Türkmenmetbugat

"Maru-şahu jahan" welaýat gazeti

Esaslandyryjysy: Mary welaýatynyň häkimligi
Salgysy: Mary şäheri, Magtymguly köçe, 35
Telefon belgileri: 7-01-01, 7-01-81, 7-02-03
Email: marushahujahan@sanly.tm

Gazeti PDF görnüşinde ýükläp almak

Habarlar

Bagtyýar çagalaryň arasynda

Türkmenbaşy etrabynyň polisiýa bölüminiň polisiýanyň ýol gözegçiligi bölümçesi bilen bilelikde «Awaza» milli syýahatçylyk zolagynda ýerleşýän «Daýanç» sagaldyş merkezinde dynç alýan çagalaryň arasynda ýol hereketiniň düzgünleri barada wagyz-ündew çäresini geçirdik. Onuň dowamynda çagalara interaktiw enjam arkaly ýol hereketiniň düzgünleri barada wideoşekiller görkezildi. Şeýle-de ýol belgileriniň we ýolyşyklaryň hereketiň sazlaşygyny üpjün etmekdäki ähmiýeti barada sorag-jogap alşyldy. Ýol-ulag hadysalarynyň öňüni almak, hereketiň howpsuzlygyny üpjün etmek meselesine jogapkärli çemeleşmegiň zerurdygy, bu babatda ýol hereketine gatnaşýanlaryň her biriniň şahsy jogapkärçiligini duýmalydygy nygtaldy. Wagyz-ündew çäresinde ýurdumyzyň abadan, asuda bolmagy, halkymyzyň eşretli durmuşda ýaşamagy, çagalaryň bagtyýar ösüp-ulalmaklary hakda taýsyz tagallalary edýän hormatly Prezidentimize alkyş sözleri aýdyldy.

12 Iýun 2024

Ruhubelentlige beslenen çäre

Balkanabat şäher polisiýa bölüminiň ilaty pasportlaşdyrmak we hasaba almak bölümçesiniň guramagynda «Türkmennebit» döwlet konserniniň Balkanabat nebitçilik orta hünär okuw mekdebinde kämillik ýaşyna ýeten ýaşlara Türkmenistanyň pasportyny gowşurmak dabarasy geçirildi. Oňa polisiýa işgärleri bilen bilelikde, il sylagly ýaşulular, mährem eneler we ýaşlar gatnaşdylar. Işjeň häsiýetde geçen çärede edilen çykyşlarda Türkmenistanyň pasportyny alan ýaşlara ata Watana, il-güne, ata-enä wepaly we haýyrly adamlar bolup ýetişmek ündeldi. Raýatlyk pasportyny alan ýaşlar hem özleriniň bagtyýar geljegi hakynda uly alada edýän Gahryman Arkadagymyza we Arkadagly Gahryman Serdarymyza tüýs ýürekden alkyş aýtdylar. Özlerine bildirilýän ynamy ödemek üçin okap, öwrenip, sagdyn durmuş ýörelgesine eýerip, Watanymyzyň ösüşlerine mynasyp goşant goşjakdyklaryna ynandyrdylar.

12 Iýun 2024

Gül çagalar sagdyn össün sapaly goýnunda tomsuň!

Ýylyň beýleki möwsümlerinde wagtlarynyň esli bölegini mekdeplerde geçirýän çagalara tomusky dynç alyş döwründe köçelerde, seýilgählerde, tebigy zolaklarda gezmäge, uzak-ýakyn ýerlere myhmançylyga gitmäge, derýada, deňizde suwa düşmäge mümkinçilik döreýär. Tomus möwsüminde çagalaryň beden galjaňlygynyň artmagy çaga tebigatyna öňden mahsus bolan ýiti bilesigelijilik we özbaşdak hereketlere ymtylyş bilen utgaşyp, garaşylmadyk ýagdaýlaryň döremegine getirip bilýär. Şonuň üçinem adatça tomusky dynç alşyň bir tapgyryny döwrebap çagalar sagaldyş we dynç alyş merkezlerinde geçirip, ol ýerlerde mugallymlardyr terbiýeçileriň gözegçiliginde bolýan çagalara möwsümiň galan wagtlarynda ata-eneleriniň we gaýry hossarlarynyň berk esewan bolmaklary, özüňi alyp barmaklygyň howpsuz endiklerini ündemekleri zerurdyr.    Tomusda çagalar, esasan, Gün urmasyndan, deriniň Güne ýanmagyndan, gözegçiliksiz suwa düşmekden, yssy howada tiz zaýalan- ýan et-balyk önümleriniň, şeýle-de miweleriň we gök önümleriň ýuwulman iýilmeginden dert tapynyp bilerler. Şonuň üçinem özleriniň oýlanman edýän her bir işinden, töwekgelçilikli hereketlerinden gelip biljek zelelleri öňden görmek, garaşylmadyk ýagdaýlardan çykalga tapmak, howp-hatarly pursatlarda özüňi we beýlekileri halas etmek başarnygyny çagalarda öz wagtynda terbiýeläp kemala getirmek ata-eneler üçin wajypdyr. 

12 Iýun 2024

Ykdysady ösüşiň ýoly bilen

Ätiýaçlandyryş — ygtybarly goragyň kepili «Pähim-paýhas ummany Magtymguly Pyragy» ýylynda ykdysadyýetiň ähli pudaklarynda belent sepgitlere ýetilýär. Bu ösüşler diňe bir öňde goýlan maksatlara ýetmäge badalga bolman, eýsem halkyň hal-ýagdaýynyň gowulanýandygyny hem-de durmuş derejesiniň ýokarlanýandygyny aňladýar. Ýurdumyzda ykdysadyýetiň ösmegi, bazar gatnaşyklarynyň dünýä derejesine çykmagy ätiýaçlandyryş işlerini mundan beýläk-de kämilleşdirmegi talap edýär. Türkmenistanyň Döwlet ätiýaçlandyryş guramasy hem ykdysady subýektleriniň maliýe ýagdaýyny has-da pugtalandyrmak, ilatyň hem-de hojalyk işleri bilen meşgullanýan şahslaryň dünýä derejesinde ýola goýlan ätiýaçlandyrma hyzmatlaryna bolan isleglerini doly kanagatlandyrmak maksady bilen döredildi.

12 Iýun 2024

Türkmensähra täsirleri

Dünýä belli akyldar şahyrymyz Magtymguly Pyragynyň aramgähine zyýarat etmek arzuwym amala aşanynda men özümi dünýäde iň bagtly ynsan saýdym. Döwletmämmet Azadynyň, pähimli Magtymguly Pyragynyň aramgähine täze gurlan beýik monumenti görneninden şahyryň üç ýüz ýyllyk toýuny toýlamaga dünýäniň çar künjünden gelen türkmenleriň kowçum-kowçum bolup üýşüp durmagy bizi guwandyrsa-da, birbada darykdyrdy. Ýöne: «Munça giden mähelleden geçip, arzyly atamyzyň aramgähini alnymyza togap edip bilermikäk” diýip howpurgamagymyz ýerliksiz ekeni. Mukaddes ýaşyl Baýdagymyzy gören märeke Gahryman Arkadagymyzy, Arkadagly Gahryman Serdarymyzy, erkana Watanymyzy, bagtyýar halkymyzy hormatlap, giň ýol açyp, bizi öňe goýberdi welin, depämiz gök diredi. Magtymguly Pyragynyň, Döwletmämmet Azadynyň ter gül desseleri bilen bezelip, adamboýy ak mermere zerlenip ýazylan adyny, bir bent şygryny sypalap- -sypalap mährimizi siňdirip, ylham alasymyz geldi. Türkmenistanyň hormatly il ýaşulusy Hezretguly Öwlüýägulyýew aýat okap, doga-dileg edeninde, garagörnümdäki oturanlara çenli dym-dyrslyk bolup, bir adam ýaly el göterildi. Aramgähiň gapdalyndaky jaýda şahyrlar Bazar Şalyýew, Döwletmyrat Annamyradow, Didarberdi Allaberdiýew, Baýram Akgadow dagy şygyr okasa, kyssaçylar Şöhrat Abdyýew, Baýram Taganow, Bäşim Şadurdyýew dagy täsirli söhbet etdiler. Zyýarat dagynyň täsin tokaýlygyny, Gorgan galasynyň iki ýüz kilomet

12 Iýun 2024

Türkmenistanyň ýaşlarynyň arasynda ylmy işler boýunça geçirilen bäsleşigiň ýeňijilerine

Mähriban ýaşlar!Eziz talyplar! Sizi «Pähim-paýhas ummany Magtymguly Pyragy» ýylynda ýaşlaryň arasynda ylmy işler boýunça geçirilen bäsleşikde gazanan uly üstünlikleriňiz bilen tüýs ýürekden gutlaýaryn.

12 Iýun 2024

Gözelligiň şäheri

Gahryman Arkadagymyzyň başlangyjy bilen başy başlanyp, hormatly Prezidentimiziň ak pata bermegi bilen dabaraly ýagdaýda açylan Arkadag şäheriniň at-owazasy bütin dünýä dolýar. «Akylly» şäheriň durmuşynda, ösüşinde gysga döwrüň içinde gazanylýan uly üstünlikler täze şäheriň şan-şöhratyny äleme ýaýýar. Bu gün «akylly» şäherde päk zähmet gaýnap joşýar, toýlar uludan tutulýar. Türkmen halkynyň Milli Lideriniň paýhasy bilen gojaman Köpetdagyň eteginde dörän, sebitde deňsiz-taýsyz şäher Berkarar döwletiň täze eýýamynyň Galkynyşy döwrüniň ajaýyp miwesidir. Gahryman Arkadagymyz her gezek Arkadag şäherine iş saparyny amala aşyranda bu şäheriň geljekde has-da rowaçlanmagy, gözelleşmegi babatda gymmatly maslahatlaryny, tekliplerini berýär. Bu hakykata geçen hepdede Gahryman Arkadagymyzyň Arkadag şäherine amala aşyran iş saparynyň mysalynda hem göz ýetirmek bolýar.

11 Iýun 2024

Ilatyň saglygynyň goragynda

Ilatyň saglygyny goramak, dürli betbagtçylyklardan daşda durmaklaryny gazanmak maksady bilen müdirligimiziň işgärleri tarapyndan giň gerimli işler alnyp barylýar. Bu ählihalk işlerinde raýatlar toparlarynyň arasynda geçirilýän okuwlaryň, düşündiriş işleriniň hem ähmiýeti uludyr. «Halas edijileriň başlangyç taýýarlygy», «Suwasty gözleg halas edijiler taýýarlygy», «Belent binalarda we desgalarda halas ediş işlerini geçirmek» boýunça ýörite okuw maksatnamasyny geçen hünärmenlerimiziň arasynda okuw-türgenleşikleri hem ýygy-ýygydan geçirilýär. Şeýle çäreleriň dowamynda tejribeli hünärmenler dürli adatdan daşary ýagdaýlarda ýaşaýyş jaýlarynda, önümçilik desgalarynda edilmeli hereketler we işler boýunça birek-birek bilen tejribe alyşýarlar. Şeýle hem hünärmenlerimiz golaýda Aşgabat şäherinde ýurdumyzyň halas edijileriniň arasynda geçirilen «Iň ussat halasgär» atly bäsleşikde hem üstünlikli çykyş edip, öz ussatlyklaryny görkezdiler. Bäsleşik halas edijileriň hünär taýýarlygyny ýokarlandyrmakda, ukyp-başarnygyny kämilleşdirmekde we olaryň fiziki we ruhy taýdan durnukly häsiýetlerini ösdürmekde aýratyn ähmiýete eýe boldy.

11 Iýun 2024

Teatr täzelikleri

SAHNADA “AJAP EÝÝAM” Gahryman Arkadagymyzyň, Arkadagly Gahryman Serdarymyzyň pähim-paýhasy bilen türkmen halkynyň göz-guwanjy, akyldar şahyr Magtymguly Pyragynyň hormatyna 2024-nji ýyl “Pähim-paýhas ummany Magtymguly Pyragy” diýlip atlandyryldy. Bu şygardan ugur alnyp, ýurdumyzyň ähli teatrlarynda Magtymguly Pyragynyň döredijiligi, durmuşy, geçen ýoly hakynda sahna oýunlary yzygiderli görkezilýär. Biziň döwlet drama teatrymyzda hem “Ajap eýýam” atly täze oýun sahnalaşdyrylyp, halk köpçüligine hödürlenildi. Bu oýun teatryň zehinli artisti Hojageldi Batyrowyň ýazan “Ajap eýýam” atly eseri esasynda sahnalaşdyryldy.

10 Iýun 2024

Türkmenistanyň Prezidenti hormatly Serdar Berdimuhamedowa

Çuňňur hormatlanylýan Türkmenistanyň Prezidenti! Sizi Garaşsyz, hemişelik Bitarap Türkmenistanyň Birleşen Milletler Guramasynyň Baş Assambleýasynyň 79-njy sessiýasynyň wise-başlyklygyna biragyzdan saýlanylmagy mynasybetli Türkmenistanyň Halk Maslahatynyň adyndan tüýs ýürekden gutlaýaryn. Siziň janyňyzyň sag, ömrüňiziň uzak bolmagyny, ýurdumyzy mundan beýläk-de depginli ösdürmek, dünýä derejesindäki at-abraýyny has-da beýgeltmek, halkymyzyň röwşen geljegini üpjün etmek ugrunda alyp barýan tutumly işleriňiziň hemişe rowaçlyklara beslenmegini arzuw edýärin. Ýer ýüzünde parahatçylyk söýüjilik, hoşniýetlilik, dost-doganlyk ýörelgelerini öňe sürüp, halkara jemgyýetçilige dahylly meselelerde möhüm başlangyçlar bilen çykyş edýän ýurdumyzyň nobatdaky üstünligi bu abraýly halkara gurama we onuň düzümine girýän döwletler tarapyndan bildirilen belent ykrarnamadyr.

10 Iýun 2024

Türkmenistan BMG-niň Baş Assambleýasynyň 79-njy sessiýasynyň wise-başlyklygyna saýlandy

Türkmenistanyň Ministrler Kabinetiniň Başlygynyň Orunbasary, daşary işler ministri Raşid Meredow anna güni sanly ulgam arkaly geçirilen Ministrler Kabinetiniň nobatdaky mejlisinde Türkmenistanyň Birleşen Milletler Guramasynyň (BMG) Baş Assambleýasynyň 79-njy sessiýasynyň wise-başlyklygyna biragyzdan saýlanylandygy barada habar berildi. Wise-premýer Türkmenistanyň Prezidenti Serdar Berdimuhamedowy we türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowy bu şanly waka bilen tüýs ýürekden gutlady. Bu barada Türkmenistanyň resmi metbugaty habar berdi.

10 Iýun 2024

«Ismim düşdi ilden-ile»

Akyldar şahyr Magtymguly Pyragynyň: «Ismim düşdi ilden-ile, Nagyş ederler dilden-dile» diýip aýdan pikiri bu gün hakykat ýüzünde amal boldy. Häzirki wagtda Türkmenistanyň Prezidentiniň ýörite Karary esasynda Magtymguly Pyragynyň doglan gününiň 300 ýyllygy halkara derejesinde giňden bellenilip geçilýär. Hemmämize mälim bolşy ýaly, 2014-nji ýylda akyldar şahyryň 290 ýyllyk şanly senesi-de halkara derejesinde giňden bellenilip geçilipdi. Şol ýyla «Magtymguly Pyragy ýyly» diýlip at berlip, beýik şahyryň ömri we döredijiligine bagyşlanan dabaralar giňden ýaýbaňlanypdy. Ýurdumyzyň çäginde we daşary ýurtlarda geçirilen şol dabaralarda, edebi-medeni baýramçylyklarda Pyragynyň parasatly pikirleri, çuňňur pähim-paýhasy wagyz edilipdi. Magtymguly Pyragynyň 300 ýyllygyna bagyşlanan dabaralardyr edebi-medeni çärelerden görnüşi ýaly, türkmen halkynyň öz akyldar şahyryna goýýan hormatynyň ýokarydygyny, döredijiligine bolan garaýşynyň çuňňurdygyny ýene bir gezek jahana äşgär etdi. Gahryman Arkadagymyzyň, Arkadagly Gahryman Serdarymyzyň başda durmagynda Magtymgulynyň döredijiligini öwrenmek we dünýä ýaýmak boýunça ägirt uly işler durmuşa geçirildi we geçirilýär. Magtymgulynyň goşgularynyň ençeme dile terjime edilmegi, ylmy monografiýalaryň ýazylmagy, akyldar şahyryň şygyrlarynyň ylmy tekstiniň taýýarlanylmagy we onuň öňe süren çuň manyly pikirleri boýunça ylmy gözlegleriň dowam etdirilmegi ýal

8 Iýun 2024

Sebitleri birleşdiren taslama

Mukaddes Garaşsyzlygymyzdan, mizemez döwletliligimizden hem-de baky Bitaraplygymyzdan ruhy güýç alyp, röwşen geljege ynamly barýan halkymyzyň her bir güni ajaýyp wakalara beslenýär. 5-nji iýunda Balkan — Daşoguz ugry boýunça ýokary woltly täze asma elektrik geçirijisiniň, täze beketleriň işe girizilmegi mynasybetli uludan tutulan açylyş dabaralary balkanly ildeşlerimiziň hem buýsançly başyny has belende göterdi. Olar öz ýürek buýsançlaryny şeýle beýan etdiler. Çary TAÝLYÝEW,«Balkanenergo» önümçilik birleşiginiň kärdeşler arkalaşygynyň ilkinji guramasynyň başlygy:

8 Iýun 2024

Akyldaryň edebi mirasyna sarpa

«Pähim-paýhas ummany Magtymguly Pyragy» ýylynyň 17-nji maýynda Köpetdagyň eteginde türkmeniň beýik ogly Magtymguly Pyragynyň heýkeliniň we medeni-seýilgäh toplumynyň açylyş dabaralary şanly ýylyň ýatdan çykmajak taryhy wakalarynyň hataryndan orun aldy. Şahyr öz eserleri bilen edebi mirasymyza we dünýä edebiýatynyň altyn hazynasyna gymmatly goşant goşan türkmen halkynyň beýik danasy hem-de milli buýsanjydyr. Söz ussadynyň doglan gününiň 300 ýyllyk toýunyň uludan tutulmagy-da Magtymguly Pyragynyň döredijiliginiň gerimi we onuň türkmeniň ruhy durmuşyndaky orny bilen baglanyşyklydyr. Gahryman Arkadagymyzyň belleýşi ýaly, akyldar şahyrymyzyň umumadamzat gymmatlygyna öwrülen pikir-garaýyşlary, watansöýüjilik, ynsanperwerlik, ahlak arassalygy hakyndaky öwüt-ündewleri halkymyzyň durmuş ýörelgesi we pelsepesidir. Beýik şahyryň asyrlar aşyp, biziň döwrümize gelip ýeten köpöwüşginli şygyrlary, ene topragy, ata Watany ýürekden söýmäge we ynsanperwerlige çagyryşlary, parasatly sargytlary bütin adamzadyň ruhy gymmatlygyna öwrüldi. Şoňa görä-de, türkmen hem-de Gündogar edebiýatynyň gazanan baý tejribesini özünde jemleýän Magtymgulynyň çeper döredijiligi dünýäniň ylmy jemgyýetçiligi tarapyndan öwrenilýär, daşary ýurtly alymlaryň üns merkezinde durýar.

8 Iýun 2024

Sagdynlygyň, sportuň hem dostlugyň baýramy

Hormatly Prezidentimiziň Bütindünýä welosiped güni mynasybetli Garaşsyz, hemişelik Bitarap Türkmenistanyň halkyna iberen Gutlagynda: «Goý, bu ajaýyp halkara baýram sagdynlygyň we ruhubelentligiň mekany bolan Garaşsyz, hemişelik Bitarap ýurdumyzy şan-şöhrata beslesin, merdana halkymyzyň durmuşyna gaýtalanmajak öwüşgin çaýsyn!» diýen dürdäne jümleler bar. «Pähim-paýhas ummany Magtymguly Pyragy» ýylynyň 3-nji iýunynda sagdynlygyň we ruhubelentligiň mekany bolan eziz Diýarymyzda geçirilen giň gerimli hem-de baý mazmunly çäreleriň şaýady bolup, bu halkara senäniň ýurdumyzy şan-şöhrata besleýändigine, halkymyzyň durmuşyna gaýtalanmajak öwüşgin çaýýandygyna aňryýany bilen göz ýetirýärsiň. Hawa, 3-nji iýunda ýurdumyzyň başlangyjy bilen döredilen Bütindünýä welosiped güni giňden bellenildi. Bu halkara baýram mynasybetli paýtagtymyzda geçirilen köpçülikleýin welosipedli ýörişe hormatly Prezidentimiz Serdar Berdimuhamedow gatnaşdy.

7 Iýun 2024

Türkmen paýtagty täze üstünlikleriň ýolunda

3-nji iýunda Olimpiýa şäherçesiniň Başa-baş söweş sungaty sport toplumynda paýtagtymyzyň «Arkalaşygyň täze sport mümkinçilikleriniň şäheri» diýlip yglan edilmegi mynasybetli «Aşgabat – sport mümkinçilikleriniň we üstünlikleriniň şäheri» atly baýramçylyk çäre geçirildi. Bu Çözgüt Aşgabatda 24-nji maýda geçirilen Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisiniň dowamynda biragyzdan kabul edildi. Soňky ýyllarda syýasy, işewürlik, medeni-jemgyýetçilik durmuşynyň möhüm çäreleriniň geçirilýän ýeri bolan Aşgabat dünýä sportunyň iri merkezine öwrüldi. Türkmen halkynyň Milli Lideri tarapyndan başy başlanyp, häzirki wagtda hormatly Prezidentimiziň baştutanlygynda durmuşa geçirilýän täzeçil şähergurluşyk strategiýasynyň netijesinde, paýtagtymyz halkara giňişlikde bedenterbiýe we sport bilen meşgullanmak üçin ähli zerur mümkinçilikleri bolan şäher hökmünde uly abraýa eýe boldy

7 Iýun 2024

Nobatdaky halkara ykrarnamasy

Paýtagtymyzdaky Olimpiýa şäherçesiniň Tennis toplumynda Çagalary goramagyň halkara güni mynasybetli çagalar tennis festiwalynyň açylyş dabarasy, şeýle hem Aziýanyň tennis federasiýasy (ATF) tarapyndan bu toplumyň «Tennis boýunça Aziýa sebitiniň okuw-türgenleşik merkezi» diýlip yglan edilendigi baradaky güwänamanyň gowşurylyşy boldy. Festiwalyň maksady çagalary we ýetginjekleri bedenterbiýe we sport bilen, şol sanda tennis bilen yzygiderli meşgullanmaga çekmekden, halkara sport hyzmatdaşlygyny ösdürmekden, çagalar hem-de ýaşlar sporty ulgamynda netijeli özara gatnaşyklary ýola goýmakdan ybaratdyr. Ýurdumyzyň sebit we dünýä derejesinde iri ýaryşlary guramak üçin baý tejribesidir mümkinçilikleri bar. Türkmenistanyň Tennis federasiýasy sportuň bu görnüşi bilen meşgullanmaga dürli ýaşdaky raýatlary çekmek boýunça uly işleri alyp barýar.

7 Iýun 2024

Futbol täzelikleri

Türkmenistanyň futbol boýunça milli ýygyndysy Türkiýäniň Antalýa şäherinde geçiren okuw-türgenleşik ýygnanyşygynyň dowamynda Grenlandiýanyň milli ýygyndy topary bilen duşuşdy. Halkara ýoldaşlyk duşuşygyny netijeli geçiren milli ýygyndymyz garşydaşyndan 5:0 hasabynda üstün çykdy. Gollary Elman Tagaýew (2), Didar Durdyýew, Şanazar Tirkişow hem-de Alibek Abdyrahmanow dagy geçirdi. Ýeri gelende bellesek, Türkmenistanyň futbol boýunça milli ýygyndysy 26-njy maý — 4-nji iýun aralygynda Türkiýe Respublikasynyň Antalýa şäherinde okuw-türgenleşik ýygnanyşygyny geçirdi. Bu ýygnanyşyk Dünýä çempionaty — 2026-nyň saýlama tapgyrynyň çäklerinde 11-nji iýunda Gonkongyň ýygyndy topary bilen geçiriljek duşuşyga taýýarlygyň esasy tapgyryna öwrüldi. Milli ýygyndy toparymyzyň Gonkongyň milli ýygyndysy bilen boljak duşuşygynyň «Aşgabat» köpugurly stadionynda geçirilýändigini ýatladýarys.

7 Iýun 2024

Ak şäheriň arşa galýan abraýy

Berkarar döwletiň täze eýýamynyň Galkynyşy döwründe Garaşsyz, hemişelik Bitarap Türkmenistan döwletimiziň halkara abraýy täze belentliklere göterilýär. Paýtagtymyz Aşgabatda geçirilen Garaşsyz Döwletleriň Arkalaşygynyň Hökümet Baştutanlarynyň Geňeşiniň mejlisiniň çäklerinde Aşgabat şäherini «Arkalaşygyň täze sport mümkinçilikleriniň şäheri» diýip yglan etmek hakyndaky çözgüdiň biragyzdan kabul edilmegi hem munuň aýdyň subutnamasy bolup dabaralandy. «Baş şäherimize şeýle abraýly derejäniň berilmegi ýurdumyzda bedenterbiýäni we sporty ösdürmäge, raýatlarymyzyň arasynda sagdyn durmuş ýörelgelerini giňden wagyz etmäge, bedenterbiýe we sport babatda halkara hyzmatdaşlygy has-da pugtalandyrmaga, bu ugurda halkara derejede tejribe alyşmaga, netijeli taslamalary durmuşa geçirmäge ýardam eder» diýip, hormatly Prezidentimiz bu şanly waka mynasybetli 3-nji iýunda paýtagtymyzda geçirilen dabaraly çärä gatnaşyjylara iberen Gutlagynda aýratyn nygtady.

7 Iýun 2024

Arkadag Serdarly bagtyýar ýaşlar

Ösüşlere beslenýän zamanamyzda ýurdumyzda ýaş nesilleriň ylymly-bilimli, giň dünýägaraýyşly, ösen tehnologiýalardan hem-de öz saýlap alan hünärlerinden ezberlik bilen baş çykarýan kämil hünärmenler, sagdynlygy, sporty hemişelik hemra edinen adamlar bolup ýetişmegi üçin ähli şert-mümkinçilikler döredilýär. «Ylym we bilim adama durmuş ýolunda üstünlik, abraý, sylag-hormat getirýän gymmatlykdyr, biziň şöhratly geçmişimizdir, bagtyýar şu günümizdir hem-de nurana geljegimizdir. Ata-babalarymyzdan mekdep bolup gelýän belent maksatlar üçin okuwçylar we talyp ýaşlar bilim almaga, ylym we döredijilik, sport bilen meşgullanmaga uly üns bermelidirler. Döretmegi, gurmagy we kämillige ymtylmagy durmuş ýörelgesine öwürmelidirler» diýip nygtaýan hormatly Prezidentimiziň sargytlaryna eýerýän ýaş nesiller bu gün özleri üçin döredilen ajaýyp şert-mümkinçiliklerden ýerlikli peýdalanýarlar, yhlasly okaýarlar we Watanymyzyň ösüşlerine mynasyp goşant goşmagy öz öňlerinde baş maksat edip goýýarlar. Berkarar döwletiň täze eýýamynyň Galkynyşy döwründe milli bilim ulgamymyzyň dünýä ölçeglerine laýyklykda yzygiderli kämilleşdirýändigini bellemek aýratyn ýakymlydyr. Ýurdumyzda sanly bilim ulgamyny ösdürmegiň, daşary ýurt dillerini, tebigy we takyk ylmy ugurlara degişli dersleri okatmagy kämilleşdirmegiň konsepsiýalary esasynda durmuşa geçirilýän işler öz oňyn netijelerini berýär. Şol sanda biziň —

7 Iýun 2024

‹
1
2
...
36
37
38
39
40
41
42
...
561
562
›