«Türkmenhaly» döwlet birleşiginiň Serdar çeper halyçylyk kärhanasynyň halyçylary «Türkmenistan — parahatçylygyň we ynanyşmagyň Watany» ýylynyň ilkinji çärýegini ýokary zähmet üstünliklerine beslediler. Geçen ýylyň degişli döwrüne garanyňda önümçiligiň ösüş depginini 147 göterim ýokarlandyrmagy başaran halyçylar häzir Garaşsyzlygymyzyň 30 ýyllyk şanly baýramçylygy mynasybetli Balkanabat we Türkmenabat şäherlerinde ulanyşa beriljek «Türkmeniň ak öýi» binalarynyň törüni bezejek, her biriniň umumy meýdany 276 inedördül metre deň bolan iki sany äpet halyny dokaýarlar. Ajaýyp halylary dokamaklyga kärhananyň halyçy gelin-gyzlarynyň 100-si gatnaşýar.
— Mukaddes Garaşsyzlygymyzyň şanly 30 ýyllyk baýramçylygyna mynasyp sowgatly barýan kärhanamyzda türkmen halysynyň şan-şöhratyny belende götermekde ýokary zähmet görkezijilerine eýe bolunýar. Ähli amatlyklary bolan çeper halyçylyk kärhanasynda zähmet çek-
