(Dowamy. Başlangyjy žurnalyň geçen sanlarynda)
Bazar ÖWEZOW, «Ynsan häsiýeti». Mundan 45 ýyl ozal çapdan çykan kitapda ýedi sany hekaýa bar. Ýöne bary-ýogy 37 sahypadan ybarat kitabyň dynç alyş günlerinde sizi mekdebe gaýtadan alyp gitjekdigine ynanýarys. Hawa, kitapdaky hekaýalar siziň deň-duşlaryňyzyň gyzykly başdangeçirmelerini gürrüň berýär. Kitap bilen adybir hekaýa-ha has-da gyzykly. Atajan atly şäherli oglanjygyň obadaky başyndan geçiren gyzykly wakalary sizi dessine özüne çeker.
