"Rysgal" gazeti

Esaslandyryjysy: Türkmenistanyň Senagatçylar we telekeçiler birleşmesi
Salgysy: Aşgabat şäheri, A.Nyýazow şaýoly, 174
Telefon belgileri:21-23-57

Gazeti PDF görnüşinde ýükläp almak

Habarlar

Nebitgaz toplumynda bäş aýyň jemlerine garaldy

8-nji iýunda Türkmenistanyň nebitgaz toplumynyň merkezi binasynda «Pähim-paýhas ummany Magtymguly Pyragy» ýylynyň geçen bäş aýynda ýerine ýetirilen işleriň jemlerine bagyşlanan hasabat ýygnagy geçirildi. Onda 7-nji iýunda hormatly Prezidentimiz Serdar Berdimuhamedowyň ýurdumyzyň ykdysadyýetiniň pudaklarynda alnyp barlan işleriň netijelerine bagyşlap sanly ulgam arkaly geçiren Türkmenistanyň Ministrler Kabinetiniň nobatdaky mejlisinde nebitgaz toplumynyň öňünde goýan wezipeleri ara alnyp maslahatlaşyldy hem-de bu ugurda işleri has-da ilerletmegiň anyk ýollary kesgitlenildi. Türkmenistanyň Ministrler Kabinetiniň Başlygynyň orunbasary Batyr Amanow hasabat ýygnagyny açyp, hormatly Prezidentimiz Serdar Berdimuhamedowyň nebitgaz senagatynyň işini kämilleşdirmekde we mundan beýläk hem ösdürmekde ähli mümkinçilikleri döredip berýändigini, önümçilik kuwwatlyklarynyň döwrebaplaşdyrylýandygyny, kämil enjamlaryň, tehnikalaryň we innowasion tehnologiýalaryň ornaşdyrylýandygyny, şonuň netijesinde pudagyň öňünde wajyp wezipeleriň kesgitlenendigini belledi.

10 Iýun 2024

Jemgyýet

Köňül tämizliginiň baýramy

Gurban baýramy — halkymyzy bir saçagyň, bir ojagyň, päk niýetiň başynda jemleýän baýram. Gurbanlyk kesmek Gurban baýramynyň birinji güni Baýram namazy okalandan soň başlanyp, üçünji günüň agşamyna çenli dowam edýär. Gurban baýramynyň başy tämizlikden başlanýar. Gün dogmanka turup, «Gurban şora men şora, batyr kelläňi nura» diýip, gurbanşor edilýär. Baýramçylykda täze egin-eşikler geýlip, özüňe, öý-içeriňe serenjam berilýär. Gadym döwürlerde her maşgala agzasy üçin birlaý täze lybas tikinmäge, gurby çatmadyk öýlerde egin-eşigiň bagjyk, iňňebagjyk, gülýaka, tahýa, ýaglyk ýaly, birlän-ikilän görnüşini täzeläp, beýlekilerini tämizläp geýmek hem göwne makul hasaplanypdyr. Şeýle-de bu baýramda uly-kiçi hemme hiňňildik uçmagy sogap hasaplaýar. «Hiňňildik uçsaň, günäleriň dökülýärmiş» diýen yryma ynanyp, üç günüň dowamynda hiňňildik uçýarlar. Gurban baýramy adamzadyň ahlak-edep ýörelgelerini, dogruçyllygy we päkligi ündeýän gadymy baýramdyr.

10 Iýun 2024

Jemgyýet

Täze ýoluň innowasion ulgamlary

Hormatly Prezidentimiziň gatnaşmagynda Aşgabat — Türkmenabat ýokary tizlikli awtomobil ýolunyň Tejen — Mary böleginiň açylyp, ulanylmaga berilmegi «Pähim-paýhas ummany Magtymguly Pyragy» ýylynyň şanly wakalarynyň biri boldy. Döwrebap ýoluň nobatdaky tapgyrynyň işe girizilmegi ýurdumyzyň sebitlerini bir-biri bilen baglanyşdyryp, ildeşlerimiziň has çalt we howpsuz hereket etmegine mümkinçilik döretdi. «Türkmen Awtoban» ýapyk görnüşli paýdarlar jemgyýetiniň buýurmasy esasynda türkmen gurluşykçylary tarapyndan gurulýan ýolda dünýäniň öňdebaryjy kompaniýalarynyň innowasion tehnologiýalary we häzirki zaman ulgamlary peýdalanylýar. Döwrebap ýoluň ugrunda hereketiň abadançylygyny üpjün etmek üçin ähli zerur şertler bar. Ýolda ýüze çykyp biljek adatdan daşary ýagdaýlar üçin zolaklaryň döredilmegi, döwrebap elektron töleg terminallarynyň, wideogözegçilik enjamlarynyň, tizlik ölçeýjileriň, aragatnaşyk nokatlarynyň, innowasion yşyklandyryş sütünleriniň oturdylmagy, ýol hereketine gönükdiriji we salgy beriji ýol belgileriniň ýerleşdirilmegi munuň aýdyň subutnamasydyr. Ähli amatlyklar bilen üpjün edilen myhmanhanalaryň, harytlaryň dürli görnüşlerini hödürleýän söwda merkezleriniň, dynç alyş ýerleriniň, tagamlaryň dürli görnüşlerini taýýarlaýan naharhanalaryň, ýangyç guýujy beketleriň bolmagy täze ýolda sürüjiler we ýolagçylar üçin iň oňaýly şertleriň döredilendigini tassyklaýar.

10 Iýun 2024

Jemgyýet

Redaksiýanyň elektron poçtasyndan: watan@sanly.tm

Baýramçylyga bagyşlandy Golaýda Türkmenistanyň Demokratik partiýasynyň Aşgabat şäher komiteti Türkmenistanyň Ylymlar akademiýasy bilen bilelikde Ylymlar güni mynasybetli TYA-nyň Tehnologiýalar merkezinde «Ylym — ösüşleriň binýady» atly baýramçylyk çäresini geçirdi. Oňa TDP-niň Aşgabat şäher komitetiniň işjeň agzalary TYA-nyň Magtymguly adyndaky Dil, edebiýat, we milli golýazmalar, himiýa, taryh we arheologiýa institutlarynyň wekilleri gatnaşdy.

10 Iýun 2024

Jemgyýet

Zyýaratyňyz kabul bolsun!

Her ýylda bolşy ýaly, şu ýyl hem musulman dünýäsinde Gurban aýynyň başlanmagy bilen mukaddes Käbä haj parzyny berjaý etmäge gidýän ildeşlerimiziň sany barha artýar. Şu günler isleg bildirýän ildeşlerimiziň ençemesi Ministrler Kabinetiniň ýanyndaky Ulag we kommunikasiýalar agentliginiň «Türkmenhowaýollary» agentligi tarapyndan guralýan ýörite uçar gatnawlary arkaly haj parzyny berjaý etmek üçin Saud Arabystany Patyşalygyna gidýärler. Musulmanlaryň esasy baýramlarynyň biri bolan Gurbanlyk günlerinde ýurdumyzyň ähli welaýatlaryndan we paýtagtymyzdan, şonuň ýalyda Arkadag şäherinden bolan zyýaratçylaryň ençemesi dünýäniň çar ýanyndan zyýaratçylaryň millionlarçasyna goşulyp, mukaddes Käbä — Mekge — Medinä baryp, musulmançylyk däpdessurlaryny berjaý edýärler.

10 Iýun 2024

Jemgyýet

Arkadagly Gahryman Serdarymyzyň «Ýaşlar — Watanyň daýanjy» atly kitabyndan

SOWATLY NESIL GELJEGI SOWGATLY HALKDYR Atam pahyr her bir wakany rowaýatdyr tymsallaryň üsti bilen berkidip gürrüň bermegi halardy. Şeýdilende, ýaňzydylýan söz aňda has mäkäm orun alýar. Rowaýatlara görä, akyldarlaryň biri: «Haýsy daragt has köp wagtlap hasyl berýär?» diýip sorapdyr. Şägirtleriniň hersi bir pikiri orta oklapdyr, ýöne jogaplaryň hiç biri akyldary kanagatlandyrmandyr. «Iň bereketli hasyl diňe nesil daragtynda bolar. Sowatly, terbiýeli, düşünjeli bir nesil ýetişdirip bilsek, halkyň onlarça asyrlyk bagtly ykbalyny kepillendirdigimizdir. Sowatly nesil geljegi sowgatly halkdyr» diýip, akyldar jogap beripdir. Ýaşlar hakdaky syýasatymyzda we amala aşyrýan işlerimizde biz Gahryman Arkadagymyzyň hem-de ata-babalarymyzyň müňýyllyklardan gözbaş alýan şonuň ýaly çuňňur pähim-parasatlaryndan ugur alýarys. Sanlyja ýylyň içinde gazanylan ençeme üstünlikler, ýetilen sepgitler, gurlan binalar sanardan kän, hut şonuň üçinem beýik döwrümiziň ösüş depgini örän ýokary. Onsoň, şeýle ösüşli zamana çuňňur düşünmegimiz üçin, oňa bolan buýsanjymyzyň kämil bolmagy üçin bu döwletli ýolda bilelikde, agzybirlikde öňe ilerlemegimiz, has ruhubelent we yhlasly zähmet çekmegimiz gerek.

10 Iýun 2024

Jemgyýet

Ajaýyp günler, ýakymly ýatlamalar (Şadyýan tomus — 2024)

Bagtyýar körpeleriň tomusky dynç alyş möwsümini has-da gyzykly, täsirli geçirmekleri üçin ýurdumyzdaky çagalar dynç alyş we sagaldyş merkezleri talabalaýyk işleri alyp barýarlar. Bagtly çagalygyň mekany hasaplanýan meşhur Gökdere jülgesi, her ýyl bolşy ýaly, bu ýyl hem körpe nesillerimize gujagyny giňden açdy. Bu ýerdäki merkezlerde şowhunly konsertler, sport ýaryşlary, dürli medeni çäreler yzygiderli guralýar.

10 Iýun 2024

Jemgyýet

Bir etrapdan iki habar

Wagyz-nesihat çäresi Golaýda «Maşgala gymmatlyklary — türkmen döwletliliginiň, milli terbiýäniň özeni» diýen at bilen Köneürgenç etrabyndaky 58-nji orta mekdebiň mejlisler zalynda wagyz-nesihat çäresi geçirildi. Oňa KA-nyň etrap birleşmesiniň işgärleri, ilkinji guramalarynyň başlyklary, işjeň agzalary, il sylagly ýaşulular, mährem eneler, hukuk goraýjy edaralaryň wekilleri, ýaşlar we etrabyň beýleki jemgyýetçilik guramalarynyň ýolbaşçylary gatnaşdylar. Çäräniň dowamynda TKA-nyň welaýat birleşmesiniň başlygynyň orunbasary Arslan Taganow, il sylagly ýaşuly Halnazar Nurmuhammedow, mährem ene Maral Halnazarowa, etrap kazyýetiniň kazyýet ýerine ýetirijisi Nurmyrat Öserow, etrap polisiýa bölüminiň kämillik ýaşyna ýetmedikleriň işi boýunça bölümçesiniň gözegçisi Öwez Allaýarow, TKA-nyň etrap birleşmesiniň başlygy Mahmut Ýazow dagy çykyş etdiler. Olar öz çykyşlarynda maşgala mukaddesligini gorap saklamak, ýaramaz endiklerden daşda durmak, Watanymyzyň ertirki eýeleri bolan ýaş nesillerimizi zähmetsöýer, watansöýiji, ylymly-bilimli, ata-babalarymyzdan gelýän milli ýol-ýörelgelerimize ygrarly edip ýetişdirmekde öňde durýan wezipeler barada nygtadylar. Ýurdumyzda hormatly Prezidentimiziň bimöçber aladasy bilen her bir raýatyň asuda, parahat durmuşda ýaşamagy, dynç almagy, öndürijilikli zähmet çekmegi ugrunda döredilýän şertler dogrusynda hem aýratyn belläp geçdiler.

10 Iýun 2024

Jemgyýet

Wagyz-nesihat duşuşygy

Asyrlaryň şamçyragy — Magtymguly Pyragy Golaýda şeýle at bilen Magtymguly Pyragynyň doglan gününiň 300 ýyllygynyň toýy mynasybetli etrap medeniýet öýüniň ýygnaklar zalynda TDP-niň etrap komitetiniň, TKA-nyň etrap birleşmesiniň, etrap merkezi kitaphanasynyň bilelikde guramagynda wagyz-nesihat duşuşygy geçirildi. Oňa TDP-niň etrap komitetiniň, TKA-nyň etrap birleşmesiniň işgärleri we işjeň agzalary hem-de etrap merkezi kitaphanasynyň kitaphanaçylary gatnaşdylar.

10 Iýun 2024

Jemgyýet

Lukmançylyk klasteri — Arkadag şäheriniň innowasion ösüş merkezi

Geçen şenbede türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Arkadag şäherine iş saparyny amala aşyryp, bu ýerde önümçilik kuwwatlyklarynyň gurluşygy bilen baglanyşykly işler bilen tanyşdy hem-de täze şäherde degişli ýolbaşçylaryň gatnaşmagynda iş maslahatyny geçirdi. Onda döwlet ähmiýetli şäheriň ikinji tapgyrynda senagat önümçiliklerini ýola goýmak, lukmançylyk klasterini döretmek boýunça alnyp barylýan işlere hem seredildi. Hormatly Prezidentimiz Serdar Berdimuhamedowyň öňdengörüjilikli baştutanlygynda täze şäheriň gurluşygynyň ikinji tapgyrynda meýilleşdirilen önümçilik toplumlarynda öndüriljek serişdeleriň ýokary halkara görkezijilere, häzirki zamanyň ekologik talaplaryna doly laýyk gelmegine, önümçilikde döwrebap usullaryň, täzeçil tehnologiýalaryň ulanylmagyna, dünýäniň ösen tejribesiniň öwrenilmegine we ornaşdyrylmagyna uly üns berilýär. Gazetimiziň habarçysy şular hakynda Türkmenistanyň Prezidentiniň ýanyndaky Arkadag şäheriniň gurluşygy boýunça döwlet komitetiniň başlygy Derýageldi ORAZOW bilen söhbetdeş boldy.

10 Iýun 2024

Jemgyýet

Hünär derejesini ýokarlandyrmaga itergi beren mejlis

Türkmen döwlet Neşirýat gullugynyň Neşirýat-çaphana orta hünär okuw mekdebinde Arkadag, Aşgabat şäherleriniň we Ahal welaýatynyň orta hünär okuw mekdepleriniň jemgyýetçilik başlangyçlary esasynda döredilen okuw-usuly geňeşiniň 7-nji maslahaty geçirildi. Oňa orta hünär okuw mekdepleriniň ýolbaşçylary, mugallymlarydyr talyplary, köpçülikleýin habar beriş serişdeleriniň wekilleri gatnaşdylar. Aýdym-sazly çykyşlar bilen dabaraly ýagdaýda açylan maslahat orta hünär okuw mekdebine degişli guralan sergi bilen utgaşdy.   

10 Iýun 2024

Jemgyýet

Binagärlik sungaty: däp bolan ýörelgeler we häzirki zaman meýilleri

Ýakynda Türkmenistanyň Ylymlar akademiýasynyň Tehnologiýalar merkezinde «Binagärlik gurluşykda döredilen sungatdyr» atly halkara ylmy-amaly maslahat geçirildi. Bilim ministrligi we Türkmen döwlet binagärlik-gurluşyk instituty bilen bilelikde guralan wekilçilikli forum Gündogaryň beýik akyldar şahyry Magtymguly Pyragynyň doglan gününiň 300 ýyllygyna hem-de Ylymlar gününe bagyşlandy. Utgaşykly görnüşde geçirilen maslahata gatnaşmaga Azerbaýjanyň, Belarusuň, Germaniýanyň, Italiýanyň, Gazagystanyň, Hytaý Halk Respublikasynyň, Gyrgyz Respublikasynyň, Malaýziýanyň, Russiýa Federasiýasynyň, Türkiýäniň we beýleki döwletleriň ugurdaş ýokary okuw mekdepleriniň ýolbaşçylarydyr professorlary, halkara guramalaryň, ýurdumyzda işleýän belli gurluşyk kompaniýalarynyň wekilleri çagyryldy.

9 Iýun 2024

Jemgyýet

Wagyz-nesihat duşuşygy geçirildi

Ýakynda Daşoguz şäherinde Daşoguz welaýat Alyjylar jemgyýetleriniň birleşiginiň müdiriýetiniň mejlisler zalynda hormatly Prezidentimiz tarapyndan «Türkmenistanda korrupsiýa garşy göreşmek hakyndaky Döwlet maksatnamasyny» ýerine ýetirmek, döwlet gullukçysynyň etikasyny we özüni alyp barşynyň düzgün-kadalaryny, sagdyn durmuş ýörelgesini, temmäkä garşy göreşmek, ýol hereketiniň kadalaryny berjaý etmek boýunça alnyp barylýan döwlet syýasatyny üstünlikli durmuşa geçirmek, şeýle-de «Änew — müňýyllyklardan gözbaş alýan medeniýet» atly kitabyny, Magtymguly Pyragynyň eserlerini söwda toplumynda zähmet çekýän işgärleriň arasynda düşündirmek, wagyz-nesihat etmek, sagdyn durmuş ýörelgelerini ýaýbaňlandyrmak maksady bilen wagyz-nesihat duşuşygy geçirildi. Maslahatda Berkarar döwletiň täze eýýamynyň Galkynyşy döwründe «Pähim-paýhas ummany Magtymguly Pyragy» ýylynda türkmen halkynyň Milli Lideri Gahryman Arkadagymyzyň beýik başlangyçlaryny mynasyp dowam etdirýän Arkadagly Gahryman Serdarymyzyň parasatly baştutanlygynda Türkmenistanyň Garaşsyz, hemişelik Bitarap döwlet hökmünde ýeten belent sepgitleri, halkara abraýy, korrupsiýa garşy göreşmek, bagtyýar hem-de rowaç durmuşyň bähbidine gönükdirilen Milli maksatnamalaryň we meýilnamalaryň durmuşa geçirilişi dogrusynda pikir alşyldy.

9 Iýun 2024

Jemgyýet

Oýun ýaly usul arkaly Mani ýa-da pul harplygy ÜSTÜNLIGE we üpjünlige tarap

(Başlangyjy gazetiň geçen sanlarynda). 2. «ARZUW ALBOMY» WE «ARZUW TOPLANÝAN GUTY»

9 Iýun 2024

Jemgyýet

Nädip ynjalyksyzlygy bes etmeli we ýaşap başlamaly

(Başlangyjy gazetiň geçen sanlarynda). Men hakyky gudrat gördüm

9 Iýun 2024

Jemgyýet

Çagalar sapaly dynç alýarlar

Ata Watanymyzda ýaş nesillerimiziň bagtyýar durmuşda ýaşamaklary, dünýäniň ösen tehnologiýalary bilen enjamlaşdyrylan umumybilim berýän mekdeplerde döwrebap bilim-terbiýe almaklary, sportuň dürli görnüşleri bilen meşgullanmaklary, göwnejaý dynç almaklary, giň dünýägaraýyşly, watansöýüji, zähmetsöýer bolup ýetişmekleri üçin ähli şertler döredilen. Häzirki wagtda çagalaryň tomusky dynç alyş möwsümi dowam edýär. Şu günler körpe nesillerimiz Gökderede, «Awaza» milli syýahatçylyk zolagynda, welaýatlarda hereket edýän döwrebap dynç alyş we sagaldyş merkezlerinde dynç alýarlar we saglyklaryny berkidýärler. Dynç alyş we sagaldyş merkezlerinde dynç alýan çagalar eziz Diýarymyzyň ajaýyp ýerlerine gezelenç edýärler, dürli ýaryşlara, döredijilik we zehin bäsleşiklerine höwesli gatnaşýarlar hem-de olar wagtlaryny gyzykly geçirýärler. Şeýle hem Gündogaryň beýik söz ussady we nusgawy şahyry Magtymguly Pyragynyň doglan gününiň 300 ýyllygy mynasybetli yglan edilen hepdeligiň çäklerinde bu ýerde dabaralar yzygiderli geçirilýär.

9 Iýun 2024

Jemgyýet

Türkmenistanyň Gahrymany Oleg Kononenko — kosmosda 1000 gün bolan ilkinji adam

«7/24. tm» №24 (211), 10.06.2024 Türk­me­nis­ta­nyň Gah­ry­ma­ny Oleg Ko­no­nen­konyň kosmos giňişliginde görkezýän netijelerine bu gün dünýä şaýat bolýar. Golaýda ol Ýe­re go­laý or­bi­ta­da je­mi 1000 gi­je-gün­di­zi ge­çi­ren dün­ýä­de il­kin­ji adam bol­dy. Bu ba­ra­da «Ros­kos­mo­s» döwlet korporasiýasyna sal­gy­la­nyp, TASS habarlar agentligi ha­bar ber­ýär.

9 Iýun 2024

Jemgyýet

To­mus ýat­la­ma­la­ry

«7/24. tm» №24 (211), 10.06.2024 To­mus pas­ly çog­ly ys­sy­sy bi­len bir ha­tar­da ýü­rek­le­ri­miz­de go­ýan ýat­la­ma­la­ry bi­len hem kal­by­my­za ýy­ly­lyk eçil­ýär. Ça­ga­jyk­la­ryň söý­gü­li pas­ly to­mus uly-ki­çi hem­me­le­riň dynç al­ýan pas­ly. Maş­ga­la bo­lup gu­ral­ýan ge­ze­lenç­ler, sy­ýa­hat­lar to­mus pas­ly­nyň kal­by­myz­da ýa­kym­ly ýat­la­ma­la­ry bi­len ar­zy­lan­ma­gy­nyň esa­sy se­bäp­le­ri­niň bi­ri­dir.

9 Iýun 2024

Jemgyýet

Zergärçilik sungatyna bagyşlandy

Türkmenistanyň Kärdeşler arkalaşyklarynyň Milli merkezi, Türkmenistanyň Zenanlar birleşiginiň Merkezi geňeşi hem-de ÝUNESKO-nyň işleri barada Türkmenistanyň milli toparynyň sekretariaty tarapyndan yglan edilen «Zerim bar, zergärim bar, bagtyýar zamanam bar» atly bäsleşigiň Ahal welaýat tapgyry jemlendi. Welaýat merkezindäki medeniýet öýünde geçirilen nobatdaky tapgyra gatnaşan zergärler bäsleşigiň şertlerine laýyklykda, senetçiligiň nesilden-nesle geçip gelýän däpleri, zergärçilik sungatyna degişli işleriň özboluşly aýratynlygy barada gürrüň berdiler, zergärçilik işiniň bir bölegini ýerine ýetirmekde başarnyklaryny görkezdiler, öz döreden zergärçilik işini labyzly okan goşgudyr gazalynyň, ýerine ýetiren aýdymynyň üsti bilen wasp etdiler. Bäsleşigiň netijesinde ýaş zergärler Dörtguly Tüýliýew hem-de Ogulgerek Ataballyýewa ýeňiji bolup, bäsleşigiň döwlet tapgyryna gatnaşmaga hukuk gazandylar.

8 Iýun 2024

Jemgyýet

Ekologik abadançylygy üpjün etmäge bagyşlanan kitap

Gyzyl kitap ýurdumyzda daşky gurşawy gorap saklamak babatda uly ähmiýete eýe bolup, Türkmenistanyň özboluşly tebigatyny goramaga, baýlaşdyrmaga, tebigy baýlyklary ylmy taýdan düýpli öwrenmäge hem-de ekologik abadançylygyny üpjün etmäge gönükdirilendir we ýurdumyzyň ösümlik, haýwanat dünýäsi baradaky gymmatly ylmy işdir. Şu jähetden, 5-nji iýunda bellenilip geçilen Daşky gurşawy goramagyň bütindünýä gününe gabatlanyp, Türkmenistanyň Gyzyl kitabynyň 4-nji neşiriniň çap edilmegi bütin halkymyzy buýsandyrdy. Döwlet Baştutanymyz Türkmenistanyň Gyzyl kitabynyň okyjylaryna, awtorlaryna we neşir edijilerine kitabyň 4-nji neşiriniň çap edilmegi mynasybetli Gutlagyny iberdi. Onda nygtalyşy ýaly, eziz Diýarymyzyň ösümlik we haýwanat dünýäsiniň gymmatly genofonduny gorap saklamakda Türkmenistanyň Gyzyl kitaby örän möhüm ähmiýete eýedir.

7 Iýun 2024

Jemgyýet