Taryhyma göz aýlasak, gör nijeme asyr geçen,
Munda dana-akyldarlar döräpdirler, Hakdan içen,
Olaň ady heňňam içre ýitmän şu günlere ýeten,
Pähimlerniň ýaňy galan Beýik Ýüpek ýollarynda.
Bu ýollarda jahankeşde, bilermenler jemlenipdir,
Kerwensaraýdyr çaýhana, mähelleden hyň beripdir,
Suhangöýler barha gyzyp, saz-söhbetler diňlenipdir,
Halkymyzyň adaty bar çuň taryhyň yzlarynda.
