Aşgabat şäherinde ýerleşýän Çagalar awtoşäherçesinde Türkmenistanyň Konstitusiýasynyň we Türkmenistanyň Döwlet baýdagynyň güni mynasybetli «Goý, parlasyn bagtyýarlyk baýdagy!» atly bäsleşik geçirildi. Ony Türkmenistanyň Içeri işler ministrliginiň Polisiýanyň ýol gözegçilik müdirligi, Aşgabat şäher Baş bilim müdirligi, Türkmenistanyň Magtymguly adyndaky Ýaşlar guramasynyň Aşgabat şäher Geňeşi we Çagalar awtoşäherçesi bilelikde guradylar.
Bäsleşige Aşgabat şäheriniň umumybilim berýän orta mekdepleriniň 7-8-nji synplarynda bilim alýan okuwçylaryndan ybarat bolan toparlaryň altysy gatnaşdy.
