saglygyny dikeltmäge gönükdirilen ugra ýöriteleşip, diňe bir ýurdumyzda däl, eýsem, Merkezi Aziýa sebitinde-de şeýle görnüşli ilkinji lukmançylyk edarasydyr. Mälim bolşy ýaly, saglygy dikeltmek lukmançylygyň iň zerur ugurlarynyň biri bolup, näsaglary işjeň we özbaşdak durmuşa gaýtaryp getir

25 Oktýabr 2024

Garaşsyzlyk

TÜRKMEN ALABAÝY MILLI GYMMATLYGYMYZ

2024-nji ýylyň 25-nji oktýabrynda S.A. Nyýazow adyndaky Türkmen oba hojalyk uniwersitetinde Türkmen alabaýynyň baýramy mynasybetli «Türkmen alabaýynyň we tazysynyň ýetişdirilmegi: taryhy, medeniýeti we sungaty» atly IV halkara ylmy maslahat geçirildi. Ylmy maslahata gatnaşyjylar, ilki bilen, uniwersitetiňmedeniýet merkezinde guralan, türkmen halkynyňmilli buýsanjy bolan türkmen alabaýyna we tazysyna goýulýan sarpanyňbelentdigini görkezýän milli gymmatlyklarymyzyň, sungat eserleriniňhem-de kitaplaryň sergisini synladylar. Maslahatda Türkmenistanyň oba hojalyk toplumynyň, Agrar partiýasynyň, Ylymlar akademiýasynyň, Döwlet medeniýet merkeziniň Döwlet muzeýiniň, Halkara «Türkmen alabaý itleri» assosiasiýasynyň we «Türkmeniň nusgalyk alabaýy» žurnalynyň wekilleri, ýurdumyzyň ýokary okuw mekdepleriniň professor-mugallymlary çykyş etdiler. Oňa Türkmenistanyň ussat itşynaslary, kinologlary, döwrebap itçilik merkezleriniň hünärmenleri hem-de Türkmen oba hojalyk uniwersitetiniň kinologiýa taýýarlyk ugrunda bilim alýan talyp ýaşlar işjeň gatnaşdylar. Halkymyzyň göz guwanjyna, milli buýsanjyna öwrülen türkmen alabaýlaryny ösdürip ýetişdirmek, olaryň şan-şöhratyny dünýä ýaýmak, itşynaslyk sungatyny yzygiderli ösdürmek ugrunda giň gerimli işler alnyp barylýar. Şunda Arkadagly Gahryman Serdarymyzyň öňdengörüjilikli tagallalary, oňyn başlangyçlary möhüm ähmiýete eýe bolup durýar. Ýokard

25 Oktýabr 2024

Garaşsyzlyk

Geljege ynamly gadamlar bilen

Türkmenistanyň Halk Maslahatynyň nobatdaky mejlisinde çykyş edende, hormatly Prezidentimiz Serdar Berdimuhamedow şeýle diýdi: «Biziň esasy maksadymyz eziz Watanymyzy beýik geljege tarap ynamly öňe alyp barmakdan ybaratdyr». Halk Maslahatynyň mejlisindäki çykyşlaryň, gelnen netijeleriň we çözgütleriň hem hut şu maksatdan ugur alandygyny nygtasymyz gelýär. Mälim bolşy ýaly, mukaddes Garaşsyzlygymyzyň 33 ýyllyk baýramynyň öňüsyrasynda, 24-nji sentýabrda paýtagtymyzdaky Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň başlyklyk etmeginde Türkmenistanyň Halk Maslahatynyň nobatdaky mejlisi geçirildi. Onda halk häkimiýetiniň gadymdan gelýän milli däplerinden, häzirki zaman türkmen jemgyýetiniň demokratik kadalaryndan ugur alyndy.

25 Oktýabr 2024

Garaşsyzlyk

Milli gymmatlygyň goragynda

Daşoguz welaýatynyň Şabat etrabynyň Adalat geňeşliginiň çägindäki Halkara «Türkmen alabaý itleri» assosiasiýasynyň welaýat merkeziniň binalar toplumy toý lybasynda. «Pähim-paýhas ummany Magtymguly Pyragy» ýylynyň tylla güýzüniň şu günleri bu ýerde Türkmen alabaýynyň baýramy mynasybetli dabaralar geçirilýär. Hormatly Prezidentimiziň tagallasy bilen gurlan merkezde türkmen alabaýlaryny ýetişdirmek, olaryň tohumçylygyny gowulandyrmak, sanyny köpeltmek boýunça ähmiýetli işler alnyp barylýar. Welaýatda tejribeli itşynaslar az däl. Görogly etrabyndan Şaguly Taganlyýew, Boldumsaz etrabyndan Yhlas Kurbanow, Akdepe etrabyndan Haldurdy Goçow welaýatyň çäginde giňden tanalýan ussat itşynaslar hasaplanýarlar. Olar alabaý itlerini ýetişdirmegiň asylly nusgasyny görkezýärler. «Türkmenistanyň at gazanan itşynasy» diýen adyň eýesi H.Goçow bu ugurda netijeli işleýän halypalaryň biridir. Onuň alabaý itleriniň sany 30-dan geçýär. Daşoguz şäherinden tejribeli itşynas Myrat Bekiýew alabaýlaryň 10-dan gowragyny saklaýar, ýylsaýyn olaryň sanyny artdyrýar. Halkara «Türkmen alabaý itleri» assosiasiýasynyň agzalary bolan bu halypa itşynaslar ençeme şägirt ýetişdirip, olara bu käri ýöretmegiň ýol-ýodalaryny öwredýärler. Baý iş tejribeli bu halypalar täze topluma baryp, ol ýerde işleýänler bilen duşuşýarlar, olara öz maslahatlaryny berýärler.

25 Oktýabr 2024

Garaşsyzlyk

Bäsleşigiň jemleýji tapgyrynyň sergisi

Düýn Türkmenistanyň Şekillendiriş sungaty muzeýinde türkmen alabaý itleriniň keşbini şekillendiriş we amaly-haşam sungatynyň eserlerinde, neşir önümlerinde, fotosuratlarda, teleýaýlymlarda çeper beýan etmek boýunça halyçylaryň, suratkeşleriň, heýkeltaraşlaryň, fotosuratçylaryň, neşirýat işgärleriniň we teleoperatorlaryň arasynda yglan edilen döredijilik bäsleşiginiň jemleýji tapgyrynyň sergisi geçirildi. 27-nji oktýabrda belleniljek Türkmen alabaýynyň baýramy mynasybetli hormatly Prezidentimiziň gol çeken degişli Buýrugyna laýyklykda guralýan döredijilik bäsleşigine Çeperçilik akademiýasynyň talyp ýaşlary, akademiýanyň ýanyndaky Türkmen döwlet ýörite çeperçilik mekdebinde bilim alýanlar, Döwlet neşirýat gullugynda, Aşgabat çeper halyçylyk kärhanasynda zähmet çekýänler, Döwlet serhet gullugynyň we içeri işler edaralarynyň işgärleri, erkin suratkeşler özleriniň döreden işleri bilen gatnaşdylar. Bäsleşik halyçylara, heýkeltaraşlara, fotosuratçylara, çaphana işiniň hünärmenlerine we teleoperatorlara türkmeniň wepaly dostuna bagyşlanan täze ajaýyp eserleri döretmäge we özleriniň ukyp-başarnyklaryny hem-de zehinlerini açyp görkezmäge mümkinçilik berdi. Bäsleşigiň baş maksady hem halkymyzyň durmuşynda bu edermen we akylly itleriň eýeleýän ornuny giňişleýin hem-de döwrebap derejede wasp etmekden ybaratdyr.

25 Oktýabr 2024

Garaşsyzlyk

Magtymguly Pyragynyň toýy — dünýäniň toýy

11-nji oktýabrda hormatly Prezidentimiz Serdar Berdimuhamedowyň başlyklyk etmeginde Magtymguly Pyragynyň doglan gününiň 300 ýyllygy mynasybetli Aşgabatda geçirilen «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forum «Pähim-paýhas ummany Magtymguly Pyragy» ýylynyň esasy wakalarynyň biri boldy. Dana Pyragynyň döredijilik mirasyny giňden wagyz etmek, Gündogar halklarynyň dilleriniň we edebiýatlarynyň özara baglanyşygyny, söz ussadynyň milli döwletliligi ösdürmekde eýeleýän ornuny, umumadamzat gymmatlyklarynyň genji-hazynasyna goşan goşandyny öwrenmek halkara forumyň esasy maksadydyr. Söwda-senagat edarasynda geçirilen ýokary derejeli foruma gatnaşmak üçin Ermenistan Respublikasynyň Prezidenti Waagn Haçaturýan, Eýran Yslam Respublikasynyň Prezidenti Masud Pezeşkian, Gazagystan Respublikasynyň Prezidenti Kasym-Žomart Tokaýew, Gyrgyz Respublikasynyň Prezidenti Sadyr Žaparow, Mongoliýanyň Prezidenti Uhnaagiýn Hurelsuh, Pakistan Yslam Respublikasynyň Prezidenti Asif Ali Zardari, Russiýa Federasiýasynyň Prezidenti Wladimir Putin, Täjigistan Respublikasynyň Prezidenti Emomali Rahmon, Özbegistan Respublikasynyň Prezidenti Şawkat Mirziýoýew ýurdumyza geldiler. Myhmanlaryň hatarynda Türkiýe Respublikasynyň Beýik Millet Mejlisiniň Başlygy, ÝUNESKO-nyň Baş konferensiýasynyň başlygy, halkara guramalaryň ýolbaşçylary, daşary

25 Oktýabr 2024

Garaşsyzlyk

Gadyrly gatnaşyklardan nyşan

Gazagystanyň Prezidentiniň 10-11-nji oktýabrda ýurdumyza amala aşyran resmi sapary Aşgabatda gazak halkynyň beýik şahyry we akyldary Abaý Kunanbaýewiň heýkeliniň dabaraly açylmagy bilen hem utgaşdy. Dabara türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hem-de Gazagystanyň Prezidenti Kasym-Žomart Tokaýew gatnaşdy. Meşhur gazak şahyrynyň özboluşly kompozisiýany özünde jemleýän heýkeliniň Aşgabat şäherindäki «Laçyn» seýilgähinde bina edilmegi iki halkyň medeni-ruhy gymmatlyklaryň umumylygyna, däp-dessurlaryň meňzeşligine esaslanýan gatnaşyklarynyň täze derejä çykarylýandygynyň nobatdaky beýanydyr. Bu wakanyň Gündogaryň beýik akyldar şahyry Magtymguly Pyragynyň doglan gününiň 300 ýyllygy halkara derejede baýram edilýän ýylda geçirilmegi aýratyn many-mazmuna eýedir. Mälim bolşy ýaly, şu ýylyň iýulynda Türkmenistanyň Halk Maslahatynyň Başlygy Gurbanguly Berdimuhamedowyň Gazagystan Respublikasyna amala aşyran iş saparynyň dowamynda Astana şäherinde Magtymgulynyň ýadygärliginiň açylyş dabarasy boldy. «Pähim-paýhas ummany Magtymguly Pyragy» ýylynda akyldar şahyrymyzyň 300 ýyllyk ýubileýi mynasybetli Gazagystanyň paýtagtynda Gündogaryň beýik akyldarynyň heýkeliniň oturdylmagy dost-doganlygymyzyň mizemezdigini görkezdi.

25 Oktýabr 2024

Garaşsyzlyk

Resmi habarlar

Syýasy durmuşyň senenamasy 11-nji oktýabrda hormatly Prezidentimiz Serdar Berdimuhamedow ýurdumyza iş sapary bilen gelen Ermenistan Respublikasynyň Prezidenti Waagn Haçaturýan, Eýran Yslam Respublikasynyň Prezidenti Masud Pezeşkian we ýurdumyza sapar bilen gelen Pakistan Yslam Respublikasynyň Prezidenti Asif Ali Zardari bilen duşuşdy.

25 Oktýabr 2024

Garaşsyzlyk

Kazan sammiti: Türkmenistan netijeli hyzmatdaşlygy ösdürmegiň tarapdary

22 — 24-nji oktýabrda Russiýa Federasiýasynyň Tatarystan Respublikasynda XVI BRICS sammiti geçirildi. Oňa gatnaşmak üçin hormatly Prezidentimiz Serdar Berdimuhamedow 23-24-nji oktýabrda Kazanda iş saparynda boldy. Döwlet Baştutanymyzyň ýokary derejedäki duşuşyga hormatly myhman hökmünde gatnaşmagy Watanymyzyň halkara abraýynyň belentdiginiň, daşary ýurtly hyzmatdaşlar bilen ikitaraplaýyn we köptaraplaýyn görnüşde hyzmatdaşlyk meselelerinde onuň işjeň ornunyň ykrar edilmeginiň nyşanyna öwrüldi. Mälim bolşy ýaly, BRICS 2006-njy ýylda Peterburg halkara ykdysady forumynyň çäklerinde esaslandyryldy. Ilki onuň düzümine Braziliýa Federatiw Respublikasy, Russiýa Federasiýasy, Hindistan Respublikasy we Hytaý Halk Respublikasy girdi. Birleşigiň işiniň esasy maksady işjeň, deňhukukly dialogy, netijeli hyzmatdaşlygy yzygiderli ösdürmekden ybaratdyr.

25 Oktýabr 2024

Garaşsyzlyk

Türkmenistan — Gazagystan: dost-doganlyk ýoly bilen

Türkmenistanyň Gazagystan Respublikasy bilen dost-doganlyk gatnaşyklaryny mundan beýläk-de berkitmegi, syýasy, ykdysady, ynsanperwer ulgamlarda bilelikdäki işleri dowam etdirmegi maksat edinýär. Ýurtlarymyzyň ýolbaşçylarynyň duşuşyklarynyň yzygiderli geçirilmegi bolsa hoşniýetli goňşuçylyk gatnaşyklarynyň ýokary derejededigine, ony mundan beýläk-de giňeltmäge iki tarapyň hem gyzyklanma bildirýändigine aýdyň şaýatlyk edýär. 10-11-nji oktýabrda Gazagystan Respublikasynyň Prezidenti Kasym-Žomart Tokaýewiň Aşgabada amala aşyran resmi sapary hem bu hakykaty nobatdaky gezek tassyklady. Syýasy dialogyň yzygiderliligi — ynanyşmagyň nyşany

24 Oktýabr 2024

Garaşsyzlyk

Magtymguly Pyragynyň doglan gününiň 300 ýyllygyna bagyşlanan «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forumyň jemleýji resminamasy

2024-nji ýylyň 11-nji oktýabrynda «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forum geçirildi. Oňa Türkmenistanyň Prezidenti, Ermenistan Respublikasynyň Prezidenti, Eýran Yslam Respublikasynyň Prezidenti, Gazagystan Respublikasynyň Prezidenti, Gyrgyz Respublikasynyň Prezidenti, Mongoliýanyň Prezidenti, Pakistan Yslam Respublikasynyň Prezidenti, Russiýa Federasiýasynyň Prezidenti, Täjigistan Respublikasynyň Prezidenti, Özbegistan Respublikasynyň Prezidenti, Türkiýäniň Beýik Millet Mejlisiniň Başlygy, halkara guramalaryň ýolbaşçylary, daşary döwletleriň Hökümet agzalary, meşhur alymlar, medeniýet işgärleri we diplomatlar gatnaşdylar. Halkara foruma gatnaşyjylar:

24 Oktýabr 2024

Garaşsyzlyk

Döwletara dialogyň taryhynda täze tapgyr

Mongoliýanyň Prezidenti Uhnaagiýn Hurelsuhyň 10 — 13-nji oktýabrda Türkmenistana amala aşyran ilkinji sapary 1992-nji ýylyň 23-nji aprelinde ýola goýlan döwletara dialogyň taryhynda hil taýdan täze tapgyryň başlanýandygyny alamatlandyran möhüm ädime öwrüldi. Dostlukly ýurduň Baştutany saparyň çäginde beýik türkmen şahyry we akyldary Magtymguly Pyragynyň doglan gününiň 300 ýyllygyna bagyşlanyp paýtagtymyzda geçirilen «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara foruma hem gatnaşdy. 12-nji oktýabrda Türkmenistanyň hem-de Mongoliýanyň Baştutanlary Serdar Berdimuhamedowyň we Uhnaagiýn Hurelsuhyň arasynda ýokary derejedäki gepleşikler geçirildi. Türkmenistanyň Prezidentiniň «Oguz han» köşkler toplumynyň «Rowaç» zalynda geçirilen ikiçäk gepleşikleriň dowamynda hormatly Prezidentimiz Mongoliýanyň Prezidentiniň Türkmenistana ilkinji döwlet saparynyň ýurtlarymyzyň halklarynyň arasynda dostlugy we hyzmatdaşlygy mundan beýläk-de giňeltmekde taryhy waka boljakdygyna ynam bildirip, Türkmenistanyň Mongoliýa bilen syýasy-diplomatik, söwda-ykdysady, medeni-ynsanperwer ulgamlardaky gatnaşyklary yzygiderli ösdürmegi, iri halkara guramalaryň çäklerinde ýakyndan özara hyzmatdaşlyk etmegi maksat edinýändigini belledi. Türkmen-mongol gatnaşyklarynyň mazmuny ikitaraplaýyn hyzmatdaşlygyň ileri tutulýan ugurlaryna hem-de ählumumy ösüşiň ý

24 Oktýabr 2024

Garaşsyzlyk

Türkmenistan bilen Mongoliýanyň arasynda döwletara gatnaşyklar we hyzmatdaşlyk hakynda bilelikdäki beýannama

1. Türkmenistanyň Prezidenti Serdar Berdimuhamedowyň çakylygy boýunça Mongoliýanyň Prezidenti Uhnaagiýn Hurelsuh 2024-nji ýylyň 10 — 13-nji oktýabry aralygynda Türkmenistana döwlet saparyny amala aşyrdy. 2. Türkmenistanyň Prezidenti Serdar Berdimuhamedow we Mongoliýanyň Prezidenti Uhnaagiýn Hurelsuh (mundan beýläk — taraplar) dostlukly, açyk we işjeň ýagdaýda resmi gepleşikleri geçirdiler hem-de syýasat, ykdysadyýet, oba hojalygy, ulag, logistika, syýahatçylyk, bilim, medeniýet ýaly ugurlarda hyzmatdaşlygy mundan beýläk-de giňeltmegiň meseleleri boýunça pikir alyşdylar. Şeýle hem taraplar iki ýurduň raýatlarynyň arasynda gatnaşyklary berkitmegiň, sebitde we halkara giňişlikde hyzmatdaşlygy çuňlaşdyrmagyň meselelerini ara alyp maslahatlaşdylar.

24 Oktýabr 2024

Garaşsyzlyk

Dunaýyň kenarlaryndan «akylly» şähere

Arkadag şäherinde geçirilen VI Wena baly iki ýurduň halklarynyň birek-biregiň medeni durmuşyna, has ýakyn gatnaşyklary ýola goýmaga bolan gyzyklanmalaryny nobatdaky gezek tassyklady. Oňa türkmen halkynyň Milli Lideri, Türkmenistanyň Halk Maslahatynyň Başlygy, Hormatly il ýaşulusy Gurbanguly Berdimuhamedow hormatly myhman hökmünde gatnaşdy. 200 ýyla golaý taryhy bolan Wena baly Awstriýanyň paýtagtynyň esasy nyşanlarynyň biri bolup, geçen döwürde öz meşhurlygyny ýitirmän, eýsem, Awstriýanyň, hatda Ýewropanyň çäklerinden hem daşary çykyp, dünýäniň dürli ýurtlarynda yzygiderli geçirilýän medeni çärä öwrüldi. Bu döredijilik çäresiniň Arkadag şäherinde geçirilmegi aýratyn ähmiýete eýedir. Kanun esasynda döwlet ähmiýetli şäher diýen aýratyn hukuk derejesine eýe bolan täsin şäheriň gurluşygy türkmen halkynyň Milli Lideriniň başyny başlan we häzirki wagtda Arkadagly Gahryman Serdarymyzyň baştutanlygynda üstünlikli durmuşa geçirilýän ägirt uly özgertmeleriň anyk netijesidir. Arkadag şäheriniň türkmen topragynyň, ata-babalarymyzyň şöhratly taryhynyň gözbaş alan gadymy künjekleriniň birinde gurlandygy hem bellenilmäge mynasypdyr.

24 Oktýabr 2024

Garaşsyzlyk

Parlament diplomatiýasyny ilerledip

14-nji oktýabrda paýtagtymyzda Türkmenistanyň, Gazagystan Respublikasynyň, Gyrgyz Respublikasynyň, Täjigistan Respublikasynyň, Özbegistan Respublikasynyň we Koreýa Respublikasynyň parlament ýolbaşçylarynyň ikinji duşuşygy geçirildi. «Parahatçylygyň, gülläp ösüşiň we özara ynanyşmagyň hatyrasyna hyzmatdaşlyk» atly plenar mejlisde çykyş edenler Türkmenistan bilen daşary ýurtlaryň arasynda parlament gatnaşyklaryny berkitmekde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowa möhüm ornuň degişlidigini nygtadylar. Gahryman Arkadagymyzyň öňdengörüjilikli başlangyçlary netijesinde häzirki wagtda halklaryň arasyndaky dostlukly gatnaşyklar täze many-mazmun bilen baýlaşdyrylyp, has-da ösdürilýär. Soňky ýyllarda Merkezi Aziýa döwletleri bilen Koreýa Respublikasynyň arasyndaky köptaraplaýyn hyzmatdaşlygyň gün tertibindäki meseleler bilen bir hatarda, parlamentara dialog hem ýokary derejede gazanylan ylalaşyklary durmuşa geçirmekde, özara gatnaşyklary giňeltmekde aýratyn ähmiýete eýe bolýar. Şunda parlamentara dostluk toparlaryna uly orun degişlidir. Olaryň işi doganlyk halklaryň arasynda özara düşünişmegiň netijeli guraly bolup durýar.

24 Oktýabr 2024

Garaşsyzlyk

Üns merkezinde — durmuş syýasaty meselesi

17-nji oktýabrda paýtagtymyzdaky «Ýyldyz» myhmanhanasynda GDA gatnaşyjy döwletleriň Zähmet, iş üpjünçilik we ilaty durmuş taýdan goramak boýunça maslahat beriş geňeşiniň 37-nji mejlisi geçirildi. Utgaşykly görnüşde geçirilen duşuşyga ygtyýarly guramalaryň wekilleri we Arkalaşyga agza ýurtlardan — Azerbaýjan Respublikasyndan, Ermenistan Respublikasyndan, Belarus Respublikasyndan, Gazagystan Respublikasyndan, Gyrgyz Respublikasyndan, Russiýa Federasiýasyndan, Täjigistan Respublikasyndan, Türkmenistandan we Özbegistan Respublikasyndan bilermenler, GDA gatnaşyjy döwletleriň Parlamentara Assambleýasynyň, Döwletara statistika komitetiniň, Ýewraziýa ykdysady komissiýasynyň, «Garaşsyz Döwletleriň weteranlar (pensionerler) jemgyýetçilik guramalarynyň arkalaşygy» halkara bileleşiginiň utgaşdyryjy geňeşiniň hem-de GDA-nyň Ýerine ýetiriji komitetiniň wekilleri gatnaşdylar. Çykyşlarda bellenilişi ýaly, maslahat beriş geňeşi iş alyp barýan 30 ýylynyň dowamynda Arkalaşyga agza döwletleriň durmuş ugurly syýasatlarynyň üstünlikli durmuşa geçirilmegine ýardam bermek bilen, jemgyýetçilik we zähmet pudagynda köptaraplaýyn hyzmatdaşlygyň berkidilmegine, umumy zähmet bazarynyň döredilmegine, ugurdaş infrastrukturanyň ösdürilmegine möhüm goşant goşdy.

24 Oktýabr 2024

Garaşsyzlyk

Nebitgaz forumy — mümkinçilikleriň meýdançasy

23 — 25-nji oktýabrda Söwda-senagat edarasynda «Türkmengaz», «Türkmennebit» döwlet konsernleriniň, «Türkmengeologiýa» döwlet korporasiýasynyň guramagynda «Türkmenistanyň nebiti we gazy — 2024» atly XXIX halkara maslahat we sergi geçirilýär. Bu çäräniň maksady energetika pudagyny mundan beýläk-de durnukly ösdürmek boýunça sebit hyzmatdaşlygyny pugtalandyrmakdan, dünýäniň energetika ulgamyndaky soňky ýörelgelere göz aýlamakdan we Türkmenistanyň nebitgaz pudagyna göni daşary ýurt maýa goýumlaryny çekmek üçin mümkinçilikleri giňeltmekden ybaratdyr. Şu gezekki forum ýüzlerçe gatnaşyjyny, şol sanda daşary ýurt kompaniýalarynyň, iri halkara guramalaryň, banklaryň wekillerini bir ýere jemledi. Olaryň käbiri pikir alyşmalara sanly ulgam arkaly goşuldylar. Myhmanlar ýangyç-energetika toplumynda halkara, sebit we milli derejede senagatyň geljekki strategiýasyny kemala getirmäge gönükdirilen täzeçillikler, dünýäniň nebit bazaryndaky işleriň ýagdaýy, bu ulgamda marketing strategiýalary baradaky seljeriş-syn maglumatlary bilen tanyşdyryldy. Foruma gatnaşýan wekiliýetleriň düzüminiň ýyl-ýyldan barha giňelmegi dürli ýurtlaryň işewür toparlary tarapyndan Türkmenistan bilen netijeli gatnaşyklary ösdürmäge gyzyklanmanyň barha artýandygyna şaýatlyk edýär.

24 Oktýabr 2024

Garaşsyzlyk