ABŞ-nyň Aerokosmos edarasy NASA Ýupiteri has ýakyndan öwrenmek maksady bilen kosmos gämisini uçurar. Planetanyň «Truva» atly asteroidlerini öwrenmäge ýardam etjek enjam 4,5 milliard ýyl ozal emele gelen Gün ulgamy barada hem täze maglumatlary toplamaga mümkinçilik berer. 16-njy oktýabrda uçuryljak kosmos gämisi «Lucy» diýlip atlandyrylýar. «Lucy», esasan, planetanyň töweregindäki topbak görnüşli asteroidler toparynyň ikisini öwrenmäge ýardam eder. Taslamanyň ýolbaşçysy Hal Lewison «Truva» asteroidleriniň jemi sanynyň 7 müňden gowrakdygyny, olaryň häsiýetleriniň biri-birinden örän tapawutlydygyny aýtdy. Onuň sözlerine görä, bu asman jisimleriniň reňkleri we fiziki aýratynlyklary hem tapawutly.
«Lucy» asman jisimine 400 kilometre çenli golaýlar, asman jisiminiň massasyny, dykyzlygyny we göwrümini öwrener.