Türkmen deňiz ýakasyndaky halkara çäreler

Syýasat
19 Awgust 2022
650

Halkara hyzmatdaşlygy boýunça dost-doganlygyň mekanyna öwrülen ýurdumyz häzirki wagtda dünýä ykdysadyýetiniň esasy ugurlaryna gönüden-göni täsir edýän netijeli işleri alyp barýar. Esasan hem, döwrebap şertlerde ulag-kommunikasiýalar ulgamynda alyp barýan halkara hyzmatdaşlygy dünýä hojalyk gatnaşyklarynyň durnuklylygyna gönükdirilendir. 15-16-njy awgustda Awazada deňze çykalgasy bolmadyk ösüp barýan döwletleriň ulag ministrleriniň we beýleki gyzyklanma bildirýän taraplaryň BMG-niň howandarlygynda guralan halkara forumy geçirildi. Türkmenistanyň oňyn Bitaraplyga, hoşniýetli goňşuçylyga esaslanýan «Açyk gapylar» syýasaty ileri tutulýan ugurlaryň hatarynda durýar. Hazar deňziniň köptaraply uly mümkinçiligi amala aşyrmaga, parahatçylygyň hem-de ylalaşygyň derejesini pugtalandyrmaga ýardam berýändigi bellärliklidir. Çünki bu günki günde geçirilýän halkara çäreleriň, maksatnamalaýyn netijeli işleriň aglaba böleginiň ýurdumyzyň günbatar çäginde amala aşyrylmagy muny aýdyň tassyklaýar.

«Diýar».
Beýleki habarlar