Türkmenmetbugat

"Maru-şahu jahan" welaýat gazeti

Esaslandyryjysy: Mary welaýatynyň häkimligi
Salgysy: Mary şäheri, Magtymguly köçe, 35
Telefon belgileri: 7-01-01, 7-01-81, 7-02-03
Email: marushahujahan@sanly.tm

Gazeti PDF görnüşinde ýükläp almak

Habarlar

Aşgabat şäherinde “Dokmaçylar” medeni merkezi açyldy

Türkmenistanyň paýtagty Aşgabat şäherinde sişenbe güni Türkmenistanyň Dokma senagaty ministrliginiň “Dokmaçylar” medeni merkeziniň açylyş dabarasy geçirildi. Täze medeni merkeziň açylyş dabarasyna medeniýet işgärleri, ýurduň köp sanly raýatlary, paýtagtyň myhmanlary we köpçülikleýin habar beriş serişdeleriniň wekilleri gatnaşdylar. Açylyş dabarada aýdym-sazy çykyşlar, “Dokmaçylar” folklor-etnografiýa topary tarapyndan ajaýyp tanslar ýerine ýetirildi.

26 Iýun 2024

Aşgabatda we Arkadagda awtobuslaryň hereketlerini yzarlamak üçin «Duralga» goşundysyna täzelemeler girizildi

«Android» we «iOS» operasion ulgamlaryna esaslanýan smartfonlaryň eýeleri «Duralga» programmasynyň birnäçe ýeňilleşdirmeler geçirilen täze görnüşini göçürip alyp bilerler. Täzelenme ykjam traffigiň sarp edilişini optimallaşdyrdy we awtobusyň ýerleşýän ýerindäki maglumatlaryň täzelenmegini çaltlaşdyrdy. Şeýle hem aşakdaky üýtgeşmeler girizildi: giriş we parol arkaly ygtyýarnama girizildi, tassyklama kody indi 0655 belgiden iberiler, howpsuzlyk we durnuklylyk ýokarlandy, mahabaty kartada we banner görnüşinde ýerleşdirmek ukyby goşuldy.

26 Iýun 2024

Arkadag şäherinde geçirilýän Medeniýet hepdeligine gatnaşyjylara

Gadyrly Medeniýet hepdeligine gatnaşyjylar! Eziz watandaşlar! Sizi «Pähim-paýhas ummany Magtymguly Pyragy» ýylynda Arkadag şäherinde geçirilýän Medeniýet hepdeliginiň dabaraly açylmagy mynasybetli tüýs ýürekden gutlaýaryn. Size berk jan saglyk, maşgala abadançylygyny, döredijilik üstünliklerini arzuw edýärin.

26 Iýun 2024

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Türkmenistanyň Dokma senagaty ministrliginiň “Dokmaçylar” medeni merkeziniň açylyş dabarasyndaky ÇYKYŞY

Hormatly dabara gatnaşyjylar!Gadyrly medeniýet we sungat işgärleri! Biz şu gün Medeniýet we sungat işgärleriniň hem-de Magtymguly Pyragynyň şygryýet güni, şeýle hem şahyryň doglan gününiň 300 ýyllygy mynasybetli Türkmenistanyň Dokma senagaty ministrliginiň «Dokmaçylar» medeni merkeziniň döwrebap binasynyň açylyş dabarasyna gatnaşýarys. Bu şatlykly waka Arkadag şäherinde geçirilýän Medeniýet hepdeliginiň dabaralary bilen utgaşyp geldi. Bu merkez geljekde türkmen medeniýetini we sungatyny ösdürmekde, dünýä tanatmakda möhüm ähmiýete eýe bolar.

26 Iýun 2024

Arkadag — döwrebap, nusgalyk şäher

Ösüşiň milli ugry, bedew bady bilen özgerýän Watanymyzyň her güni toýdan. Olar taryhyň gatyna şanly wakalary, bagta ýar türkmeniň hakydasyna unudylmajak pursatlary bilen dolýar. Döwrüň ýokary tizlikli depgininde türkmen gudratynyň çawuny äleme ýaýýar. Gadymy mekanda Gahryman Arkadagymyzyň we döwlet Baştutanymyzyň gaýratyndan, yhlasyndan, ylhamyndan hem-de döwrüň bu beýik Şahsyýetleriniň watansöýüjilik göreldesine eýerýän halkymyzyň agzybirliginden, zähmetsöýerliginden asyrlara barabar işleriň az wagtda amala aşyrylýandygyny görkezýär. Parahatçylygy söýüjilik syýasatyny baş maksadyna öwrüp, gurýan, döredýän eziz Diýarymyz bilen dünýä döwletleriniň, halkara guramalarynyň köpugurly hyzmatdaşlygynyň giň gerim alýandygyny mälim edýär. Täze taryhy döwürde Kesearkajyň hyjuwly kalbynda kemala gelýän sebitiň ilkinji «akylly» şäherinde durmuşa geçirilen we alnyp barylýan beýik işler hem sözümiziň aýdyň subutnamasydyr. Sanlyja günden birinji tapgyrynyň halk hyzmatyna berlenine bir ýyl dolýan Arkadag şäheriniň waspy Ýer togalagynyň çar künjüne ýeten bolsa gerek. Çünki gysga wagtda dörän täsinlikler mekany ähli babatdan hem görenleri haýran galdyryp, olara unudylmajak ýakymly pursatlary bagyş edýär. Ol täsirler dilden-dile, ilden-ile aýlanyp, türkmen topragyny arzuwlaryň wysal tapýan ýeri hökmünde tanadýar. Bu hakykatdan hem şeýle. Türkmen halkynyň Milli Lideri Gahryman Arkadagymyzyň we ped

26 Iýun 2024

Arkadag şäheri — jöwher paýhasyň miwesi

Okgunly ösüşleriň, guwandyryjy üstünlikleriň gazanylýan häzirki döwründe biz ýurdumyzda amala aşyrylýan taryhy ähmiýetli wakalara yzygiderli gözli şaýat bolýarys. Köpetdagyň ajaýyp eteginde Arkadag şäheriniň gurlup ulanylmaga berilmegi-de türkmeniň täze taryhynyň iň şanly wakalarynyň birine öwrüldi. Bu täze şähere Arkadag adynyň dakylmagy-da il-ulsumyzyň göwün isleginiň wysaly, ildeşlerimiziň köňül küýsegleriniň myrady boldy. Bir ýyl mundan ozal, has takygy geçen ýylyň 29-njy iýunynda bu şäheriň birinji tapgyrynyň açylyşy uly dabaralara beslendi. «Ýagşyny görmegem jennet» diýlişi ýaly, bizem paýtagtymyz Aşgabada gelenimizde ýörite bu täze ajaýyp şäheri görmäge bardyk. Dogrusy, bu şäher tüýs «Görmäge göz gerek» diýilýäni ekeni. Gahryman Arkadagymyzyň paýhasyndan kemal tapyp dörän bu şäherdäki Akhan hem-de «Arkadag Binasy» uzaklardanam seleňläp görünýär. Arkadag şäheriniň giň şaýollary, köçeleri we halkalaýyn çatryklary häzirki zaman yşyklandyryş, wideogözegçilik we dolandyryş ulgamlary bilen üpjün edilipdir. Edara we durmuş maksatly desgalaryň binagärlik keşbi bu ýeriniň ajaýyp tebigy gözellikleri bilen bitewi sazlaşygy emele getirýär. Iki gatly kottejler şäheriň görküne özboluşly görk goşýarlar. Hatarlanyp gidýän, ähli amatlyklary özünde jemleýän, döwrebap köp gatly ýaşaýyş jaýlarynda «akylly öý» tehnologiýalary ulanylypdyr. Dogrusy, şeýle jaýlarda ýaşaýan ildeşlerimize

26 Iýun 2024

Magtymgulynyň medeni mirasy — halkymyzyň ruhy hazynasy

Söz ussady, şygryýet äleminiň şasy Magtymguly Pyragy diňe türkmen edebiýatynyň däl, eýsem, dünýä edebiýatynyň taryhynda-da uly yz galdyran akyldarlaryň biridir. Türkmen halky üç asyrdan bäri Magtymguly Pyragyny özüniň ruhy goldawçysy, görelde mekdebi, watansöýüjiligiň belent nusgasy hasap edip gelýär. Ýurt Garaşsyzlygyna eýe bolan ilkinji günlerimizden başlap, Magtymguly Pyragynyň medeni mirasyny dikeltmek, onuň eserlerini öwrenmek, çap etmek bilen, şahyryň dünýä edebiýatyna goşan goşandyny aýan etmek ugrunda bimöçber tagallalar edilýär. Gahryman Arkadagymyzyň başlangyjy bilen, 2014-nji ýylda Magtymguly Pyragynyň doglan gününiň 290 ýyllygy dabaraly bellenilip geçildi. Türkmenistanyň Prezidentiniň gol çeken Kararyna laýyklykda, 2024-nji ýylda Gündogaryň beýik akyldary we nusgawy şahyry Magtymguly Pyragynyň doglan gününiň 300 ýyllygyny halkara derejesinde bellemek bellenildi.

25 Iýun 2024

Öňdebaryjylar höweslendirilýär

Ýakynda Tejen etrabynyň «Tejen» daýhan birleşiginiň meýdan düşelgesinde günorta arakesmesi wagtynda etrap häkimliginiň iş meýilnamasy esasynda etrap medeniýet bölüminiň hem-de Türkmenistanyň Agrar partiýasynyň etrap komitetiniň, Türkmenistanyň Kärdeşler arkalaşyklarynyň etrap birleşiginiň bilelikde guramagynda galla oragyna gatnaşýan zähmetkeşleriň armasy ýetirilip, aýdym-sazly medeni-dynç alyş çäresi geçirildi. Bu medeni dynç alyş çäresine etrabyň il-sylagly ýaşululary, Galla oragy möwsümine gatnaşýan kombaýnçylar, sürüjiler we öňdebaryjy kärendeçiler gatnaşdylar. Baýramçylyk çäresinde etrap medeniýet bölüminiň aýdymçylarynyň, folklor hem-de tans toparlarynyň çykyşlary, sahna wäşileriniň gülküli sahna oýunlary bu ýere gatnaşjylaryň gyzgyn el çarpyşmalaryna mynasyp boldy.

25 Iýun 2024

Belent heýkel döwürleriň şuglasy

Gahryman Arkadagymyzyň asylly başlangyjy, Arkadagly Gahryman Serdarymyzyň taýsyz tagallasy bilen paýtagtymyzyň günorta künjeginde, Köpetdagyň eteginde döredilen Magtymguly Pyragynyň belent heýkeli Berkarar döwletiň täze eýýamynyň Galkynyşy döwrüniň ajaýyp miwesi bolup, çar ýana şöhle saçýar. Hormatly Prezidentimiziň gatnaşmagynda «Pähim-paýhas ummany Magtymguly Pyragy» ýylynda dabaraly ýagdaýda açylan nusgawy şahyryň äpet ýadygärligi hem-de «Magtymguly Pyragy» medeni-seýilgäh toplumy paýtagt şäheriň milli binagärlik keşbine aýratyn bezeg berdi. Magtymguly Pyragynyň ör-boýuna galyp duran nurana ýadygärligi halkymyzyň beýik söz ussadyna, onuň baý many-mazmunly çeper döredijiligine belent sarpasyny aňladýar. Medeni-seýilgäh toplumynda dostlukly halklaryň meşhur şahsyýetleriniň, şahyrlarynyň, akyldarlarynyň döwre gurap oturan heýkelleriniň deňinden geçeniňde, ylham ýaýlasynda seýil edýän ýaly duýgyny başdan geçirýärsiň. Parahatçylygyň, dost-doganlygyň, hoşniýetliligiň aýdyň beýany bolan bu görnüşler ýüreklerde çäksiz buýsanç döredýär.

25 Iýun 2024

Türkmeniň ruhy çyragy

Berkarar döwletiň täze eýýamynyň Galkynyşy döwründe türkmen halky bu mukaddes toprakda ýaşap geçen beýik şahsyýetleriň sarpasyny belende göterýär. Gündogaryň beýik akyldar şahyry Magtymguly Pyragynyň doglan gününiň 300 ýyllygynyň halkara derejesinde baýram edilmegi, bu senäniň bellenilýän ýylynyň «Pähim-paýhas ummany Magtymguly Pyragy» ýyly diýlip yglan edilmegi hem munuň aýdyň subutnamasydyr. Magtymguly Pyragy türkmen halkynyň milli şahyry, ruhy çyragy, durmuş mekdebi. Beýik akyldar üç asyrdan bäri her bir türkmeniň öýünde, kalbynda, aňynda ýaşaýar. Jemgyýetçilik aňynyň ösüşine örän uly goşant goşan, nusgawy edebiýatyň esaslandyryjysy Magtymguly Pyragy, sözüň doly manysynda, milletimiziň milli mertebesidir. Şahyryň ajaýyp döredijiligi we baý edebi mirasi diňe bir türkmen edebiýatynyň däl, tutuş älem ylmynyň we ruhyýetiniň altyn hazynasyna öwrüldi.

25 Iýun 2024

Maslahat geçirildi

Welaýat häkimliginiň, welaýatyň harby we hukuk goraýjy edaralarynyň, jemgyýetçilik guramalarynyň hem-de beýleki degişli edaralaryň bilelikdäki meýilnamasy esasynda, Kaka etrap häkimliginiň mejlisler jaýynda wagyz-nesihat maslahaty geçirildi. Ýurdumyzda ýaşlar hakda edilýän aladalardan ugur alnyp, olaryň aňynda watançylyk ýaly ýokary ahlak häsiýetleri terbiýelemek, Watana wepaly, edepli, ruhubelent we sagdyn bedenli bolup kemala gelmegini gazanmak maksady bilen geçirilen maslahata etrabyň dürli ýerlerinden ýaşlaryň köp sanlysy gatnaşdy. Maslahatda «Pähim-paýhas ummany Magtymguly Pyragy» ýylynda ýurdumyzda bolup geçýän taryhy ösüş-özgertmeler, halk hojalygynyň dürli ugurlarynda gazanylýan üstünlikler, ýetilýän sepgitler dogrusynda söhbet açylyp, ýaşlar hakda edilýän aladalara aýratyn üns çekildi. Ýaşlary bezeýän oňat gylyk-häsiýetler, watansöýüjilik, milli edep-terbiýe kadalary, sagdyn durmuş ýörelgelerine eýermek, ýaramaz endiklerden daşda durmak bilen baglanyşykly aýdylanlar maslahata gatnaşanlarda uly täsirleri döretdi. Maslahatda kämil bilimli, hünärli bolmak, Watana wepaly nesiller, ökde hünärmenler bolup ýetişmek babatynda döredilýän giň mümkinçiliklerdir şertlerden netijeli peýdalanmagyň ähmiýeti barada aýdylan öwüt-ündewler ýaşlarda gyzgyn goldaw tapdy.

25 Iýun 2024

Ruhubelentlige beslendi

Gökdere jülgesindäki «Beýik Serdaryň ruhubelent nesilleri» atly çagalar dynç alyş-sagaldyş merkezinde «Kim çalasyn?!» ady bilen sportuň hereketli oýunlarynyň birnäçe görnüşi boýunça ýaryş geçirildi. Türkmenistanyň Kärdeşler arkalaşyklarynyň Ahal welaýat birleşmesi tarapyndan guralan ýaryşa merkezde dynç alyp, saglygyny berkidýän çagalardan düzülen toparlar gatnaşdy. Çekeleşikli geçen ýaryşda güýçli toparlar öňe saýlandy. Netijede, «Ruhubelent» topary birinji, «Güneş» topary ikinji, «Gökdere» topary üçünji orna mynasyp boldy. Ýeňijilere Türkmenistanyň Kärdeşler arkalaşyklarynyň welaýat birleşmesiniň ýörite sowgatlary dabaraly ýagdaýda gowşuryldy.

25 Iýun 2024

Köpçülikleýin habar beriş serişdelerinde waspnama

25-nji iyunda Arkadag şäherinde teleradio žurnalistleriniň gatnaşmaklarynda «Magtymguly umumadamzat şahyry» atly brifing geçirildi. «Pähim-paýhas ummany Magtymguly Pyragy» ýylynda geçirilýän bu döredijilik dabarasynyň uly ähmiýeti bardyr. Türkmen jemgyýetiniň ägirt uly mümkinçiliklerini aýdyň beýan edýän we halkymyzyň ruhy durmuşynyň köpöwüşginliligini açyp görkezýän Medeniýet hepdeliginiň çäklerinde geçirilen bu dabara uly many-mazmuna eýe boldy. Dabaranyň dowamynda çykyşlara giňden orun berildi. Milli medeniýeti we sungaty çuňňur öwrenmegiň, ösdürmegiň hem-de kämilleşdirmegiň, dünýä halklary bilen medeni gatnaşyklary berkitmegiň möhüm wezipesi bolup durýar. Ýurdumyzda yzygiderli geçirilýän dürli medeni çäreler, halkara maslahatlar, sergilerdir festiwallar şu maksatlara gönükdirilendir.

25 Iýun 2024

Uly täsirleri döretdi

Kaka etrabynyň Hywaabat jülgesindäki «Ýaşyl ýaýla» çagalar dynç alyş-sagaldyş merkezinde Ahal welaýat Polisiýa müdirliginiň Ýangyn howpsuzlyk bölüminiň hem-de Türkmenistanyň Magtymguly adyndaky Ýaşlar guramasynyň welaýat Geňeşiniň bilelikde guramagynda wagyz-nesihat duşuşygy geçirildi. Ýaşlaryň ýangyn howpy boýunça düşünjelerini artdyrmak maksady bilen geçirilen duşuşyga merkezde dynç alyp, saglygyny berkidýän çagalar gatnaşdy. Duşuşykda ýurdumyzda ýaş nesliň döwrebap bilim almagy, berk bedenli, sagdyn ruhly, geljekde durmuşa taýýar düşünjeli adamlar bolup ýetişmegi ugrunda edilýän tagallalar dogrusyndaky täsirli gürrüňe üns çekildi, okuwçy ýaşlara ýangyn söndüriji enjamlaryň doly we dogry ulanylyşy öwredildi, ýangyn howpy dogrusynda giňişleýin düşünje berildi.

25 Iýun 2024

Dünýä belli aýdym-saz festiwaly

Tomus pasly howa durumynyň asuda bolmagy bilen, köplenç açyk howada geçirilýän dabaralara, medeni çärelere baý möwsüm hasaplanýar. Bu döwürde adamlar hem zähmet rugsadyna çykyp, dynç alyş möwsümine gadam basýarlar. Şeýlelikde, dünýäde adamlaryň rahat dynç almagy, wagtlaryny şadyýan geçirmekleri üçin dürli dabaraly çäreler guralýar. Dünýäniň ýurtlarynda dürli medeni çäreleriň geçirilmegi ýygjamlaşýar. ABŞ-nyň Miluoki şäherinde geçirilýän «Summerfest» aýdym-saz festiwaly hem ýüzlerçe aýdymçydyr sazandalaryň, aýdym-saz muşdaklarynyň bolsa ýüz müňlerçesini özünde jemleýän ajaýyp dabaradyr. Festiwal 1968-nji ýyldan bäri her ýyl geçirilýär. 1999-njy ýylda özüniň şüweleňdir şagalaňy, geriminiň giňdigi hem-de köp gün dowam edýändigi bilen tapawutlanan «Summerfest» festiwaly Ginnesiň Bütindünýä rekordlar kitabyndan hem orun aldy.

25 Iýun 2024

Aýdym-sazly dabara

Biz — şadyýan çagalar TMÝG-niň Mary etrap geňeşiniň, etrap bilim bölüminiň bilelikde guramagynda etrapdaky 6-njy çagalar bagynda körpeleriň arasynda “Biz — şadyýan çagalar” ady bilen aýdym-sazly dabara geçirildi. Dabara TMÝG-niň etrap geňeşiniň işgärleri, etrap bilim bölüminiň hünärmenleri, etrapdaky 4-nji, 5-nji, 6-njy çagalar baglarynyň terbiýeçileri gatnaşdylar.

25 Iýun 2024

Milli parlamentiň deputatlygyna dalaşgärleriň saýlawçylar bilen duşuşyklary dowam edýär

Türkmenistanda 7-nji iýulda Aşgabat şäheriniň 1-nji «Garaşsyzlyk», 2-nji «Bitaraplyk» we 6-njy «Köpetdag» saýlaw okruglary boýunça Mejlisiň möhletinden öň çykyp giden deputatlarynyň ýerine geçiriljek saýlawlara işjeň taýýarlyk görülýär. Ozalky saýlawlarda bolşy ýaly, şu gezekki jemgyýetçilik-syýasy çäräniň hem baş maksady gadymdan gelýän demokratik ýörelgeleri türkmen jemgyýetiniň durmuşynda mundan beýläk-de berkitmegiň üýtgewsiz şerti bolup çykyş edýän giň bäsdeşlik esaslaryny döretmekden ybaratdyr. Şu günler ýurdumyzda hereket edýän kanunçylyga laýyklykda, saýlawlara taýýarlyk möwsümi dowam edýär. Onuň çäklerinde milli parlamentiň deputatlygyna dalaşgärler saýlawçylar bilen duşuşyklary geçirýärler. Duşuşyklarda saýlawçylar dalaşgärleriň hünär we guramaçylyk ukyplary, olaryň maksatnamalarynyň esasy ugurlary bilen tanyşýarlar. Ýurdumyzyň gülläp ösüşini üpjün etmek, halkymyzyň durmuş derejesini ýokarlandyrmak ugrundaky tagallalar olaryň maksatnamalarynyň esasy mazmunyny düzýär. Gyzyklanma bildirilip geçirilýän söhbetdeşlikleriň barşynda dalaşgärler saýlawçylaryň sowallaryna jogap berýärler, türkmen halkynyň Milli Lideriniň başyny başlan we hormatly Prezidentimiz tarapyndan üstünlikli dowam etdirilýän giň gerimli özgertmeler maksatnamalarynyň durmuşa geçirilmeginde öz bilimlerini, başarnyklaryny, tejribelerini, tagallalaryny gaýgyrmajakdyklaryna ynandyryp, saýlawlar

25 Iýun 2024

Bagtyýar zenanlarymyzyň akyldar şahyra bagyşlanan bäsleşigi

«Türkmengaz» döwlet konserniniň Medeni-işewürlik merkezinde «Arkadag hem Arkadagly Serdar bilen bagtyýar siz, Pyragynyň wasp eýläni, zenanlarmyz — bagta ýar siz!» atly şygar bilen geçirilen bäsleşigiň jemi jemlenildi. «Türkmengaz» döwlet konserniniň ilkinji zenanlar guramasynyň «Nebit-gaz» gazeti bilen bilelikde Gündogaryň beýik, akyldar şahyry Magtymguly Pyragynyň 300 ýyllyk ýubileýi mynasybetli guran dabaraly baýramçylyk çäresine toplumyň önümçilikleriniň öňdebaryjy işgärleri, Ýagşygeldi Kakaýew adyndaky HNGU-nyň talyplary we beýleki daşdan-ýakyndan gelen myhmanlar gatnaşdy. Toýlary toýa ulaşyp gidýän ýurdumyzda döredijilik bäsleşiginiň Gurban baýramynyň yzysüre, Medeniýet hepdeliginiň öňüsyra — 21-nji iýunda geçirilmeginiň özüne ýetesi manysy bar. Ähli obalarymyzda we şäherlerimizde, şol sanda daşary ýurtlarda hem türkmeniň söz ussady Pyraga bagyşlanan dabaralar, maslahatlar, duşuşyklar, medeniýet, sungat, edebiýat çäreleri giň gerimde guralýar. Türkmenistanyň nebitgaz toplumynyň pudaklarynda bu babatda işjeňlik görkezildi. Ynha, şu bäsleşik şol dabaralaryň dowamydyr.

24 Iýun 2024

Wagyz-nesihat duşuşygy geçirildi

«Türkmengaz» döwlet konserniniň Ylmy-barlag tebigy gaz institutynda wagyz-nesihat duşuşygy geçirildi. Oňa Türkmenistanyň nebitgaz toplumynyň merkezi dolandyryş binasynda, Ylmy-barlag tebigy gaz institutynda zähmet çekip, iş otaglarynyň ýangyn howpsuzlygyna jogapkär hünärmenler, toplumyň jemgyýetçilik guramalarynyň ýolbaşçylary gatnaşdylar. Çärä ýangyn howpsuzlygynyň gullukçylary wekilçilik etdi. Duşuşygyň dowamynda «Türkmengaz» döwlet konserniniň «Işçi iýmiti üpjünçiligi we hyzmatlar» müdirliginiň esasy hünärmeni Jepbar Annaşow, Aşgabat şäheriniň Polisiýa müdirliginiň Ýangyn howpsuzlygy bölüminiň gullukçysy, içerki gullugyň maýory Toýly Baýramow, Türkmenistanyň Kärdeşler arkalaşyklarynyň Milli merkeziniň kärdeşler arkalaşyklarynyň agzalarynyň durmuş, zähmet hukuklaryny goramak boýunça bölüminiň baş tehniki gözegçisi Perhatmuhammet Öwezow, Türkmenistanyň Nebitgaz senagaty toplumynyň işgärleriniň kärdeşler arkalaşygy boýunça tehniki gözegçisi Geldimyrat Seýtiýew dagy çykyş etdi.

24 Iýun 2024

Gökderede çagalaryň arasynda

Gökdere jülgesinde çagalaryň tomusky dynç alyş möwsümi dowam edýär. Bu sapaly ýerde wagtyny hoş geçirýän mekdep okuwçylarynyň müňlerçesiniň her güni şatlyk-şowhuna beslenýär. Gökderede nebitgaz toplumynyň dynç alyş merkezleriniň hem birnäçesi bolup, olarda çagalar ýokary derejede dem-dynç alýarlar we wagtyny netijeli geçirýärler. Biz ýakynda türkmen tebigatynyň bu ajaýyp künjeginde bolup, çagalaryň dynç alyş şertleri bilen tanyşdyk hem-de «Türkmengaz» döwlet konserniniň Türkmenistanyň Nebitgaz senagaty toplumynyň işgärleriniň kärdeşler arkalaşygynyň Geňeşi bilen bilelikde guran «Sagdyn durmuş ýörelge — neslimize görelde» atly dabaraly çärelerine gatnaşdyk. Ilki baran ýerimiz Gökderäniň jümmüşinde ýerleşýän «Çeşme» dynç alyş merkezi boldy. Ýylyň-ýylyna bolşy ýaly, häzirki wagtda «Çeşmede» ýaş ösdürimleriň ýüzlerçesi dynç alýar. Olar bizi çaga şadyýanlygy bilen şowhunly garşyladylar. Merkeziň medeniýet köşgüniň şowhuny has-da özüne çekýärdi. Bu ýerde dynç alýanlaryň küşt, şaşka, surat çekmek boýunça toparara bäsleşikleri geçirilýärdi. Merkeziň tälimçileriniň, mugallymlarynyň, usulyýetçileriniň gürrüň bermegine görä, merkezde çagalaryň gowy dynç alyp, sport, aýdym-saz bilen meşgullanmagy, çeper edebiýatlary okamagy, dürli oýunlary guramagy, kinofilmlere tomaşa etmegi üçin hemme mümkinçilikler bar. Olar her gün medeni, sport çäreleri boýunça özara bäsleşýärler, şeýle-de merkezara

24 Iýun 2024

‹
1
2
...
87
88
89
90
91
92
93
...
1302
1303
›