Ynsan köňlünde öçmejek yz goýan Magtymguly Pyragynyň şygryýet älemi Berkarar döwletiň täze eýýamynyň Galkynyşy döwründe giňden öwrenilýär. Akyldar şahyryň asyrlaryň jümmüşinden biziň günlerimize gelip ýeten goşgulary ynsan köňlüniň nagşydyr. Söz ussady öz döredijiliginde türkmen gelin-gyzlarynyň waspyny ýetirmäge-de uly orun beripdir. ªahyr «Durasyň geler», «Ýör biläni», «Il ýagşy», «Zor bolar» ýaly goşgularynda gelin-gyzlaryň asylly, edep-terbiýeli bolmaklaryny nesihat etmek bilen, olaryň mertebesini ýokary tutupdyr. Pyragy:
Gözel bardyr günde-günde görmeli,
Şol gözeliň syýa zülpün örmeli —
