Ähli köňülleriň, döwürleriň we ömürleriň barlygyndan ýer alyp, şygryýet äleminiň ruhy täjini geýen Magtymguly Pyragy ajaýyp eserleri bilen dünýäniň bakylygyna öwrülen akyldardyr. Ol barlyga akyl ýetirmegiň, dünýä paýhas gözi bilen seretmegiň, ynsany iň ýokary gymmatlyk derejesine çykarmagyň idealyna öwrülipdir. Ata Watany, ene topragy, il-gününi söýmegiň kämil nusgasyna öwrülipdir. Döreden şygyrlary bilen döwürleriň içinden parran geçmek başarnygyna eýe bolan akyldar Watan mertebesini nesillere dabaralandyrmagy başarypdyr.
Dostlar-a, dostum meniň jandan şirin söýgülidir,
Jan kibi pynhan jahanda äleme belgilidir
