(Hekaýa)
«Gadyrly Aýazbaba! Şu ýylam saňa hat ýazýan. Ýöne bu ýyl senden hiç zat sorajak däl. Enem aýtmyşlaýyn, «ynsap ýagşy!». Sen eýýäm üç-dört ýyl bäri näme sorasam getirip, arçamyzyň aşagynda goýup gidäýýäň. Diňe geçen ýylky haýyşymy arçanyň aşagynda goýmadyň. Onuňam sebäbi bar. Sebäbi ol sowgat arçanyň aşagyna ýerleşenok. Sowgat diýýänim kakam-da. Heý, kakalaram arçanyň aşagyna ýerleşermi diýsene!
