Ja­dy­ly ga­lam (hekaýa)

Edebiýat
28 Sentýabr 2022
749

Aksona Saparmedowanyň çeken suratlary.

As­man güm­me­zi­ni ýa­ňy do­gup gel­ýän Gü­nüň nu­ry ýag­tyl­dyp bar­ýar­dy. Göz­ýe­ti­miň bu tä­sin keş­bin­de ja­dy­laý­jy bir gud­rat bar ýa­ly. Bü­tin bar­lyk Gü­ne­şiň tyl­la şöh­le­si­ne ço­ýu­nyp, ja­dy­la­nan ýa­ly­dy. Bu gud­ra­tyň gö­zel­li­gi­ne ma­ýyl gyz­ja­gaz öý­le­ri­niň how­lu­syn­da­ky bag-bak­ja­ly­gyň gy­ra­syn­da ýer­leş­di­ri­len agaç­dan ýo­nu­lup ýa­sa­lan kür­sü­de otur­şy­na bu bar­ly­gyň owaz­ly sim­fo­ni­ýa­sy­na diň sal­ýar­dy. Ça­ga kal­by­ny heý­ja­na sal­ýan duý­gu­la­ra ber­lip, tä­sin te­bi­ga­tyň dö­re­den aja­ýyp peý­za­žy­na haý­ran ga­lyp bak­ýar­dy. Gö­ýä di­ýer­siň, ba­gyn­da gy­za­ry­şyp du­ran al­ma­la­ry, atyz­lar­dan jyk­la­şyp otu­ran ga­wun­lar­dyr gar­pyz­la­ry bu nur­ly şöh­le­le­riň ýy­ly­sy­na ço­ýu­nyp otu­ra­na meň­zed­ýär­di. Bir ädim aňyr­syn­da gun­ça­lap otu­ran bä­gül çe­men­le­ri hem guş­ja­gaz­la­ryň owa­zy­na baş­la­ry­ny yra­şyp, tans oý­na­ýa­na ça­lym­daş­dy. Te­bi­ga­tyň ja­dy­laý­jy gud­ra­ty, kal­by­ňy joş­du­ry­jy yl­ham çeş­me­si bo­lan tö­we­re­giň gö­zel­li­gi, Ak­so­na­ny gün­sa­ýyn goý­nu­na sa­ry alyp gid­ýär­di. Gyz­ja­gaz her gün ir sä­her uku­dan oýa­nan des­si­ne içi ga­lam­dyr ka­gyz­ly kin­ni­wan­ja tor­ba­jy­gy­ny gö­te­rip ba­rar-da, jaý­la­şyk­ly otu­ryp bir zat­lar çy­zyş­dy­rar. Ýö­ne nä­me üçin­dir her nä­çe sy­na­nyş­sa-da gyz­ja­ga­zyň çe­ken su­rat­la­ry jan­ly pur­sat­da­ky ýa­ly gö­rün­me­ýär­di. Çy­zar, po­zar, soň ýe­ne çy­zar, ga­ra­saý, göw­nün­dä­ki ýa­ly bo­lu­be­re­nok­dy.

Ak­ke­ýik AL­LA­GU­LY­ÝE­WA.
Beýleki habarlar