"Türkmenistan Sport" Halkara žurnaly

Esaslandyryjysy: Türkmenistanyň sport we ýaşlar syýasaty ministrligi
Salgysy: Aşgabat şäheri, B.Saparmyrat Türkmenbaşy şaýoly 54
Telefon belgileri: 22-81-38

Gazeti PDF görnüşinde ýükläp almak

Habarlar

Bir sözlemde

Möw­sü­miň 1-nji WTA 1000 ýa­ry­şy bo­lan «Ka­tar Açyk» ze­nan­lar ten­nis ýa­ry­şyn­da sa­na­wyň ba­şy­ny çek­ýän pol­şa­ly Iga Şwen­tek bas­syr 3-nji çem­pi­on­ly­gy­ny ga­za­nyp, ol fi­nal­da ga­za­gys­tan­ly Ýe­le­na Ry­ba­ki­na­ny 7:6, 6:2 ha­sap­lar bi­len ýeň­li­şe se­ze­war et­di we kar­ýe­ra­syn­da­ky 18-nji ku­bo­gy­ny as­ma­na gö­ter­di. Ni­der­land­lar­da er­kek­le­riň ara­syn­da ge­çi­ri­len «Rot­ter­dam Açyk» ten­nis bäs­le­şi­gi­niň fi­na­lyn­da ita­li­ýa­ly Ýan­nik Sin­ner bi­len awst­ra­li­ýa­ly Aleks de Mi­na­ur du­şu­şyp, ýew­ro­pa­ly ten­nis­çi 7:5, 6:4 ha­sap­lar esa­syn­da ýe­ňiş ga­zan­dy we 12-nji ATP Ku­bo­gy­na my­na­syp bol­dy.

23 Fewral 2024

Sport

Uşu boýunça Türkmenistanyň birinjiligi

Sagdynlygyň mekanyna öwrülen ýurdumyzda hormatly Prezidentimiziň bedenterbiýäni we sporty ösdürmek baradaky döwlet syýasatyny durmuşa geçirmek, Türkmenistanyň milli ýygyndy toparlarynyň düzümine ýurdumyzyň welaýatlaryndan we Aşgabat şäherinden mynasyp türgenleri seçip almak, halkara derejeli ýaryşlara taýýarlyk görmek, sportuň uşu görnüşini wagyz etmek maksady bilen, Türkmenistanyň Bedenterbiýe we sport baradaky döwlet komitetiniň hem-de Uşu federasiýasynyň guramagynda şu ýylyň 1 — 3-nji marty aralygynda Daşoguz şäheriniň 4-nji sport mekdebinde uşu boýunça ýaşlaryň we ýetginjekleriň arasynda Türkmenistanyň birinjiligi ugrunda ýaryş geçirilýär. Ýaryşa welaýatlardan we Aşgabat şäherinden ýygyndy toparlar, jemi 20 türgen gatnaşar.

22 Fewral 2024

Sport

Sport ýaryşy geçirildi

Berkarar döwletiň täze eýýamynyň Galkynyşy döwründe köpçülikleýin bedenterbiýe we sport durmuşymyzyň aýrylmaz bölegine öwrüldi. Ýurdumyzda halkymyzyň saglygyny goramakda, sagdyn durmuş ýörelgelerini giňden ornaşdyrmakda, bedenterbiýäni we sporty ösdürmekde edilýän tagallalar hormatly Prezidentimiziň alyp barýan döwlet syýasatynyň ileri tutulýan ugurlarynyň biridir. Golaýda «Pähim-paýhas ummany Magtymguly Pyragy» ýylyna bagyşlanyp Akdepe etrabynyň 4-nji sport mekdebinde 2006-2007-nji ýyllarda doglan ýetginjekleriň arasynda «Sport. Sagdynlyk. Dostluk» ady bilen sportuň el pökgüsi görnüşi boýunça welaýatyň birinjiligini almak ugrunda ýaryş geçirildi.

22 Fewral 2024

Sport

Karatedo boýunça welaýatyň açyk çempionaty geçirildi

Ak bugdaý etrabynyň sport mekdebinde sportuň karatedo görnüşi boýunça welaýatyň açyk çempionaty geçirildi. Ahal welaýatynyň bedenterbiýe we sport baradaky Baş müdirliginiň “Pähim-paýhas ummany Magtymguly Pyragy” ýylynyň sport çäreleriniň meýilnamasyna laýyklykda geçirilen çempionata Aşgabat we Arkadag şäherlerinden, welaýatlardan türgenleriň 600-e golaýy gatnaşdy. Ýaş türgenler degişli agram derejeleri boýunça öz aralarynda çekeleşikli bäsleşikleri alyp bardylar. Şolaryň netijesinde Aşgabat şäherinden gelen türgenler toparlaýyn birinji, Arkadag şäheriniň türgenleri ikinji, Ahal welaýatynyň topary üçünji orna mynasyp boldular. Çempionatda baýrakly orunlary eýelän türgenlere Türkmenistanyň Karatedo federasiýasynyň, Ahal welaýatynyň bedenterbiýe we sport baradaky Baş müdirliginiň hormat hatlary, Türkmenistanyň Gyzyl Ýarymaý Milli jemgyýetiniň Ahal welaýat bölüminiň hem-de Türkmenistanyň Magtymguly adyndaky Ýaşlar guramasynyň Ahal welaýat Geňeşiniň ýörite sowgatlary gowşuryldy.

22 Fewral 2024

Sport

Milli üstünlikler uly ýeňişlere utgaşýar

Täze 2024-nji ýylyň futbol möwsümine ýokary derejede taýýarlyk görmek maksady bilen, Arkadag şäheriniň adybir futbol topary daşary döwletlerde okuw-türgenleşik ýygnanyşyklaryny geçirýär. Ýurdumyzyň çempiony 16-njy fewraldan bäri BAE-niň Dubaý şäherinde türgenleşikleriniň ikinji tapgyryny alyp barýar. Geçen ýyl ilkinji möwsüminde iki Kuboga mynasyp bolan «Arkadag» futbol topary hem Ýewropanyň we Aziýanyň güýçli toparlary bilen ýoldaşlyk duşuşyklaryny geçirip, tejribesini artdyrýar. Dostluk ruhunda geçýän bu duşuşyklarda tälimçiler toparlarda ozaldan bäri çykyş edip gelýän futbolçylar bilen täze gelip goşulan oýunçylaryň oýundaky sazlaşygyna aýratyn üns berýärler.

21 Fewral 2024

Sport

Sport

Yhlasa — myrat “Yhlasa — myrat” diýleni hakykat. Yhlas bilen zähmet çekseň, onuň rehnedini hem görýärsiň. Türkmen sportunyň ösmegi ugrunda şeýle yhlas bilen zähmet çekýän, işjanly tälimçileriň sanynyň köpdügi bizi diýseň begendirýär. Şolaryň biri-de Gulmyrat Gulowdyr.

21 Fewral 2024

Sport

Ýeňişli ýollaryň ýalkymy

Türkmen ýaşlarynyň ýoly ýeňişlerden doly. Hormatly Prezidentimiziň ilkinji kitabynyň ýaşlara bagyşlanmagy, şeýle hem kitapda sport ulgamynda halkara üstünliklere eýe bolan ýaşlaryň atlarynyň we gazanan üstünlikleriniň agzalmagy türkmen türgenlerini ýene-de beýik ýeňişlere ruhlandyrýar. Döwrümiziň galkynyşyndan ganatlanyp, dünýäde türkmen sportunyň dabaralanmagyna goşant goşýan pälwanlarymyzyň biri-de kuraş boýunça halkara derejeli sport ussady Gaýratjan Zeripowdyr. Kuraş boýunça 5 gezek ýurdumyzyň çempiony bolan Gaýratjan ýurdumyzda tejribeli tälimçi, ussat türgen hökmünde tanalýar. Ol Çärjew etrabyndaky 3-nji sport mekdebinde başa-baş söweş sungaty boýunça ýaşlara tälim bermegiň ýany bilen halkara derejeli sport ýaryşlaryna hem yzygiderli gatnaşyp, üstünlikli çykyş edip gelýär. Gaýratjan 2009-njy ýylda Ukrainada, 2011-nji ýylda Özbegistanda kuraş boýunça geçirilen VII we VIII Dünýä çempionatlarynda 60 kilograma çenli agram derejesinde bürünç medallara mynasyp boldy.

21 Fewral 2024

Sport

Saýatly pälwanlar ― welaýatymyzyň çempionlary

Sport mekdebimizde türkmen milli göreşi boýunça welaýatymyzyň çempionaty geçirildi. Ýaryşa Türkmenabat şäherinden, Saýat we Kerki etraplaryndan pälwanlaryň 72-si gatnaşdy. Türgenler degişli agram derejeleri boýunça göreşdiler. Toý ruhuna beslenen ýaryşda milli göreşimiziň täze, has ezber wekilleriniň ýüze çykarylmagy onuň esasy aýratynlygy boldy.

21 Fewral 2024

Sport

Welosportçularyň ümzügi ileri

Biziň sport mekdebimiz welaýatymyzda welosport bilen meşgullanylýan ýeke-täk tälim ojagydyr. Şu günler sportuň bu görnüşi bilen meşgullanýan türgenlerimiz tälimçiler Jalil Orunowyň we Şöhrat Egenowyň ýolbaşçylygynda öňde duran ýaryşlara taýýarlanýarlar. Häzirki wagtda mekdebimizde welosport boýunça türgenleriň 40-a golaýy türgenleşýär. Şolaryň 30-dan gowragy bolsa eýýäm milli derejeli ýaryşlara gatnaşyp ýören türgenlerdir. Türgenlerimiziň arasynda ýurdumyzyň iki gezek çempiony Döwlet Orunow we Denis Konoreýkin, Şatlyk Şöhradow, Maksat Merdanow ýaly ýaşlaryň beýleki ýoldaşlaryna hem görelde bolýandyklaryny aýratyn nygtamak gerek.

21 Fewral 2024

Sport

Okuwçy gyzlar gandbolda ussatlygyny görkezdiler

Sarahs etrabyndaky 27-nji orta mekdepde «Türkmenistan — ruhubelentligiň we sagdynlygyň ýurdy» atly XIII spartakiadanyň çäginde okuwçy gyzlaryň arasynda sportuň gandbol görnüşi boýunça ýaryşyň welaýat tapgyry geçirildi. Oňa bu ýaryşyň etrap tapgyrlarynda ýeňiji bolan okuwçy gyzlar gatnaşdy. “Türkmenistan” Ýaşlar bedenterbiýe-sport guramasynyň welaýat bölüminiň, welaýatyň bedenterbiýe we sport baradaky Baş müdirliginiň, Türkmenistanyň Magtymguly adyndaky Ýaşlar guramasynyň welaýat Geňeşiniň, welaýat Baş bilim müdirliginiň bilelikde guramagynda geçen ýaryş gyzykly boldy. Şol duşuşyklar güýçli toparlaryň öňe saýlanmagyna mümkinçilik berdi. Şeýlelikde Sarahs etrabynyň topary birinji, Babadaýhan etrabynyň topary ikinji, Tejen etrabynyň topary üçünji orunlara mynasyp boldy.

21 Fewral 2024

Sport

Zenan küştçüler bäsleşdiler

Ýakynda Daşoguz şäherindäki 4-nji sport mekdebinde zenanlaryň arasynda küşt boýunça Türkmenistanyň birinji ligasynyň çempionlygy ugrunda ýaryş geçirildi. Küşt ýaryşlaryna hemişe mahsus bolşy ýaly, bu gezekki çempionat hem garaşylan we garaşylmadyk netijelere baý boldy. Ýaryşyň ilkinji aýratynlygy çempion bilen baglydyr. Çünki 7 we 9 ýaşa çenli gyzlaryň arasynda 2013-nji ýylda Gresiýada, 2014-nji ýylda-da Braziliýada «Dünýä çempiony» diýen adyň eýesi bolandan soň, esli ýyllap sporta arakesme beren maryly küştçi, FIDE-niň ussady Bägül Ezizowanyň özüni birinji ligada synap görmegi, bu synagyň bolsa çempionlyk bilen tamamlanmagy täsinligiň hut özüdir. Ýaryşda 11 duşuşyk geçiren Bägül 9 utuk toplap, birinji liganyň wekilleriniň arasynda iň ýokary netijäni görkezdi.

21 Fewral 2024

Sport

Basketbolçy gyzlar bäsleşdi

«Türkmenistan — ruhubelentligiň we sagdynlygyň ýurdy» atly XIII spartakiadanyň çäginde gyzlaryň arasynda basketbol ýaryşynyň welaýat tapgyry geçirildi. Tejen etrabynyň Tejen şäherindäki sport mekdebinde geçirilen ýaryş «Türkmenistan» Ýaşlar bedenterbiýe-sport guramasynyň welaýat bölümi, welaýatyň bedenterbiýe we sport baradaky Baş müdirligi, welaýat Baş bilim müdirligi, Türkmenistanyň Kärdeşler arkalaşyklarynyň welaýat birleşmesi hem-de Magtymguly adyndaky Ýaşlar guramasynyň welaýat Geňeşi tarapyndan bilelikde guraldy. Welaýatymyzyň etraplaryndan gelen toparlaryň öz aralaryndaky duşuşyklar okuwçy gyzlarda basketbola höwesiň ýokarydygyny görkezdi. Şol duşuşyklaryň netijesinde Tejen etrabynyň topary birinji, Kaka etrabynyň topary ikinji, Sarahs etrabynyň topary üçünji orunlary eýelemegi başardylar. Ýeňijilere hormat hatlarydyr ýörite sowgatlar gowşuryldy.

20 Fewral 2024

Sport

Sport bäsleşigi

Ukyp-başarnyklaryny görkezdiler Berkarar döwletiň täze eýýamynyň Galkynyşy döwründe hormatly Prezidentimiziň taýsyz tagallalary bilen sporty ösdürmek, halkara sport ýaryşlaryna gatnaşmak babatynda giň mümkinçilikler döredilýär. Sport janköýerlerine öz ussatlyklaryny görkezmek üçin yzygiderli ýaryşlar geçirilýär.

20 Fewral 2024

Sport

Sport

Stol tennisi boýunça welaýat çempionaty Daşoguz şäherindäki 1-nji sport mekdepde sportuň stol tennisi görnüşi  boýunça welaýat çempionaty geçirildi. Toparlaýyn we şahsy birinjiligi eýelemek ugrunda geçirilen oýunlarda ezber türgenler ýüze çykaryldy. Erkek türgenlerden düzülen toparlaryň arasynda geçen ýaryşda Daşoguz şäheriniň topary birinji, Görogly etrabynyň topary ikinji hem-de Akdepe etrabyň topary üçünji orunlara mynasyp boldular. Bu netije zenan türgenlerden düzülen toparlaryň arasynda geçirilen oýunlarda hem gaýtalandy.

20 Fewral 2024

Sport

«Arkadag» futbol toparynyň nobatdaky ýeňşi

«Arkadag» futbol topary 16-njy fewralda Birleşen Arap Emirliklerinde 2024-nji ýyldaky ikinji okuw-türgenleşik ýygnanyşygyna girişdi. Topar okuw-türgenleşiginde ilkinji ýoldaşlyk duşuşygyny üstünlikli geçirdi. 18-nji fewralda Dubaý şäherindäki «Abu Dhabi Cricket & Sports Hub» sport toplumynyň futbol meýdançalarynyň birinde Russiýanyň Premýer-ligasynyň wekili bolan «Pari NN» («Pari Nižniý Nowgorod») topary bilen ýoldaşlyk duşuşygyny geçiren ýurdumyzyň çempiony bu duşuşykda güýçli garşydaşyny 2:1 hasabynda utdy. Duşuşykda türkmen toparyna ýeňiş getiren gollary 23-nji minutda Begmyrat Baýow, 68-nji minutda bolsa 11 metrlik jerime urgusyndan Didar Durdyýew geçirdi. «Pari NN» toparynyň ýeke-täk goluny 21-nji minutda N.Kutateladze öz adyna ýazdyrdy. Täze möwsümiň bosagasyndaky ilkinji okuw-türgenleşik ýygnanyşygyny Türkiýe Respublikasynda geçiren çempion toparymyz bu ýerde-de güýçli garşydaşlaryň birnäçesi bilen duşuşyp, olarda hem ýeňiş gazanmagy başarypdy.

20 Fewral 2024

Sport

Sport

Spartakiadanyň çäklerinde 2023-2024-nji okuw ýylynda welaýatyň orta mekdepleriniň okuwçylarynyň arasynda geçirilýän «Türkmenistan — ruhubelentligiň we sagdynlygyň ýurdy» atly XIII spartakiadanyň baş maksady hormatly Prezidentimiziň köpçülikleýin bedenterbiýäni we sporty ösdürmek baradaky Kararlaryny ýerine ýetirmekden, okuwçylaryň sagdyn durmuşyny üpjün etmekden, okuwçy ýaşlaryň arasynda sportuň dürli görnüşleri boýunça güýçli türgenleri ýüze çykarmakdan ybaratdyr.       

19 Fewral 2024

Sport

Basketbol ýaryşy

Tejen etrabynyň merkezindäki sport mekdebinde «Türkmenistan — ruhubelentligiň we sagdynlygyň ýurdy» atly XIII spartakiadanyň çäginde basketbol ýaryşy geçirildi. “Türkmenistan” Ýaşlar bedenterbiýe-sport guramasynyň welaýat bölüminiň, welaýatyň bedenterbiýe we sport baradaky Baş müdirliginiň, welaýat Baş bilim müdirliginiň hem-de jemgyýetçilik guramalarynyň bilelikde guramagynda okuwçy oglanlaryň arasynda geçirilen ýaryşa welaýatymyzyň etraplaryndan toparlar gatnaşdy. Sport mekdepde ýaryşyň guramaçylykly geçmegi ugrunda döredilen giň şertler okuwçy ýaşlara erjelligini, başarnygyny doly derejede görkezmäge özboluşly mümkinçilik berdi. Şeýle bolansoň, ýaryş turuwbaşdan çekeleşikli geçdi. Gyzykly duşuşyklara baý bolan ýaryşyň netijesinde Tejen etrabynyň topary birinji, Kaka etrabynyň topary ikinji, Sarahs etrabynyň topary üçünji ýerleri eýelediler. Basketbol ýaryşynyň ýeňijileri hormat hatlary hem-de ýadygärlik sowgatlar bilen sylaglandy.

19 Fewral 2024

Sport

Sport habarlary gysga setirlerde

«7/24. tm» № 08 (195), 19.02.2024 Tag­ta­ba­zar et­ra­by­nyň 20-nji or­ta mek­de­bin­de ýo­ka­ry synp okuw­çy­la­ryň ara­syn­da ýa­kyn we uzak ara­ly­ga yl­ga­mak bo­ýun­ça bäs­le­şik ge­çi­ril­di. Sag­dyn be­den­li ýaş­la­ry­myz öz­le­ri­niň ukyp-ba­şar­nyk­la­ry­ny gör­kez­me­gi ba­şar­dy­lar we bu sport bäs­le­şi­gi iş­jeň we gy­zyk­ly ýag­daý­da geç­di. Emin­ler ta­ra­pyn­dan ýe­ňi­ji­ler kes­git­le­nil­di hem-de ola­ra eýe­le­ýän orun­la­ry bo­ýun­ça ýa­dy­gär­lik sow­gat­la­ry da­ba­ra­ly ýag­daý­da gow­şu­ryl­dy. Ýaş­lar öz no­ba­tyn­da spor­tuň dür­li gör­nüş­le­ri bo­ýun­ça bäs­leş­mä­ge şert­ler we giň müm­kin­çi­lik­ler dö­re­dip ber­ýän­di­gi üçin hormat­ly Pre­zi­den­ti­mi­ze al­kyş aýt­dy­lar.

18 Fewral 2024

Sport

Sport habarlary

«7/24. tm» № 08 (195), 19.02.2024 2024-nji ýy­ly­my­zyň «Pä­him-paý­has um­ma­ny Mag­tym­gu­ly Py­ra­gy» ýy­ly diý­lip yg­lan edil­me­gi be­ýik baş­lan­gyç­la­ryň da­ba­ra­lan­ma­sy bol­dy.

18 Fewral 2024

Sport

Yklym kubogynda kim köp ga­zan­dy?

«7/24. tm» № 08 (195), 19.02.2024 Azi­ýa ku­bo­gy­nyň fi­na­lyn­da Ka­tar Ior­da­ni­ýa­ny, Kot-d’Iwuar bol­sa Af­ri­ka mil­let­le­ri ku­bo­gy­nyň fi­na­lyn­da Ni­ge­ri­ýa­ny ýeň­me­gi ba­şar­dy.

18 Fewral 2024

Sport