Çaga terbiýesine bagyşlandy

Bilim
26 Fewral 2024
467

Türkmenistanyň Bilim ministrliginiň, welaýat häkimliginiň hem-de welaýat Baş bilim müdirliginiň bilelikde guramagynda «Çagalara berilýän bilimiň hilini ýokarlandyrmakda öňdebaryjy iş tejribäni öwrenmek we ýaýratmak, halypaçylyk işlerini netijeli guramak boýunça alnyp barylýan usuly işleri kämilleşdirmegiň ýollary» atly usuly-amaly maslahat geçirildi. Türkmenbaşy şäherindäki 32-nji çagalar bakja-bagynda geçirilen usuly-amaly maslahata gatnaşyjylar kenarýaka şäherdäki mekdebe çenli çagalar edaralarynda terbiýelenýän körpeleriň aýdym-sazly çykyşlaryna tomaşa etdiler. Welaýatymyzdaky mekdebe çenli çagalar edaralarynyň terbiýeçileriniň, şeýle hem bilim işgärleriniň öňdebaryjy iş tejribesi esasynda  taýýarlanan okuw-görkezme esbaplarynyň we usuly işleriniň sergisi bu möhüm çärä gatnaşanlarda uly gyzyklanma  döretdi.

Muhammetgylyç TAGANGYLYJOW.
Surata düşüren Andreý PAKULOW, «Balkan».
Beýleki habarlar