"Nesil" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-57, 39-96-37, 39-96-49
Email: nesil-gazeti@sanly.tm

Gazeti PDF görnüşinde ýükläp almak

Habarlar

Sport — parahatçylygyň ilçisi

Mälim bolşy ýaly, şu ýylyň 6-njy sentýabrynda BMG-niň Baş Assambleýasynyň 78-nji sessiýasynda Türkmenistanyň başlangyjy bilen hem-de Milletler Bileleşigine agza döwletleriň biragyzdan goldamagynda «Birleşen Milletler Guramasynyň oýunlary» atly Kararnama kabul edildi. Bu möhüm resminamanyň kabul edilmegi halkara jemgyýetçilik tarapyndan Garaşsyz, Bitarap Türkmenistanda sporty ösdürmek babatda alnyp barylýan işlere berlen ýokary bahadyr. Şunuň bilen baglylykda, 31-nji oktýabrda Türkmenistanyň Daşary işler ministrliginiň Halkara gatnaşyklary institutynda bu halkara resminamanyň kabul edilmegine bagyşlanan halkara maslahat geçirildi. Halkara maslahata Daşary işler ministrliginiň, ýurdumyzdaky diplomatik wekilhanalaryň, jemgyýetçilik guramalarynyň ýolbaşçylary, habar beriş serişdeleriniň wekilleri, professor-mugallymlar, talyplar we türgenler gatnaşdylar. Maslahatyň öňüsyrasynda Diýarymyzyň sport üstünliklerine, köpçülikleýin bedenterbiýäni ösdürmekde ýetilen sepgitlere bagyşlanan sergi guraldy.

1 Noýabr 2024

Sport

Gurluşyk we senagat toplumy: oňyn özgertmeler, batly gadamlar (Ýaş žurnalistiň sözi)

Täze taryhy döwrümizde milli ykdysadyýetimiziň diwersifikasiýalaşdyrylyp, eksport mümkinçilikleriniň ýokarlandyrylmagyna, ýurdumyzy senagatlaşdyrmaga, sebitleri okgunly ösdürmäge gönükdirilen giň gerimli maksatnamalar üstünlikli durmuşa geçirilýär. Şunuň bilen baglylykda, her ýylyň 3-nji noýabrynda Türkmenistanyň gurluşyk we senagat toplumynyň işgärleriniň gününiň bellenilmegi ýurdumyzyň gurluşyk, energetika, jemagat hojalygy we senagat pudaklaryny ösdürmekde, ylmy-tehniki innowasiýalaryň gazananlaryna esaslanyp, öndürilýän önümleriň we edilýän hyzmatlaryň möçberini artdyrmakda, täze belentliklere ýetirmekde hem-de toplumyň işgärleriniň halal we tutanýerli zähmetini dabaralandyrmakda möhüm ähmiýete eýedir.

1 Noýabr 2024

Ykdysadyýet

Röwşen geljegiň binýady

Mukaddes Garaşsyzlygymyzyň şanly 33 ýyllyk baýramynyň öňüsyrasynda paýtagtymyz Aşgabatda türkmen halkynyň Milli Lideri Gahryman Arkadagymyzyň başlyklyk etmeginde Türkmenistanyň Halk Maslahatynyň mejlisi geçirildi. Halkymyzyň dürli ýaşdaky we ähli ugurlarda zähmet çekýän wekilleriniň gatnaşmagynda geçirilen umumymilli forum jemgyýetimiziň agzybirligini pugtalandyrmakda, jebisligini berkitmekde we milli demokratiýany ösdürmekde örän uly ähmiýete eýedir. Ýurdumyzyň ýokary wekilçilikli edarasynyň bu mejlisinde ýaşlar syýasaty bilen baglanyşykly meselelere aýratyn üns berilmegi talyp ýüregimizde uly buýsanç duýgusyny döretdi. Türkmenistanyň Halk Maslahatynyň mejlisinde garalan meseleler we geljek üçin kesgitlenen anyk wezipeler ýurdumyzda adam bähbitlerine gönükdirilen durmuş özgertmeleriniň döwlet syýasatynyň ileri tutulýan ugrudygyny ýene-de bir gezek äşgär etdi. Türkmen halkynyň Milli Lideri ýaşlar barada döwlet syýasatyny üstünlikli amala aşyrmak boýunça öňde uly wezipeleriň durýandygyny nygtamak bilen, bu babatda birnäçe başlangyçlarydyr teklipleri beýan etdi. Şunuň bilen baglylykda, Gahryman Arkadagymyz şu ýylyň ahyryna çenli toplumlarda ylym, bilim, medeniýet ulgamlaryny kämilleşdirmek, ýaşlar barada döwlet syýasatyny has-da ösdürmek bilen bagly maslahatlary geçirmegi, Türkmenistanyň Halk Maslahatynyň geljek ýyl boljak mejlisine dürli ugurlar bilen bir hatarda, 2026 —

1 Noýabr 2024

Jemgyýet

Ösüşiň indiki ädimi (Bilim we geljek)

Durmuşda her bir üstünlik özünden soňky üstünliklere hamyrmaýa bolýar. Ynsan taryhyndaky ilkinji uçarly syýahat bilen ilkinji Aýa syýahatyň arasynda bary-ýogy 66 ýyl bar. 1903-nji ýylda ilkinji uçarly syýahat amala aşyrylanda: «Bir gün adam Aýa hem baryp ýeter» diýlen bolsa, elbetde, ol wagtlar muňa hiç kim ynanmazdy. Emma 1969-njy ýylda adamzat Aýa gadam basdy. Bu günki gün bolsa ol Marsa syýahatyň arzuwynda gezip ýör. Şeýlelikde, bilim arkaly beýik geljek binýat tapýar, ösüşleriň derejesi bilim bilen kesgitlenilýär. Ylym we bilimde arka atylýan menziller hyýalymyza sygmajak netijeler bilen haýran galdyryp, her birimizi täze gözleglere ruhlandyrýar. DÜÝNDEN ŞU GÜNE...

1 Noýabr 2024

Bilim

Magtymgulynyň taglymatynda ömri dogry ýaşamak (Makalalar toplumy)

SÖZBAŞY ÝERINE Şu makalalar toplumy Arkadagly Gahryman Serdarymyzyň «Ýaşlar — Watanyň daýanjy» atly kitabynda Magtymguly Pyragy barada belläp geçen dürdäne sözlerinden ruhlanyp döredildi. Bu sözler şu güne çenli akyldar şahyrymyz barada aýdylan ähli pikirleri bir ýere jemleýän çözgütdir, netijedir. Onda hormatly Prezidentimiz «Magtymguly» sözüniň täze ölçeglerini, giňişliklerini beýan edýär. Mundan beýläk dowam etjek ähli ýazgylarymyzyň gönezligi boljakdygy üçin, ol sözleri dolulygyna getirmegi makul bildik:

1 Noýabr 2024

Edebiýat

Ýurdumyzyň ýokary döredijilik başarnygy bolan zehinli çagalaryna Türkmenistanyň Magtymguly adyndaky Ýaşlar guramasynyň Merkezi geňeşiniň Gulbaba adyndaky Çagalar baýragyny bermek hakynda DÜZGÜNNAMA

Hormatly Prezidentimiziň öňdengörüjilikli syýasaty netijesinde döwletli-döwranly Diýarymyzda alnyp barylýan her bir tutumly işler ýurdumyzyň ýaşlary bilen bir hatarda, bagtyýar çagalaryň ajaýyp durmuşy, geljegi üçin amala aşyrylýar. Bu günki gün ýaş nesliň iň kämil enjamlar bilen üpjün edilen çagalar baglarynda terbiýelenmegi, ak mermere beslenen mekdeplerde bilim almagy üçin uly mümkinçilikleriň döredilmegi olaryň bagtyýar geljeginiň kepilidir. Arkadagly Gahryman Serdarymyzyň baştutanlygynda berkarar döwletimiziň synmaz sütünine, röwşen ertirine deňelýän çagalaryň bagtly geljegi ugrunda çäksiz aladalar edilýär. Çünki Garaşsyz Türkmenistan durmuşymyzyň gülleri, ýüreklerimiziň örki bolan eziz çagalaryň, ýaş nesilleriň ähli arzuwlarynyň myrat tapýan ýurdudyr. Şonuň üçin hem ýurdumyzda olaryň ähli babatda kämil, ylymly, bilimli, berk bedenli şahsyýetler bolup ýetişmekleri ugrunda uly işler alnyp barylýar. Hormatly Prezidentimiziň: «Gahryman Arkadagymyzyň nusgalyk işleriniň netijesinde Türkmenistan bagtly çagalygyň ýurduna we arzuwlaryň hasyl bolýan ülkesine öwrüldi» diýen ganatly sözlerinden ugur alyp, ýurdumyzda geçirilýän jemgyýetçilik işlerine işeňňir gatnaşyp, bagtyýar döwrümizi wasp etmekde ýokary döredijilik başarnygyny, işjeňligini görkezýän, milli medeniýetimizi, aýdym-saz sungatymyzy ösdürmekde öz goşantlaryny goşýan, ýokary döredijilik başarnygy bolan zehinli çagalary we

1 Noýabr 2024

Jemgyýet

Üçe çenli — aýny wagty!

MASARU IBUKA (Irki terbiýe bilen bagly 76 maslahat) KÖRPE ÇAGA DAŞARY ÝURT DILINI ÖWREDENIŇIZDE TEBIGY DEPGINDE GÜRLÄŇ

1 Noýabr 2024

Jemgyýet

Duýguly dünýä

WATAN HAKDA AÝDYM Watan hakda aýdym aýtsam,Ol hökman gül hakda bolar.Ýaşyl ýaýlamda parlaýanMähriban Gün hakda bolar.

1 Noýabr 2024

Edebiýat

Şygryýet bossany

HYÝAL Yşk bir güldür, pudagynaBilbil bolup gonup bolsa.Söwer ýaryň didaryndanBakyp-bakyp ganyp bolsa.

1 Noýabr 2024

Edebiýat

Sag bol, äýnek satýan aga! (Oýlanma)

Nämeden başlajagymy bilemok-da. Käte bir zady gürrüň bermekçi bolanyňyzda sizde-de şeýle ahwalatlar bolýandyr-la?! Menem adam-a! Ýa ilkinji söýgä uçran gögele kimin tolgunaýýarmykam? Ýok-la, men indi dünýä täze alan äýnegim bilen seredýän ahyryn. Gözleri goramak gerek. Şol gün äýnek alynmadyk bolsam, galan ömrümi nähili ýaşardym?! Aslynda, äýnek gözleriňi gizlemek üçin geregem-le. Satyjy dogry aýdýar. 20 manatlyk äýnekden 80 manatlyk äýnegiň ähmiýeti uly eken. Puluma gysganç däldigimem bir gowy zat. Belki, hakykatdan-da, ejemiň aýdyşy ýaly, biraz sowajaňdyrynam, ýöne şol gezeg-ä pulumy has ähmiýetli zada harçladym.

1 Noýabr 2024

Edebiýat

Setire sygmadyk duýgular (Talybyň ýandepderçesinden)

■ Nätanyş şäher. Nätanyş köçe. Nätanyş adamlar. Nätanyş duralga. Nätanyş ulaglardan seredýän nätanyş gözler. Nätanyş itiň üýrüşi... Nätanyş galmagalyň içinde duran tanyş ümsümlik. Nätanyş köplügiň içindäki tanyş ýalňyzlyk. ■ Ähli aladalaryňy unudyp, ýat adamlaryň ýüzündäki ýylgyryşy synlap gördüňmi? Ýa-da ylgap barýan çagajygyň gülki sesine özüňi ýitiripmidiň, heý?

1 Noýabr 2024

Jemgyýet

Ylham joşguny

WATAN Men seni söýmäýin neneň?!Daban ýeriň gudrat, kerem,Özüň misli atam-enem,Barlykda barymsyň, Watan!

1 Noýabr 2024

Edebiýat

Ýurdumyz özgertmeler ýoly bilen öňe barýar

Ata Watanymyzy hemmetaraplaýyn gülledip ösdürmek, onuň dünýädäki abraýyny has-da belende götermek ugrunda ýurdumyzda beýik işler durmuşa geçirilýär. Muňa 25-nji oktýabrda hormatly Prezidentimiz Serdar Berdimuhamedowyň sanly ulgam arkaly geçiren Ministrler Kabinetiniň nobatdaky mejlisi aýdyň şaýatlyk edýär. Mejlise türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow hem gatnaşyp, onda döwlet durmuşynyň birnäçe meselelerine garaldy. Mejlisiň Başlygynyň maglumatyny, wise-premýerleriň hasabatlaryny diňläp, döwlet Baştutanymyz milli ykdysadyýetimizi ösdürmek bilen bagly öňde durýan möhüm wezipelere ünsi çekdi, anyk tabşyryklary berdi. Munuň özi döwletli işleriň ählisiniň halkymyzyň ýaşaýyş-durmuş derejesini ýokarlandyrmaga, Türkmenistany ösen kuwwatly döwlete öwürmäge gönükdirilendigini görkezýär. DURNUKLY ÖSÜŞ — BAGTYÝAR GELJEK

28 Oktýabr 2024

Syýasat

Nýu-Ýorkdan hoş habar

BMG-niň Baş Assambleýasy Türkmenistanyň başlangyjy bilen «Merkezi Aziýa — parahatçylyk, ynanyşmak we hyzmatdaşlyk zolagy» atly Kararnamany kabul etdi Birleşen Milletler Guramasynyň esaslandyrylmagyna 79 ýyl dolan gününde — 24-nji oktýabrda BMG-niň Nýu-Ýork şäherindäki ştab-kwartirasyndan hoş habar gelip gowuşdy. Şol gün BMG-niň Baş Assambleýasynyň 79-njy sessiýasynyň 25-nji plenar mejlisinde Türkmenistanyň başlangyjy bilen «Merkezi Aziýa — parahatçylyk, ynanyşmak we hyzmatdaşlyk zolagy» atly Kararnama biragyzdan kabul edildi.

28 Oktýabr 2024

Syýasat

Waspy dünýäni jadylan, ykrar türkmen alabaýy

Alabaýlar hem ahalteke bedewleridir nepis halylar ýaly, halkymyzyň buýsanjy we şöhratydyr, milli gymmatlygydyr. Şoňa görä-de, ýurdumyzda türkmen alabaýlarynyň dünýädäki şan-şöhratyny has-da belende götermek, olary gorap saklamak we köpeltmek, bu ugurda geçirilýän işleri halkara derejede wagyz etmek boýunça giň möçberli çäreler amala aşyrylýar. Muňa 26-njy oktýabrda paýtagtymyzda Türkmen alabaýynyň baýramyna bagyşlanyp, Halkara «Türkmen alabaý itleri» assosiasiýasynyň IV mejlisiniň geçirilmegi aýdyň şaýatlyk edýär. Halkara ahalteke atçylyk assosiasiýasynyň we «Türkmen alabaý itleri» assosiasiýasynyň merkezinde geçirilen mejlise ugurdaş düzümleriň ýolbaşçylary we hünärmenleri, assosiasiýanyň agzalary, köpçülikleýin habar beriş serişdeleriniň wekilleri, sanly ulgam arkaly daşary ýurtly itşynaslar gatnaşdylar. Forum başlamazyndan ozal, ýygnananlar binanyň eýwanynda ýaýbaňlandyrylan amaly-haşam sungatynyň we fotosuratlaryň, halk senetçiliginiň, şekillendiriş sungatynyň, neşir önümleriniň, halyçylyk we heýkeltaraşlyk eserleriniň sergisini synladylar.

28 Oktýabr 2024

Jemgyýet

Milli medeniýetimiziň aýrylmaz bölegi

Ýurdumyzda Türkmen alabaýynyň baýramy giňden bellenildi Her ýylyň oktýabr aýynyň soňky ýekşenbesinde Türkmen alabaýynyň baýramy giňden bellenilýär. «Pähim-paýhas ummany Magtymguly Pyragy» ýylynyň 27-nji oktýabrynda hem ýurdumyzda bu baýram mynasybetli baýramçylyk dabaralary ýaýbaňlandyryldy. Munuň özi Gahryman Arkadagymyzyň halkymyzyň milli mirasyny dünýäde wagyz etmek we ony gorap saklamak boýunça başlangyçlarynyň hormatly Prezidentimiz tarapyndan üstünlikli durmuşa geçirilýändigini subut edýär.

28 Oktýabr 2024

Jemgyýet

Parahatçylyk — iň gymmatly baýlyk

Mälim bolşy ýaly, dürli ugurlarda netijeli halkara hyzmatdaşlygy ösdürmek Bitarap Türkmenistanyň daşary syýasat strategiýasynyň ileri tutulýan ugrudyr. Şeýle-de ýurdumyz halkara jemgyýetçiligiň parahatçylygy we howpsuzlygy üpjün etmäge, Durnukly ösüş maksatlaryna ýetmäge gönükdirilen tagallalaryna işjeň gatnaşýar. Şunuň bilen baglylykda, döwlet Baştutanymyzyň Russiýa Federasiýasynyň Tatarystan Respublikasyna iş saparyny amala aşyryp, «BRICS goşmak»/«autriç» formatyndaky XVI BRICS sammitine hormatly myhman hökmünde gatnaşmagy ýurdumyzyň umumy bähbitlere laýyk gelýän deňhukukly hyzmatdaşlygyň gerimini giňeltmäge açykdygynyň subutnamasydyr. 2006-njy ýylda Peterburg halkara ykdysady forumynda esaslandyrylan BRICS guramasynyň çäklerindäki hyzmatdaşlyk deňhukuklylyk, birek-biregiň bähbitlerini nazara almak, açyklyk we ylalaşyklylyk ýörelgeleri esasynda alnyp barylýar. Munuň özi dünýäniň beýleki ýurtlary üçin guramanyň özüne çekijiligini artdyrýar. Şoňa görä-de, daşary ýurtlaryň 30-dan gowragynyň wekiliýet Baştutanlaryny, abraýly halkara guramalaryň ençemesiniň ýolbaşçylaryny bir ýere jemlän «BRICS goşmak»/«autriç» formatyndaky XVI BRICS sammitinde hormatly Prezidentimiz sammitiň gün tertibinde ileri tutulýan ugurlar boýunça Türkmenistan tarapyndan öňe sürülýän başlangyçlardyr alnyp barylýan işler barada çuňňur mazmunly çykyş etdi.

28 Oktýabr 2024

Hyzmatdaşlyk

Türkmen sporty şöhratlanýar

Berkarar döwletiň täze eýýamynyň Galkynyşy döwründe hormatly Prezidentimiziň parasatly baştutanlygynda türkmen sportuny ösdürmek, ussat türgenleri taýýarlamak ugrunda toplumlaýyn özgertmeler amala aşyrylýar. Şunuň esasynda, häzirki wagtda eziz Watanymyzda sport ulgamyny ösdürmek boýunça uly işleriň alnyp barylýandygyny, bu işleriň bütin dünýäde giň goldawa eýe bolýandygyny, şeýle hem Türkmenistanyň dünýä derejesindäki sport ýaryşlarynyň geçirilýän merkezine öwrülendigini buýsançly nygtamak gerek. Şu ýylyň 6-njy sentýabrynda Birleşen Milletler Guramasynyň Baş Assambleýasynyň 78-nji sessiýasynda Türkmenistanyň başlangyjy bilen «Birleşen Milletler Guramasynyň oýunlary» atly Kararnamanyň kabul edilmegi ýurdumyz üçin örän uly abraýdyr. BMG-ä agza ýurtlaryň 87-si bu başlangyjy biragyzdan goldady. Garaşsyz Döwletleriň Arkalaşygynyň Hökümet Baştutanlarynyň Geňeşiniň Çözgüdine laýyklykda, şu ýyl Aşgabat şäheri «Arkalaşygyň täze sport mümkinçilikleriniň şäheri» diýlip yglan edildi. Bu bolsa Garaşsyz Watanymyzda sporty ösdürmek babatda alnyp barylýan işlere berlen ýokary bahadyr.

28 Oktýabr 2024

Sport

Ýaşlar we Ýaşlar guramasy

■ Paýtagtymyzdaky Jemgyýetçilik guramalarynyň merkezi binasynda «Magtymguly Pyragynyň mirasy — agzybirlik ýörelgeleriniň binýady» atly wagyz-nesihat duşuşygy geçirildi. Aşgabat şäher Ýaşlar guramasynyň guran çäresinde akyldar şahyrymyzyň şygyrlarynyň ýaşlary watansöýüjilik, agzybirlik ruhunda terbiýelemekdäki ähmiýeti dogrusynda giňişleýin gürrüň edildi. Maksatmyrat PÜRMÄMMEDOW,TMÝG-niň Merkezi geňeşiniň medeniýet we köpçülikleýin habar beriş bölüminiň esasy hünärmeni.

28 Oktýabr 2024

Jemgyýet

Adamzat paýhasynyň dürdänesi

Dünýä edebiýatynyň ägirdi, görnükli akyldarymyz Magtymguly Pyragy dünýä ähmiýetli şahsyýet bolmak bilen, beýik şahyryň döredijilik mirasy umumadamzat medeniýetiniň aýrylmaz bölegine, şeýle hem parahatçylygyň, dostlugyň, hoşniýetli hyzmatdaşlygyň binýadyna öwrüldi. Munuň şeýledigine 11-nji oktýabrda hormatly Prezidentimiziň başlyklyk etmeginde dana şahyrymyzyň doglan gününiň 300 ýyllygy mynasybetli Aşgabatda geçirilen «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forum nobatdaky gezek şaýatlyk edýär. Mälim bolşy ýaly, bu iri forumda Arkadagly Gahryman Serdarymyz beýik akyldaryň baý mazmunly edebi mirasynyň türkmen döwletiniň daşary syýasatynyň esasyny kesgitleýändigini aýdyp, Magtymguly Pyragynyň parahatçylyk, adalatlylyk, ynsanperwerlik, dost-doganlyk hem-de ähli halklara hormat goýmak baradaky düýpli pikirleriniň beýleki döwletler bilen özara gatnaşyklarda möhüm ähmiýete eýedigini aýratyn nygtady. Şoňa görä-de, akyldar şahyryň goşgularyndan eriş-argaç bolup geçýän hoşniýetli goňşuçylyk, dost-doganlyk, demokratiýa, däp-dessurlara ygrarlylyk ýörelgeleri Türkmenistanyň Bitaraplygynyň mazmunyny emele getirýär we ýurdumyzyň diplomatiýasynyň hem esasy özenini düzýär.

28 Oktýabr 2024

Medeniýet