Kaka etrabynyň Hywaabat jülgesindäki “Ýaşyl ýaýla” çagalar dynç alyş-sagaldyş merkezinde möwsümiň üçünji tapgyry başlandy. Bu möwsümde merkezde dynç alyp, saglygyny berkitmek bagtyna eýe bolan çagalaryň 300-si ol ýerde dabaraly garşylandy.
Möwsümiň dowamynda çagalara şadyýan göwünaçmalar, gyzykly pursatlar garaşýar. Türkmenistanyň Demokratik partiýasynyň Kaka etrap komitetiniň meýilnamasyna laýyklykda, merkezde sport ýaryşlaryň, çeper okaýyşlaryň guralmagy göz öňüne tutulýar. Çagalaryň günleriniň ýatda galyjy, manyly we gyzykly geçmegini, sagdyn ruhly, berk bedenli bolmagyny gazanmakda şeýle çäreleriň ähmiýeti uly bolar.
