Ýakynda Türkiýäniň Antalýa şäherinde mekdep okuwçylarynyň arasynda XXVIII Balkan matematika olimpiadasy geçirildi. Oplimpiadada ýurdumyzyň mekdep okuwçylary üstünlikli çykyş etdiler. Oňa dünýäniň 22 döwletinden 130 okuwçy gatnaşdy. Netijede, Aşgabat şäheriniň 86-njy, 97-nji, Daşoguz şäheriniň 26-njy orta mekdepleriniň okuwçylary Hemra Gurbanow, Begli Işanmyradow, Myrat Ruslanow, Begenç Gurbanow dagy kümüş medaly eýelediler. Daşoguz şäheriniň 24-nji orta mekdebiniň okuwçysy Aýly Gaýypow bolsa bürünç medala mynasyp boldy.
Mekdep okuwçylarynyň halkara bäsleşikde baýrakly orunlara mynasyp bolmaklary hormatly Prezidentimiziň bilimde intellektual we ruhy taýdan ösen, watansöýüji ýaşlary terbiýeläp ýetişdirmek meselesine berýän ünsüniň «Pähim-paýhas ummany Magtymguly Pyragy» ýylynda gazanylan nobatdaky netijesidir.
