Dünýe içre dünýe bolup, şygryýete, edebiýata, medeniýete, mahlasy külli türkmene nur salyp duran Magtymguly Pyragynyň şanly toýunyň şowhunynyň dabarasy dag aşýar. Belent heýkeliň, akyldaryň adyny göterýän medeni-seýilgäh toplumynyň täsinligini, täsirliligini söz bilen beýana getirip bolmaz. Haýrany biz, haýrany giň älem.
Dabaralaryň öňüsyrasynda hormatly Prezidentimiz Arkadagly Gahryman Serdarymyz Magtymguly Pyragynyň täze şygyrlar diwanynyň neşir edilendigini halkymyza we dünýä buşlady. Begendik, şahyra, söze sarpa goýulýandygyna buýsandyk.
