Şu gün, ýagny 26-njy aprelde gadymy Lebap topragynda Türkmenistanyň Ylymlar akademiýasynyň, ÝUNESKO-nyň işleri barada Türkmenistanyň milli toparynyň hem-de Lebap welaýat häkimliginiň bilelikde guramagynda «Gadymy Amul: geçmişiň syrlarynyň goragçysy» atly halkara ylmy-amaly maslahat öz işine başlady. Halkara maslahatyň umumy mejlisinde edilen çykyşlar Zerewşan—Garagum geçelgesiniň ugrundaky ýadygärlikleriň dünýä mirasyndaky ähmiýetli ornuna bagyşlandy.