Ezberler öňe saýlandy

Sport
3 Ýanwar 2024
567

Ýurdumyzyň ýokary okuw mekdepleriniň talyplarynyň arasynda sportuň Karate-do görnüşi boýunça XIII uniwersiada geçirildi. Bu çekeleşikli bäsleşige Türkmenistanyň Goranmak ministrliginiň Beýik Saparmyrat Türkmenbaşy adyndaky Harby institutynyň harby talyplary hem gatnaşyp, baýrakly orunlara mynasyp boldular. Bäsleşikde harby talyplar Myrat Saryýew 1-nji, Daýanç Keletliýew, Arslan Babanazarow 2-nji, Abdylla Nurgyljow, Şatlyk Esenow, Annanur Tagansähedow 3-nji orny eýelemegi başardylar. Şeýlelikde, bäsleşigiň jemleri boýunça Harby institutyň topary 2-nji orna mynasyp boldy. Ýeňiji bolan türgenlere Türkmenistanyň Karate-do federasiýasy tarapyndan Hormat hatlary, medallar, kubok we ýadygärlik sowgatlar dabaraly ýagdaýda gowşuryldy.

Güýç GÖKOW,
uly leýtenant.
Beýleki habarlar