Tokio 2020-de dzýudo boýunça geçirilen ýaryşlarda taryhy waka boldy. Ýaponiýaly doganlar Abeler dzýudo boýunça geçirilen ýaryşlarda bir günüň dowamynda altyn medal gazanmagy başardylar. Ilki bilen zenanlaryň arasynda 21 ýaşly Uta Abe 52 kg agram derejesinde finalda fransiýaly Amandin Buşardan üstün çykdy. Bu tutluşykdan sanlyja minutlar soň Uta Abeniň özünden 2 ýaş uly dogany Hifume Abe erkekleriň arasynda 66 kg agram derejesinde ýeňiji boldy. Ol finalda gruziýaly Waža Margwelaşwilini ýeňlişe sezewar etdi. Şeýlelikde, doganlar Abeler Olimpiýa oýunlarynyň taryhynda sportuň bir görnüşinde ýekeleýin bäsleşiklerde bir günüň dowamynda altyn medal alan ilkinji doganlar hökmünde hasaba alyndy.