Kenarýaka futboly boýunça erkekleriň arasynda BAE-niň Dubaý şäherinde geçirilen 12-nji Dünýä çempionaty tamamlandy. 16 ýygyndynyň gatnaşan çempionatynda Braziliýanyň ýygyndysy çempion boldy. Sambaçylar finalda Italiýanyň ýygyndysy bilen duşuşyp, garşydaşyny 6–4 hasabynda ýeňlişe sezewar etdi. Brazillere çempionlyk getiren gollaryň 3-sini Rodrigo (12, 19, 29), beýlekileri-de Bruno Hawier, Jenowali (23 ö.d.) hem-de Brendo (27) geçirdi. Italýanlardan Jenowaliniň (4, 33) hem-de Fazzininiň (19, 27) gollary ýeňşe ýetmedi. Şunlukda, Braziliýanyň ýygyndysy 7 ýyllyk arakesmeden soň 6-njy çempionlygyny baýram etdi. Bu ugurda öňde barýan Braziliýanyň ýygyndysy mundan öň 2006-njy, 2007-nji, 2008-nji, 2009-njy ýyllarda bassyr 4, şol sanda 2017-nji ýylda çempionlyk gazanypdy. 1995–2004-nji ýyllar aralygynda BSWW-niň guramaçylygynda geçirilen Dünýä çempionatlaryny-da hasaba alanyňda, Braziliýanyň ýygyndysynyň çempionlyklarynyň sany 15-e ýetýär. Sambaçylar geçirilen 10 çempionatyň 9-synda münberiň iň ýokary basgançagyna çykypdylar.
Italiýanyň ýygyndysy 2008-nji we 2019-njy ýyllardan soň 3-nji gezek finalda asgyn geldi. Italiýanyň ýygyndysy 2015-nji we 2017-nji ýyllarda 4-nji ýeri eýeläpdi.
