Garagum — gyzylly hum
Tebigat — durmuşyň ynsana eçilen ajaýyp peşgeşi. Şol bahasyna ýetip bolmajak gözelligi goramak, oňa hyzmat etmek, baýlyklaryna aýawly çemeleşmek biziň her birimiziň borjumyzdyr. Türkmenistanyň Konstitusiýasynyň 14-nji maddasynda «Ýer we ýerasty baýlyklar, suwlar, ösümlik we haýwanat dünýäsi, şeýle hem beýleki tebigy baýlyklar Türkmenistanyň umumymilli baýlygy bolup durýar, döwlet tarapyndan goralýar we rejeli peýdalanylmaga degişlidir» diýlip bellenilýär we 53-nji maddasynda «Her bir adam tebigaty goramaga, daşky gurşawa we tebigy baýlyklara aýawly çemeleşmäge borçludyr» diýen ýörelge esasynda ekologiýanyň howpsuzlygyny berjaý etmekligiň her bir adamyň borjudygy nygtalýar. Bular biziň her birimiziň ekologiýa medeniýetine bolan garaýşymyza esaslanýar. Ýurdumyzda daşky gurşawy goramak, ekologiýa howpsuzlygyny berjaý etmek, tebigatdan rejeli peýdalanmak babatda hem birnäçe kanunlar hereket edýär. Olardan «Atmosfera howasyny goramak hakynda», «Ozon gatlagyny goramak hakynda», «Ösümlik dünýäsi hakynda», «Haýwanat dünýäsi hakynda», «Tebigaty goramak hakynda», «Ýerasty baýlyklar hakynda», «Ösümlikleri goramak hakynda», «Medeni ösümlikleriň genetiki gorlaryny ýygnamak, gorap saklamak we rejeli peýdalanmak hakynda», «Öri meýdanlary hakynda» Türkmenistanyň Kanunlary