"Biznes reklama" gazeti

Esaslandyryjysy: Türkmenistanyň söwda we daşary ykdysady aragatnaşyklar ministrligi
Salgysy: Aşgabat şäheri, Bitarap Türkmenistan şaýoly 101/1
Telefon belgileri: 21-97-19, 21-97-61

Gazeti PDF görnüşinde ýükläp almak

Habarlar

Gel­jek, 2022-nji ýy­lyň şy­ga­ry ara al­nyp mas­la­hat­la­şyl­dy

25-nji noýabrda Türk­me­nis­ta­nyň Jem­gy­ýet­çi­lik gu­ra­ma­la­ry­nyň mer­ke­zin­de «Pa­ra­hat­çy­lyk we yna­nyş­mak ýy­ly: hor­mat­ly Pre­zi­den­ti­miz Gurbanguly Berdimuhamedowyň pa­ra­hat­çy­lyk sö­ýü­ji­lik­li içe­ri we da­şa­ry sy­ýa­sa­ty­nyň da­ba­ra­lan­ma­sy» at­ly mas­la­hat ge­çi­ril­di. Bu çä­rä Mil­li Ge­ňe­şiň Mej­li­si­niň de­pu­tat­la­ry we Halk Mas­la­ha­ty­nyň ag­za­la­ry, jem­gy­ýet­çi­lik gu­ra­ma­la­ry­nyň, köp­çü­lik­le­ýin ha­bar be­riş se­riş­de­le­ri­niň, ýo­ka­ry okuw mek­dep­le­ri­niň ýol­baş­çy­la­ry­dyr we­kil­le­ri, önüm­çi­lik pu­dak­la­ry­nyň iş­gär­le­ri, hor­mat­ly ýa­şu­lu­lar we ýaş­lar gat­naş­dy­lar. Hor­mat­ly Pre­zi­den­ti­miz Gurbanguly Berdimuhamedowyň baş­lan­gy­jy bo­ýun­ça her ýy­la at be­ril­me­gi asyl­ly dä­be öw­rül­di. Mu­nuň özi, döw­le­ti­mi­ziň we jem­gy­ýe­ti­mi­ziň hä­zir­ki za­man ösü­şi­niň mö­hüm tap­gyr­la­ry­na aý­ra­tyn ün­si çek­mä­ge müm­kin­çi­lik ber­ýär hem-de her ýy­lyň ýur­du­myz we hal­ky­myz üçin äh­mi­ýet­li wa­ka­la­ra bes­len­me­gi­ne giň ýol aç­ýar.

28 Noýabr 2021

Jemgyýet

Türkmenistanyň Döwlet haryt-çig mal biržasy

Türk­me­nis­ta­nyň Döw­let ha­ryt-çig mal bir­ža­sy­nyň ge­çen hep­de­dä­ki söw­da­la­ryn­da ge­le­şik­le­riň 24-si ha­sa­ba alyn­dy. Da­şa­ry ýurt wal­ýu­ta­sy­na Ow­ga­nys­tan­dan, Polşadan, Özbegistandan, Türkiýeden we BAE-den ge­len işe­wür­ler Türk­men­ba­şy­da­ky ne­bi­ti gaý­ta­dan iş­le­ýän za­wod­lar top­lu­myn­da ön­dü­ri­len suwuklandyrylan gazy we polietileni sa­tyn al­dy­lar. Ge­le­şik­le­riň je­mi ba­ha­sy ABŞ-nyň

28 Noýabr 2021

Hyzmatdaşlyk

5G to­runyň hyzmatlaryny çalt­laş­dyr­ýar

«T-Mo­bi­le» te­le­kom­mu­ni­ka­si­ýa kom­pa­ni­ýa­sy 5G to­ru­nyň hyz­mat­la­ry­nyň ýo­la go­ýul­ma­gy­ny çalt­laş­dyr­ýar. Hä­zir­ki wagt­da mag­lu­mat tiz­li­gi we tor müm­kin­çi­lik­le­ri bo­ýun­ça kom­pa­ni­ýa bir­nä­çe bäs­deş­le­rin­den ep-es­li öň­de dur­ýar. Ýa­ňy-ýa­kyn­da 5G to­runyň ula­ny­jy­la­ry­nyň hä­zir­ki wagt­da ABŞ-da, or­ta­ça, 200 mil­lion ada­ma ýet­ýän­di­gi barada ha­bar beril­di. Bu bol­sa «T-Mo­bi­le»-niň müş­de­ri­le­ri­niň 80%-ini öz içi­ne al­ýar. Kom­pa­ni­ýa­nyň hü­när­men­le­ri­niň pi­ki­ri­çe, gel­jek iki ýyl­da or­ta ýy­gy­lyk ara­ly­gy 300 mil­lion ada­ma el­ýe­ter­li bo­lar. Ge­çen hep­de­dä­ki bir­ža söw­da­la­ryn­da «T-Mo­bi­le»-niň bir paý­na­ma­sy­nyň ba­ha­sy ABŞ-nyň 115,62 dol­la­ryn­dan satyldy.

28 Noýabr 2021

Tehnologiýa

«Cam­ping World Hol­dings»-iň müş­de­ri­le­ri art­ýar

«Cam­ping World Hol­dings» kom­pa­ni­ýa­sy in­di bir­nä­çe çär­ýek­de yzy­gi­der­li ösü­şi­ni do­wam ed­ýär. «Cam­ping World Hol­dings»-iň 2021-nji ýy­lyň okt­ýabr aýyn­da­ky gir­de­ji­si ge­çen ýyl bi­len de­ňeş­di­ri­len­de, 14%, aras­sa ga­zan­jy bol­sa 22% art­dy. Kom­pa­ni­ýa­nyň sa­tuw­la­ry­nyň ýo­kar­lan­ma­gy­na ýa­şa­ýyş jaý­la­ry­na is­leg bil­dir­ýän müş­de­ri­le­riň sa­ny­nyň art­ma­gy iter­gi ber­ýär. Bu ba­bat­da kom­pa­ni­ýa­nyň müş­de­ri­le­ri­ne bir­nä­çe hyz­mat­la­ry hö­dür­le­me­gi-de, ola­ryň sa­ny­nyň bel­li bir ba­bat­da art­ma­gy­na esas bo­lup hyz­mat ed­ýär. Ge­çen hep­de­dä­ki bir­ža söw­da­la­ryn­da «Cam­ping World Hol­dings»-iň bir paý­na­ma­sy­nyň ba­ha­sy ABŞ-nyň 42,36 dol­la­ry möçberinde ba­ha­lan­dy.

28 Noýabr 2021

Tehnologiýa

«Cas­per Sleep»-iň geljegi üçin oňyn çözgüt

Dü­şek­le­ri we beý­le­ki dok­ma önüm­le­ri­ni ön­dü­ri­ji «Cas­per Sleep» kom­pa­ni­ýa­sy ge­çen hep­de hu­su­sy paý­dar­lar jem­gy­ýe­ti «Du­ra­tio­nal Capi­tal» ta­ra­pyn­dan sa­tyn alyn­jak­dy­gy­ny mä­lim et­di. Bu tä­ze­lik «Cas­per Sleep»-iň gel­je­gi­niň ösü­şi üçin iň go­wy çöz­güt bo­lup bi­ler. Yla­la­şy­gyň şert­le­ri­ne gö­rä, «Cas­per Sleep»-iň ma­ýa­dar­la­ry kom­pa­ni­ýa­nyň 94% pa­ýy­na eýe bo­lup, her bir paý­na­ma­dan ABŞ-nyň 6 dol­la­ry möç­be­rin­de paý alar­lar. Soň­ky ge­çen söw­da­lar­da kom­pa­ni­ýa­nyň paý­na­ma­la­ry 88% gir­de­ji ga­zan­dy.

28 Noýabr 2021

Tehnologiýa

«Tar­get»-iň girdejisi ýokarlanýar

«Tar­get» kom­pa­ni­ýa­sy 2021-nji ýy­lyň üçün­ji çär­ýe­gin­de her bir paý­na­ma­dan ABŞ-nyň 3,03 dol­la­ry möç­be­rin­de gir­de­ji al­dy. Ha­sa­ba­ta la­ýyk­lyk­da, kom­pa­ni­ýa­nyň çär­ýek­le­ýin gir­de­ji­si ABŞ-nyň 22,63 dol­la­ryn­dan ABŞ-nyň 25,65 dol­la­ry­na çenli ýokarlandy. Kom­pa­ni­ýa­nyň de­giş­li hü­när­men­le­ri öňü­miz­dä­ki çär­ýek­de «Tar­get»-iň gir­de­ji­le­riniň has-da ös­me­gi­ne ga­raş­ýarlar. Önüm­le­riň üp­jün­çi­li­gi ba­bat­da kom­pa­ni­ýa bir­nä­çe bäs­deş­le­rin­den öň­de­li­gi eýe­le­ýär. Umu­man, soň­ky ha­sa­bat­lar­da kom­pa­ni­ýa­nyň sa­tu­wy­nyň ösü­şi­niň 12,7% ýo­kar­la­nan­dy­gy aý­dyl­ýar.

28 Noýabr 2021

Tehnologiýa

«Lo­we's»-iň satuwlary 2,2% ösüş gazandy

«Lo­we's» kom­pa­ni­ýa­sy 2021-nji ýy­lyň üçün­ji çär­ýe­gin­de ABŞ-nyň 1,90 mil­liard dol­la­ry möç­be­rin­de gir­de­ji al­dy. Ha­sa­ba­ta la­ýyk­lyk­da, kom­pa­ni­ýa­nyň sa­tuw­la­ry ABŞ-nyň 22,92 mil­liard dol­la­ry­na çen­li ýo­kar­lan­dy. Umu­man, sa­tuw­la­ryň ösü­şi 2,2%-e ýet­di. Kom­pa­ni­ýa­nyň her bir paý­na­ma­dan alan sap gir­de­ji­si ABŞ-nyň 2,35 dol­la­ry­na ba­ra­bar­ boldy. «Lo­we's»-iň bi­ler­men­le­ri 2021-nji ma­li­ýe ýy­ly­nyň gir­de­ji çak­la­ma­sy­ny, tak­my­nan, ABŞ-nyň 95 mil­liard dol­la­ry­na çen­li ýo­kar­lan­dyr­dy­lar.

28 Noýabr 2021

Tehnologiýa

«Cisco Sys­tems» işjeň hyzmatdaşlygy ýola goýdy

«Cisco Sys­tems» kom­pa­ni­ýa­sy 2021-nji ýy­lyň üçün­ji çär­ýe­gin­de ABŞ-nyň 3 mil­liard dol­la­ry möç­be­rin­de gir­de­ji ga­zan­dy. Ha­sa­bat döw­rü­nde kom­pa­ni­ýa­nyň gir­de­ji­si 12,9 mil­liard dol­la­ryna çen­li ýo­kar­lan­dy. Bi­ler­men­ler kom­pa­ni­ýa­nyň gir­de­ji­si­niň ABŞ-nyň 12,98 mil­liard dol­la­ry möç­be­rin­de bol­ma­gy­ny çak­la­ýar­dy­lar. Kom­pa­ni­ýa gir­de­ji­si­ni has-da ýo­kar­lan­dyr­mak üçin tä­ze hyz­mat­la­ry­nyň gör­nüş­le­ri­ni art­dyr­ýar. Bu ba­bat­da «Cisco Sys­tems» bir­nä­çe önüm­çi­lik kom­pa­ni­ýa­la­ry bi­len iş­jeň hyz­mat­daş­ly­gy­ny ýo­la goý­dy.

28 Noýabr 2021

Tehnologiýa

Gel­jek ýyl 2 mil­liard dol­la­rlyk gir­de­jä garaşýar

«So­nos» kom­pa­ni­ýa­sy 2021-nji ýy­lyň dör­dün­ji çär­ýeginde ABŞ-nyň 359,5 mil­lion dol­lary möçberinde gir­de­ji al­dy. Bi­ler­men­le­ri bu çär­ýek­de kom­pa­ni­ýa­nyň gir­de­ji­si­niň ABŞ-nyň 360 mil­lion dol­la­ry möç­be­rin­de bol­ma­gy­ny çak­la­ýar­dy­lar. Bu gör­ke­zi­ji­niň gel­jek ma­li­ýe ýy­lyn­da ABŞ-nyň 2 mil­liard dol­la­ry möç­be­rin­de bol­ma­gy­na ga­ra­şyl­ýar. Ýa­kyn­da kom­pa­ni­ýa ABŞ-nyň 150 mil­lion dol­la­ry­na ba­ra­bar paý­na­ma­sy­ny yzy­na sa­tyn al­mak ba­ra­da mak­sat­na­ma­sy­ny hem yg­lan et­di. Mag­lu­mat üçin, kom­pa­ni­ýa dür­li gör­nüş­li kuw­wat­lan­dy­ry­jy­la­ry we elekt­ro­teh­ni­ka­la­ry ön­dür­ýär.

28 Noýabr 2021

Tehnologiýa

Bir rekord — 12 müň sazanda

We­ne­sue­la 12 müň sa­zan­da­dan yba­rat dün­ýä­de iň uly or­kest­ri­niň kö­me­gi bi­len, Gin­ne­siň re­kord­lar ki­ta­by­na gir­di. Ýur­duň «Ça­ga­lar we ýaş­lar or­kestr­ler ul­ga­my» diý­lip at­lan­dy­ryl­ýan bu to­par 2019-njy ýyl­da bi­le­lik­de saz ça­lan 8 müň sa­zan­da­sy bi­len Rus­si­ýa­nyň ga­za­nan re­kor­dy­ny tä­ze­le­di. Ýa­ňy-ýa­kyn­da We­ne­sue­la­nyň «Ça­ga­lar we ýaş­lar or­kestr­ler ul­ga­my» Çaý­kows­ki­niň «Slaw­ýan mar­şy­ny» ýe­ri­ne ýe­ti­rip, Ka­ra­kas­da­ky Har­by aka­de­mi­ýa­­da çy­kyş et­di. Bu çy­kyş Gin­ne­siň rekordlar ki­ta­by­na gi­ri­zi­len tä­ze re­kord bol­dy. Çaý­kows­ki­niň dün­ýä bel­li sa­zy­ny We­ne­sue­la­nyň 12 mü­ňe go­laý sa­zan­da­sy, şol san­da 12 ýaş­ly ça­ga­lar we Si­mon Bo­li­wa­ryň or­kest­ri­niň uly ýaş­ly sa­zan­da­la­ry us­sat sa­zan­da And­res As­ka­nio­nyň ýol­baş­çy­ly­gyn­da ýe­ri­ne ýe­tir­di­ler.

28 Noýabr 2021

Jemgyýet

«Sam­sung» kompaniýasy çip za­wo­dy­ny gu­rar

«Sam­sung Electro­nics» kom­pa­ni­ýasy Te­has­da (ABŞ) hä­zir­ki za­man mik­ros­he­ma­lar za­wo­dy­ny gur­mak­çy bol­ýar. Bu ba­ra­da «Bloom­berg» agent­li­gi ha­bar ber­ýär. Ko­re­ýa Res­pub­li­ka­sy­nyň iň iri kom­pa­ni­ýa­sy tä­ze za­wo­dyny Os­tin­dä­ki (Te­has şta­ty, ABŞ) ägirt uly önüm­çi­lik mer­ke­zin­den 30 km uzak­lyk­da ýer­leş­ýän Teý­lor şä­he­rin­de gu­rar. Hä­zir­ki wagt­da kom­pa­ni­ýa 3000-den gow­rak iş­gä­ri özün­de jem­le­ýän we ýurt­da iň çyl­şy­rym­ly mik­ros­he­ma­la­ry ön­dür­ýän ägirt uly önüm­çi­lik top­lu­my­na ABŞ-nyň 17 mil­liard dol­laryna golaý ma­ýa goý­dy.

28 Noýabr 2021

Tehnologiýa

«Tif­fa­ny & Co» iň gym­mat şaý-sep­le­rini gör­kez­di

ABŞ-nyň «Tif­fa­ny & Co» kom­pa­ni­ýasy Du­baý­da dowam edýän «Eks­po — 2020» Bü­tin­dün­ýä ser­gi­sin­de özüniň iň gym­mat şaý-sep­le­rini gör­kez­di. Gür­rüň umu­my ag­ra­my 180 ka­rat­lyk 578 göw­her bi­len be­ze­len «World's Fa­ir» mon­ju­gy ba­ra­da gid­ýär. On­dan baş­ga-da, mon­juk 80 ka­rat­lyk uly im­pe­rial göw­her da­şy bi­len be­ze­len­dir. Mon­ju­gyň ba­ha­sy ABŞ-nyň 20 — 30 mil­lion dol­la­ry ara­ly­gyn­da bolar di­ýip ha­sap edil­ýär. «Tif­fa­ny & Co» bu mon­ju­gy ýan­war aýyn­da Günorta Afrikanyň Bots­wa­na­ döwletinden ýu­murt­ga gör­nüş­inde gy­raň­la­nan uly göw­he­ri alan­dan soň ýa­sap baş­lap­dyr. Bu daş kom­pa­ni­ýa­nyň sat­ly­ga çy­kar­ýan şaý-sep­le­ri­ne dak­mak üçin sa­tyn alan göw­her­le­ri­niň iň iri­si­dir. 

28 Noýabr 2021

Jemgyýet

Sal­wa­dor­da il­kin­ji kri­pto­wal­ýu­ta şä­he­ri­ gu­r­lar

Sal­wa­dor ýa­kyn wagt­da dün­ýä­de il­kin­ji kri­pto şä­he­ri gur­mak mak­sady bilen, «Bitcoin ob­li­ga­si­ýa­la­ry­ny» do­la­ny­şy­ga goý­be­rer. Şä­her «Bitcoin Citi» ady­na eýe bo­lar we ýur­duň gün­do­ga­ryn­da­ky La Union se­bi­tin­de gu­r­lar. Bu eko­lo­gi­ýa taý­dan do­ly aras­sa şä­her bo­lar we wul­kan­dan iş­le­nip alyn­ýan bio­ter­mal ener­gi­ýa­sy­ny ula­nar. Şä­her ýa­şaý­jy­la­ry bol­sa sal­gyt­la­ryň äh­li­sin­den di­ýen ýa­ly bo­şa­dy­lar. On ýy­la ni­ýet­le­nen «Bitcoin ob­li­ga­si­ýa­la­ryň» il­kin­ji top­lu­my­nyň möç­be­ri ABŞ-nyň 10 mil­liard dol­la­ry­na ba­ra­bar bo­lar. Ob­li­ga­si­ýa­la­ry 2022-nji ýyl­da ula­ny­şa goý­ber­mek me­ýil­leş­diril­ýär. 

28 Noýabr 2021

Jemgyýet

«Xiao­mi» smart­fon­la­ry öý­de be­jer­mä­ge müm­kin­çi­lik dö­red­ýär

Hy­ta­ýyň teh­no­lo­gi­ýa ägir­di «Xiao­mi» kom­pa­ni­ýa­sy tarapyndan smart­fon­la­ry öý­de abat­la­mak üçin niýetlenen «Xiao­mi Cares» me­ýil­na­ma­sy­ işe goý­be­rildi. Bu ba­ra­da «GSM Are­na» ne­şi­ri ha­bar ber­ýär. Kom­pa­ni­ýa­nyň Hin­dis­tan bö­lüm­çe­si­niň saý­tyn­da müş­de­ri­niň bäh­bit­le­ri­niň el­my­da­ma bi­rin­ji orun­da dur­ýan­dy­gy ba­ra­da aý­dyl­ýar. «Xiao­mi In­dia» me­ýil­na­ma­sy­nyň anyk şert­le­ri­ni we wag­ty­ny mä­lim et­me­ýär, di­ňe onuň ýa­kyn wagt­lar­da işe baş­la­jak­dy­gy­ny bel­le­ýär. Ha­bar be­riş se­riş­de­si mu­nuň «App­le»-niň müş­de­ri­le­re en­jam­la­ry­ny abat­la­ma­ga müm­kin­çi­lik ber­ýän me­ýil­na­ma­syn­dan soň­ky meň­zeş ikin­ji me­ýil­na­ma di­ýip ha­ba­ryn­da aýd­ýar. «Self Service Re­pair» in­di­ki ýy­lyň ba­şyn­da ABŞ-da, soň­ra bol­sa beý­le­ki ýurt­lar­da öz işi­ne baş­lar.

28 Noýabr 2021

Tehnologiýa

«Nis­san Mo­tor» önümçiligini giňeldýär

Ýa­po­ni­ýa­nyň «Nis­san Mo­tor» aw­tou­lag ön­dür­ýän kom­pa­ni­ýa­sy 2030-njy ýy­la çen­li Ýew­ro­pa­nyň ba­za­ryn­da elekt­rik hereketlendiriji­de iş­le­ýän we gib­rid ulag­la­ry­nyň pa­ýy­ny 80%-e ýe­tir­me­gi me­ýil­leş­dir­ýär. «Nis­san Mo­tor» üçin esa­sy ba­zar­la­ry­nyň bi­ri bo­lan Hy­taý­da bu gör­ke­zi­ji 50%-e ba­ra­bar bo­lar. Kom­pa­ni­ýa 2010-2020-nji ýyl­lar ara­ly­gyn­da ho­wa­ny ha­pa­la­ýan ji­sim­le­ri bolmadyk aw­tou­lag­la­ry ön­dür­mek üçin, tak­my­nan, 3 tril­lion ýen (ABŞ-nyň 26 mil­liard dol­la­ry) ma­ýa goý­dy. Do­wam ed­ýän on­ýyl­lyk­da ola­ryň möç­be­ri­ni 30% kö­pelt­mek göz öňü­nde tu­tul­ýar. Şeý­le-de «Nis­san Mo­tor» 2026-njy ýy­la çen­li hä­zir önüm­çi­lik­de bar bo­lan bäş mo­de­lin­den baş­ga-da, ýe­ne 10 sa­ny tä­ze elekt­ro­mo­bil­le­ri­ni dün­ýä ba­za­ry­na çy­kar­ma­gy mak­sat edin­ýär.

28 Noýabr 2021

Tehnologiýa

«Bai­du» tö­leg­li ro­bot-tak­si hyz­ma­ty­ny ýo­la go­ýýar

Hy­ta­ýyň «Bai­du» in­ter­net kom­pa­ni­ýa­sy Pe­ki­niň (Hy­taý) gü­nor­ta­syn­da ýurt­da il­kin­ji tö­leg­li ro­bot-tak­si hyz­ma­ty­ny ýo­la goý­ýar. Mu­nuň üçin, Pe­ki­niň şä­her hä­kim­li­gi oňa ýö­ri­te yg­ty­ýar­na­ma ber­di. Yg­ty­ýar­na­ma la­ýyk­lyk­da, kom­pa­ni­ýa Hy­ta­ýyň paý­tag­ty­nyň gü­nor­ta­syn­da 60 ine­dör­dül ki­lo­met­r aralygynda sü­rü­ji­siz tak­si hyz­ma­tyn­dan peý­da­lan­ýan ýo­lag­çy­lar­dan tö­leg alyp bi­ler. Hyz­mat «Apol­lo Go» diý­lip at­lan­dy­ry­lar we her gün ir­den sa­gat 700-dan ag­şam 2200-a çen­li he­re­ket eder. «Bai­du» bu se­bit­de ýene-de 600-den gow­rak ro­bot-tak­si hyz­ma­tlarynyň no­ka­dy­ny dö­re­der. Mag­lu­mat peý­da bo­lan­dan soň, ge­çen hep­de Gon­kon­gyň gaz­na bir­ža­syn­da «Bai­du»-nyň paý­na­ma­la­ry 4,4% gymmatlady.

28 Noýabr 2021

Tehnologiýa

Ma­ýa go­ýum gaz­na­sy «Lip­ton» we «Broo­ke Bond» mar­ka­la­ry­ny sa­tyn al­ýar

Be­ýik Bri­ta­ni­ýa­nyň «CVC Capi­tal Part­ners» ma­ýa go­ýum gaz­na­sy ça­ýyň «Lip­ton» we «Broo­ke Bond» brend­le­ri­ni sa­tyn al­mak bo­ýun­ça «Uni­lever» kom­pa­ni­ýa­sy bi­len şert­na­ma bag­laş­dy. «Fi­nancial Ti­mes» ga­ze­ti­niň ha­ba­ry­na gö­rä, ge­le­şi­giň ba­ha­sy 4,5 mil­liard ýew­ro (ABŞ-nyň 5,1 mil­liard dol­la­ry) ba­ra­bar bo­lar. Şeý­le-de «Lip­ton» we «Broo­ke Bond» mar­ka­la­ry­na Ame­ri­ka­nyň «Advent» we «Car­ly­le» ma­ýa­ go­ýum gaz­na­la­ry­nyň hem da­laş eden­dik­le­ri bel­le­nil­ýär. Yla­la­şy­gyň öňýa­ny «Uni­lever» bu bö­lüm­çe­si­ni ýyl­da 2 mil­liard ýew­ro (ABŞ-nyň 2,2 mil­liard dol­la­ry) gir­de­ji ber­ýän öz­baş­dak «Eka­ter­ra» kom­pa­ni­ýa­sy­na bö­lüp­di. Ga­zet «Uni­lever»-iň ýyl­da, tak­my­nan, 1 mil­liard ýew­ro (ABŞ-nyň 1,1 mil­liard dol­la­ry) gir­de­ji ge­tir­ýän bir­nä­çe çaý brend­le­ri­ni öz çä­gin­de alyp ga­lan­dy­gy­ny nyg­ta­ýar.

28 Noýabr 2021

Telekeçilik

ABŞ-da 35 mil­lion dol­lar­lyk göw­her­li köşk sa­tu­wa çy­ka­ryl­dy

Wuds­tok­da (Kon­nek­ti­kut şta­ty, ABŞ) ABŞ-nyň 35 mil­lion dol­la­ry­na barabar göw­her bi­len ör­tü­len pen­ji­re­li köşk sat­ly­ga çy­ka­ryl­dy. Bi­na­da köp ka­min ojak­la­ry, et­nik stil­de üýt­ge­şik heý­kel­ler we su­rat­lar, şeý­le hem do­kuz sany ýa­tyl­ýan otag, ýe­di sany ham­mam, iki sa­ny me­bel­li aş­ha­na hem-de meý­lis­ler üçin giň eý­wan bar. Bi­na­nyň umu­my meý­da­ny 1,7 müň ine­dör­dül met­re deň. Ol 303 müň ine­dör­dül met­re ba­rabar hu­su­sy mülk meý­dan­da ýer­leş­ýär. Bi­na ko­rol Ar­tu­ryň döw­rü­niň sti­lin­de gu­r­lup­dyr. Ýe­di ýyl mun­dan öň hem bu köşk sat­ly­ga çy­ka­ry­lyp­dy. Şon­da onuň kes­git­le­nen ba­ha­sy ABŞ-nyň 45 mil­lion dol­la­ry­na ba­ra­bar­dy.

28 Noýabr 2021

Jemgyýet

Tä­ze «Porsche Taycan GTS» elekt­rik se­da­ny­ny tanyşdyrdy

Ger­ma­ni­ýa­nyň «Porsche AG» aw­tou­lag kom­pa­ni­ýa­sy 2022-nji ýyl­da önüm­çi­li­ge goý­be­ril­me­li tä­ze «Porsche Taycan GTS» elekt­rik se­da­ny­ny gör­kez­di. Aw­tou­la­gyň kuw­wat­ly­lygy 590 at güý­jü­ne ba­rabar bolup, ol sa­gat­da 96 ki­lo­metr tiz­li­ge 3,5 se­kunt­da ýet­ýär. Elekt­ro­kar 93,4 kWt kuw­wat­ly ba­ta­re­ýa bi­len üp­jün edi­len­dir. Onuň zar­ýad­ka müm­kin­çi­li­gi 22,5 mi­nu­ta ba­rabar we bir zar­ýad­ka­da 365 km çen­li ýoly geçip bil­ýär. «Taycan GTS» 20 dýuým­lyk ae­ro­di­na­mi­ki ga­ra reňk­li ti­gir­ler bi­len en­jam­laş­dy­ry­lan­dyr. Onuň öňki otur­gyç­lary 18 görnüşde saz­lan­ýar. Elekt­rik­li aw­tou­la­gyň ba­ha­sy, tak­my­nan, ABŞ-nyň 131,400 dol­laryn­dan baş­la­ýar.

28 Noýabr 2021

Tehnologiýa

Padymanyň köprüsi

(Başlangyjy gazetimiziň geçen sanlarynda) (hekaýa)

28 Noýabr 2021

Edebiýat