Kaka etrabyndaky 14-nji orta mekdebiň sport zalynda «Türkmenistan — ruhubelentligiň we sagdynlygyň ýurdy» atly XIII spartakiadanyň çäginde basketbol ýaryşynyň etrap tapgyry geçirildi. Okuwçy oglanlaryň arasynda geçirilen bu ýaryş «Türkmenistan» Ýaşlar bedenterbiýe-sport guramasynyň Ahal welaýat bölümi, etrabyň bedenterbiýe we sport bölümi hem-de etrap bilim bölümi tarapyndan guraldy.
Ýaryşa etrapdaky orta mekdepleriň aglabasyndan toparlar gatnaşyp, özaralarynda gyzykly duşuşyklary alyp bardylar. Netijede, etrapdaky 19-njy orta mekdebiň topary birinji, 20-nji orta mekdebiň topary ikinji, 17-nji orta mekdebiň topary üçünji orna mynasyp boldy. Ýeňiji toparlara hormat hatlary gowşuryldy.
