Babadaýhan etrabynyň jemgyýetilik guramalary tarapyndan Türkmenistanyň Halk Maslahatynyň Prezidiumynyň «Türkmenistanyň Halk Maslahatynyň mejlisini çagyrmak we guramaçylykly geçirmek hakyndaky» Kararyndan gelip çykýan wezipeleri ilata düşündirmek maksady bilen wagyz-nesihat çäreleri giň gerimde geçirilýär. Babadaýhan dokma toplumynyň mejlisler jaýynda edara-kärhanalaryň zähmetkeşleriniň arasynda geçirilen maslahat hem şeýle çäreleriň biri boldy.
Maslahatda jemgyýetçilik guramalarynyň wekilleriniň çykyşlary has-da täsirli boldy. Olar çykyşlarynda «Pähim-paýhas ummany Magtymguly Pyragy» ýylynda ýurdumyzyň durmuşynda bolup geçýän şatlykly wakalara ünsi çekip, mukaddes Garaşsyzlygymyzyň şanly 33 ýyllyk baýramyna gabatlanyp, 24-nji sentýabrda paýtagtymyzda geçiriljek Türkmenistanyň Halk Maslahatynyň mejlisiniň taryhy wakalaryň üstüni ýetirjekdigini buýsanç bilen nygtadylar. Türkmenistanyň Halk Maslahatynyň ýurdumyzyň durmuşyndaky jemgyýetçilik-syýasy we taryhy ähmiýeti barada aýdylanlar has-da uly gyzyklanma döretdi.
