10-njy ýanwarda hokkeý boýunça Türkmenistanyň çempionatynyň täze möwsümine badalga berildi. Möwsümiň ilkinji duşuşygynda Söwda we daşary ykdysady aragatnaşyklar ministrliginiň «Şir» hokkeý topary «Merdana» toparyny 3:0 hasabynda ýeňdi.
Täze möwsümiň açylyş duşuşygy mundan 10 ýyl ozal Gahryman Arkadagymyzyň gatnaşmagynda açylyp ulanmaga berlen «Galkan» gyşky oýunlar sport toplumynda geçirildi. Bu toplum Türkmenistanyň Içeri işler ministrligine degişlidir. Milli çempionatyň duşuşyklary bu toplumdan başga-da, paýtagtymyzyň Milli olimpiýa sport köşgünde we Gyşky oýunlar sport toplumynda geçiriler.
