Tokio 2020-de Olimpiýa oýunlarynyň maksatnamasyna ilkinji gezek girizilen skeýtboarding bäsleşiginde zenanlaryň arasynda 13 ýaşyndaky ýaponiýaly Momiži Nişiýa ýeňiş gazandy. Ol köçe skeýtboarding görnüşinde 15,26 utuk toplap, 13 ýaşyndaky braziliýaly Leal Raýsaadan hem-de 16 ýaşly watandaşy Funa Nakaýamadan öňe saýlandy. Nişiýa şu ýyl Rimde geçirilen Dünýä çempionatynda çempion bolupdy.
Münbere çykan 3 türgeniň ýaş bolmagy Olimpiýa oýunlarynyň taryhyndaky iň ýaş ýeňiş münberleriniň biri hökmünde hasaba alyndy.