Mähriban çagalar, plastilinden dürli şekiljikleri ýasamak siziň iň halaýan güýmenjeleriňiziň biri. Hatda çagalar bagyna gatnaýan körpelere-de, mekdep okuwçylaryna-da «plastilinden şekiljik ýasamaly» diýseň, olar üçin başlanýar bir hezillik. Haýwanjyklaryň şekilini ýasap oturany haýsy, jaýjagazdyr bagjagazlary ýasaýany haýsy, ertekileriň gahrymanlaryny suratlandyrmaga çalyşýany haýsy... garaz, çagalaryň her biriniň işi seni geň galdyrjak, sende uly täsir galdyrjak derejede özboluşlylyga eýedir.
Hut şonuň üçin size bu gezek plastilinden çopantelpek gülüni ýasamagy öwredýäris. Öwretmek bizden, özüňizçe baýlaşdyryp, has kämil ýerine ýetirmek sizden. Hany, öz ukybyňyzy görkezmäge synanyşyň, eziz jigiler!
