Türkmenmetbugat

Газета "Нейтральный Туркменистан"

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-18, 39-95-82, 39-95-88
Email: neytralnyturkmenistan-gazeti@online.tm

Gazeti PDF görnüşinde ýükläp almak

Habarlar

Türkmenistanyň, Özbegistanyň demir ýol edaralary bäsdeşlige ukyply tarifleri ornaşdyrmagy ylalaşdylar

Türkmenistanyň we Özbegistanyň demir ýol edaralary bäsdeşlige ukyply nyrh meýilnamalaryny ornaşdyrmagy hem-de ýük daşamalarynyň häzirki wagtda hereket edýän nyrhlaryny uzaltmagy ylalaşdylar.  “Özbegistanyň demir ýollary” paýdarlar jemgyýetiniň metbugat gullugynyň habar bermegine görä, bu meselä sişenbe güni Özbegistanyň Daşkent şäherinde GDA-nyň demir ýol ulagy boýunça Geňeşiniň 81-nji mejlisiniň çäklerinde geçirilen ikitaraplaýyn duşuşygyň barşynda garaldy. 

7 Noýabr 2024

Barha ilerleýän pudagyň üstünlikleri

«Pähim-paýhas ummany Magtymguly Pyragy» ýylynyň 3 – 5-nji noýabrynda paýtagtymyz Aşgabatda «Türkmenistanyň gurluşygy, senagaty, energetikasy — 2024» atly halkara sergi hem-de «Türkmenistanyň gurluşyk, senagat, energetika pudaklarynyň ösüşi» atly maslahat geçirildi. Serginiň maksady ýurdumyzyň gurluşyk, senagat önümçiligi, energetika we himiýa senagaty, ýol gurluşygy ulgamynda gazanan üstünliklerini hem-de dünýä belli kompaniýalaryň hödürleýän ýöriteleşdirilen enjamlaryny, öňdebaryjy tehnologiýalaryny tanyşdyrmakdan ybarat. «Türkmenistanyň gurluşygy, senagaty, energetikasy — 2024» atly halkara sergä «Geljege Miras», «Demir ölçeg», «Maksatly gerçek», «Yhlas Kagyz», «Arap ulagy», «Ajaýyp gurluşyk», «Nur bina gurluşyk» hususy kärhanalary, «Rysgally Nesip», «Elektron Ylhamy», «Oguzabat», «Ak bulut», «Ynamly ojak», «Muhammet-Balkan» hojalyk jemgyýetleri bilen birlikde Ýaponiýanyň, Hytaýyň, Birleşen Arap Emirlikleriniň, Türkiýäniň, Eýranyň, Russiýanyň, Gazagystanyň, Özbegistanyň, Hindistanyň kompaniýalary gatnaşdylar.

6 Noýabr 2024

Täze desga — täze belentliklere badalga

Berkarar Diýarymyzda türkmen topragynyň tebigy baýlyklaryny ýurdumyzyň ykdysady kuwwatynyň pugtalanmagy, halkymyzyň ýaşaýyş-durmuş derejesiniň ýokarlanmagy üçin netijeli peýdalanmak boýunça giň gerimli işler amala aşyrylýar. Ýaňy-ýakynda Türkmenabat şäherinde buýan kökünden glisirrizin turşusyny öndürýän döwrebap kärhananyň açylyp, ulanylmaga berilmegi bu ugurdaky işleriň rowaçlyklara beslenýändiginiň aýdyň subutnamasydyr. Amyderýanyň kenarlarynda bitýän buýanyň köki milli baýlyklarymyzyň biridir. Mälim bolşy ýaly, buýanyň köki gadymyýetden bäri halk lukmançylygynda hem-de häzirkizaman saglygy goraýyş ulgamynda bejeriji serişde hökmünde, şeýle hem konditer we kosmetika önümçiliginde giňden ulanylýar. Buýan köküni ýygnamak, täzeden işlemek we ýurdumyzyň içki bazarlaryna ýerlemek, şeýle hem daşary döwletlere eksport etmek işleri Türkmenabadyň S.A.Nyýazow adyndaky «Buýan» obasenagat toplumy tarapyndan alnyp barylýar. Kärhana boýunça her ýyl 19 müň tonna töweregi çig görnüşindäki buýan köki taýýarlanylýar. Kärhanada buýan köki täzeden işlenilip arassalanylýar we baglanylýar. Şeýle hem bu ýerde buýan köküniň ekstrakty taýýarlanylýar. Bu önümlere dünýä bazarynda uly isleg bildirilýär. Hormatly Prezidentimiziň başlangyjy bilen welaýatymyzyň merkezinde işe girizilen buýan kökünden glisirrizin turşusyny öndürýän döwrebap kärhana bu önümçiligiň gerimini has-da giňeltmeklig

6 Noýabr 2024

Ykdysadyýetiň ygtybarly daýanjy

Halkymyzyň ruhy gymmatlyklarynyň we milli däp-dessurlarynyň özboluşly sazlaşygyny düzýän Hasyl toýunyň milletimiziň agzybirliginiň, zähmetsöýerliginiň, halallygynyň özboluşly waspyna öwrülýän günlerinde welaýatymyzyň babadaýhanlary hem ýyly netijeli jemleýärler. Oba hojalyk ýylynyň jemini jemläp, ekerançylarymyzyň yhlasly zähmetini, türkmen topragynyň berekedini, saçaklarymyzyň bolçulygyny alamatlandyrýan Hasyl toýy ýetip geldi. Biz ýurdumyzyň gadymy we baý ekerançylyk medeniýetiniň mekanydygyna buýsanýarys. Berkarar döwletiň täze eýýamynyň Galkynyşy döwründe topraga aýawly garamak täze many-mazmuna eýe bolýar, oba zähmetkeşleri kämil we kuwwatly häzirkizaman oba hojalyk tehnologiýalary bilen üpjün edilýär. Şol bir wagtyň özünde dünýäniň we ata-babalarymyzyň ekerançylyk tejribelerinden ýerlikli peýdalanylýar. Gahryman Arkadagymyzyň başyny başlan we hormatly Prezidentimiziň mynasyp dowam etdirýän obasenagat toplumyndaky giň möçberli özgertmeleriniň esasynda ulgamy tehniki taýdan täzeden enjamlaşdyrmak işi üstünlikli amala aşyrylýar, ata-babalarymyzyň ýeri oýlanyşykly peýdalanyşlary baradaky köp asyrlyk tejribeleri bilen sazlaşykda işjeň durmuşa geçirilýän innowasiýalar oba hojalygyny çalt ösdürmäge oňyn täsirini ýetirýär. Oba hojalyk önümlerini öndürijilere berilýän yzygiderli döwlet goldawlary pudagy mundan beýläk-de ösdürmegiň kuwwatly ykdysady binýadyny berkidýär.

6 Noýabr 2024

Türkmenistanyň Halk Maslahatynyň mejlisinden soňky oýlanmalar

Abadan geljegiň wezipeleri “Pähim-paýhas ummany Magtymguly Pyragy” ýylynyň ýeňişli sepgitleri, şanly wakalary il-günümizde ýokary ruhubelentligi döredýär. Şu ýylyň 24-nji sentýabrynda Aşgabat şäherindäki Maslahat köşgünde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň başlyklyk etmeginde geçirilen Türkmenistanyň Halk Maslahatynyň nobatdaky mejlisi milli demokratiýamyzyň dabaralanmasy boldy.

6 Noýabr 2024

Gurluşyk-senagat toplumy — döwrebaplygyň binýady

Garaşsyz Watanymyzy durmuş-ykdysady taýdan ösdürmek boýunça kabul edilen maksatnamalaryň üstünlikli durmuşa geçirilmeginde milli ykdysadyýetimiziň senagat pudagyna, hususan-da, gurluşyk serişdeleriniň önümçiligine möhüm orun degişlidir. Hormatly Prezidentimiz Serdar Berdimuhamedowyň belleýşi ýaly: «Gurmak we döretmek Berkarar döwletiň täze eýýamynyň Galkynyşy döwrüniň esasy şygarydyr. Innowasion önümçilikleri döretmek, ilatyň ýaşaýyş-durmuş şertlerini düýpli özgertmek boýunça gurluşyk we senagat toplumynda uly işler amala aşyrylýar». Bu bolsa ýurdumyzy durmuş-ykdysady taýdan ösdürmäge gönükdirilen maksatnamalary durmuşa geçirmekde toplumyň aýratyn ähmiýete eýediginiň subutnamasy bolup durýar. Häzirki döwürde gurluşyk pudagyna gönükdirilýän ägirt uly maýa goýum serişdeleriniň, ýurdumyzda döredilen amatly maýa goýum gurşawynyň, telekeçiligi goldamak babatda durmuşa geçirilýän netijeli çäreleriň şähergurluşyk syýasatynyň üstünlikli amala aşyrylmagyna goşant goşýandygyny aýratyn bellemek gerek. Bu syýasatyň çäklerinde paýtagtymyzda we welaýatlarda önümçilik, medeni-durmuş maksatly desgalaryň her ýylda ençemesi gurlup ulanmaga berilýär, ozal bar bolanlarynyň durky täzelenilýär. Şeýle giň gerimli işler halkymyzyň abadan we bagtyýar durmuşyny üpjün etmäge, şäherdir obalarda halkara ülňülere laýyk gelýän möhüm düzümleri kemala getirmäge gönükdirilen durmuş ugurly syýasatyň aýdyň netije

6 Noýabr 2024

Ulgam ösüş ýolunda

Arkadagly Gahryman Serdarymyzyň tagallasy bilen, Berkarar döwletiň täze eýýamynyň Galkynyşy döwründe bilimi we ylmy ösdürmäge, döwrebap tehnologiýalara erk edýän ýokary hünärli işgärleri taýýarlamaga aýratyn üns berilýär. Türkmen ylmyny we bilimini belent sepgitlere çykarmaga hem-de bu ulgamda özara bähbitli halkara hyzmatdaşlygy ösdürmäge gönükdirilen düýpli özgertmeler amala aşyrylýar. Türkmenistan sanly ulgamda tejribäni artdyrmak maksady bilen öz hünärmenlerini daşary ýurtlara iberýär hem-de ýurdumyza dürli ugurlardan daşary ýurtly hünärmenleri çagyrýar. Häzirki günlerde ýurdumyzyň ähli bilim ojaklarynda okatmagyň öňdebaryjy, täze usullary giňden ornaşdyrylýar. Interaktiw, multimedia tagtalarynyň ulanylmagy sapak geçmek işini ýeňilleşdirmäge, alnan bilimleriň has çuňlaşdyrylyp özleşdirilmegine, öwrenilýän temanyň many-mazmunyna has çuň düşünilmegine oňyn täsirini ýetirýär. Bilim ulgamyna giňden ornaşdyrylýan dünýä tejribesi mugallym üçinem, ýaş nesil üçinem bahasyz gymmatlykdyr, täzelikdir. Munuň özi ýurdumyzyň bilim ojaklarynda alnyp barylýan işleriň hilini gowulandyrmaga, ösüşiň täze belentliklerine çykmaga mümkinçilik döredýär. Ýokary tehnologiýalaryň ösen häzirki döwri döredijilikli pikirlenýän, döwrebap maglumat kommunikasion tehnologiýalardan baş çykarýan, öz ene dilini oňat bilýän, daşary ýurt dillerinden habarly, ökde nesilleriň terbiýelenmegini talap

6 Noýabr 2024

Täze elektrik bekedi ulanmaga berildi

Hormatly Prezidentimiziň paýhasly ýolbaşçylygynda Garaşsyz, hemişelik Bitarap Watanymyzda amala aşyrylýan özgertmeler berkarar Diýarymyzyň gülläp ösmegine, halkymyzyň abadançylygyna, bagtyýar we bolelin durmuşynyň, röwşen ertiriniň ygtybarly üpjün edilmegine gönükdirilendir. Gurluşyk we senagat toplumynyň işgärleriniň güni mynasybetli Etrek etrabynda güýjenmesi 220 kilowat bolan täze elektrik bekediniň dabaraly ýagdaýda açylyp işe girizilmegi hem bu buýsançly hakykatyň aýdyň beýanyna öwrüldi.

6 Noýabr 2024

Türkmen telekeçileri Sianda geçiriljek sanly ykdysadyýet sergisine çagyrylýar

Türkmen telekeçileri 5–7-nji dekabrda Hytaýyň Sian şäherinde geçiriljek  5-nji Günbatar Hytaý sanly ykdysadyýet sergisine gatnaşmaga çagyrylýar. Bu barada Türkmenistanyň Senagatçylar we telekeçiler birleşmesi duşenbe güni habar berdi. Guramaçylaryň berýän maglumatlaryna görä, Demirgazyk-Günbatar Hytaýyň sanlylaşdyrmak ulgamyndaky bu möhüm çäre ilkinji gezek geçirilip başlan wagtyndan bäri bir müňden gowrak senagat kärhanalaryny we 72 döwletiň wekiliýetlerini özüne çekdi. Ozalky geçirilen sergilere baryp görenleriň umumy sany 60 müň adamdan geçýär.

6 Noýabr 2024

Milli ykdysadyýetiň kuwwatly toplumy

Hormatly Prezidentimiziň ýurdumyzy köpugurly ösdürmek boýunça badalga beren maksatnamalaryny durmuşa geçirmekde gurluşyk, senagat, energetika pudaklarynyň uly paýy bardyr. Her ýylyň 3-nji noýabrynda Türkmenistanyň gurluşyk we senagat toplumynyň işgärleriniň gününiň bellenilmegi, ugurdaş halkara maslahatyň we serginiň geçirilmegi milli ykdysadyýetiň möhüm pudaklarynyň kuwwatly ösüşini dabaralandyrýar. Bu gün ýurdumyzy senagatlaşdyrmaga, welaýatlary ösdürmäge gönükdirilen maksatnamalar gurluşyk, energetika, senagat pudaklarynyň binýatlaýyn ösüşini pugtalandyrmak bilen gönüden-göni baglanyşyklydyr. Şonuň üçin ýurdumyzyň dürli künjeginde alnyp barylýan gurluşyklar, täze senagat kärhanalarynda, ylmy-tehniki innowasiýalaryň gazananlaryna esaslanyp, öndürilýän önümlerdir edilýän hyzmatlaryň möçberiniň, görnüşleriniň artdyrylmagy möhüm ähmiýete eýedir. Gurluşyk materiallary senagatyny ösdürmegiň esasy ugurlary önümçilik tehnologiýalaryny kämilleşdirmek, önümleriň görnüşini giňeltmek we iň täze tehnologiýalary ulanmak bilen, olaryň täze görnüşlerini özleşdirmek, şeýle hem ýerli mineral çig mallary rejeli we netijeli peýdalanmak bolup durýar. Prezident Maksatnamasynda eksporty artdyrmaga we milli bazary üpjün etmek üçin öz önümçiligimizi ösdürmäge gönükdirilen kärhanalaryň döredilmegi bilen bagly wezipeler üstünlikli durmuşa geçirilýär. Pudaklaýyn gurluşda gaýtadan işleýän we taýýar önü

5 Noýabr 2024

Üstünligiň aýdyň beýany

Häzirki ajaýyp döwürde «Pähim-paýhas ummany Magtymguly Pyragy» ýylynyň her bir güni taryhy wakalara, uly üstünliklere beslenýär. Milli ykdysadyýetiň ähli pudaklarynda ýokary netijeler gazanylýar. Şeýle hem ýurdumyzyň senagat kuwwaty artýar. Munuň özi ýurduň sazlaşykly ösüşini üpjün etmekde göz öňünde tutulýan maksatnamalaýyn özgertmeleriň durmuşa geçirilýändigini subut edýär. Şunda halkyň ýaşaýyş-durmuş şertlerini gowulandyrmak bilen bagly işleriň rowaçlyklara beslenýändigini bellemek gerek. «Pähim-paýhas ummany Magtymguly Pyragy» ýylynda ýurdumyzyň dürli künjeklerinde iň döwrebap desgalar, täze binalar gurlup ulanmaga berildi. Ýurdumyzyň dürli pudaklarynyň, esasan hem, senagat pudaklarynyň ösüşleri, bu ugurda täze-täze desgalaryň gurlup ulanmaga berilmegi uly many-mazmuna eýedir. Dünýäniň öňdebaryjy tehnologiýalary bilen üpjün edilen milli ykdysadyýetimiziň pudaklarynda işler ýokary derejede guralýar. Tutuş dünýäde bolşy ýaly, ýokary zähmet öndürijiligini gazanmakda, bäsdeşlige ukyply önümleri taýýarlamakda tehnologiýalar bilen üpjün edilen senagat desgalarynyň aýratyn hyzmatynyň bardygy bellenmäge mynasypdyr.

5 Noýabr 2024

Ulag diplomatiýasynyň rowaç menzilleri

Berkarar döwletiň täze eýýamynyň Galkynyşy döwründe Türkmenistan ulag diplomatiýasyny üstünlikli ilerletmek bilen, beýik işleri we ägirt taslamalary yzygiderli amala aşyrýar. Halk Maslahatynyň nobatdaky mejlisinde Arkadagly Gahryman Serdarymyz: «Gadymy Beýik Ýüpek ýoluny täzeden dikeltmekde ýurdumyzda nusgalyk işler durmuşa geçirilýär. Ulag-kommunikasiýalar toplumynda netijeli özgertmeler amala aşyrylýar. Ulagyň ähli görnüşleri bilen ýolagçy we ýük dolanyşygyny ösdürmek, halkara üstaşyr ulag mümkinçiligimizi doly ulanmak boýunça degişli işler ýerine ýetirilýär» diýip, geljegi uly bolan bu ulgamyň geriminiň barha giňeldilýändigine üns çekdi. Ulgamy ösdürmegiň, ulag diplomatiýasynyň hukuk esaslaryny berkitmegiň ileri tutulýan ugurlary «Türkmenistanyň Prezidentiniň ulag diplomatiýasyny ösdürmegiň 2022 — 2025-nji ýyllar üçin Maksatnamasynda» kesgitlenendir. Resminamada ulagyň ähli görnüşiniň maddy-enjamlaýyn binýadyny toplumlaýyn döwrebaplaşdyrmak, degişli düzümleri döretmek, bu ugurda kanunçylygy kämilleşdirmek boýunça işleri geçirmek hem-de strategik maksatlaryň uly toplumyna ýetmek wezipeleri göz öňünde tutulýar. Türkmenistanyň başlangyjy bilen BMG-niň Baş Assambleýasy tarapyndan ulag ulgamyndaky hyzmatdaşlyga hil taýdan täze dereje bermäge gönükdirilen Kararnamalaryň birnäçesi kabul edildi. Şolaryň hatarynda «Bütindünýä durnukly ulag güni» atly Kararnama hem bar.

5 Noýabr 2024

Burawlaýjylaryň zähmet üstünligi

Berkarar döwletiň täze eýýamynyň Galkynyşy döwründe hormatly Prezidentimiz Arkadagly Gahryman Serdarymyzyň öňdengörüjilikli energetika syýasaty netijesinde bu gün ýurdumyzyň milli ykdysadyýetiniň esasy pudagy bolan nebitgaz ulgamy täzeçe ösüşlere eýe bolýar. Tebigy gazyň gorlary boýunça dünýäde öňdäki orunlaryň birini eýeleýän Garaşsyz, baky Bitarap Watanymyzda «mawy ýangyjy» diwersifikasiýa ýoly bilen dünýä bazarlaryna çykarmak babatda möhüm ähmiýetli taslamalar durmuşa geçirilýär. Gaz guýularyny burawlamakda, gurluşygy bilen doly tamamlap ulanyşa girizmekde gazçylaryň döwletimiz tarapyndan hil taýdan öňdebaryjy önümler we tehnologik enjamlar bilen üpjün edilmegi bolsa, işleri çalt depginde ýokary hilli ýerine ýetirmeklige şert döredýär.

4 Noýabr 2024

Yhlaslary myrat tapýar

Türkmen topragynyň ýerasty baýlyklaryny ýurdumyzyň ösüşleriniň hyzmatynda goýmak ýaly il-ýurt bähbitli işe «Türkmengeologiýa» döwlet korporasiýasynyň «Lebapnebitgazgözleg» ekspedisiýasynyň başarjaň işgärleri ruhubelentlik bilen gatnaşýarlar. Olaryň «Pähim-paýhas ummany Magtymguly Pyragy» ýylynyň geçen dokuz aýynda çeken zähmetleri-de tüýs ýerine düşdi. — Biziň agzybir hem-de zähmetsöýer hünärmenlerimiz ýurdumyzyň Lebap we Balkan welaýatlarynda gözleg-buraw işlerini giňden ýaýbaňlandyrýarlar. Olaryň belent maksatlara gönükdirilen işleri üstünliklere hem beslenýär. Şanly ýylymyzyň geçen döwründe tebigy gazyň täze ýataklarynyň üstüniň açylmagy bolsa bizi has-da tutanýerli zähmet çekmäge ruhlandyrýar — diýip, ekspedisiýanyň baş inženeri Derkar Bekdurdyýew gürrüň berýär.

4 Noýabr 2024

Tebigy gaz eşret berýär

Berkarar döwletiň täze eýýamynyň Galkynyşy döwründe Mary welaýatynyň merkezi Mary şäherinde-de ilatyň sany artyp, täze ilatly ýerler emele gelýär. Munuň özi ilaty tebigy gaz bilen bökdençsiz üpjün etmek üçin täze gaz geçirijilerini gurmak, ozalky hereket edýän gaz geçirijileriň durkuny täzelemek wezipesini öňde goýýar. «Marygazüpjünçilik» müdirliginiň iri kärhanasy bolan «Maryşähergaz» gaz hojalyk edarasynyň işgärleri öz işlerini şu günüň talaplaryna laýyk gurap, welaýat merkezinde bar bolan kyrk bir müň bir ýüz segsene golaý hojalygyň her birini ýylyň bütin dowamynda döwletimiziň halkymyza berýän eşreti — tebigy gaz bilen bökdençsiz üpjün edýärler. Olar «Pähim-paýhas ummany Magtymguly Pyragy» ýyly diýlip atlandyrylan 2024-nji ýylyň başyndan bäri geçen döwürde şäheriň ýaşaýyş jaý toplumlarynda, Milli maksatnama laýyklykda, umumy uzynlygy dokuz ýüz metr bolan ýokary, orta hem-de pes basyşly täze gaz geçirijilerini gurup ulanmaga berdiler.

4 Noýabr 2024

Nebit senagatynda işler talabalaýyk amala aşyrylýar

Türkmenistan dünýäde nebitiň we gazyň gorlary boýunça öňdäki orunlaryň birini eýelemek bilen, biziň ähli sebitlerimiz diýen ýaly gazylyp alynýan tebigy baýlyklara baýdyr. Bu babatda günbatar sebitimiz «gara altynyň» gory boýunça aýratyn tapawutlanýar. Şol sanda, nebit ölçeginde Hazaryň türkmen bölegine degişli kenar ýakasynda hem uglewodorodlaryň uly gorlary jemlenendir. Gazylyp çykarylýan uglewodorod çig malynyň möçberini artdyrmak «Türkmennebit» döwlet konserniniň öňünde goýlan esasy wezipeleriň biridir. Konsern ýataklaryň otuzdan gowragynda nebit işlerini geçirip, olar dürli tapgyrlarda alnyp barylýar. Şol ýataklaryň ýokary netijeli işlenip taýýarlanylmagy olaryň geologiýa gurluşynyň aýratynlyklaryny doly nazara almak bilen şertlendirilýär. Bu wezipeleri çözmek üçin konsern işiniň ähli ugurlary boýunça täze tehnologiýalary we ýokary netijeli enjamlary giňden ornaşdyrmak bilen, önümçiligi toplumlaýyn döwrebaplaşdyrýar. Konsern guýulary düýpli abatlamak, ýataklaryň önüm berijiligini artdyrmak, döwrebap enjamlar bilen üpjün etmek we önümçiligi awtomatlaşdyrmak ýaly ugurlarda kompaniýalar bilen üstünlikli hyzmatdaşlyk edýär.

4 Noýabr 2024

Hünärmenleriň ygtybarly işleri

Ýurdumyzyň milli ykdysadyýetiniň esasy pudaklaryny özünde jemleýän ýangyç-energetika toplumynda bu gün döwrebap işler amala aşyrylýar. Bu ugurda «Türkmennebit» DK-nyň «Nebitgazburawlaýyş» trestine degişli bolan Abatlaýyş-mehaniki zawodynda hem öwgä mynasyp işler bitirilýär. Öz işine ussat hünärmenlerimiz geologiýa-gözleg işlerinde hem-de uglewodorod çig mallaryny çykarmakda peýdalanylýan buraw desgalaryny, gurallardyr enjamlary, dürli kuwwatlyklardaky nasoslary abatlap, olara «ikinji ömri» bermegi başarýarlar. Kärhanamyzda ýokary hil derejesinde taýýarlanylýan rezin önümleriň görnüşleriniň sany 600-e golaýlaýar. Zerur bolan çig maly öz ýerinde gaýtadan işlemekden başlap, şeýle köp görnüşli rezin önümlerini taýýarlaýan önümhana bolsa, ýurdumyzyň milli ykdysadyýetiniň hiç bir pudagynda ýokdur. Diýarymyzda nebitgaz toplumy boýunça geçirilýän halkara derejesindäki sergilerde daşary ýurtly ugurdaş düzümleriň hünärmenleri kärhanamyzda taýýarlanýan dürli görnüşli ätiýaçlyk şaýlara hemişe ýokary baha berýärler.

4 Noýabr 2024

Mümkinçilikleriň giňişligi

Türkmenistanyň gurluşyk we senagat toplumynyň işgärleriniň güni mynasybetli 3-nji noýabrda Aşgabatda «Türkmenistanyň gurluşygy, senagaty we energetikasy—2024» atly halkara sergi hem-de «Türkmenistanyň gurluşyk, senagat, energetika pudaklarynyň ösüşi» atly maslahat öz işine başlady. Paýtagtymyzdaky Söwda-senagat edarasynda geçirilen halkara sergide ýurdumyzyň gurluşyk we senagat toplumynda, energetika pudagynda gazanylan üstünlikler we ýetilen sepgitler görkezildi. Forumyň açylyş dabarasyna Mejlisiň Başlygy, Hökümet agzalary, ministrlikleriň we pudaklaýyn dolandyryş edaralarynyň, halkara guramalaryň, daşary ýurtlaryň ýurdumyzda işleýän wekilhanalarynyň, köpçülikleýin habar beriş serişdeleriniň ýolbaşçylarydyr wekilleri, şeýle hem köp sanly işewürler gatnaşdy. Dabara hormatly Prezidentimiziň Türkmenistanyň gurluşygy, senagaty we energetikasy — 2024» atly halkara sergä hem-de «Türkmenistanyň gurluşyk, senagat, energetika pudaklarynyň ösüşi» atly maslahata gatnaşyjylara iberen Gutlagynyň okalmagy bilen başlady. Gutlagda nobatdaky forumyň türkmen hünärmenleri bilen daşary ýurt kompaniýalarynyň wekilleriniň özara tejribe alyşmagynda, geljekde giň gerimli hyzmatdaşlygy ýola goýmakda, iki tarapa hem bähbitli taslamalary ara alyp maslahatlaşmakda uly ähmiýete eýe boljakdygyna berk ynam bildirilýär.

4 Noýabr 2024

Gurluşyk-senagat toplumy: täze mümkinçilikler, halkara tejribeler

Ata Watanymyz Türkmenistan täze taryhy eýýamda kuwwatly önümçilik düzüminiň döredilmegini, ýokary hilli önümleriň möçberleriniňdir görnüşleriniň artdyrylmagyny esasy ugur edinip, gyzyklanma bildirýän hyzmatdaşlar bilen gatnaşyklary has-da işjeňleşdirýär. Paýtagtymyzda 3 ― 5-nji noýabrda «Türkmenistanyň gurluşygy, senagaty, energetikasy — 2024» atly halkara serginiň hem-de «Türkmenistanyň gurluşyk, senagat, energetika pudaklarynyň ösüşi» atly maslahatyň geçirilmegi munuň nobatdaky aýdyň beýanydyr.

4 Noýabr 2024

Türkmenistanyň gurluşyk-senagat toplumy: ägirt uly mümkinçilikler

Aşgabat, 3-nji noýabr (TDH). Şu gün paýtagtymyzda “Türkmenistanyň gurluşygy, senagaty, energetikasy — 2024” atly halkara sergi hem-de “Türkmenistanyň gurluşyk, senagat, energetika pudaklarynyň ösüşi” atly maslahat öz işine başlady. Söwda-senagat edarasy, Senagat we gurluşyk önümçiligi ministrligi, “Türkmen energiýa forum” hojalyk jemgyýeti tarapyndan bilelikde guralýan giň gerimli sergi gurluşyk, senagat önümçiligi, energetika we himiýa senagaty, ýol gurluşygy ulgamynda ýurdumyzyň gazananlary, dünýä belli kompaniýalaryň hödürleýän ýöriteleşdirilen enjamlary, öňdebaryjy tehnologiýalary bilen tanyşdyrmagy maksat edinýär. Daşary ýurtly gatnaşyjylaryň uly topary — ozaldan gelýän hyzmatdaşlaryň geljegi uly türkmen bazaryna gyzyklanmalarynyň ýokarydygyny görkezýär. Şu gezekki sergä Ýaponiýanyň, Hytaýyň, Birleşen Arap Emirlikleriniň, Türkiýäniň, Eýranyň, Russiýanyň, Gazagystanyň, Özbegistanyň, Hindistanyň kompaniýalary gatnaşýar. Serginiň açylyş dabarasyna Hökümet agzalary, Türkmenistandaky diplomatik wekilhanalaryň we halkara guramalaryň ýolbaşçylarydyr işgärleri, jemgyýetçilik guramalarynyň, köpçülikleýin habar beriş serişdeleriniň wekilleri gatnaşdylar. Döredijilik toparlarynyň aýdym-sazly çykyşlary çärä aýratyn öwüşgin çaýdy. Sergä we maslahata gatnaşyjylar hormatly Prezidentimiz Serdar Berdimuhamedowyň Gutlagyny uly üns bilen diňlediler. Onda häzirki döwürde eziz Watanymyz

4 Noýabr 2024

‹
1
2
...
7
8
9
10
11
12
13
...
234
235
›