Täze tehnologiýalar we innowasiýalar ykdysadyýetiň çalt depginler bilen ösdürmäge hem-de adamlaryň ýaşaýyş-durmuş derejesini ýokarlandyrmaga mümkinçilik berýär. Şundan ugur alnyp, ýurdumyzda hem ykdysadyýetiň ähli pudaklaryna sanly ulgamyň gazananlarynydyr innowasion tehnologiýalary ornaşdyrmak boýunça netijeli işler alnyp barylýar. 10-11-nji noýabrda Türkmenistanyň Söwda-senagat edarasynyň binasynda guralan telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel — 2022» atly XV halkara sergisinde bolanymyzda hem bu hakykata ýene bir gezek göz ýetirdik.
Ilata hödürlenilýän döwrebap hyzmatlaryň gerimi giňeýär
