Adyň Arşda, köňlüň köşkdür, parasatly beýik dana,
Her setiri umman kibi eýedir ol giden mana,
Ägirtden dörän ägirtdir, hakdan içen hak ulama
Beýik! Beýikligiň bilen haýran etdiň şamçyragy,
Arzuwlan zamanaň geldi, tirsegiňe gal Pyragy!
Açyldy arzuw gunçalaň, baglaryň bossan bolandyr,
300 ýyllyk toýuň bilen şanyňa dessan bolandyr,
Dürdäne setirleň bilen ak ýolda messan bolandyr,
Şan-şöhratyň Arşa galdy, bagtly iliň ajap çagy,
Arzuwlan zamanaň geldi, tirsegiňe gal Pyragy!
