Berkarar döwletiň täze eýýamynyň Galkynyşy döwründe Arkadagly Gahryman Serdarymyzyň baştutanlygynda daşky gurşawy goramak, gözel tebigatymyzyň baýlyklaryny aýawly saklamak meselelerine uly ähmiýet berilýär. Gahryman Arkadagymyzyň peder ýoluny dowam edýän Arkadagly Gahryman Serdarymyzyň öňdengörüjilikli syýasaty netijesinde daşky gurşawy goramak, tebigatyň baýlyklaryna aýawly çemeleşmek, bagy-bossanlyga öwürmek babatda ýurt we halkara derejesinde netijeli işler durmuşa geçirilýär.
Arkadagly Gahryman Serdarymyzyň baştutanlygynda alnyp barylýan ekologiýa diplomatiýasy halkara jemgyýetçiligi tarapyndan hem uly gyzyklanma döredýär. Hormatly Prezidentimiz BMG-niň Baş Assambleýasynyň 78-nji sessiýasynda eden taryhy çykyşynda hem Merkezi Aziýa boýunça BMG-niň maksatly ekologiýa strategiýasyny taýýarlamagy, Merkezi Aziýada howanyň üýtgemegi bilen bagly tehnologiýalar boýunça sebit merkezini, «Hazar ekologik başlangyjyny» döretmegi teklip etdi we Merkezi Aziýanyň ekologiýa meselelerini çözmäge dünýä jemgyýetçiliginiň ünsüni çekdi.
