Möhüm syýasat üstünlikli amala aşyrylýar

Ýurdumyzy bagy-bossanlyga öwürmek, ekologiýa ýagdaýynyň gowulanmagyny gazanmak maksady bilen her ýyl geçirilýän ählihalk bag ekişlik dabarasy indi asylly däpleriň birine öwrüldi. Häzirki wagtda Türkmenistanda bu köpýyllyk işiň aýdyň netijeleri görünýär. Ýurdumyzyň dürli künjeklerinde giň meýdanlarda ynsan eli bilen döredilen tokaýlyklar ýaýylyp gidýär. Giň tokaý zolaklary her bir şäheriň, ilatly ýeriň töwereginde peýda bolýar, ak mermerli paýtagtymyzda, Köpetdagyň eteginde bagy-bossanlyklar döredilýär. Tokaý zolaklaryny döretmek işi hormatly Prezidentimiziň kabul edýän Kararlary bilen kadalaşdyrylýar. Diýarymyzy bagy-bossanlyga öwürmek işiniň barşy Gahryman Arkadagymyzyň, Arkadagly Serdarymyzyň hemişe üns merkezinde durýar, bu mesele Ministrler Kabinetiniň mejlislerinde hem-de wideoşekilli iş maslahatlarynda ara alnyp maslahatlaşylýar. Hünärmenleriň tassyklaýşy ýaly, hatda iň döwrebap himiki barlaghana hem, tebigatdaky ýaly, şeýle kämil we düzümi boýunça dürli birleşmeleri sintezlemäge ukyply däldir. Tebigat özüniň «ýaşyl laboratoriýalarynda» emeli ýol bilen döretmek mümkin bolmadyk maddalary öndürýär. Geçirilýän işleriň möçberleri haýran galdyrýar. Giň gerimli bag ekmek maksatnamasynyň üstünlikli durmuşa geçirilmegi howanyň üýtgemeginiň ýarama

Ekologiýa syýasaty — abadan durmuşyň kepili

Hormatly Prezidentimiziň alyp barýan döwlet syýasatynyň esasy ugurlarynyň biri hem ata Watanymyzyň tebigy baýlyklaryny we gözel tebigatyny aýawly saklamakdan, ony geljek nesillerimize ýetirmekden ybaratdyr. Ýurdumyzda ýer, suw we biologik serişdeleri netijeli peýdalanmak, biologik köpdürlüligi goramak, çölleşmä we tokaýlaryň ýitmegine garşy göreşmek babatda uly işler durmuşa geçirilýär. Tutuş dünýä ýüzünde daşky gurşawy ýaramaz täsirlerden goramak möhüm meseleleriň birine öwrülýär. Ýurdumyzyň bu ugurda BMG-niň Baş Assambleýasynyň mejlislerinde, şeýle-de onuň Durnukly ösüş boýunça «Rio+20» maslahatynda, Ýaponiýada geçirilen BMG-niň tebigy betbagtçylyklaryň töwekgelçiligini azaltmak boýunça III Bütindünýä maslahatynda we Koreýa Respublikasynda geçirilen VII Bütindünýä suw forumynda beýan eden netijeli başlangyçlary dünýä bileleşiginiň goldawyna eýe boldy. Bu başlangyçlardan ugur alyp, ýurdumyzda olary iş ýüzünde amala aşyrmak boýunça hem çäreler durmuşa geçirilýär. Munuň şeýledigine halkara kadalara laýyk gelýän «Tebigaty goramak hakynda», «Ozon gatlagyny goramak hakynda», «Ösümlik we haýwanat dünýäsi hakynda», «Balykçylyk we suw biologik serişdelerini goramak hakynda» Türkmenistanyň Kanunlarynyň, Tokaý kodeksiniň kabul edilmeginiň mysalynda-

Arkadag şäheri bagy-bossanlyga bürener

18-nji martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Köpetdagyň etegindäki gözel künjekde bina edilen Arkadag şäheriniň çäginde guralan ählihalk bag ekmek dabarasyna gatnaşdy. Säher bilen türkmen halkynyň Milli Lideri Arkadag şäherinde ählihalk bag ekmek dabarasynyň geçirilýän ýerine geldi. Bu ýerde ýurdumyzyň medeniýet we sungat ussatlarynyň çykyşlary ýaýbaňlandyryldy. Bagşy-sazandalaryň joşgunly aýdym-sazlary çärä baýramçylyk öwüşginini çaýdy.

Ene topraga söýginiň beýany

Ýurdumyzda ýazky bag ekmek möwsümine badalga berildi 18-nji martda ýurdumyzda hormatly Prezidentimiz Serdar Berdimuhamedowyň gatnaşmagynda Watanymyzy gülläp ösýän künjege öwürmek boýunça giň möçberli ählihalk bag ekişliginiň ýazky möwsümine badalga berildi. Ýurdumyzyň dürli künjeklerinde saýaly, pürli we miweli bag nahallarynyň ýüz müňlerçesi ekildi.

Tebigat — umumy öýümiz, ýaşyl bag — ýaşaýşymyz

18-nji martda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow häzirki döwrüň sazlaşykly ösüşiniň nyşany hökmünde Köpetdagyň etegindäki gözel künjekde bina edilen Arkadag şäheriniň çäginde guralan ählihalk bag ekmek dabarasyna gatnaşdy. BAG EKMEK — ASYLLY ÇÄRE

Ýokary ruhubelentlige beslendi

18-nji martda geçirilen ählihalk bag ekmek dabarasyna welaýatymyzyň şäherleriniň, etrap merkezleriniň, şäherçeleriniň, obalarynyň ýaşaýjylary ýokary watançylyk hyjuwy bilen  gatnaşdylar. Balkanabat şäherinde bu sogaply işe Uly Balkan dagynyň etegindäki gözel ýerde badalga berildi. Baglaryň ilkinji nahallaryny oturtmaklygyň ýaşuly nesliň wekillerine, ýaş çatynjalara  hem-de röwşen geljegimiziň eýeleri bolan körpelere ynanylmagy çuň many-mazmuna eýe bolup, çärä gatnaşyjylaryň ruhubelentligini has-da  belende göterdi.

Türkmenistan – bagy-bossan

Berkarar döwletiň täze eýýamynyň Galkynyşy döwründe «Arkadag Serdarly bagtyýar ýaşlar ýylynda»  toýlarymyz toýlara, baýramlarymyz baýramlara ulaşyp, olar halkymyzyň bagtyýar, abadan, asuda, bolelin durmuşyň hözirini görýändiginiň özboluşly subutnamasy bolup dabaralanýar. Arkadagly Serdarymyzyň parasatly baştutanlygynda gözbaşyny asyrlaryň jümmüşinden alyp gaýdýan milli ýörelgelerimiz rowaçlanyp, milli gymmatlyklarymyz sarpalanýar. Her ýyl bahar paslynyň gelmegi bilen, ýurdumyzda ählihalk bag ekmek dabarasy ýokary guramaçylykly geçirilýär. Hormatly Prezidentimiziň taýsyz tagallalary netijesinde ýurdumyzy bagy-bossanlyga öwürmek, tokaý zolaklaryny döretmek hem-de ekilen bag nahallaryna talabalaýyk ideg etmek maksady bilen, welaýatymyzyň ýaşaýjylarynyň, edara-kärhanalaryň işgärleriniň, ýaşuly nesliň, jemgyýetçilik guramalarynyň wekilleriniň gatnaşmagynda bag ekmegiň ýazky möwsümine badalga berilmegi hem munuň aýdyň subutnamasy boldy. Munuň özi ýurdumyzda daşky gurşawy goramak, tebigata aýawly çemeleşmek, onuň gözelligini we baýlygyny geljek nesiller üçin saklamak meselesiniň Türkmenistanyň döwlet syýasatynyň ileri tutulýan ugurlarynyň biri bolup durýandygyna aýdyň şaýatlyk etdi. Goý, ýurdumyzy bagy-bossanlyga öwürmekde beýik işleri durmuşa geçirýän Gahr

Türkmenistanyň Prezidenti ýazky bag ekmek möwsümine badalga berdi

Aşgabat, 18-nji mart (TDH). Şu gün ýurdumyzda hormatly Prezidentimiz Serdar Berdimuhamedowyň gatnaşmagynda Watanymyzy gülläp ösýän künjege öwürmek boýunça giň möçberli ählihalk bag ekişliginiň ýazky möwsümine badalga berildi. Ýurdumyzyň dürli künjeklerinde saýaly, pürli we miweli bag nahallarynyň ýüz müňlerçesi ekildi. Umuman, 2023-nji ýylda ýurdumyzyň ministrlikleri, pudaklaýyn dolandyryş edaralary, häkimlikleri tarapyndan paýtagtymyzda we welaýatlaryň töwereklerinde 3 million düýp bag nahalyny ekmek meýilleşdirildi.

Türkmen halkynyň Milli Lideri, Halk Maslahatynyň Başlygy Arkadag şäherinde ýazky ählihalk bag ekmek dabarasyna gatnaşdy

Ahal welaýaty, 18-nji mart (TDH). Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow häzirki döwrüň sazlaşykly ösüşiniň nyşany hökmünde Köpetdagyň etegindäki gözel künjekde bina edilen Arkadag şäheriniň çäginde guralan ählihalk bag ekmek dabarasyna gatnaşdy. Türkmen topragyny bagy-bossanlyga büremek boýunça ýaýbaňlandyrylan asylly çäräniň ýazky möwsüminiň başlanmagyny alamatlandyrýan bu dabara ýurdumyzda asyrlar aşyp gelýän ýagşy dessurlaryň döwrüň ruhuna kybap derejede ösdürilýändiginiň aýdyň beýanyna öwrüldi. Säher bilen türkmen halkynyň Milli Lideri Arkadag şäherinde ählihalk bag ekmek dabarasynyň geçirilýän ýerine geldi. Bu ýerde ýurdumyzyň medeniýet we sungat ussatlarynyň çykyşlary ýaýbaňlandyryldy. Bagşy-sazandalaryň joşgunly aýdym-sazlary çärä baýramçylyk öwüşginini çaýdy.

Jeýhun bilen Bahry-Hazar arasy

ýaşyl bossana bürenýär 18-nji martda eziz Diýarymyzda ýazky bag ekiş möwsümi badalga aldy. Şol gün ýurdumyz boýunça miweli we saýaly agaç nahallarynyň müňlerçe düýbi oturdyldy. Paýtagtymyzda geçirilen bag ekmek dabarasyna hormatly Prezidentimiz Serdar Berdimuhamedowyň gatnaşmagy bolsa bu ählihalk çäresine özboluşly many-mazmun çaýdy.

Baglar agzybirligiň we bagtyýarlygyň beýany

Milli Bahar baýramynyň öňüsyrasynda — 18-nji martda Diýarymyzyň ähli ýerinde bolşy ýaly, biziň welaýatymyzyň ýaşaýjylary hem hormatly Prezidentimiziň başlangyjyna eýerip, bag daragtlaryny ekmek dabarasyna gatnaşdylar. Bag ekişlik dabarasynda çykyş edenler bu günki ekilýän daragtlaryň mähriban Watanymyza bolan çäksiz söýgüleriniň we buýsançlarynyň beýany boljakdygyny uly şatlyk bilen mälim etdiler.

Türkmenistanda ýazky bag ekmek möwsümine badalga berildi

Şu gün ýurdumyzda hormatly Prezidentimiz Serdar Berdimuhamedowyň gatnaşmagynda köpçülikleýin bag ekmek dabarasynyň ýazky möwsümine badalga berildi. Bu özboluşly ekologik çäre paýtagtymyzyň ilersinde, dag etegindäki ajaýyp künjekde geçirildi. Ählihalk bag ekmek dabarasynyň badalga beriljek ýerinde döwlet Baştutanymyzy çärä gatnaşyjylar mähirli garşyladylar. Ýurdumyzyň sungat ussatlarynyň joşgunly aýdym-sazly çykyşlary dabara gatnaşyjylaryň baýramçylyk ruhuny has-da belende göterdi.

Bagy-bossan Watanym

Her ýyl ýere ýyly girip, Halyl Kulyýewiň ussatlyk bilen beýan edişi ýaly, gaýalaryň gary eräp, agaçlar pyntyklap başlanda, ýurdumyzyň ähli ýerinde köpçülikleýin bag ekmek dabaralary geçirilýär. Şahyryň bu goşgy setirleri tebigata aşyk ýüregimize agaç nahallaryny oturtmagyň, ekmegiň sogaplygy hakyndaky pikirleri guýýar. Meýdana ýa bolmasa-da howlyňdaky boş ýere çykagada bolmanda, ýeke agaç bir ekesiň, ony nesillere ýadygärlik galdyrasyň gelýär. Bize häli-şindi belli-belli adamlar hakyndaky gürrüňleriň gidýän ýerinde: «Şu agajy ol hut öz eli bilen ekipdir. Üstünden näçe ýylyň geçendigine garamazdan, ol agaç entegem guraman otyr. Şahalarynda guşlar saýrap, saýasynda adamlar düşläp geçýär...» diýen gürrüňleri eşitmek miýesser edýär.

Bag ekmek — sogaply iş

Bag — barlyk hem baýlyk. Türkmençilikde daş-töweregiňi bagy-bossanlyga öwürmek ýagdaýyna ähli döwürlerde hem borç hökmünde garalypdyr. Berkarar döwletiň täze eýýamynyň Galkynyşy döwründe bu ýörelgeler täzeçe röwüşde dowam etdirilýär. Şu gün — 18-nji martda ýurdumyzda geçirilýän ýazky ählihalk bag ekmek dabarasy asylly däbe öwrülen ekologik tutumyň mynasyp dowamydyr. Ministrler Kabinetiniň 10-njy martda geçirilen nobatdaky mejlisinde hormatly Prezidentimiz Türkmenistanda ählihalk bag ekmek dabarasyny geçirmek hakynda Karara gol çekdi. Oňa laýyklykda, ýurdumyzy bagy-bossanlyga öwürmek, onuň gözel tebigatyny has-da baýlaşdyrmak, 2021 — 2025-nji ýyllar üçin Milli tokaý maksatnamasyny üstünlikli durmuşa geçirmek maksady bilen, şu ýyl ýurdumyzda saýaly, pürli, miweli baglaryň we üzümiň 3 million düýbi ekiler. Şol nahallaryň 1,5 million düýbi ýazky bag ekmek möwsüminde oturdylar.

Ekologiýa abadançylygy – durnukly ösüşiň gözbaşy

Ýakynda BMG-niň Ösüş Maksatnamasynyň hem-de Türkmenistanyň Oba hojalyk we daşky gurşawy goramak ministrliginiň «Köpsanly bähbitleriň gazanylmagy üçin Aral deňziniň basseýninde ýer serişdelerini we ýokary tebigy gymmatlygy bolan ekoulgamy gorap saklamak we durnukly dolandyrmak» atly taslamasynyň çäklerinde biologik köpdürlüligi gorap saklamagyň netijeliligini ýokarlandyrmagyň öňdebaryjy usullaryny öwrenmek boýunça Saparmyrat Türkmenbaşy etrabynda bolup geçen amaly-usuly okuw maslahaty halkymyzyň arasynda ekologik bilimleri giňden ýaýratmak, tebigaty goramagy wagyz-nesihat etmek babatda ähmiýetli çäreleriň biri boldy. Etrap häkimliginiň mejlisler eýwanynda geçirilen maslahata USAID TSK-niň – ABŞ-nyň Halkara ösüş guramasynyň Merkezi Aziýa söwda maksatnamasynyň ýurdumyzdaky wekilleri, Türkmen oba hojalyk institutynyň mugallymlary, Daşky gurşawy goramak gullugynyň, welaýat tokaý hojalygynyň, welaýat we etrap häkimlikleriniň oba hojalyk bölümleriniň hünärmenleri, suw hojalyk işgärleri, bagbanlar, kärendeçi daýhanlar gatnaşdylar. Okuw maslahatynyň dowamynda ABŞ-nyň Halkara ösüş guramasynyň Merkezi Aziýa söwda maksatnamasynyň «Ekodurmuş» jemgyýetçilik guramasynyň hünärmeni Aýnabat Ataýewanyň, şu maksatnamanyň ýerli ilat bilen işlemek boýunça hünärmenleri Akmyrat Gardaş

Türkmenistan — bagy-bossanly watanymyz

Hormatly Prezidentimiz Serdar Berdimuhamedow Berkarar döwletiň täze eýýamynyň Galkynyşy döwründe ýurdumyzy bagy-bossanlyga öwürmek, onuň gözel tebigatyny has-da baýlaşdyrmak, «Türkmenistanyň 2021 — 2025-nji ýyllar üçin Milli tokaý maksatnamasyny» üstünlikli durmuşa geçirmek maksady bilen, Karara gol çekdi. Resminama laýyklykda, şu ýyl ýurdumyzda saýaly, pürli, miweli baglaryň we üzümiň 3 million nahalyny ekmek meýilleşdirilýär. Birigün, ýagny 18-nji martda bolsa Türkmenistanda ýazky ählihalk bag ekmek dabarasy geçiriler. Arkadagly Serdarymyzyň belleýşi ýaly, baýlyklaryny geljek nesiller üçin saklap galmak döwlet syýasatynyň ileri tutulýan ugry bolup durýar. Sözüň doly manysynda, Türkmenistan — bagy-bossanly Watanymyz. Ýurdumyzyň iň täze taryhynyň aýdyň nyşanyna, sazlaşygyň we gözelligiň nusgasyna öwrülen ýurdumyzyň paýtagtynyň keşbi bolsa günsaýyn özgerýär. Türkmenistanyň paýtagtyny dünýä ähmiýetli şähere öwürmek boýunça işler üstünlikli dowam etdirilýär. Häzirki wagtda Aşgabat şäheri gözümiziň alnynda emele gelýän täsin binagärlik keşbi bilen göreni haýran galdyrýar. Olarda beýik binalar hem-de giň meýdançalar, şaýollar, baglara bürenen köçeler, oňaýly seýilgähler, ägirt uly tokaý-seýilgäh zolaklary täsin sazlaşyk döre

Gül-gülüstan, bagy-bossan Diýarym

Bosagada — möhüm möwsüm

Hormatly Prezidentimiziň baştutanlygynda bedew batly gadamlar bilen gülläp ösýän mähriban ýurdumyzyň gül görküne görk goşýan ýazky bag ekiş möwsümine Daşoguz welaýatynda ykjam taýýarlyk görülýär. Demirgazyk sebitiň giň sähra gol berýän künjeginde täze döredilýän «ýaşyl zolagyň» tutuş boýy gözellik döredýän zähmet joşguny, ýaz ýakymly aladalar bilen nurlanýar. Ýylsaýyn bagy-bossanlyga bürelýän, ynsan zähmeti bilen gülzarlyga beslenýän ýerlerde şu günler agrotehniki çäreler geçirilýär, toplumlaýyn taýýarlyk işleri alnyp barylýar. Welaýat merkezi bilen gözel paýtagtymyzy birleşdirýän Daşoguz — Aşgabat uly ýolunyň 32-nji kilometrinden başlap, alys gözýetime uzap gidýän bu giňlikde öňki oturdylan nahallar daragt bolup, boý alýar, olaryň nyzamly hatary uly meýdanyň gül meňzine keşde çekýär. Arkadag Serdarly bagtyýar ýaşlar ýylynyň ýazky bag ekiş möwsümine badalga berilýän sogaply günde gül açýan meýdanyň 10 gektar ýerinde bag nahallarynyň 4 müň düýbi oturdylar. Günüň şugla saçyp, topragyň gülgün roýunyň durlanýan häzirki günler bu töwerek ýaz ýakymly hereketlere dolýar, bag ekişi üçin bellenilen meýdanda dürli kysymly traktorlar işledilýär, sürüm, tekizleýiş işleri gyzgalaňly alnyp barylýar. Arkadagly Serdarymy

Bag ekmek — durmuşymyzyň aýrylmaz bölegi

Ýurdumyzda her ýylda köpçülikleýin bag ekmek çäresi dabaraly ýagdaýda geçirilýär. Däp bolşy ýaly, Arkadag Serdarly bagtyýar ýaşlar ýylynda hem ata Watanymyzyň ähli künjeklerini bagy-bossanlyga büremek boýunça degişli maksatnama işlenip taýýarlanyldy. Taryhda dünýä nusgalyk ýörelgeleri döreden halkymyz bag ekmek işlerine, ýurdumyzyň bagy-bossanlyga bürenmegine zerur üns beripdir. Bu ýörelgeleriň häzirki döwürde Gahryman Arkadagymyzyň we Arkadagly Serdarymyzyň tagallalary bilen mynasyp derejede dowam etdirilýändigini bellemek ýakymly. Şäheriň gözelligi we arassalygy adamlaryň durmuş derejesini ýokarlandyrmak bilen bir hatarda, şäher ilatynyň döredijilik we watansöýüjilik ruhuny belende göterýär. Şäheriň çäginde seýilgäh zolaklarynyň köpelmegi, meýdançalarda, ýol ýakalarynda hem-de paýtagtymyzyň eteklerinde köpçülikleýin bag nahallarynyň ekilmegi we bar bolan baglara degişli derejede ideg edilmegi ekologiýa ýagdaýyny ýokarlandyrýar. Seýilgähleriň belent başly suw çüwdürimleri bilen utgaşmagy ýakymly howa gurşawyny emele getirýär.

Türkmenistan — bagy-bossan

Eziz Watanymyzyň gözel tebigatyny gorap saklamak, täze ýaşyl zolaklary döretmek boýunça durmuşa geçirilýän wezipeler, ilki bilen, geljekki nesilleriň bähbidini nazarlaýar. Şahsyýetiň sazlaşykly ösmeginde adamyň ruhy, ahlak dünýäsi, belent oý-pikirleri esasy orun eýeleýär. Ýaşlarda Watana bolan çäksiz söýgi duýgusyny, ony has-da kuwwatly döwlete öwürmek höwesini kemala getirmekde daşky gurşawa, tebigata bolan garaýşymyz, söýgimiz uly ähmiýete eýedir. «Arkadag Serdarly bagtyýar ýaşlar ýyly» diýlip atlandyrylan ýylyň baharynda geçiriljek ählihalk bag ekmek dabarasy hem ata-babalarymyzyň tebigat bilen sazlaşykly ýaşamak, bag ekmek, gurmak, döretmek ýörelgeleriniň dowamat-dowamdygyna şaýatlyk edýän çäreleriň biridir. Hormatly Prezidentimiziň 10-njy martda sanly ulgam arkaly geçiren Ministrler Kabinetiniň mejlisiniň dowamynda gol çeken Kararyna laýyklykda, ýurdumyzda şu ýylyň 18-nji martynda ählihalk bag ekmek dabarasyny geçirmek, degişli düzümlere bu çäräni ýokary derejede guramaçylykly geçirilmegini üpjün etmek tabşyryldy. Bu resminama Berkarar döwletiň täze eýýamynyň Galkynyşy döwründe ýurdumyzy bagy-bossanlyga öwürmek, tokaý zolaklaryny döretmek we ekilen bag nahallaryna talabalaýyk ideg etmek, şeýle-de «Türkmenistanda 2023-nji ýylda bag ekmek hakynda» Türkmenis